গৌহৰ খান

গৌহৰ খান
২০২১ চনত খান
জন্ম	গৌহৰ খান ২৩ আগষ্ট, ১৯৮৩ (৪২ বছৰ) পুনে, মহাৰাষ্ট্ৰ, ভাৰত
পেচা	অভিনেত্ৰী, মডেল
সক্ৰিয় হৈ থকা সময়	২০০৩–বৰ্তমান
উল্লেখযোগ্য কৰ্ম	বিগ বছ ৭
দাম্পত্যসঙ্গী	জায়েদ দৰবাৰ (বি. ২০২০)
সন্তান	১
আত্মীয়-স্বজন	নিগাৰ খান (ভগ্নী) ইছমাইল দৰবাৰ ( শহুৰেক)

গৌহৰ খান (জন্ম: ২৩ আগষ্ট ১৯৮৩) এগৰাকী ভাৰতীয় অভিনেত্ৰী, মডেল আৰু সৌন্দৰ্য প্ৰতিযোগিতাৰ খিতাপধাৰী। তেওঁ মডেল হিচাপে নিজৰ কেৰিয়াৰ আৰম্ভ কৰিছিল আৰু ২০০২ চনত ফেমিনা মিছ ইণ্ডিয়া প্ৰতিযোগিতাত অংশগ্ৰহণ কৰিছিল। তেওঁ ২০১৩ চনৰ বিগ বছ ছিজন ৭-ৰ বিজয়ী আছিল। গৌহৰে হিন্দী চলচ্চিত্ৰ আৰু টেলিভিছনতো অভিনয় কৰিছে।

বিভিন্ন নৃত্যৰ গীতত অভিনয় কৰাৰ পাছত, খানে য়াছ ৰাজ ফিল্মছৰ ‘ৰকেট সিং: চেলচমেন অৱ দ্য ইয়াৰ’ (২০০৯)-ৰ জৰিয়তে অভিনয়ত আত্মপ্ৰকাশ কৰে। খানে পৰৱৰ্তী সময়ত একচন থ্ৰিলাৰ ‘গেম’ (২০১১), প্ৰতিশোধমূলক ড্ৰামা ‘ইছাকজাদে’ (২০১২), ছাচপেন্স থ্ৰিলাৰ ‘ফিভাৰ’ (২০১৬), ৰোমাণ্টিক কমেডী ‘বদৰিনাথ কী দুলহানিয়া’ (২০১৭) আৰু ভাৰতীয় পিৰিয়ড ড্ৰামা ‘বেগম জান’ (২০১৭)-ৰ দৰে ছবিত অভিনয় কৰিছে।

প্ৰাৰম্ভিক জীৱন

২০১১ চনত ভগ্নী নিগাৰ খানৰ সৈতে গৌহৰ খান

খানৰ জন্ম ১৯৮৩ চনৰ ২৩ আগষ্টত মহাৰাষ্ট্ৰৰ পুনেৰ এটা মুছলমান পৰিয়ালত হৈছিল। তেওঁৰ পিতৃ-মাতৃ আছিল জফৰ আৰু ৰজিয়া খান। তেওঁ পুনেৰ মাউণ্ট কাৰমেল কনভেণ্ট স্কুলৰপৰা স্কুলীয়া শিক্ষা সম্পূৰ্ণ কৰিছিল। তেওঁ পাঁচজন ভাই-ভনীৰ ভিতৰত কনিষ্ঠ আৰু অভিনেত্ৰী নিগাৰ খানৰ ভগ্নী।

ব্যক্তিগত জীৱন

খনে ২০১৩ চনত তেওঁৰ ‘বিগ বছ ৭’-ৰ সহ-প্ৰতিযোগী কুশল টেণ্ডনৰ সৈতে প্ৰেমৰ সম্পৰ্কত আছিল, কিন্তু পৰৱৰ্তী সময়ত তেওঁলোকৰ বিচ্ছেদ ঘটে।

২০২০ চনৰ নৱেম্বৰ মাহত সংগীত পৰিচালক ইছমাইল দৰবাৰৰ পুত্ৰ তথা অভিনেতা জায়েদ দৰবাৰৰ সৈতে তেওঁৰ আঙঠি পিন্ধোৱা পৰ্ব সম্পন্ন হয়। একে বছৰৰে ২৫ ডিচেম্বৰত তেওঁলোকৰ বিবাহ সম্পন্ন হয়। ২০২২ চনৰ ২০ ডিচেম্বৰত তেওঁ ইনষ্টাগ্ৰামৰ জৰিয়তে ঘোষণা কৰে যে দম্পতীটোৱে তেওঁলোকৰ প্ৰথম সন্তানৰ বাবে অপেক্ষা কৰিছে। ২০২৩ চনৰ ১০ মে’ত তেওঁ এটা পুত্ৰ সন্তান জন্ম দিয়ে, যাৰ নাম ‘জেহান’ ৰখা হয়।

বাহ্যিক সংযোগ

• Gauahar Khan at IMDb
• গৌহৰ খান সম্পৰ্কে বলিউড হাংগামাত থকা তথ্য
• ইনষ্টাগ্ৰামত গৌহৰ খান