জাহ্ৰা ডাউলাতাবাদী
| জাহ্ৰা ডাউলাতাবাদী | |
|---|---|
| স্থানীয় নাম | زهرا دولت آبادی |
| জন্ম | ১৪ ছেপ্টেম্বৰ, ১৯৬২ (৬৩ বছৰ) তেহৰান, ইৰান |
| পেচা | চলচ্চিত্ৰ নিৰ্মাতা, প্ৰযোজক |
| সন্তান | এম বেইহোল্ড |
জাহ্ৰা ডাউলাতাবাদী (ফাৰ্চী: زهرا دولت آبادی) এগৰাকী ইৰানী-আমেৰিকান চলচ্চিত্ৰ নিৰ্মাতা আৰু প্ৰযোজক।[1][2][3] তেওঁ আমেৰিকান গায়ক-গীতিকাৰ এম বেইহোল্ডৰ মাতৃ।
জীৱনী
[সম্পাদনা কৰক]জাহ্ৰা ডাউলাতাবাদী এগৰাকী ইৰানী-আমেৰিকান চলচ্চিত্ৰ আৰু এনিমেচন প্ৰযোজক। তেওঁ ইউনিভাৰ্ছিটি অৱ চাউদাৰ্ন কেলিফৰ্ণিয়াৰপৰা চলচ্চিত্ৰ অধ্যয়ন বিষয়ত স্নাতকোত্তৰ ডিগ্ৰী লাভ কৰিছিল। ২০২২ চনত তেওঁ নেটফ্লিক্সৰ বাবে কাৰ্টুন চেলুনৰ মাই ফাদাৰ্ছ ড্ৰেগন চলচ্চিত্ৰখনৰ লাইন প্ৰযোজক হিচাপে কাৰ্যনিৰ্বাহ কৰিছিল। তেওঁৰ অন্যান্য কামৰ ভিতৰত দ্য জেটচনছ: ৰব’-ৰেচেলমেনিয়া আৰু স্কুবি-ডু! শ্বেলীজ শ্ব’ডাউন (২০১৭) অন্যতম। ইয়াৰ উপৰি তেওঁ কমেডী চেণ্ট্ৰেলৰ বাবে ব্ৰিকলবেৰীৰ দ্বিতীয় আৰু তৃতীয় বতৰ (ছিজন) প্ৰযোজনা কৰিছিল। ২০১২ চনত এচিফা-হলিউডৰ ৩৯সংখ্যক এনি বঁটা অনুষ্ঠানত তেওঁ শ্ব’ৰানাৰ হিচাপেও কাম কৰিছিল।
ডাউলাতাবাদীয়ে ২০১৬ চনৰ চুটি তথ্যচিত্ৰ পাৰ্থিয়ান ৰচনা আৰু পৰিচালনা কৰিছিল। ইয়াৰ পূৰ্বে ২০০৮ চনৰ তথ্যচিত্ৰ লেডী অৱ ৰোজেচ-ৰ তেওঁ কাৰ্যবাহী প্ৰযোজক আছিল। এই তথ্যচিত্ৰখনত হোমায়ুন চনতীজাদেহে তেওঁৰ পত্নী তথা জাহ্ৰাজ ৰোজৱাটাৰ কোম্পানীৰ প্ৰতিষ্ঠাপক শ্বাহিন্দোখত সৰলতীৰ প্ৰতি থকা প্ৰেমৰ বিষয়ে উল্লেখ কৰা হৈছে। ডাউলাতাবাদীয়ে কেথেৰিন উইণ্ডাৰৰ সৈতে মিলি যুটীয়াভাৱে প্ৰডিউচিং এনিমেচন (২০০১; ২য় সংস্কৰণ ২০১১; ৩য় সংস্কৰণ ২০২০) নামৰ কিতাপখন লিখি উলিয়াইছে।
তেওঁ ৱাৰ্নাৰ ব্ৰদাৰ্ছ এনিমেচনত কুৱেষ্ট ফৰ কেমেলট চলচ্চিত্ৰখনৰ জৰিয়তে নিজৰ পূৰ্ণদৈৰ্ঘ্য এনিমেচন কেৰিয়াৰ আৰম্ভ কৰিছিল। পৰৱৰ্তী সময়ত তেওঁ স্পেচ জেম-ত অৱদান আগবঢ়ায় আৰু শিশুৰ অধিকাৰৰ ওপৰত ৰাষ্ট্ৰসংঘৰ শিশু পুঁজিৰ (ইউনিচেফ) বাবে এটা জনস্বাৰ্থজনিত বিজ্ঞাপন প্ৰযোজনা কৰে। ইউনিভাৰ্চেল কাৰ্টুন ষ্টুডিঅ’ত তেওঁ দ্য ল্যাণ্ড বিফোৰ টাইম-ৰ পৰৱৰ্তী খণ্ডসমূহ সহ-প্ৰযোজনা আৰু প্ৰযোজনা কৰিছিল, যাৰ বাবে তেওঁ ১৯৯৬ চনত এনি বঁটা লাভ কৰে।
কৰ্মজীৱনৰ প্ৰাৰম্ভিক সময়ছোৱাত তেওঁ হানা-বাৰবেৰাত ৱান্স আপন এ ফৰেষ্ট আৰু টকিঅ’ মুভি শ্বিনশাত বায়োনিক ছিক্স, ভিজনৰীজ: নাইটছ অৱ দ্য মেজিকেল লাইট আৰু লিটল নেমো: এডভেঞ্চাৰ্ছ ইন স্লাম্বাৰলেণ্ড-ত কাম কৰিছিল।
তথ্যসূত্ৰ
[সম্পাদনা কৰক]- ↑ "Iran Chamber Society: Iranian Visual Arts: Zahra Dowlatabadi". ://iranchamber.com. http://iranchamber.com.
- ↑ Radulovic, Petrana (2021-05-24). "Quest for Camelot helped kill the animated musical formula" (en-US ভাষাত). Polygon. https://polygon.com। আহৰণ কৰা হৈছে: 2021-11-22.
- ↑ "Art of Change-Making: Philanthropy at its Best -- Lady of the Roses". Payvand.com. September 20, 2010. http://payvand.com। আহৰণ কৰা হৈছে: 2021-11-22.
বাহ্যিক সংযোগ
[সম্পাদনা কৰক]- জাহ্ৰা ডাউলাতাবাদী সম্পৰ্কে ইণ্টাৰনেট মুভি ডাটাবেছত থকা তথ্য।
- Producing Animation