৭ জুন

৭ জুন (ইংৰাজী: 7 June) হৈছে গ্ৰেগৰিয়ান বৰ্ষপঞ্জীৰ ১৫৮তম (অধিবৰ্ষত ১৫৯তম) দিন। বছৰ শেষ হ'বলৈ ২০৭ দিন বাকী থাকে।

জন্ম

1. লিবিয়াৰ ইজৰাইল-বিৰোধী আন্দোলনৰ নেতা ‘‘মোৱাম্মাৰ মহম্মদ আবু মিনয়াৰ আল-গাড্ডাফি’’ৰ জন্ম হৈছিল ১৯৪২ চনৰ আজিৰ দিনটোতেই ৷
2. এজন দুঃসাহসী ব্ৰিটিছ অভিযাত্ৰী, লিখক আৰু দূৰদৰ্শন উপস্থাপক ‘‘এডৱাৰ্ড মাইকেল বিয়েৰ গ্ৰিলচ্’’ৰ জন্ম হৈছিল ১৯৭৪ চনৰ আজিৰ দিনটোতেই ৷
3. বৰপেটা সত্ৰৰ দ্বিতীয় গৰাকী সত্ৰাধিকাৰ ‘‘মথুৰা দাস বুঢ়া আতা’’ই পৃথিৱীৰ প্ৰথম পোহৰ দেখিছিল ১৪৯০ খ্ৰীষ্টাব্দৰ আজিৰ দিনটোতেই ৷ তেখেতৰ আদি নাম আছিল গোপাল তাঁতী ৷

মৃত্যু

1. এগৰাকী আগশাৰীৰ অসমীয়া কবি, নাট্যকাৰ, গদ্য লেখক আৰু শিশু সাহিত্যিক অতুল চন্দ্ৰ হাজৰিকাৰ মৃত্যু হৈছিল ১৯৮৬ বৰ্ষৰ আজিৰ দিনটোতেই ৷
2. অসমৰ এগৰাকী প্ৰসিদ্ধ সাহিত্যিক, একেধাৰে কবি, গীতকাৰ তথা নাট্যকাৰ পাৰ্বতী প্ৰসাদ বৰুৱাদেৱে ইহলীলা সম্বৰণ কৰিছিল ১৯৬৪ বৰ্ষৰ আজিৰ দিনটোতেই ৷
3. অসমৰ এজন লেখক, সংস্কৃত পণ্ডিত আৰু শিক্ষাবিদ কৃষ্ণকান্ত সন্দিকৈদেৱৰ বিয়োগ হৈছিল ১৯৮২ খ্ৰীষ্টাব্দৰ আজিৰ দিনটোতেই ৷
4. ২০০০ চনৰ আজিৰ দিনটোতে সংবাদ জগতৰ আলোড়ন সৃষ্টিকাৰী বৰ্ষীয়ান সাংবাদিক ৰবীন বৰুৱাৰ মৃত্যু হয় ।
5. এগৰাকী ইংৰাজ গণিতজ্ঞ, তৰ্কবিজ্ঞানী, সংকেতবিশ্লেষক আৰু কম্পিউটাৰ বিজ্ঞানী ‘‘এলান মেথিছন ট্যুৰিং’’ৰ মৃত্যু হৈছিল ১৯৫৪ বৰ্ষৰ আজিৰ দিনটোতেই ৷

অনান্য

1. শৰাইঘাট দলং অসমৰ গুৱাহাটীত ব্ৰহ্মপুত্ৰৰ ওপৰত নিৰ্মিত প্ৰথমখন ৰে'লপথযুক্ত দলং। ১৯৬৩ চনৰ আজিৰ দিনটোতেই সেই সময়ৰ প্ৰধানমন্ত্ৰী জৱাহৰলাল নেহৰুৱে এই দলংখন আনুষ্ঠানিকভাৱে যাত্ৰীৰ বাবে মুকলি কৰিছিল ৷
2. ১৯৭২ চনৰ আজিৰ দিনটোতে অসম বিধানসভাৰ অধিৱেশনত শ্বিলংৰপৰা অসমৰ ৰাজধানী দিছপুৰলৈ স্থানান্তৰ কৰাৰ সিদ্ধান্ত লোৱা হয়।
3. ভাৰতৰ বনাঞ্চল, জলভাগ আৰু হিম অঞ্চল অধ্যয়ন কৰাৰ বাবে ৰাছিয়াৰ চিয়েৰ্ছ লেকৰ পৰা ভাৰতৰ নিজা প্ৰযুক্তিৰ দ্বিতীয় উপগ্ৰহ ভাস্কৰ -১ প্ৰেক্ষপণ কৰে ১৯৭৯ চনৰ আজিৰ দিনটোতে । ইয়াৰ ওজন আছিল ৪৪৪ কিঃগ্ৰাঃ।