জাৱলাকাৰ উমা দেৱী
সন্মানীয় ন্যায়াধীশ মহোদয়া জাৱলাকাৰ উমা দেৱী Javalakar Uma Devi | |
|---|---|
| অন্ধ্ৰ প্ৰদেশ উচ্চ ন্যায়ালয়ৰ বিচাৰক | |
পদাধিকাৰ | |
| কাৰ্যভাৰ গ্ৰহণ ১৭ জানুৱাৰী ২০১৭ | |
| মনোনয়নকৰ্তা | জগদীশ সিং খেহাৰ |
| নিয়োগকৰ্তা | প্ৰণৱ মুখাৰ্জী |
| ব্যক্তিগত তথ্য | |
| জন্ম | ২৬ ছেপ্টেম্বৰ, ১৯৫৯ (৬৫ বছৰ) অনন্তপুৰ, অন্ধ্ৰ প্ৰদেশ |
| শিক্ষানুষ্ঠান | শ্ৰী কৃষ্ণদেৱৰায় বিশ্ববিদ্যালয় |
জাৱলাকাৰ উমা দেৱী (ইংৰাজী: Javalakar Uma Devi, জন্ম ২৬ ছেপ্টেম্বৰ ১৯৫৯) ভাৰতৰ অন্ধ্ৰ প্ৰদেশ উচ্চ ন্যায়ালয়ৰ ন্যায়াধীশ।[1] অন্ধ্ৰ প্ৰদেশ উচ্চ ন্যায়ালয়ৰ ন্যায়াধীশক সমালোচনা কৰা ছ’চিয়েল মিডিয়া পোষ্টৰ তদন্তৰ বাবে কেন্দ্ৰীয় তদন্তকাৰী সংস্থাক নিৰ্দেশ দিয়াৰ পিছত ২০২০ চনত তেওঁ জনসাধাৰণৰ দৃষ্টি আকৰ্ষণ কৰিছিল। তেওঁ অন্ধ্ৰ প্ৰদেশ আৰক্ষীয়ে ৰাজনৈতিক ব্যক্তিৰ সৈতে সহযোগিতা কৰি ন্যায়পালিকাক আক্ৰমণ কৰাৰ অভিযোগো উত্থাপন কৰে।[2]
জীৱন
[সম্পাদনা কৰক]১৯৫৯ চনত অন্ধ্ৰ প্ৰদেশৰ অনন্তপুৰত জাৱলাকাৰ জ্ঞানোবা ৰাও আৰু জাৱলাকাৰ থুলাছিবাইৰ ঘৰত উমা দেৱীৰ জন্মগ্ৰহণ হৈছিল৷ ১৯৮২ চনত অনন্তপুৰৰ শ্ৰী সত্য সাই উচ্চ শিক্ষা প্ৰতিষ্ঠানৰ পৰা তেওঁ বাণিজ্য শাখাত স্নাতক ডিগ্ৰী লাভ কৰাৰ লগতে ১৯৮৬ চনত অনন্তপুৰৰ শ্ৰী কৃষ্ণদেৱৰায় বিশ্ববিদ্যালয়ৰ পৰা আইন বিষয়ত স্নাতক ডিগ্ৰী লাভ কৰে।[1]
কৰ্মজীৱন
[সম্পাদনা কৰক]উমা দেৱীয়ে ১৯৮৬ চনত অন্ধ্ৰ প্ৰদেশৰ বাৰ কাউন্সিলত নামভৰ্তি কৰি প্ৰথমে অনন্তপুৰৰ জিলা আদালতত অনুশীলন কৰিছিল। ১৯৯৬ চনত জিলা ন্যায়াধীশ হিচাপে নিযুক্তি পোৱাৰ পাছত উমা দেৱীয়ে কুৰ্ণুল, মদানাপল্লে, ৱাৰংগল, বিশাখাপট্টনম, হায়দৰাবাদকে ধৰি কেইবাটাও স্থানত প্ৰধান জিলা ন্যায়াধীশ হিচাপে কাৰ্যনিৰ্বাহ কৰি আহিছে। পিছলৈ তেওঁক হায়দৰাবাদৰ ক্ষুদ্ৰ কাৰণ আদালতৰ মুখ্য ন্যায়াধীশ হিচাপে নিযুক্তি দিয়া হয়।[1]
২০১৭ চনৰ ১৭ জানুৱাৰীত তেওঁক অন্ধ্ৰ প্ৰদেশৰ উচ্চ ন্যায়ালয়ত ন্যায়াধীশ হিচাপে নিযুক্তি দিয়া হয়।[1]
২০২০ চনৰ অক্টোবৰ মাহত ৱাই এছ আৰ কংগ্ৰেছ পাৰ্টিৰ সদস্যসকলে ছ’চিয়েল মিডিয়াত অন্ধ্ৰ প্ৰদেশৰ ন্যায়পালিকাক সমালোচনা কৰাৰ পিছত উমা দেৱী আৰু আন এজন ন্যায়াধীশ ৰাকেশ কুমাৰে কেন্দ্ৰীয় তদন্তকাৰী সংস্থা (চিবিআই)ক এই ছ’চিয়েল মিডিয়া পোষ্টসমূহ পৰীক্ষা কৰি ইয়াৰ আঁৰত কোনো ‘ষড়যন্ত্ৰ’ আছে নে নাই সেইটো নিৰ্ণয় কৰিবলৈ নিৰ্দেশ দিয়ে, আৰু দুমাহৰ পিছত তেওঁলোকক প্ৰতিবেদন দাখিল কৰিবলৈ কয়।[3] উমা দেৱী আৰু কুমাৰে চিবিআইক এই ছ'চিয়েল মিডিয়াত পোষ্ট কৰা ব্যক্তিসকলৰ বিৰুদ্ধে প্ৰথম তথ্য প্ৰতিবেদন অৰ্থাৎ অপৰাধমূলক প্ৰক্ৰিয়া আৰম্ভ কৰা আৰক্ষীৰ নথিপত্ৰ দাখিল কৰিবলৈও কৰ্তৃত্ব প্ৰদান কৰে।[2] উমা দেৱী আৰু কুমাৰে এই সমালোচনাসমূহক "গণতন্ত্ৰৰ বাবে বিপদজনক" বুলি অভিহিত কৰিছে।[4] এই আদেশৰ বিষয়ে বহুলভাৱে প্ৰকাশ পাইছিল।[5][6][7][8]
তথ্যসূত্ৰ
[সম্পাদনা কৰক]- ↑ 1.0 1.1 1.2 1.3 "Hon'ble Mrs. Justice J. Uma Devi". Andhra Pradesh High Court. http://hc.ap.nic.in/hcapnew/judj.html.
- ↑ 2.0 2.1 Staff Reporter (2020-10-12). "A.P. HC orders CBI probe into social media posts on judges" (en-IN ভাষাত). The Hindu. ISSN 0971-751X. https://www.thehindu.com/news/national/andhra-pradesh/ap-hc-orders-cbi-probe-into-social-media-posts-on-judges/article32835662.ece.
- ↑ "Andhra Pradesh HC orders CBI probe over social media posts against the Judiciary". The New Indian Express. https://www.newindianexpress.com/states/andhra-pradesh/2020/oct/12/andhra-pradeshhc-orders-cbi-probe-oversocial-media-posts-against-the-judiciary-2209338.html। আহৰণ কৰা হৈছে: 2020-11-03.
- ↑ "Andhra HC orders CBI probe into anti-judiciary remarks by YSRCP leaders" (en ভাষাত). mint. 2020-10-12. https://www.livemint.com/news/india/andhra-hc-orders-cbi-probe-into-anti-judiciary-remarks-by-ysrcp-leaders-11602512572370.html। আহৰণ কৰা হৈছে: 2020-11-03.
- ↑ PTI (2020-10-13). "Andhra Pradesh HC orders CBI probe into posts against judges on social media" (en-US ভাষাত). ThePrint. https://theprint.in/judiciary/andhra-pradesh-hc-orders-cbi-probe-into-posts-against-judges-on-social-media/522503/। আহৰণ কৰা হৈছে: 2020-11-03.
- ↑ "Andhra Pradesh HC Says Persons in High Posts 'Waging War' Against Judiciary, Orders CBI Probe". The Wire. https://thewire.in/law/andhra-pradesh-high-court-cbi-probe-war-judiciary-ys-jagan-government। আহৰণ কৰা হৈছে: 2020-11-03.
- ↑ "Andhra HC orders CBI to act against YSR leaders, others who attacked judges on social media" (en ভাষাত). Hindustan Times. 2020-10-12. https://www.hindustantimes.com/andhra-pradesh/andhra-hc-orders-cbi-probe-into-alleged-derogatory-comments-against-judiciary-on-social-media/story-Zo2E79HNmYWRbOs6a2DC4J.html। আহৰণ কৰা হৈছে: 2020-11-03.
- ↑ Service, Tribune News. "Andhra Pradesh HC orders CBI probe into social media comments by YSRCP leaders" (en ভাষাত). Tribuneindia News Service. https://www.tribuneindia.com/news/nation/andhra-pradesh-hc-orders-cbi-probe-into-social-media-comments-by-ysrcp-leaders-154733। আহৰণ কৰা হৈছে: 2020-11-03.