গৌৰী প্ৰধান তেজৱানী
গৌৰী প্ৰধান তেজৱানীইংৰাজী: :Gauri Pradhan Tejwani (জন্ম প্ৰধান) এগৰাকী ভাৰতীয় অভিনেত্ৰী আৰু মডেল যিয়ে মূলতঃ হিন্দী টেলিভিছনত কাম কৰে। তেওঁ 'কুটুম্ব'ত গৌৰি আগৰৱাল মিত্তল, 'ক্যোঁকী সাছ ভি কভি বহু থি'ত নন্দিনী ঠাক্কৰ বিৰাণী, 'স্পেচিয়েল স্কোৱাড'ত ডাঃ দীপিকা ঘোষ, 'লেফ্ট ৰাইট লেফ্ট'ত কেপ্টেইন সোণা দাস আৰু 'তু আশিকী'ত অনিতা শৰ্মাৰ ভূমিকাৰ বাবে আটাইতকৈ বেছি পৰিচিত।[1]
প্ৰাৰম্ভিক জীৱন আৰু শিক্ষা
[সম্পাদনা কৰক]প্ৰধানৰ জন্ম হৈছিল ভাৰতৰ জম্মু-কাশ্মীৰৰ জম্মুৰ এটা মাৰাঠী পৰিয়ালত। তেওঁৰ পিতৃ মেজৰ সুভাষ বাসুদেৱ প্ৰধান এজন অৱসৰপ্ৰাপ্ত ভাৰতীয় সেনা বিষয়া আৰু মাতৃ আশা এগৰাকী গৃহিণী। তিনিজন ভাই-ভনীৰ ভিতৰত প্ৰধান দ্বিতীয়; তেওঁৰ ডাঙৰ ভাতৃ ভাৰত এজন পেট্ৰ'কেমিকেল ইঞ্জিনিয়াৰ, সৰু ভগ্নী গীতাঞ্জলি এম.ডি. আৰু মডেলিং আৰু অভিনয়ক কেৰিয়াৰ হিচাপে লোৱা তেওৱেই পৰিয়ালৰ একমাত্ৰ ব্যক্তি।[2]
দেউতাকৰ চাকৰিৰ সূত্ৰে গৌৰীয়ে শৈশৱত সমগ্ৰ দেশ ভ্ৰমণ কৰিব লগাত পৰাছিল যাৰ ফলত তেওঁ বিভিন্ন বিদ্যালয়ত পঢ়া-শুনা কৰিব লগাত পৰিছিল, তাৰ ভিতৰত এখন আছিল উধামপুৰৰ কাৰ্মেল কনভেণ্ট স্কুল। পিতৃ অৱসৰৰ পিছত পৰিয়ালটোৱে পুনে (মহাৰাষ্ট্ৰ)ত স্থায়ীভাবে থাকিবলৈ লয় আৰু তাৰ পৰাই ছাৰ পৰশুৰামভৌ কলেজত বি এছ চি (ইলেক্ট্ৰনিক্স) পাঠ্যক্ৰমৰ বাবে পঢ়িবলৈ লয়।[3] পিছলৈ তেওঁ লণ্ডন বিশ্ববিদ্যালয়ৰ সৈতে জড়িত এটা প্ৰতিষ্ঠানৰ পৰা মনোবিজ্ঞানৰ পাঠ্যক্ৰমত নামভৰ্তি কৰে।[4]
কেৰিয়াৰ
[সম্পাদনা কৰক]মডেলিং কেৰিয়াৰ (১৯৯৫–১৯৯৮)
[সম্পাদনা কৰক]১৮ বছৰ বয়সৰ পৰাই পুনেত প্ৰধানে মডেলিংৰ কাৰ্যকাল আৰম্ভ কৰিছিল। ১৯৯৮ চনত বি এছ চি পাঠ্যক্ৰমৰ দ্বিতীয় বৰ্ষত পঢ়ি থকাৰ সময়তে তেওঁ ফেমিনা মিছ ইণ্ডিয়াত অংশগ্ৰহণ কৰিবলৈ মুম্বাইলৈ গুচি যায়। আৰু স্মৃতি ইৰাণীৰ দৰে টিভিৰ মহান তাৰকা সকলৰ সৈতে প্ৰতিযোগিতাত যোগ দি খ্যাতি অৰ্জন কৰিছিল। সেই প্ৰতিযোগিতাত তেওঁ শীৰ্ষ ৫ম ত স্থান লাভ কৰিছিল।[5][6][7] তেওঁ বহুত ৰেম্প শ্ব' কৰিছিল আৰু বহুতো সুপৰিচিত কোম্পানী যেনে স্প্ৰাইট, ব্ৰু, ডাবাৰ, পণ্ডছ, ছাণ্টুৰ, কলগেট, ফিলিপছ, ব্ৰিজ আদিৰ বাবে টেলিভিছনৰ বিজ্ঞাপন কৰিছে।[8]
আত্মপ্ৰকাশ, ব্ৰেকথ্ৰু আৰু সফলতা (১৯৯৯–২০০৯)
[সম্পাদনা কৰক]১৯৯৯ চনত দূৰদৰ্শনত প্ৰচাৰিত হোৱা ঐতিহাসিক টেলি-ছিৰিজ নূৰজাহানৰ জৰিয়তে প্ৰধানে অভিনয়ত আত্মপ্ৰকাশ কৰে। তেওঁ কেতিয়াও অভিনেতা হোৱাৰ কথা ভবা নাছিল যদিও যেতিয়া চিনেভিষ্টাছে তেওঁক নূৰজাহানত মুখ্য চৰিত্ৰৰ প্ৰস্তাৱ দিছিল তেতিয়া তেওঁ ইয়াক এটা শ্বট দিয়াৰ সিদ্ধান্ত লয়।
২০০০ চনৰ পৰা ২০০১ চনলৈকে তিনিটা মিউজিক ভিডিঅ'ত (যিবোৰ আছিল তলাত আজিজৰ খুবছুৰাট, হান্স ৰাজ হান্সৰ ঝঞ্জাৰ, আৰু সোণু নিগামৰ যাদ) অভিনয় কৰিছিল।
২০০১ চনৰ অক্টোবৰ মাহত চনী টিভিৰ টেলি-ছিৰিজ কুটুম্বৰ জৰিয়তে প্ৰধানে খ্যাতি অৰ্জন কৰে য'ত তেওঁ গৌৰী আগৰৱাল মিত্তলৰ মুখ্য চৰিত্ৰত অভিনয় কৰে। ২০০২ চনত এই শ্ব'টোৰ অন্ত পৰে যদিও চেনেল এণ্ড প্ৰডাকচন হাউছে একে লিডৰে শ্ব'টোৰ দ্বিতীয় ছিজন কুটুম্ব আনিছিল। ইয়াৰ কিছু সময়ৰ পিছতে ২০০৩ চনত ষ্টাৰ প্লাছত কৃষ্ণ অৰ্জুনত শ্বেতাৰ চৰিত্ৰত এপিচ’ডিক চৰিত্ৰত অভিনয় কৰে আৰু তাৰ পিছত চ’নী টিভিত নাম গাম জয়েগা নামৰ আন এখন পাৰিবাৰিক নাটকত মহিলা নায়িকা প্ৰিয়ংকা সিঙৰ চৰিত্ৰত অভিনয় কৰে। ২০০৩ চনত ক্যা হাদছা ক্যা হকীকাত নামৰ হৰৰ টেলি-ছিৰিজতো ময়ূৰী / গৌৰী ৰূপত অভিনয় কৰে। ২০০২ চনত ষ্টাৰ প্লাছত গায়ন ৰিয়েলিটি শ্ব' কিছমে কিটনা হাই ডামৰ এটা খণ্ডত আন টেলিভিছন অভিনেতাৰ সৈতে অংশগ্ৰহণ কৰে।
ধাৰাবাহিকভাৱে কেমিঅ’ আৰু এখন চুটি ধাৰাবাহিকৰ অন্তত ২০০৪ চনত ষ্টাৰ প্লাছত ক্যুংকি সাছ ভি কভি বহু থি ছবিত নন্দিনী ঠাক্কৰৰ চৰিত্ৰত অভিনয় কৰিবলৈ প্ৰধানৰ কাষ চাপিছিল। সেই বছৰতে ছাহাৰা ৱান চেনেলত প্ৰচাৰিত ইছে কেহতে হাই গোলমাল ঘৰত মানৱ গোহিলৰ বিপৰীতে মূল নায়ক হিচাপে অভিনয় কৰে। ২০০৪ চনৰ ৩০ অক্টোবৰত এই ধাৰাবাহিকখনৰ প্ৰিমিয়াৰ হৈছিল, আৰু প্ৰতি শনিবাৰে নিশা ৮:৩০ বজাত প্ৰচাৰ কৰা হৈছিল। আই এছ টি।
২০০৫ চনৰ মাৰ্চ মাহত ষ্টাৰ ৱানৰ শ্ব' স্পেচিয়েল স্কোয়াডত ফৰেনছিক এক্সপাৰ্ট আৰু স্পেচিয়েল স্কোয়াডৰ মুৰব্বী ডাঃ দীপিকা ঘোষ হিচাপে প্ৰৱেশ কৰে। চনী টিভিত প্ৰধানে আন ভাৰতীয় ধাৰাবাহিক যেনে ৰিহাই আৰু জছি জয়ছি কই নাহিনতো বিশেষভাৱে অভিনয় কৰিছে।
২০০৬ চনত তেওঁ স্বামী হিতেন তেজৱানীৰ সৈতে ষ্টাৰ ৱানত নাচ বালিয়ে ২ (এটা চেলিব্ৰিটি কাপল ডান্স ৰিয়েলিটি শ্ব') আৰু জোডি কমাল কি (এটা চেলিব্ৰিটি কাপল গেম শ্ব')ৰ দৰে ৰিয়েলিটি শ্ব'ত অংশগ্ৰহণ কৰে আৰু ৰোমাণ্টিক নাটক-ধাৰাবাহিক কাইছা য়ে প্যাৰ হাইত কানানৰ চৰিত্ৰত অভিনয় কৰে।
২০০৮ চনৰ মে' মাহত তেওঁ যুৱমুখী অনুষ্ঠান লেফ্ট ৰাইট লেফ্ট (যিটো এছ এ বি টিভিত প্ৰচাৰিত) সেনাৰ পৰামৰ্শদাতা কেপ্তেইন শোনা দাস হিচাপে প্ৰৱেশ কৰে।[9][9] সেই বছৰতে তেওঁ স্বামী হিতেন তেজৱানীৰ সৈতে দুটা ৰিয়েলিটি শ্ব’ত প্ৰতিযোগী হিচাপে অভিনয় কৰিছিল; কভি কভি পিয়াৰ কভি কভি য়াৰ আৰু কিয়া আপ পাঞ্চৱী পাছ ছে তেজ হায়?. ২০০৮ চনত প্ৰধান আৰু তেওঁৰ স্বামীয়েও ষ্টাৰ প্লাছত চেলিব্ৰিটি কাপল ডান্স ৰিয়েলিটি শ্ব’ নাচ বালিয়ে ৪ৰ কিছুমান খণ্ড আয়োজন কৰিছিল।
২০০৯ চনত প্ৰধানে ষ্টাৰ প্লাছৰ বিয়লিৰ দীৰ্ঘদিনীয়া হিট শ্ব’ কুমকুম – এক প্যাৰা সা বন্ধনে স্বামীৰ সৈতে অদিতি কাপুৰৰ চৰিত্ৰত দীঘলীয়া কেমিঅ’ কৰিছিল।
পিছৰ কেৰিয়াৰ আৰু সহায়ক অংশ (২০১০–বৰ্তমান)
[সম্পাদনা কৰক]যমজ সন্তান জন্ম দিয়াৰ পিছত প্ৰধানে টেলিভিছনৰ পৰা পাঁচ বছৰ বিৰতি লৈছিল। বিৰতিৰ সময়ত তেওঁ চীনামাটিৰ চিত্ৰকলাৰ প্ৰতি আকৰ্ষিত হৈছিল। সংগীতা শেট্টী চৌহানৰ অধীনত এই চিত্ৰকলাৰ বিষয়ে জানিব পাৰি তেওঁ চৌহানৰ মালিকানাধীন কলাৰ্ছ অন ফায়াৰ নামৰ কোম্পানীটোৰ অন্যতম অংশীদাৰ হৈছিল।[10]
২০১০ চনত প্ৰধানে স্বামীৰ সৈতে মুম্বাইৰ আন্ধেৰীত বাৰকোড ০৫৩ (ক্ৰেপ ষ্টেচন কেফেৰ ফ্ৰেঞ্চাইজি) নামৰ এটা ৰেষ্ট্ৰ'-বাৰ খুলিছিল।[11][12] একে বছৰতে তেওঁ এনডিটিভি ইমাজিনত প্ৰচাৰিত মহিলা চেলিব্ৰিটি গেম শ্ব’ মীথি চৌৰী নং ১ৰ এটা খণ্ডতো অভিনয় কৰিছিল।
২০১৪ চনত পাঁচ বছৰৰ দীৰ্ঘদিনীয়া বিৰতিৰ পিছত তেওঁ একতা কাপুৰৰ অনুষ্ঠান মেৰী আশিকী তুমছে হি (যিটো কালাৰছ টিভিত প্ৰচাৰিত)ৰ জৰিয়তে ফালগুনি পাৰেখৰ চৰিত্ৰত অভিনয় কৰে।[13] ২০১৭ চনৰ পৰা ২০১৮ চনলৈকে তেওঁ কালাৰছ টিভিৰ অনুষ্ঠান টু আশিকীত অনিতা শৰ্মাৰ চৰিত্ৰত অভিনয় কৰিছিল।[14] ২০২৩ চনৰ পৰা ২০২৪ চনলৈকে তেওঁ SAB TV ৰ অনুষ্ঠান পশ্মিন্না – ধাগে মহব্বত কেত প্ৰীতি ছুৰীৰ চৰিত্ৰত অভিনয় কৰে।[15]
ব্যক্তিগত জীৱন
[সম্পাদনা কৰক]ব্ৰিজ চাবোনৰ বিজ্ঞাপন আৰু টেলি-ছিৰিজ কুটুম্বৰ সময়ত হিতেন আৰু গৌৰীৰ মাজত সৃষ্টি হোৱা প্ৰেমৰ সম্পৰ্কই স্থায়িত্ব লাভ কৰে যেতিয়া ২০০৪ চনৰ ২৯ এপ্ৰিলত পুনেৰ ছান-এন-চেণ্ড হোটেলত এক ব্যক্তিগত অনুষ্ঠানত মহাৰাষ্ট্ৰীয় ৰীতি-নীতি অনুসৰি তেওঁলোকৰ বিবাহ সম্পন্ন হয়।[16][17] ২০০৯ চনৰ ১১ নৱেম্বৰত তেওঁলোক যমজ সন্তানৰ পিতৃ-মাতৃ হয়, এজন পুত্ৰ নেভান আৰু কন্যা কাত্য।[20][21][18][19]
লগতে চাওক
[সম্পাদনা কৰক]- ভাৰতীয় টেলিভিছন অভিনেত্ৰীসকলৰ তালিকা
- হিন্দী টেলিভিছন অভিনেত্ৰীসকলৰ তালিকা
তথ্য সূত্ৰ
[সম্পাদনা কৰক]- ↑ "Rise of early primetime". The Indian Express. http://archive.indianexpress.com/news/rise-of-early-primetime/421647/1.
- ↑ "Gauri Pradhan Tejwani's Height, Age, Serials, Personal Life, Biography". http://www.mazale.in/gauri-pradhan-tejwanis-height-age-serials-personal-life-biography/। আহৰণ কৰা হৈছে: 17 December 2014.
- ↑ "Biography of Gauri Pradhan:About Gauri". Archived from the original on 17 September 2013. https://web.archive.org/web/20130917113100/http://www.hiten-gauri.net/flash2/FlashHT.swf। আহৰণ কৰা হৈছে: 5 February 2025.
- ↑ University of London (1912). University of London, the Historical Record: (1836–1912) Being a Supplement to the Calendar, Completed to September 1912. First Issue. University of London Press. পৃষ্ঠা. 26. https://books.google.com/books?id=vyPiAAAAMAAJ&pg=PA26। আহৰণ কৰা হৈছে: 13 January 2017.
- ↑ "Saas-bahu on the ramp – Mumbai Mirror –". http://www.mumbaimirror.com/entertainment/bollywood/Saas-bahu-on-the-ramp/articleshow/15641008.cms.
- ↑ "The Hindu : Metro Plus Chennai / Profiles : Life…on her own terms". The Hindu. 6 June 2009. http://www.hindu.com/mp/2009/06/06/stories/2009060651371900.htm। আহৰণ কৰা হৈছে: 1 June 2014.
- ↑ "Smriti Irani: From model to Tulsi Virani to HRD minister | Firstpost". http://www.firstpost.com/politics/smriti-irani-from-model-to-tvs-favourite-bahu-to-cabinet-minister-1542563.html। আহৰণ কৰা হৈছে: 1 June 2014.
- ↑ Kapadia, Arshiya (20 May 2005). "I don't believe in the kind of marriage that changes a person completely". Rediff. http://specials.rediff.com/getahead/2004/nov/18ga-sld.htm.
- ↑ "rediff.com: TV's top new shows". Rediff.com. https://www.rediff.com/movies/2006/nov/08sld5.htm। আহৰণ কৰা হৈছে: 30 June 2022.
- ↑ "Porcelain Painting by Actress Gauri Tejwani". buzz in town. Archived from the original on 3 November 2014. https://web.archive.org/web/20141103191055/http://www.buzzintown.com/mumbai/events/porcelain-painting-actress-gauri-tejwani/id--546569.html। আহৰণ কৰা হৈছে: 5 February 2025.
- ↑ "Bar Review: Barcode 053". Mumbai Boss. http://mumbaiboss.com/2010/08/17/bar-review-barcode-053/। আহৰণ কৰা হৈছে: 17 August 2010.
- ↑ "Crepe Station Café opens Barcode 053 Lounge". Franchise India.com. Archived from the original on 2 June 2014. https://web.archive.org/web/20140602064621/http://news.franchiseindia.com/Crepe-Station-Caf-opens-Barcode-053-Lounge-2369/। আহৰণ কৰা হৈছে: 16 August 2010.
- ↑ "Gauri Is Brilliant: Ekta Kapoor On Her Meri Aashiqui Tum Se Hi Actress". The Times of India. 17 June 2014. Archived from the original on 4 January 2025. https://web.archive.org/web/20250104193733/https://www.indiatimes.com/entertainment/tv/gauri-is-brilliant-ekta-kapoor-on-her-meri-aashiqui-tum-se-hi-actress-155590.html। আহৰণ কৰা হৈছে: 5 February 2025.
- ↑ "Kutumb Actress Gauri Pradhan Says She's 'Prepared For Failure'". NDTV.com. https://www.ndtv.com/entertainment/kutumb-actress-gauri-pradhan-says-shes-prepared-for-failure-1752349। আহৰণ কৰা হৈছে: 10 May 2021.
- ↑ "Hiten Tejwani Calls Reuniting with Wife Gauri Pradhan for a New Show 'Comfortable': 'You Don't...'". https://www.news18.com/entertainment/television/hiten-tejwani-calls-reuniting-with-wife-gauri-pradhan-for-a-new-show-comfortable-you-dont-8583903.html। আহৰণ কৰা হৈছে: 19 September 2023.
- ↑ "Celeb Love Story: Gauri & Hiten Tejwani". iDiva Trendspotter. 28 December 2010. http://idiva.com/news-relationships/celeb-love-story-gauri-hiten-tejwani/2752/। আহৰণ কৰা হৈছে: 28 December 2010.
- ↑ "Gauri and Hiten". http://www.weddingsutra.com/celeb_wed/featured_gauri.asp.
- ↑ Shah, Kunal M (5 June 2009). "Gauri is four months pregnant". The Times of India. http://timesofindia.indiatimes.com/Entertainment/Gauri-is-four-months-pregnant/articleshow/4619985.cms.
- ↑ "Hiten and Gauri blessed with Twins". Gaea Times. http://entertainment.gaeatimes.com/2009/11/12/hiten-and-gauri-blessed-with-twins-59872/। আহৰণ কৰা হৈছে: 11 November 2009.