চি কে দুৰ্গা
| চি কে দুৰ্গা | |
|---|---|
 ৰাষ্ট্ৰপতি ভৱনত ভাৰতৰ ৰাষ্ট্ৰপতি ৰামনাথ কোবিন্দৰ পৰা ২০১৭ বৰ্ষৰ বাবে নাৰী শক্তিপুৰস্কাৰ গ্ৰহণ কৰি থকা দুৰ্গা। | |
| ৰাষ্ট্ৰীয়তা | ভাৰতীয় |
| শিক্ষা | MBBS M.S. (অস্ত্ৰোপচাৰ) |
| পেচা | চাৰ্জন, অংক'লজিষ্ট। |
| জনা যায় | স্তন কেন্সাৰ অস্ত্ৰোপচাৰ কৌশলৰ বিকাশ |
| বঁটা, সন্মান, পুৰস্কাৰ আদি | নাৰী শক্তিৰ সন্মান (২০১৮) |
চি কে দুৰ্গা ইংৰাজী: : C. K. Durga; এজন ভাৰতীয় অস্ত্ৰোপচাৰ বিশেষজ্ঞ আৰু অংক’লজিষ্ট। তেওঁ স্তন কেন্সাৰ অস্ত্ৰোপচাৰ কৌশল উদ্ভাৱন কৰিছিল যিয়ে একেলগে কেন্সাৰ আঁতৰাই ৰোগীৰ নিজৰ কলা ব্যৱহাৰ কৰি স্তন পুনৰ নিৰ্মাণ কৰে,[1] যিটো বিশ্বজুৰি অস্ত্ৰোপচাৰ বিশেষজ্ঞসকলে ব্যাপকভাৱে গ্ৰহণ কৰিছে। বিশেষকৈ স্তন কেন্সাৰৰ ওপৰত কৰা বিস্তৃত গৱেষণাৰ জৰিয়তে মহিলাৰ স্বাস্থ্যৰ ক্ষেত্ৰত তেওঁৰ অৱদানৰ বাবে তেওঁ পৰিচিত।[1]
ভাৰত চৰকাৰে প্ৰদান কৰা ভাৰতৰ মহিলাৰ বাবে সৰ্বোচ্চ অসামৰিক সন্মান ২০১৮ চনৰ নাৰী শক্তিৰ সন্মান লাভ কৰে।[1][2][3]
জীৱন আৰু কৰ্ম জীৱন
[সম্পাদনা কৰক]১৯৮১ চনত চি কে দুৰ্গাই এম বি বি এছ ডিগ্ৰী লাভ কৰি পিছলৈ এম.এছ. (অস্ত্ৰোপচাৰ)ডিগ্ৰী লয় ।[4] ডাঃ ৰাম মনোহৰ লোহিয়া হাস্পতালত জ্যেষ্ঠ আৱাসী হিচাপে নিজৰ কেৰিয়াৰ আৰম্ভ কৰে আৰু পিছলৈ ১৯৮৭ চনত বিশেষজ্ঞ হয়।[5] ইয়াৰ পিচত তেওঁ স্নাতকোত্তৰ চিকিৎসা শিক্ষা আৰু গৱেষণা প্ৰতিষ্ঠানত অস্ত্ৰোপচাৰৰ অধ্যাপিকা হিচাপে কাৰ্যনিৰ্বাহ কৰিবলৈ লয় আৰু নতুন দিল্লীৰ ডাঃ ৰাম মনোহৰ লোহিয়া হাস্পতালত পৰামৰ্শদাতা আৰু অস্ত্ৰোপচাৰ বিভাগৰ মুৰব্বী হিচাপে কাম কৰি আছে। ইণ্ডিয়ান জাৰ্নেল অৱ চাৰ্জাৰীৰ সহযোগী সম্পাদক হিচাপেও কাম কৰি আছে আৰু ২০১৮ চনৰ পৰা দিল্লীৰ পৰা ভাৰতীয় চাৰ্জন এছ'চিয়েচনৰ সহযোগী জিচি সদস্য।[6]
২০১৭ চনত দুৰ্গা এছ'চিয়েচন অৱ চাৰ্জনছ অৱ ইণ্ডিয়াৰ দিল্লী অধ্যায়ৰ সভাপতি হিচাপে নিৰ্বাচিত হয়।[7] সেই বছৰতে তেওঁ এছ'চিয়েচন অৱ চাৰ্জনছ অৱ ইণ্ডিয়াৰ দ্বাৰা শ্ৰেষ্ঠ ৰাজ্যিক অধ্যায়ৰ বঁটা লাভ কৰে।[6] তেওঁ বহুতো ছাত্ৰ-ছাত্ৰীক কেন্সাৰ গৱেষণাৰ ক্ষেত্ৰত পৰামৰ্শদাতা হিচাপে কাৰ্য্য নিৰ্বাহ কৰিছে আৰু কেন্সাৰ ৰোগীৰ জীৱনৰ মান বৃদ্ধিৰ বাবে প্ৰস্তুত কৰা সজাগতা কাৰ্যসূচী পৰিচালনা কৰিছে।
তথ্যসূত্ৰ
[সম্পাদনা কৰক]- 1 2 3 Engineer, Rayomand (March 8, 2018). "Judge, Doctor, Scholar, Conservationist: 10 Women Honored at Rashtrapati Bhavan". The Better India. https://thebetterindia.com/133733/judge-doctor-scholar-conservationist-10-women-honored-rashtrapati-bhavan/.
- ↑ "Nari Shakti Puraskar". The Times of India. 7 March 2018. https://timesofindia.indiatimes.com/india/nari-shakti-puraskar/articleshow/63203332.cms.
- ↑ "On International Women's Day, the President conferred the prestigious Nari Shakti Puraskars to 30 eminent women and 9 distinguished Institutions for the year 2017". archive.pib.gov.in. 2018-03-08. https://archive.pib.gov.in/archive2/erelease.aspx?relid=177192.
- ↑ "Dr. C. K. Durga". Dr. Ram Manohar Lohia Hospital. https://rmlh.nic.in/WriteReadData/LINKS/contacts3803594952(1)9533751169%20%20%20202c5a7697-6c82-48af-b92e-3389797856a9.pdf। আহৰণ কৰা হৈছে: 31 May 2024.
- ↑ "RML Hospital to get first woman as chief". The Asian Age. April 5, 2017. https://www.pressreader.com/india/the-asian-age/20170405/282424169069518.
- 1 2 "Curriculum Vitae". Association of Surgeons of India. https://asiindia.org/wp-content/uploads/dr-c-k-durga-bio.pdf। আহৰণ কৰা হৈছে: May 31, 2024.
- ↑ "Past President Secretaries". Association of Surgeons of India. https://asidelhi.com/past-presidents-secretaries.html। আহৰণ কৰা হৈছে: May 31, 2024.