চামেলি মেমচা'ব

অসমীয়া ৱিকিপিডিয়াৰ পৰা
(চামেলী মেমচাহাবৰ পৰা পুনঃনিৰ্দেশিত)
Jump to navigation Jump to search
চামেলি মেমচা'ব
চামেলি মেমচা'ব চলচ্চিত্ৰ প'ষ্টাৰ.jpg
পৰিচালক আব্দুল মজিদ
প্ৰযোজক সেউজ বোলছবি সন্থা
চিত্ৰনাট্য আব্দুল মজিদ
কাহিনী নিৰোদ চৌধুৰী
অভিনয়ত জৰ্জ বেকাৰ
বিনীতা বৰগোহাঁই
সংগীত পৰিচালক ভূপেন হাজৰিকা
মুক্তি ১৯৭৫
দৈৰ্ঘ্য ১৪৪ মিনিট
দেশ ভাৰত
ভাষা অসমীয়া


চামেলি মেমচা'ব (ইংৰাজী: Madame Chameli) হৈছে ১৯৭৫ চনত মুক্তিপ্ৰাপ্ত সেউজ বোলছবি সন্থা প্ৰযোজিত আৰু আব্দুল মজিদ পৰিচালিত এখন ক'লা-বগা অসমীয়া চলচ্চিত্ৰঅসমৰ চাহ বাগিছাৰ পটভূমিত নিৰ্মিত চলচ্চিত্ৰখনত চাহ বাগিচাৰ এজন বৃটিছ মালিক আৰু বাগিছাখনত কাম কৰা এগৰাকী স্থানীয় শ্ৰমিক যুৱতীৰ প্ৰেম কাহিনী দেখুওৱা হৈছে। চলচ্চিত্ৰখনৰ মুখ্য চৰিত্ৰত অভিনয় কৰে বাংলা অভিনেতা জৰ্জ বেকাৰ আৰু বিনীতা বৰগোহাঁয়ে[1] লিখক সাংবাদিক নিৰোদ চৌধুৰীৰ এটি চুটিগল্পৰ আধাৰত কাহিনীটো নিৰ্মিত।[2]

চলচ্চিত্ৰখন সমালোচকৰদ্বাৰা প্ৰশংসিত হোৱাৰ উপৰিও ৰাইজৰো সমাদৰ লাভ কৰে আৰু মুখ্য অভিনেতা বেকাৰে খুব জনপ্ৰিয়তা লাভ কৰে।[3] ১৯৭৫ চনত এই চলচ্চিত্ৰখনৰ বাবে ভূপেন হাজৰিকাই শ্ৰেষ্ঠ সংগীত পৰিচালকৰ ৰাষ্ট্ৰীয় চলচ্চিত্ৰ বঁটা লাভ কৰে আৰু চলচ্চিত্ৰখনে অসমীয়া ভাষাৰ শ্ৰেষ্ঠ ছবিৰ ৰাষ্ট্ৰীয় বঁটা লাভ কৰে।[4] ২০১৩ চনত গোৱাত অনুষ্ঠিত ৪৪তম ভাৰতৰ আন্তঃৰাষ্ট্ৰীয় চলচ্চিত্ৰ মহোৎসৱৰ “Focus: North East” শাখাত চলচ্চিত্ৰখন প্ৰদৰ্শিত হয়।[5]

১৯৭৮ চনত এই ছবিখনৰ 'চামেলী মেমসাহেব' নামেৰে এটা বাংলা সংস্কৰণ নিৰ্মাণ কৰা হয়। জৰ্জ বেকাৰে বাংলা সংস্কৰণটোতো নায়কৰ ভূমিকা লৈছিল। নায়িকা আছিল ৰাখী[6][7]

কাহিনী[সম্পাদনা কৰক]

চাহ বাগানত নতুনকৈ যোগদান কৰা পাঠশালা স্কুলৰ শিক্ষক এজনৰ লগত অলপ আচহুৱা প্ৰকৃতিৰ বৃটিছ চাহাব বাৰ্কলীৰ সৈতে চিনাজনা হয়। বাৰ্কলী এসময়ত সেইখন বাগানৰে মেনেজাৰ আছিল। তেওঁৰ পত্নী চামেলিয়ে আত্মহত্যা কৰিছিল। পত্নীৰ মৃত্যুৰ পিছত তেওঁ চাকৰি এৰিছিল যদিও বাগান এৰি গুছি যোৱা নাছিল। স্থানীয় সমাজখনে তথা চামেলিৰ মাকে চামেলিৰ মৃত্যুৰ বাবে তেওঁকে দোষী সাৱ্যস্ত কৰিছিল।[4]

চামেলি একেখন বাগানৰে চৰ্দাৰৰ জীয়েক আছিল। বাৰ্কলী চাহাবে তাইৰ প্ৰেমত পৰিছিল আৰু সকলোৰে বিৰোধৰ পিছততো তাইক পত্নীৰূপে গ্ৰহণ কৰিছিল। গৰ্ভৱতী অৱস্থাতে তাইৰ কুষ্ঠৰোগ ধৰা পৰে। কুষ্ঠৰোগ সেই সময়ত দুৰাৰোগ্য ৰোগ আছিল। সময়ত তাই এজনী ছোৱালী সন্তান জন্ম দিয়ে। কিন্তু জন্মৰ পিছতে সন্তানটোক বাৰ্কলী চাহাবে তাইৰ পৰা আঁতৰাই ৰাখে, যাতে মাকৰ গাত থকা ৰোগ জীয়েকৰ গালৈ নসোঁচৰে। সন্তানটোক চাবলৈ আকুল হেঁপাহ; অথচ তাইৰ মানসিক অৱস্থাটোক বাৰ্কলী চাহাবে বুজি নাপায়। ফলস্বৰূপে তাই আত্মহত্যাৰ দৰে এক কঠোৰ সিদ্ধান্ত লৈ পেলালে।[4]

বাৰ্কলীয়ে কিয় এতিয়াও বাগান এৰি যোৱা নাই, সেইবিষয়ে শিক্ষকজনে জানিব বিচৰাত তেওঁ কয় যে তেওঁৰ জীয়ৰী শাৰীৰিক ভাবে বাধাগ্ৰস্থ। ডাক্তৰে কৈছে, তাই আৰু ভাল নহয়। তাইৰ শেষ দিনটোলৈ তেওঁ এতিয়া অপেক্ষা কৰি আছে।[4]

অভিনয়ত[সম্পাদনা কৰক]

কলা-কুশলী[সম্পাদনা কৰক]

সংগীত[সম্পাদনা কৰক]

চামেলি মেমচা'ব

২০০২ চনৰ ৩১ ডিচেম্বৰত পুনৰ মুক্তিপ্ৰাপ্ত শ্ৰব্য এলবামৰ বকলা
ভূপেন হাজৰিকাৰ ছাউণ্ডট্ৰেক
শৈলী/ধৰণ বোলছবি সংগীত
ভাষা অসমীয়া
ৰেকৰ্ড লেবেল ছাৰেগামা

চলচ্চিত্ৰখনৰ সংগীত পৰিচালনা আৰু গীতৰ কথা ভূপেন হাজৰিকাৰ।[9]

গীতৰ তালিকা
নং শিৰোনামগীতিকাৰগায়ক/গায়িকা দৈৰ্ঘ্য
1. "জিগিজা গিজাও"  ভূপেন হাজৰিকাভূপেন হাজৰিকা, ঊষা মংগেশকাৰ  
2. "হাৱা নাই বতাচ নাই"  ভূপেন হাজৰিকাঊষা মংগেশকাৰ  
3. "অসম দেশৰ বাগিচাৰে"  ভুপেন হাজৰিকাঊষা মংগেশকাৰ, ভূপেন হাজৰিকা  
4. "হায়ৰে প্ৰাণেৰ বাচা মোৰ"  ভূপেন হাজৰিকাঊষা মংগেশকাৰ  
5. "অ' বিদেশী বন্ধু"  ভূপেন হাজৰিকাভূপেন হাজৰিকা  

সন্মান[সম্পাদনা কৰক]

  • ৰাষ্ট্ৰীয় চলচ্চিত্ৰ বঁটা, শ্ৰেষ্ঠ আঞ্চলিক ভাষাৰ চলচ্চিত্ৰ (অসমীয়া ভাষা), ১৯৭৫। এই বঁটাত ৰজত কমলৰ উপৰিও প্ৰযোজকলৈ নগদ ১০,০০০ টকা আৰু পৰিচালকলৈ নগদ ৫০০০ টকা আগবঢ়োৱা হৈছিল।[4]
  • ভাৰতৰ আন্তঃৰাষ্ট্ৰীয় চলচ্চিত্ৰ মহোৎসৱৰ “Focus: North East” শাখাত প্ৰদৰ্শিত, ২০১৩[5]

ৰিমেক[সম্পাদনা কৰক]

এই ছবিখনৰ বাংলা আৰু হিন্দী ভাষাত পুনৰ্নিমাণ হৈছিল। ইন্দৰ সেন পৰিচালিত বাংলা 'চামেলী মেমচাহেব' ১৯৭৮ চনত মুক্তি পাইছিল। বাংলা সংস্কৰণত বাৰ্কলেৰ চৰিত্ৰটো জৰ্জ বেকাৰেই ৰূপায়ণ কৰিছিল। নায়িকাৰ চৰিত্ৰটো ৰাখীয়ে কৰিছিল।[6] আনহাতে ১৯৮১ চনত মুক্তি পোৱা অজিত লাহিড়ী পৰিচালিত হিন্দী 'চামেলী মেমচাব'ত অভিনয় কৰিছিল মিথুন চক্ৰৱৰ্তী আৰু আভা ঢুলীয়াই।[7]

তথ্য সংগ্ৰহ[সম্পাদনা কৰক]

  1. "‘Chameli Memsaab a memorable experience’". The Assam Tribune. December 9, 2010. http://www.assamtribune.com/scripts/detailsnew.asp?id=dec0910/city07। আহৰণ কৰা হৈছে: 2014-04-21. 
  2. Asomiya: Handpicked Fictions. Katha. 1 January 2003. পৃষ্ঠা. 196. ISBN 978-81-87649-42-7. http://books.google.com/books?id=K31jAAAAMAAJ. 
  3. "Chameli’s Saab returns to inaugurate film festival: Show organised at George Baker’s request". The Telegraph. September 5, 2007. http://www.telegraphindia.com/1070905/asp/guwahati/story_8272863.asp। আহৰণ কৰা হৈছে: 2014-04-21. 
  4. 4.0 4.1 4.2 4.3 4.4 4.5 "23rd National Film Awards" (PDF). Directorate of Film Festivals. http://dff.nic.in/2011/23rd_nff_1975.pdf। আহৰণ কৰা হৈছে: October 4, 2011. 
  5. 5.0 5.1 "Chameli Memsaab at 44th International Film Festival of India in Goa". India Tea. November 10, 2013. http://www.indiatea.co.in/chameli-memsaab-at-44th-international-film-festival-of-india-in-goa/। আহৰণ কৰা হৈছে: 2014-04-21. 
  6. 6.0 6.1 "1978 Bangla Cinema Chameli Memsaheb". https://indiancine.ma/SXA/info। আহৰণ কৰা হৈছে: 1 February 2020. 
  7. 7.0 7.1 "1981 Hindi Film Chamelee Memsaab". https://rateyourmusic.com/film/%E0%A4%9A%E0%A4%AE%E0%A5%87%E0%A4%B2%E0%A5%80_%E0%A4%AE%E0%A5%87%E0%A4%AE%E0%A4%B8%E0%A4%BE%E0%A4%AC/। আহৰণ কৰা হৈছে: 1 February 2020. 
  8. "Released Assamese Films". Enajori. http://enajori.com/released-movies/। আহৰণ কৰা হৈছে: ৪ মাৰ্চ ২০১৫. 
  9. "Chameli Memsaheb". Gaana. http://gaana.com/album/chameli-memsaheb। আহৰণ কৰা হৈছে: ৪ মাৰ্চ ২০১৫. 

বাহ্যিক সংযোগ[সম্পাদনা কৰক]