চালভাড' ডালি

অসমীয়া ৱিকিপিডিয়াৰ পৰা
(চালভাদ'ৰ দালিৰ পৰা পুনঃনিৰ্দেশিত)
চালভাড' ডালি

২৯ নৱেম্বৰ, ১৯৩৯ত কাৰ্ল ভান ভেচ্‌তেনে লোৱা ডালিৰ আলোকচিত্ৰ
নাম চালভাড' হেল' ফেলিপ জেচিন্ত' ডালি ই ডমিনিচ
জন্ম মে' ১১, ১৯০৪
ফিগুৱেৰেচ, কাটালনিয়া
মৃত্যু জানুৱাৰী ২৩, ১৯৮৯ (৮৪ বছৰ)
ফিগুৱেৰেচ, কাটালনিয়া
দেশ স্পেনীয়
পেচা চিত্ৰ, নক্সা, আলোকচিত্ৰ, ভাস্কৰ্য, লিখা, চলচ্চিত্ৰ
প্ৰশিক্ষণ , মাদ্ৰিদ
বিপ্লৱ কিউবিজম, দাদা, চাৰিয়েলিজম
কৰ্মৰাজী দা পাৰ্চিচ্‌টেন্স অৱ মেম'ৰী (১৯৩১)
ফে'চ অৱ মে' ৱেষ্ট হুইচ্‌ মেই বি ইউজ্‌দ এজ এন এপাৰ্টমেণ্ট , (১৯৩৫)
ছফ্ট কন্‌ষ্ট্ৰাক‌চন ৱিথ ব'ইল্‌ড বীনচ্‌ (অসামৰিক যুদ্ধৰ পূৰ্বানুমান) (১৯৩৬)
স্বানচ্‌ ৰিফ্লেক্‌টিং এলিফেণ্টচ্‌ (১৯৩৭)
বেলেৰিনা ইন এ ডেথচ্‌ হে'ড (১৯৩৯)
ড্ৰিম ক'জড বাই দা ফ্লাইট অৱ এ বী এৰাউণ্ড এ প'মেগ্ৰেনেট এ চেকেণ্ড বিফ'ৰ এৱেকেনিং (1944)
দা টেম্পটেচন অৱ ছেইণ্ট এন্থনী (১৯৪৬)
গেলেটী অৱ দা স্ফেয়াৰ্চ্‌ (১৯৫২)
ক্ৰুচিফিক্সন (ক'ৰপাচ্‌ হাইপাৰকিউবাচ্‌ (১৯৫৪)

চালভাড' ডমিনিক ফেলিপ জেচিন্ত ডালি ই ডমিনিচ, মাৰ্কুচ দে পিউবল (১১ মে', ১৯০৪ – ২৩ জানুৱাৰী, ১৯৮৯), বা অধিক জনাজাত চালভাড' ডালি (কাটালান উচ্চাৰণ: [səɫβəˈðo ðəˈɫi]), আছিল ফিগুৱেৰেচত জন্মলাভ কৰা এজন প্ৰখ্যাত স্পেনীয় কাটালান চিত্ৰশিল্পী।

ডালি কৌশলগত নক্সাত পাৰ্গত আছিল। তেখেত চাৰিয়েলিজম বা অধিবাস্তৱবাদী ধাৰাৰ অদ্ভুত অথচ চকুতলগা চিত্ৰসমূহৰ বাবে জনপ্ৰিয় হৈ পৰিছিল। ৰেঁনেচা যুগৰ শিল্পীসকলৰ প্ৰভাৱ তেখেতৰ চিত্ৰত পৰা বুলিও কোৱা হয়[1][2]। তেখেতৰ সৰ্বোৎকৃষ্ট কৰ্ম, দা পাৰ্চিচ্‌টেন্স অৱ মেম'ৰী ১৯৩১ চনত সমাপ্ত হয়। তাৰ উপৰিও তেখেতৰ চলচ্চিত্ৰ, ভাস্কৰ্য আৰু আলোকচিত্ৰ গ্ৰহণতো দখল আছিল যাক বিভিন্ন ক্ষেত্ৰত আন আন বহুতো শিল্পীৰ লগত ফুটাই তুলিছিল।

ডালিৰ কল্পনাশক্তি আছিল প্ৰচুৰ, লগতে আচহুৱা আচৰণৰ প্ৰতি তেখেতৰ অহেতুক প্ৰীতি আছিল। অপ্ৰকৃতিস্থ ব্যৱহাৰ আৰু মনোযোগ আকৰ্ষণৰ বাবে কৰা ৰাজহুৱা কাম-কাজ কিছুমানে মাজে-সময়ে তেখেতৰ চিত্ৰশিল্পতকৈ অধিক প্ৰচাৰ লাভ কৰিছিল। ইয়াৰ বাবে তেখেত অনুৰাগী আৰু সমালোচকসকলৰ অপ্ৰিয়ভাজন হৈছিল [3]

উল্লেখযোগ্য যে এইগৰাকী চিত্ৰকৰৰ 'The Persistence of Memory' নামৰ ছবিখনৰ পৰা অনুপ্ৰাণিত হৈ অসমৰ সংগীতৰ কিম্বদন্তি ভূপেন হাজৰিকাই তেওঁৰ 'জীৱন ঘড়ীৰ প্ৰতিটো পল যেন গলি গলি গ'ল....' শীৰ্ষক গীতটি ৰচনা কৰিছিল৷ [4]


জীৱন[সম্পাদনা কৰক]

The Dalí family in 1910: from the upper left, aunt Maria Teresa, mother, father, Salvador Dalí, aunt Catherine (later became second wife of father), sister Ana Maria and grandmother Ana.

১৯০৪ চনৰ ১১ মেত স্পেইনত চালভাড' ডালিৰ জন্ম হয়৷ [5] [6] ডালিয়ে শৈশৱতে চিত্ৰশিল্প অধ্যয়ন কৰিবলৈ লয়৷ ১৯১৯ চনত ডালিৰ চিত্ৰসমূহৰ প্ৰথমখন ৰাজহুৱা প্ৰদৰ্শনী হয়৷ ডালিৰ ১৬ বছৰ বয়সত ১৯২১ চনত মাকৰ মৃত্যু হয়৷ এই ঘটনাই ডালিৰ জীৱনত যথেষ্ট প্ৰভাৱ পেলায়৷ ১০২২ চনত ডালিয়ে মাদ্ৰিদলৈ গৈ 'Real Academia de Bellas Artes de San Fernando'ত অধ্যয়ন কৰিবলৈ লয়৷ এই কালছোৱাত ডালিৰ জীৱনত নানাধৰণৰ সংঘাতে দেখা দিয়ে৷ কিন্তু ইয়াৰ লগে লগে চিত্ৰশিল্পৰ সাধনায়ো পূৰ্ণাংগ ৰূপ পাবলৈ সক্ষম হয়৷ এই সময়ছোৱাতে ডালিয়ে পেৰিছত পাবলো পিকাছোৰ সান্নিধ্য লাভ কৰে আৰু পৰৰ্ৱত্তীকালৰ চিত্ৰসমূহত ইয়াৰ প্ৰভূত প্ৰভাৱ পৰা দেখা যায়৷

১৯৪৯ চনত ডালি স্পেইনলৈ যায় আৰু জীৱনৰ বাকী কালছোৱা তাতে কটায়৷ ১৯৮০ চনত ডালিৰ স্বাস্থ্যৰ গুৰুতৰভাৱে অৱনতি ঘটে৷ ১৯৮২ চনৰ জুন মাহৰ ১০ তাৰিখে ৮৭ বছৰ বয়সত ডালিৰ পত্নী গালাৰ মৃত্যু হয়৷ গালাৰ মৃত্যুয়ে ডালিৰো জীয়াই থকাৰ স্পৃহা কমাই আনে৷ ইয়াৰে ফলস্বৰূপে ডালিয়ে আত্মহত্যাৰো চেষ্টা কৰা বুলি জনা যায়৷[উদ্ধৃতিৰ প্ৰয়োজন]

Wild-eyed antics of Dalí (left) and fellow surrealist artist Man Ray in Paris on June 16, 1934.

১৯৮৯ চনৰ ২৩ জানুৱাৰীত হৃদযন্ত্ৰ বিকল হৈ ডালিৰ ৮৪ বছৰ বয়সত মৃত্যু হয়৷[7]

গেলাৰী[সম্পাদনা কৰক]

তথ্যসূত্ৰ[সম্পাদনা কৰক]

  1. "Phelan, Joseph, ',The Salvador Dalí Show". Artcyclopedia.com. http://www.artcyclopedia.com/feature-2005-03.html। আহৰণ কৰা হৈছে: August 22, 2010. 
  2. Dalí, Salvador. (2000) Dalí: 16 Art Stickers, Courier Dover Publications. ISBN 0-486-41074-9.
  3. Saladyga, Stephen Francis. "The Mindset of Salvador Dalí". lamplighter (Niagara University). Vol. 1 No. 3, Summer 2006. Retrieved July 22, 2006.
  4. "ভূপেন হাজৰিকাৰ জনপ্ৰিয় গীতৰ অনুপ্ৰেৰণা ডালিৰ বিখ্যাত ছবি". http://www.assamkart.com/new-releases/178/2/assamese/%E0%A6%8F%E0%A6%95-%E0%A6%A7%E0%A7%80%E0%A6%AE%E0%A6%BE%E0%A6%A8%E0%A7%B0-%E0%A6%9C%E0%A7%80%E0%A7%B1%E0%A6%A8%E0%A6%AA%E0%A6%9E%E0%A7%8D%E0%A6%9C%E0%A7%80-%28Ek-Dhimanor-Jeevanpanji-detail। আহৰণ কৰা হৈছে: নৱেম্বৰ 23, 2013. 
  5. Birth certificate and "Dalí Biography". Dalí Museum. Dalí Museum. http://www.salvadordalimuseum.org/history/biography.html। আহৰণ কৰা হৈছে: August 24, 2008. 
  6. Dalí, The Secret Life of Salvador Dalí, 1948, London: Vision Press, p.33
  7. Etherington -Smith, Meredith The Persistence of Memory: A Biography of Dalí pp. xxiv, 411–412, 1995 Da Capo Press, ISBN 0-306-80662-2