সমললৈ যাওক

জেনিফাৰ লৰেন্স

অসমীয়া ৱিকিপিডিয়াৰ পৰা
জেনিফাৰ লৰেন্স

২০২৫ চনত লৰেন্স
জন্ম জেনিফাৰ শ্ৰেডাৰ লৰেন্স
১৫ আগষ্ট, ১৯৯০ (৩৫ বছৰ)
ইণ্ডিয়ান হিলছ, কেণ্টাকি, আমেৰিকা যুক্তৰাষ্ট্ৰ
অন্য নাম জেনিফাৰ লৰেন্স মেৰ'নি
পেচা অভিনেত্ৰী, প্ৰযোজক
সক্ৰিয় হৈ থকা সময় ২০০৬–বৰ্তমান
সংস্থা এক্সেলেণ্ট কেডাভাৰ
জেনিফাৰ লৰেন্স ফাউণ্ডেশ্যন
দাম্পত্যসঙ্গী কুক মেৰ’নি (বিবাহ ২০১৯)
সন্তান ২


জেনিফাৰ শ্ৰেডাৰ লৰেন্স (ইংৰাজী: Jennifer Shrader Lawrence; জন্ম: ১৫ আগষ্ট, ১৯৯০) এগৰাকী আমেৰিকান অভিনেত্ৰী আৰু প্ৰযোজক। একচন চলচ্চিত্ৰ ফ্ৰেঞ্চাইজি আৰু স্বতন্ত্ৰ নাট্যধৰ্মী চলচ্চিত্ৰ দুয়োটাতে অভিনয় কৰি তেখেতে বিশ্বজুৰি ৬ বিলিয়ন আমেৰিকান ডলাৰৰ অধিক আয় কৰিছে। ২০১৫ আৰু ২০১৬ চনত তেওঁ বিশ্বৰ সৰ্বাধিক দৰমহা লাভ কৰা অভিনেত্ৰী হিচাপে পৰিগণিত হৈছিল। ২০১৩ চনত তেওঁ টাইম আলোচনীৰ বিশ্বৰ ১০০ জন প্ৰভাৱশালী ব্যক্তিৰ তালিকাত স্থান লাভ কৰে আৰু ২০১৩ চনৰপৰা ২০১৬ চনলৈকে ফৰ্বছ চেলিব্ৰিটি ১০০ তালিকাত অন্তৰ্ভুক্ত হয়।

লৰেন্সে কিশোৰী অৱস্থাত টেলিভিছনত অতিথি চৰিত্ৰত অভিনয় কৰি নিজৰ অভিনয়-জীৱন আৰম্ভ কৰিছিল। তেওঁৰ প্ৰথম উল্লেখযোগ্য ভূমিকা আছিল চিটকম দ্য বিল এংভাল শ্ব’ (২০০৭–২০০৯)ত। ২০০৮ চনত গাৰ্ডেন পাৰ্টি চলচ্চিত্ৰত সহযোগী চৰিত্ৰত অভিনয় কৰি চলচ্চিত্ৰত অভিষেক ঘটে। ২০১০ চনৰ স্বতন্ত্ৰ নাট্যধৰ্মী চলচ্চিত্ৰ ৱিণ্টাৰছ ব’নত দৰিদ্ৰ কিশোৰীৰ চৰিত্ৰত অভিনয় কৰি তেওঁ প্ৰথমবাৰৰ বাবে শ্ৰেষ্ঠ অভিনেত্ৰীৰ শাখাত একাডেমী বঁটাৰ মনোনয়ন লাভ কৰে।

লৰেন্সে এক্স-মেন চলচ্চিত্ৰ ধাৰাবাহিক (২০১১–২০১৯)ত মিউটেণ্ট মিষ্টিক আৰু দ্য হাংগাৰ গেমছ চলচ্চিত্ৰ ধাৰাবাহিক (২০১২–২০১৫)ত কেটনিছ এভাৰডিনৰ চৰিত্ৰত অভিনয় কৰি আন্তঃৰাষ্ট্ৰীয় খ্যাতি লাভ কৰে। পিছৰ ধাৰাবাহিকটোৱে তেওঁক সৰ্বাধিক উপাৰ্জনকাৰী একচন নায়িকাসকলৰ অন্যতম কৰি তোলে।

চলচ্চিত্ৰ নিৰ্মাতা ডেভিদ অ’ ৰাছেলৰ সৈতে কৰা সহযোগিতাই তেওঁক অধিক সমালোচনামূলক স্বীকৃতি আনি দিয়ে। ছিলভাৰ লাইনিংছ প্লেবুক (২০১২)ত অভিনয়ৰ বাবে তেওঁ শ্ৰেষ্ঠ অভিনেত্ৰীৰ শাখাত একাডেমী বঁটা লাভ কৰে, আৰু ২২ বছৰ বয়সত এই শাখাৰ দ্বিতীয় সৰ্বকনিষ্ঠ বিজয়ী হিচাপে পৰিগণিত হয়। পিছলৈ তেওঁ পেচেঞ্জাৰছ (২০১৬), মাদাৰ! (২০১৭), আৰু ৰেড স্পেৰ’ (২০১৮) আদি চলচ্চিত্ৰত অভিনয় কৰে। কিছুসময়ৰ বিৰতিৰ পিছত তেওঁ ডন’ট লুক আপ (২০২১) চলচ্চিত্ৰৰ জৰিয়তে অভিনয়লৈ উভতি আহে। ইয়াৰ পিছত তেওঁ ক’জৱে (২০২২), ন’ হাৰ্ড ফিলিংছ (২০২৩) আৰু ডাই মাই লাভ (২০২৫) চলচ্চিত্ৰত অভিনয় কৰাৰ লগতে সহ-প্ৰযোজনা কৰে।

লৰেন্স এগৰাকী নাৰীবাদী আৰু মহিলাৰ প্ৰজনন অধিকাৰৰ পোষক। ২০১৫ চনত তেওঁ জেনিফাৰ লৰেন্স ফাউণ্ডেশ্যন প্ৰতিষ্ঠা কৰে, যিয়ে বয়ছ এণ্ড গাৰ্লছ ক্লাব অৱ আমেৰিকা আৰু স্পেচিয়েল অলিম্পিকছক সহায় আগবঢ়ায়। ২০১৮ চনত তেওঁ এক্সেলেণ্ট কেডাভাৰ নামৰ প্ৰডাকচন কোম্পানী স্থাপন কৰে। তেওঁ গেলেৰী পৰিচালক কুক মেৰ’নিৰ সৈতে ২০১৯ চনত বিবাহ বন্ধনত আবদ্ধ হয় আৰু তেওঁলোকৰ দুটা সন্তান আছে।

প্ৰাথমিক জীৱন

[সম্পাদনা কৰক]

১৯৯০ চনৰ ১৫ আগষ্টত কেণ্টাকিৰ ইণ্ডিয়ান হিলছ, কেণ্টাকিত নিৰ্মাণ কোম্পানীৰ মালিক গেৰী আৰু গ্ৰীষ্মকালীন শিবিৰৰ পৰিচালক কেৰেনৰ ঘৰত জেনিফাৰ শ্ৰেডাৰ লৰেন্সৰ জন্ম হয়।[1][2][3] তেওঁৰ দুজন ডাঙৰ ভাতৃ বেন আৰু ব্লেইন।[2] লৰেন্সৰ গৰ্ভধাৰণৰ সময়ত পিতৃ-মাতৃয়ে সন্তানৰ আশা কৰা নাছিল; কেৰেনে এবাৰ কৈছিল, "আমি ভাবিছিলোঁ যে আমি সন্তান জন্ম দিয়া শেষ কৰিলোঁ। আমি কেঁচুৱাৰ বিছনা আৰু সকলো বস্তু আঁতৰাই পেলালোঁ।" [4] সৰুতে পৰিয়ালটোৰ এটা ঘোঁৰাৰ খামাৰ আছিল আৰু লৰেন্সৰ ‘মাফিন’ নামৰ ঘোঁৰা এটা আছিল।[5] মাকে তেওঁক ভাতৃসকলৰ দৰে "কঠোৰ" হিচাপে ডাঙৰ কৰিছিল, কিয়নো তেওঁ নিবিচাৰিছিল যে লৰেন্স "ডিভা" হওক।[4] কেৰেনে প্ৰিস্কুলত আন ছোৱালীৰ সৈতে খেলিবলৈও অনুমতি দিয়া নাছিল, কাৰণ তেওঁ তেওঁক "অতি ৰুক্ষ" বুলি গণ্য কৰিছিল আৰু তেওঁলোকক আঘাত দিব পাৰে বুলি চিন্তিত আছিল।[4][5] লৰেন্সে নিজেও স্বীকাৰ কৰিছিল যে তেওঁ এগৰাকী "হাইপাৰ" শিশু আছিল।[6] তেওঁ কেমেৰাৰ মিডল স্কুলত শিক্ষা গ্ৰহণ কৰিছিল।[5] তেওঁ খ্ৰীষ্টান হিচাপে ডাঙৰ-দীঘল হৈছিল।[7]

অতি সক্ৰিয়তা আৰু সামাজিক উদ্বেগৰ বাবে লৰেন্সে শৈশৱ উপভোগ কৰা নাছিল আৰু সমনীয়াৰ মাজত নিজকে অযোগ্য বুলি ভাবিছিল।[2][8] "মোৰ কোনো বন্ধু নাছিল। মোৰ মনত আছে মই কিমান অকলশৰীয়া আছিলোঁ," তেওঁ স্মৰণ কৰে।[5] তেওঁ কৈছে যে মঞ্চত অভিনয় কৰাৰ সময়ত তেওঁৰ উদ্বেগ নাইকিয়া হৈছিল আৰু অভিনয়ে তেওঁক এক সাফল্যৰ অনুভৱ দিছিল।[8] বিদ্যালয়ত তেওঁ চিয়াৰলিডিং, চফটবল, ফিল্ড হকী আৰু বাস্কেটবল খেলিছিল; বাস্কেটবল তেওঁ পিতৃৰ প্ৰশিক্ষিত ল'ৰাৰ দলত খেলিছিল।[5] তেওঁ এই কাৰ্য্যকলাপবোৰ উপভোগ কৰা নাছিল আৰু ২০১৫ চনত কৈছিল, "দলীয় ক্ৰীড়া আৰু ক্লাছ—মই ইয়াক ভালদৰে ল'ব নোৱাৰিছিলোঁ। মই ভাল নাপালোঁ ... মই দলীয় ক্ৰীড়াক ঘৃণা কৰিছিলোঁ।" [4]

ডাঙৰ হৈ তেওঁ ঘোঁৰাত উঠি ভাল পাইছিল আৰু স্থানীয় ঘোঁৰাৰ খামাৰ এখনলৈ প্ৰায়ে গৈছিল।[9] ঘোঁৰাৰপৰা পৰাৰ ফলত তেওঁৰ ভৰিৰ হাড় আঘাতপ্ৰাপ্ত হয়।[10] পিতৃয়ে ঘৰৰপৰা কাম কৰাৰ সময়ত তেওঁ তেওঁলৈ বিভিন্ন ৰূপত অভিনয় কৰি দেখুৱাইছিল, কেতিয়াবা ক্লাউন বা বেলেৰিনাৰ সাজ পিন্ধি।[11] ন বছৰ বয়সত তেওঁ প্ৰথম অভিনয় কৰিছিল— বুক অৱ জোনাহৰ আধাৰত নিৰ্মিত গীৰ্জাৰ নাটকত নিনেৱীয় পতিতাৰ চৰিত্ৰত।[5] তাৰ পিছৰ কেইবছৰ তেওঁ গীৰ্জাৰ নাটক আৰু বিদ্যালয়ৰ সংগীতানুষ্ঠানত অংশ লয়।[5]

১৪ বছৰ বয়সত নিউয়ৰ্ক চহৰত পাৰিবাৰিক ছুটীৰ সময়ত এজন টেলেণ্ট স্কাউটে তেওঁক লক্ষ্য কৰে আৰু টেলেণ্ট এজেণ্টৰ বাবে অডিচনৰ ব্যৱস্থা কৰে।[12][13] মাকে প্ৰথমে অনিচ্ছুক আছিল, কিন্তু তেওঁ অস্থায়ীভাৱে পৰিয়ালক নিউয়ৰ্কলৈ লৈ যায়।[5] প্ৰথম ক'ল্ড ৰিডিঙৰ পিছত এজেণ্টসকলে তেওঁক প্ৰশংসা কৰে, যদিও মাকে সেইটো বিশ্বাস কৰা নাছিল।[13] লৰেন্সে কৈছে যে সেই সময়ত তেওঁ নিজকে অকলশৰীয়া অনুভৱ কৰিছিল।[5] তেওঁ CESD Talent Agencyৰ সৈতে চুক্তিবদ্ধ হয়, যিয়ে তেওঁক লছ এঞ্জেলছত অডিচন দিবলৈ পিতৃ-মাতৃক ৰাজি কৰায়।[14] যদিও মাকে তেওঁক মডেলিং কৰিবলৈ উৎসাহিত কৰিছিল, তেওঁ অভিনয়ত অনুৰক্ত আছিল আৰু কেইবাটাও মডেলিং প্ৰস্তাৱ নাকচ কৰে; যদিও তেওঁ এবাৰ এবাৰক্ৰম্বি এণ্ড ফিচৰ বাবে মডেলিং কৰিছিল, সেই ছবি প্ৰকাশ কৰা হোৱা নাছিল।[6][15][12] ১৪ বছৰ বয়সত তেওঁ GED বা ডিপ্লমা নোপোৱাকৈ বিদ্যালয় এৰি দিয়ে।[16] তেওঁ নিজকে "স্ব-শিক্ষিত" বুলি অভিহিত কৰে আৰু কয় যে তেওঁৰ কেৰিয়াৰেই আছিল অগ্ৰাধিকাৰ।[16] অভিনয়ৰ কামৰ মাজে-মধ্যে তেওঁ লুইছভিললৈ উভতি গৈ মাকৰ শিবিৰত সহকাৰী নাৰ্ছ হিচাপে কাম কৰিছিল।[17]

তথ্যসূত্ৰ

[সম্পাদনা কৰক]
  1. ↑ Murray, Lorraine. "Jennifer Lawrence". Encyclopædia Britannica. Archived from the original on January 29, 2016. Retrieved January 14, 2016.  Unknown parameter |url-status= ignored (help)
  2. ↑ 2.0 2.1 2.2 Van Meter, Jonathan (August 12, 2013). "The Hunger Games' Jennifer Lawrence Covers the September Issue". Vogue. Archived from the original on August 28, 2014. https://web.archive.org/web/20140828171213/https://www.vogue.com/865209/star-quality-jennifer-lawrence-hunger-games/। আহৰণ কৰা হৈছে: March 28, 2014. 
  3. ↑ Eells, Josh (February 9, 2011). "Oscar nominee: I was a tomboy". CNN. http://www.cnn.com/2011/SHOWBIZ/Movies/02/08/jennifer.lawrence.oscar.rstone/index.html. 
  4. ↑ 4.0 4.1 4.2 4.3 Russian, Ale. "All About Jennifer Lawrence's Parents, Karen and Gary Lawrence". People. https://people.com/all-about-jennifer-lawrence-parents-8287454। আহৰণ কৰা হৈছে: July 13, 2024. 
  5. ↑ 5.0 5.1 5.2 5.3 5.4 5.5 5.6 5.7 5.8 Eells, Josh (April 12, 2012). "Jennifer Lawrence: America's Kick-Ass Sweetheart". Rolling Stone. https://www.rollingstone.com/movies/movie-news/jennifer-lawrence-americas-kick-ass-sweetheart-242738/. 
  6. ↑ 6.0 6.1 Torres, Libby (August 13, 2019). "12 things you probably didn't know about Jennifer Lawrence". Business Insider. https://www.businessinsider.com/jennifer-lawrence-facts-things-to-know-2019-8। আহৰণ কৰা হৈছে: July 13, 2024. 
  7. ↑ Cantabrana, Caitlyn (February 9, 2016). "Open Letter to Fans of Jennifer Lawrence". Movieguide. https://www.movieguide.org/news-articles/open-letter-to-fans-of-jennifer-lawrence.html। আহৰণ কৰা হৈছে: June 3, 2024. 
  8. ↑ 8.0 8.1 Levy, Marc (November 15, 2013). "Jennifer Lawrence, la muse de Hollywood" (fr ভাষাত). Madame Figaro. http://madame.lefigaro.fr/celebrites/jennifer-lawrence-muse-de-hollywood-151113-630012। আহৰণ কৰা হৈছে: January 16, 2017. 
  9. ↑ "Jennifer Lawrence Exclusive Interview!". Seventeen. March 7, 2012. http://www.seventeen.com/celebrity/g152/exclusive-interview-jennifer-lawrence/?slide=5। আহৰণ কৰা হৈছে: January 4, 2017. 
  10. ↑ Heyman, Jessie (November 14, 2015). "5 Things You Didn't Know About Jennifer Lawrence". Vogue. Archived from the original on March 1, 2016. https://web.archive.org/web/20160301133846/http://www.vogue.com/13371064/jennifer-lawrence-5-things-you-didnt-know। আহৰণ কৰা হৈছে: March 24, 2016. 
  11. ↑ Rodriguez, Javy; Schreiber, Hope (March 7, 2013). "30 Things You Didn't Know About Jennifer Lawrence". Complex. http://uk.complex.com/pop-culture/2013/03/30-things-you-didnt-know-about-jennifer-lawrence/jennifer-lawrence-trivia-5। আহৰণ কৰা হৈছে: May 22, 2016. 
  12. ↑ 12.0 12.1 Windolf, Jim; Diehl, Jessica (February 2013). "Girl, Uninterruptible". Vanity Fair. https://www.vanityfair.com/hollywood/2013/02/jennifer-lawrence-cover-story। আহৰণ কৰা হৈছে: March 24, 2016. 
  13. ↑ 13.0 13.1 Schneller, Johanna (June 11, 2010). "Interview with Winter's Bone star Jennifer Lawrence". The Globe and Mail: পৃষ্ঠা 1–2. https://www.theglobeandmail.com/news/arts/movies/johanna-schneller/interview-with-winters-bone-star-jennifer-lawrence/article1600683/. 
  14. ↑ Weichselbaum, Simone (March 3, 2013). "Family and friends say Oscar winner Jennifer Lawrence is still a down-home Kentucky girl". New York Daily News. http://www.nydailynews.com/entertainment/gossip/oscar-winner-jennifer-lawrence-down-home-ky-girl-article-1.1277980. 
  15. ↑ Dionne, Evette (January 2, 2016). "You'll Never Guess Why Abercrombie Didn't Release Jennifer Lawrence's Photos". Refinery29. https://www.refinery29.com/en-us/2016/01/100416/jennifer-lawrence-football-abercrombie-photos। আহৰণ কৰা হৈছে: July 14, 2024. 
  16. ↑ 16.0 16.1 Whitaker, Bill (February 28, 2018). "Jennifer Lawrence says she dropped out of middle school". https://www.cbsnews.com/news/jennifer-lawrence-says-she-dropped-out-of-middle-school/. 
  17. ↑ Reed, Johnson (November 11, 2010). "Jennifer Lawrence, playing to strength". Los Angeles Times. https://www.latimes.com/archives/la-xpm-2010-nov-11-la-en-1111-lawrence-20101111-story.html. 

বাহ্যিক সংযোগ

[সম্পাদনা কৰক]
Jennifer Lawrence প্ৰবন্ধৰ বিষয়ে ৱিকিপিডিয়াৰ ভগ্নী প্ৰকল্পসমূহত অধিক তথ্য চাব পাৰে:
চিত্ৰ আৰু মিডিয়া কমন্সত
উক্তিৰ সংগ্ৰহ ৱিকিউক্তিত
"https://as.wikipedia.org/w/index.php?title=জেনিফাৰ_লৰেন্স&oldid=582579"ৰ পৰা অনা হৈছে