চিত্ৰা ভাৰুচা
চিত্ৰা ভাৰুচা
| |
|---|---|
| জন্ম। | ৬ এপ্ৰিল ১৯৪৫ |
| শৈক্ষিক পটভূমি | |
| আলমা মেটাৰ | ইৱাৰ্ট স্কুল, মাদ্ৰাজ আৰু খ্ৰীষ্টিয়ান মেডিকেল কলেজ ভেলোৰ |
চিত্ৰা ভাৰুচা (ইংৰাজী: Chitra Bharucha; জন্ম ৬ এপ্ৰিল ১৯৪৫) এগৰাকী প্ৰাক্তন পৰামৰ্শদাতা ৰক্ত বিশেষজ্ঞ আৰু ব্ৰিটিছ ব্ৰডকাষ্টিং কৰ্পৰেশ্যনৰ শাসকীয় সংস্থা বিবিচি ট্ৰাষ্টৰ প্ৰাক্তন উপাধ্যক্ষ। বিবিচিৰ নেতৃত্ব দিয়া প্ৰথমগৰাকী মহিলা আৰু প্ৰথম দক্ষিণ এছিয়ান (ব্ৰিটিছ ইংৰাজীত "এছিয়ান") হিচাপে পৰিগণিত হয়৷ [1]
প্ৰাৰম্ভিক জীৱন আৰু কেৰিয়াৰ
[সম্পাদনা কৰক]ভাৰতৰ মাদুৰাইত জন্মগ্ৰহণ কৰা তেখেতে ১৯৭২ চনৰ পৰা ব্ৰিটেইনত বাস কৰি আহিছে।[2][3] মাদ্ৰাজৰ ইৱাৰ্ট স্কুল আৰু ভেলোৰৰ খ্ৰীষ্টান মেডিকেল কলেজত শিক্ষা গ্ৰহণ কৰি ১৯৭২ চনত ব্ৰিটেইনলৈ যোৱাৰ পূৰ্বে চিকিৎসাৰ অৰ্হতা লাভ কৰে।১৯৮১ চনৰ পৰা ২০০০ চনৰ ভিতৰত তেওঁ বেলফাষ্ট চিটি হাস্পতালৰ পৰামৰ্শদাতা ক্লিনিকেল হেমাট’লজিষ্ট আছিল আৰু উত্তৰ আয়াৰলেণ্ড ব্লাড ট্ৰেন্সফিউজন চাৰ্ভিচৰ উপ-সঞ্চালক আছিল। ১৯৯৯ চনত জেনেৰেল মেডিকেল কাউন্সিললৈ নিৰ্বাচিত হোৱা ভাৰুচা ফিটনেছ টু প্ৰেকটিছ এডজুডিকেচন পেনেলৰ অধ্যক্ষকে ধৰি কেইবাটাও পেনেলত কাৰ্যনিৰ্বাহ কৰিছিল।
১৯৯৬ চনত ভাৰুচাই সংবাদ মাধ্যম উদ্যোগৰ পদবীলৈ স্থানান্তৰিত হয় আৰু ১৯৯৯ চনলৈকে উত্তৰ আয়াৰলেণ্ডৰ বাবে বিবিচি ব্ৰডকাষ্টিং কাউন্সিলত কাৰ্যনিৰ্বাহ কৰে। ২০০১ চনৰ এপ্ৰিল মাহত তেওঁক উত্তৰ আয়াৰলেণ্ডৰ স্বতন্ত্ৰ টেলিভিছন আয়োগৰ সদস্য হিচাপে নিযুক্তি দিয়া হয়, য'ত তেওঁ ২০০৩ চনৰ ডিচেম্বৰ মাহলৈকে কাৰ্যনিৰ্বাহ কৰে যেতিয়া আইটিচিক অফকমৰ অন্তৰ্ভুক্ত কৰা হয় আৰু ২০০৪ চনৰ নৱেম্বৰ মাহত তেওঁ বিজ্ঞাপন মানদণ্ড কৰ্তৃপক্ষ পৰিষদৰ সদস্য হয়।
২০০২ চনৰ এপ্ৰিল মাহত ভাৰুচাক খাদ্য মানদণ্ড সংস্থাৰ বাবে পশু খাদ্যৰ পৰামৰ্শদাতা সমিতিৰ অধ্যক্ষ নিযুক্তি দিয়া হয়, আৰু ২০০৬ চনত তেওঁক ন্যায়িক অভিযোগৰ পৰ্যালোচনা সংস্থাৰ সাধাৰণ সদস্য হিচাপে নিযুক্তি দিয়া হয়। পশু খাদ্য উদ্যোগৰ সেৱাৰ বাবে ২০০৮ চনৰ নৱবৰ্ষৰ সন্মান তালিকাত এম বি ই হিচাপে নিযুক্তি লাভ কৰে।
বি.বি.চি.
[সম্পাদনা কৰক]২০০৬ চনৰ অক্টোবৰ মাহত ভাৰুচাক বিবিচি ট্ৰাষ্টৰ ভাইচ চেয়াৰমেন হিচাপে নিযুক্তি দিয়া হয়, যিটো সংস্থাই ব’ৰ্ড অৱ গভৰ্ণৰৰ পিছত ব্ৰিটিছ ব্ৰডকাষ্টিং কৰ্প’ৰেশ্যনৰ গভৰ্নিং বডি হিচাপে নিযুক্তি লাভ কৰে। তেওঁ তেতিয়াৰ বিবিচিৰ অধ্যক্ষ মাইকেল গ্ৰেডৰ ডেপুটি হ’ব লাগিছিল। ২০০৬ চনৰ ১ নৱেম্বৰত ট্ৰাষ্ট গঠনৰ পিছত গ্ৰেডে পদত্যাগ কৰে আৰু ভাৰুচা বিবিচিৰ ভাৰপ্ৰাপ্ত অধ্যক্ষ হয়, ২০০৭ চনৰ ১ মে'ত ছাৰ মাইকেল লায়ন্সে অধ্যক্ষৰ দায়িত্ব লোৱালৈকে তেওঁ এই পদত অধিষ্ঠিত আছিল।
২০০৯ চনত তেওঁ ব্ৰিটিছ সাম্ৰাজ্যৰ অৰ্ডাৰৰ সদস্য হয়।[4]
২০১০ চনৰ ৩১ অক্টোবৰত ভাৰুচাই ট্ৰাষ্টৰ উপাধ্যক্ষৰ ভূমিকা এৰিছিল।
তথ্যসূত্ৰ
[সম্পাদনা কৰক]- ↑ "SAJAforum: DITN: Chitra Bharucha, acting head of the BBC". Archived from the original on 5 March 2016. https://web.archive.org/web/20160305064457/http://www.sajaforum.org/2007/01/ditn_chitra_bha.html। আহৰণ কৰা হৈছে: 6 December 2014.
- ↑ "CITATION FOR DR CHITRA BHARUCHA". www.qub.ac.uk. Archived from the original on 2014-12-10. https://web.archive.org/web/20141210101900/http://www.qub.ac.uk/home/Graduation-Archive/HonoraryGraduates2008/Speechupload/Filetoupload%2C108084%2Cen.pdf.
- ↑ "Queen's University Belfast | Dr Chitra Bharucha". Archived from the original on 2014-12-10. https://web.archive.org/web/20141210100659/http://www.qub.ac.uk/home/Graduation-Archive/HonoraryGraduates2008/DrChitraBharucha/। আহৰণ কৰা হৈছে: 2014-12-06.
- ↑ (en-GB ভাষাত). 2008-12-31. https://www.theguardian.com/uk/2008/dec/30/new-years-honours-list-mbe.