ছিকিম ৰাজ্যিক মহিলা আয়োগ
| আয়োগৰ ৰূপৰেখা | |
|---|---|
| গঠন | ১৫ অক্টোবৰ ২০০৪ |
| ক্ষেত্ৰাধিকাৰ | ছিকিম চৰকাৰ |
| মুখ্য কাৰ্যালয় | ছিকিম ৰাজ্যিক মহিলা আয়োগ,পুৰণি সচিবালয়ৰ তলত ছুপাৰ মাৰ্কেট, গেংটক - ৭৩৭১০১[1][2] |
| আয়োগৰ কাৰ্যবাহী | শ্ৰীমতী চুংকিপু লেপচা, অধ্যক্ষ |
| ৱেবছাইট | Official Website আধিকাৰিক ৱেবছাইট |
ছিকিম মহিলা আয়োগ হৈছে ছিকিম ৰাজ্যৰ মহিলাৰ বিৰুদ্ধে অপৰাধ সম্পৰ্কীয় বিষয়সমূহৰ সৈতে মোকাবিলা কৰিবলৈ ২০০৪ চনত গঠন কৰা এটা বিধিগত সংস্থা। ৰাজ্যৰ মহিলাৰ কল্যাণৰ বাবে ছিকিম চৰকাৰে অৰ্ধ-ন্যায়িক সংস্থা হিচাপে মহিলা আয়োগ গঠন কৰিছিল।
ইতিহাস আৰু উদ্দেশ্য
[সম্পাদনা কৰক]মহিলা সম্পৰ্কীয় নিৰ্দিষ্ট সমস্যাসমূহৰ তদন্তৰ বাবে আৰু ৰাজ্যৰ পৰা মহিলা সম্পৰ্কীয় বিষয়সমূহ অধ্যয়ন কৰাৰ উপৰিও ছিকিম ৰাজ্যিক মহিলা আয়োগ গঠন কৰা হৈছিল৷আয়োগ মহিলাৰ অধিকাৰ সুৰক্ষিত কৰাৰ ক্ষমতাৰে সজ্জিত আৰু পৰিয়াল-সমাজত সন্মুখীন হোৱা যিকোনো ধৰণৰ হাৰাশাস্তি আৰু সমস্যাৰ বিৰুদ্ধে তেওঁলোকৰ সুৰক্ষা আৰু সমতা নিশ্চিত কৰাৰ দায়িত্বৰে সমৃদ্ধ।[3]
তলত উল্লেখ কৰা উদ্দেশ্যেৰে আয়োগ গঠন কৰা হৈছিল-
১. মহিলাৰ সুৰক্ষা আৰু কল্যাণ নিশ্চিত কৰা।
২. প্ৰাসংগিক আইন উলংঘা বা সুযোগ অস্বীকাৰ বা মহিলাসকলক কোনো অধিকাৰৰ পৰা বঞ্চিত কৰাৰ ক্ষেত্ৰত সময়মতে লিংগভিত্তিক বিষয়সমূহ চম্ভালিব লাগে।
৩. মহিলা ভিত্তিক বিষয়ত ৰাজ্য চৰকাৰক পৰামৰ্শ দিয়া।
৪. ৰাজ্যৰ মহিলা ভিত্তিক আইন সন্দৰ্ভত ৰাজহুৱা স্থানত সজাগতা সৃষ্টিৰ বাবে আয়োগে মাজে মাজে পদক্ষেপ গ্ৰহণ কৰে।[4]
গঠন
[সম্পাদনা কৰক]এগৰাকী অধ্যক্ষ আৰু অন্যান্য সদস্যৰে সৈতে ছিকিম ৰাজ্যিক মহিলা আয়োগ গঠন কৰা হয়। ৰাজ্যৰ সমাজ কল্যাণ বিভাগে মহিলা আয়োগৰ অধ্যক্ষ নিযুক্তিৰ বাবে গাঁথনি তৈয়াৰ কৰে। তেওঁলোকৰ দৰমহা আৰু অন্যান্য পাৰিতোষিক ৰাজ্য চৰকাৰে নিৰ্ধাৰণ কৰে আৰু সময়ে সময়ে সংশোধন কৰে।
ৰেহানা ৰায়জ চিস্তি ছিকিম ৰাজ্যিক মহিলা আয়োগৰ অধ্যক্ষ। তেওঁলোকৰ কাৰ্যকাল ৩ বছৰীয়া৷[5]
কাৰ্যাৱলী
[সম্পাদনা কৰক]১. আয়োগে ভাৰতীয় সংবিধান আৰু মহিলা সম্পৰ্কীয় আইনসমূহৰ অধীনত মহিলাসকলৰ বাবে নিশ্চিত কৰা ব্যৱস্থা আৰু সুৰক্ষাৰ প্ৰতি নিশ্চিতি লোৱাটো নিশ্চিত কৰিব লাগে।[6]
২. ৰাজ্যৰ কোনো সংস্থাই মহিলাৰ বিৰুদ্ধে সুৰক্ষামূলক ব্যৱস্থা ৰূপায়ণ কৰাত ব্যৰ্থ হ’লে চৰকাৰৰ জাননীত একেখিনি লাভ কৰা।[7]
৩. ৰাজ্যৰ মহিলাসকলক ন্যায় প্ৰদানৰ ক্ষেত্ৰত যিকোনো আইন বিফল হ’লে সংশোধনীৰ বাবে পৰামৰ্শ দিয়া।
৪. মহিলাৰ অধিকাৰ উলংঘাৰ যিকোনো বিষয় সংশ্লিষ্ট কৰ্তৃপক্ষৰ সৈতে গ্ৰহণ কৰা আৰু তেওঁলোকক অনুসৰণমূলক ব্যৱস্থা গ্ৰহণৰ পৰামৰ্শ দিয়া।
৫ ভাৰতীয় সংবিধানৰ অধীনত নিশ্চিত কৰা নিজৰ অধিকাৰ খৰ্বৰ অভিযোগ আৰু নিজৰ সুৰক্ষা ব্যৱস্থা ৰূপায়ণ নকৰাৰ অভিযোগ থকা মহিলাসকলে প্ৰতিকাৰৰ বাবে পোনপটীয়াকৈ মহিলা আয়োগৰ কাষ চাপিব পাৰে।
৬. ৰাজ্যত অত্যাচাৰ আৰু বৈষম্যৰ বলি হোৱা মহিলাসকলক পৰামৰ্শ আৰু সহায় কৰা।
৭. মহিলাৰ গণ গোটৰ সৈতে জড়িত যিকোনো বিষয়ৰ বিচাৰৰ খৰচৰ বিত্তীয় সাহায্য আৰু মাজে মাজে সেইবোৰৰ সৈতে জড়িত ৰাজ্য চৰকাৰক প্ৰতিবেদন দিয়া।
৮. মহিলা কাৰাবন্দী দাখিল কৰা যিকোনো চৌহদ, কাৰাগাৰ বা অন্যান্য ৰিমাণ্ড হোম বা আন যিকোনো গোচৰ পৰিদৰ্শন কৰি প্ৰয়োজনসাপেক্ষে নিজ নিজ কৰ্তৃপক্ষৰ জাননীলৈ অনা।
৯. মহিলা ভিত্তিক যিকোনো নিৰ্দিষ্ট বিষয়ৰ সোধা-পোছা, অধ্যয়ন আৰু অনুসন্ধান কৰা।
১০. শৈক্ষিক গৱেষণা আৰম্ভ কৰা বা যিকোনো প্ৰচাৰ পদ্ধতি গ্ৰহণ কৰা আৰু সকলো ক্ষেত্ৰতে মহিলাৰ প্ৰতিনিধিত্ব নিশ্চিত কৰাৰ উপায়ৰ পৰামৰ্শ দিয়া আৰু তেওঁলোকৰ অধিকাৰৰ পৰা বঞ্চিত কৰা কাৰণ চিনাক্ত কৰা।
১১. মহিলাসকলক তেওঁলোকৰ অধিকাৰৰ পৰা বঞ্চিত কৰা কোনো বিষয় বা মহিলা সুৰক্ষা আইন কাৰ্যকৰী নোহোৱা বা তেওঁলোকৰ সৈতে জড়িত কোনো নীতি অমান্য কৰা বা তেওঁলোকৰ সৈতে জড়িত মহিলা কল্যাণ আৰু সকাহৰ সৈতে জড়িত নিৰ্দেশনা মানি চলাত ব্যৰ্থ হোৱাৰ বিষয়ে suo-moto বা কোনো অভিযোগৰ সোধা-পোছা কৰা।[8]
সম্পৰ্কিত প্ৰবন্ধ
[সম্পাদনা কৰক]তথ্যসূত্ৰ
[সম্পাদনা কৰক]- ↑ "Sikkim State Commission For Women". Sikkim State Commission For Women. http://ncw.nic.in/important-links/list-state-women-commissions#Sikkim। আহৰণ কৰা হৈছে: 15 January 2022.
- ↑ "Sikkim State Commission For Women". Sikkim State Commission For Women. https://sikkim.gov.in/departments/social-justice-empowerment-and-welfare-department/women-and-child-development-division। আহৰণ কৰা হৈছে: 15 January 2022.
- ↑ Rajagopalan, Swarna (30 May 2016). "Why National and State Women's Commissions are important and should be held accountable". dnaindia.com. https://www.dnaindia.com/india/report-why-national-and-state-women-s-commissions-are-important-and-should-be-held-accountable-2217939.
- ↑ "Sikkim: Three days workshop on sexual harresment of women at workplace concludes". thesikkimchronicle.com. 24 September 2021. Archived from the original on 15 January 2022. https://web.archive.org/web/20220115043746/https://www.thesikkimchronicle.com/sikkim-three-days-workshop-on-sexual-harresment-of-women-at-workplace-concludes-2/.
- ↑ "CHUNGKIPU LEPCHA TAKES CHARGE AS STATE WOMEN COMMISSION CHAIRPERSON". sikkimexpress.com. 29 December 2020. http://www.sikkimexpress.com/news-details/chungkipu-lepcha-takes-charge-as-state-women-commission-chairperson.
- ↑ "Sikkim State Commission For Women". Sikkim State Commission For Women. https://www.latestlaws.com/bare-acts/state-acts-rules/sikkim-state-laws/sikkim-state-commission-women-act-2001-2। আহৰণ কৰা হৈছে: 15 January 2022.
- ↑ "Understanding sexual harassment at work, State Women Commission holds seminar". voiceofsikkim.com. Archived from the original on 15 January 2022. https://web.archive.org/web/20220115044819/https://www.voiceofsikkim.com/understanding-sexual-harassment-at-work-state-women-commission-holds-seminar/.
- ↑ "Sikkim: Zero tolerance towards sexual harassment or any form of violence on women". insidene.com. 3 September 2020. https://www.insidene.com/new-sikkim-zero-tolerance-towards-sexual-harassment-or-any-form-of-violence-on-women/.