জোচেফিন ক্ল’ফুলিয়া

জোচেফিন ক্ল’ফুলিয়া
জোচেফিন ক্ল’ফুলিয়াৰ প্ৰতিকৃতি
জন্ম	২৫ মাৰ্চ, ১৮২৯ ভাৰচইক্স, চুইজাৰলেণ্ড
মৃত্যু	১৮৭০ (বয়স ৪০–৪১) ব্ৰীজৱাটাৰ, ইউ কে
পেচা	দাড়ি থকা নাৰী
জনা যায়	পি টি বাৰ্নামৰ “আমেৰিকান মিউজিয়াম’’ৰ সৈতে ভ্ৰমণ
আত্মীয়-স্বজন	এটা ভাই, তিনিজনী ভনী

জোচেফিন ক্ল’ফুলিয়া (১৮২৯–১৮৭০) আছিল চুইজাৰলেণ্ডত জন্মগ্ৰহণ কৰা এগৰাকী বিখ্যাত দাড়ি থকা নাৰী যি পি.টি.বাৰ্নামৰ "আমেৰিকান মিউজিয়াম"ৰ অংশ হোৱাৰ বাবেই আটাইতকৈ বিখ্যাত।

প্ৰাথমিক জীৱন

মেডাম ক্ল’ফুলিয়াৰ জন্ম হৈছিল জোচেফাইন বয়ছডেচেন নামেৰে ছুইজাৰলেণ্ডৰ ভাৰ্চ’ইক্সত ব্ৰিগেডিয়াৰ জোচেফ বয়ছডেচেন আৰু ফ্ৰান্সোৱা মেছেটৰ ঘৰত। জন্মতে লোমশ আৰু আঠ বছৰ বয়সত দুই ইঞ্চি দাড়ি আছিল বুলি কোৱা হয়।

আঠ বছৰ বয়সত তেওঁক জেনেভাৰ বৰ্ডিং স্কুললৈ পঠিওৱা হৈছিল মাকৰ সৈতে একেটা প্ৰতিষ্ঠানতে শিক্ষা গ্ৰহণ কৰিবলৈ। চৈধ্য বছৰ বয়সত পঞ্চম সন্তানৰ মৃত্যুৰ কিছুসময়ৰ পাছতে মাকৰ মৃত্যু হয় আৰু দেউতাকে তেওঁক স্কুলৰপৰা আঁতৰাই পেলায়।

ব্যক্তিগত জীৱন

জোচেফিনে দুটা সন্তান জন্ম দিলে; প্ৰথমটো, ১৮৫১ চনৰ ডিচেম্বৰ মাহত জন্মগ্ৰহণ কৰা জেলিয়া নামৰ এগৰাকী ছোৱালীৰ এঘাৰ মাহৰ পিছত মৃত্যু হয়। ১৮৫২ চনৰ ডিচেম্বৰ মাহত জন্মগ্ৰহণ কৰা তেওঁৰ পুত্ৰ এলবাৰ্টৰ জন্মতো চুলিৰ তৰপ আছিল।

গৃহগাঁৱত আৰামদায়ক হৈ থকাৰ সময়ত বহু ঠাইত ৰাজহুৱা স্থানলৈ ওলাই যোৱাৰ সময়ত তেওঁ মুখৰ তলৰ অৰ্ধেক অংশত ৰুমাল পিন্ধিছিল যাতে মনোযোগ আকৰ্ষণ নকৰে বা মহিলাৰ কাপোৰ পিন্ধা পুৰুষ বুলি অভিযোগ উত্থাপন নহয়।

ভ্ৰাম্যমাণ জীৱন

১৮৪৯ চনত বিছ বছৰ বয়সত প্ৰথমে পিতৃ আৰু এজেণ্টৰ সৈতে আৰু তাৰ পিছত অকলে পিতৃৰ সৈতে ইউৰোপ ভ্ৰমণ কৰিবলৈ আৰম্ভ কৰে। পেৰিছত তেওঁ চিত্ৰশিল্পী ফৰ্চুন ক্ল’ফুলিয়াক লগ পায় আৰু শেষত তেওঁক বিয়া কৰায়। তৃতীয় নেপোলিয়নৰ দাড়ি অনুকৰণ কৰাৰ বাবে তেওঁ কুখ্যাত। বিনিময়ত শাসকে তেওঁক এটা ডাঙৰ হীৰা দিছিল।

১৮৫১ চনৰ আৰম্ভণিতে তেওঁ লণ্ডনত বাস কৰিছিল, গ্ৰেট ইউনিভাৰ্চেল এক্সপ'জিচনত অংশগ্ৰহণ কৰিবলৈ। য'ত তেওঁ নিজৰ অস্বাভাৱিক চিকিৎসাজনিত অৱস্থাৰ বিষয়ে আলোচনা কৰিবলৈ চাৰিং ক্ৰছ হাস্পতাললৈ যায় আৰু পিছৰ বছৰ দ্য লেন্সেটৰ বাবে এটা প্ৰবন্ধৰ বিষয়-বস্তু হয়।

১৮৫৩ চনত ক্ল’ফুলিয়া, তেওঁৰ স্বামী, তেওঁৰ পুত্ৰ আৰু তেওঁৰ পিতৃ আমেৰিকালৈ গুচি যায় আৰু তাৰপৰাই তেওঁলোকৰ চিনাকি হয় পি. টি বাৰ্নামৰ সৈতে। বাৰ্নামে তেওঁক তেওঁৰ আমেৰিকান মিউজিয়ামত এটা পদৰ প্ৰস্তাৱ দিয়ে আৰু তাত তেওঁ ১৮৫৩ চনৰ মাৰ্চ মাহত "দ্য বিয়াৰ্ডেড লেডী অৱ জেনেভা" নামেৰে আত্মপ্ৰকাশ কৰে। তেওঁৰ ন মাহৰ কাৰ্যকালৰ কিছুসময়ৰ বাবে তেওঁৰ পুত্ৰকো আকৰ্ষণ হিচাপে প্ৰদৰ্শিত কৰা হৈছিল, য'ত তেওঁক বাইবেলৰ চৰিত্ৰটোৰ নামেৰে "শিশু এচৌ" বুলি অভিহিত কৰা হৈছিল। এই শিৰোনামৰ ভিন্নতা পিছলৈ বাৰ্নামৰ অধীনত অন্যান্য অভিনেতা যেনে এনি জোনছ আৰু গ্ৰেচ গিলবাৰ্টৰ বাবেও ব্যৱহাৰ কৰা হ'ব।

ইয়াৰ পিছত ক্ল’ফুলিয়াই কৰ্ণেল উডৰ সংগ্ৰহালয়ৰ মালিক কৰ্ণেল জে এইচ উডৰ সৈতে নতুন চুক্তিবদ্ধ হয় আৰু কেইবাখনো আমেৰিকাৰ ৰাজ্য ভ্ৰমণ কৰে। ১৮৫৪ চনলৈকে তেওঁ কিউবাৰ হাভানাত কাম কৰিছিল।

গোচৰ

১৮৫৩ চনৰ জুলাই মাহত উইলিয়াম চাৰ্ৰে ক্ল’ফুলিয়াক আদালতলৈ লৈ যায় আৰু দাবী কৰে যে তেওঁ প্ৰকৃততে এজন মানুহ আৰু এগৰাকী ভণ্ড। গোচৰৰ সময়ত চিকিৎসকে তাইক পৰীক্ষা কৰি তাই মহিলা বুলি পৰীক্ষা কৰে আৰু অৱশেষত গোচৰটো খাৰিজ কৰা হয়। শুনা মতে সন্দেহ কৰা হৈছে যে বাৰ্নামে নিজেই সমগ্ৰ বিষয়টো প্ৰচাৰৰ ষ্টাণ্ট হিচাপে ব্যৱস্থা কৰিছিল।

পিছৰ জীৱন আৰু মৃত্যু

১৮৭০ চনত ইংলেণ্ডৰ ব্ৰীডগৱাটাৰ চহৰৰ ছেইণ্ট মেথিউছ মেলাত তেওঁক প্ৰদৰ্শন কৰা হৈছিল। ছেপ্টেম্বৰৰ শেষৰফালে জোচেফিন অসুস্থ হৈ পৰে আৰু ব্ৰীডগৱাটাৰ ৱৰ্কহাউছ হাস্পতালত সুস্থ হৈ থকাৰ সময়তে তেওঁৰ মৃত্যু হয়। মৃত্যুৰ কাৰণ তেওঁৰ মৃত্যুৰ প্ৰমাণ-পত্ৰত "কম জ্বৰ" বুলি লিখা আছিল। ব্ৰীডগৱাটাৰৰ ৱেমবডন ৰোড কবৰস্থানৰ দৰিদ্ৰ অংশত তেওঁক সমাধিস্থ কৰা হৈছে।