সমললৈ যাওক

টাং ডানহং

অসমীয়া ৱিকিপিডিয়াৰ পৰা
টাং ডানহং
স্থানীয় নাম 唐丹鸿
জন্ম ১৯৬৫ (বয়স ৬০–৬১)
চেংডু, ছিচুয়ান, চীন
ৰাষ্ট্ৰীয়তা চীনা
পেচা কবি, তথ্যচিত্ৰ চলচ্চিত্ৰ পৰিচালক
সক্ৰিয় হৈ থকা সময় ১৯৯০–বৰ্তমান

টাং ডানহং (চীনা: 唐丹鸿; জন্ম ১৯৬৫) এগৰাকী চীনা কবি আৰু স্বতন্ত্ৰ তথ্যচিত্ৰ চলচ্চিত্ৰ পৰিচালক। তেওঁ চীনৰ সংখ্যালঘু জনগোষ্ঠীৰ জীৱন, বিশেষকৈ তিব্বতী আৰু উইঘুৰ সমাজ-সংস্কৃতি আৰু ৰাজনৈতিক বাস্তৱতা বিষয়ক চলচ্চিত্ৰ নিৰ্মাণৰ বাবে পৰিচিত।[1] ২০০৫ চনৰ পৰা তেওঁ ইজৰাইলত বসবাস কৰি আহিছে।[2]

প্ৰাথমিক জীৱন আৰু শিক্ষা

[সম্পাদনা কৰক]

টাং ডানহঙৰ জন্ম ছিচুয়ান প্ৰদেশৰ চেংডুত হয়।[3] ১৯৮৬ চনত তেওঁ ছিচুয়ান বিশ্ববিদ্যালয়ৰ পুথিভঁৰাল আৰু তথ্য বিজ্ঞান বিভাগৰ পৰা স্নাতক ডিগ্ৰী লাভ কৰে।[4] তাৰ পিছত তেওঁ পশ্চিম চীন চিকিৎসা বিজ্ঞান বিশ্ববিদ্যালয়ৰ পুথিভঁৰালত চাৰি বছৰ কাম কৰে।[5] ১৯৯১ চনৰ পৰা ১৯৯২ চনলৈকে তেওঁ চেংডুৰ এখন শিল্প-গেলেৰীত কাম কৰিছিল।[6]

কেৰিয়াৰ

[সম্পাদনা কৰক]

লিখনি

[সম্পাদনা কৰক]

১৯৯৪ চনৰ আৰম্ভণিতে টাং ডানহঙে চেংডুৰ পুৰণি চহৰৰ ৰেনহৌ ষ্ট্ৰীটত “কাফকা বুকষ্ট’ৰ” নামৰ এখন সাহিত্যিক কিতাপৰ দোকান মুকলি কৰে।[7] এই দোকানখন চহৰলৈ অহা দৰ্শনাৰ্থী আৰু সাহিত্যপ্ৰেমীসকলৰ মাজত জনপ্ৰিয় আছিল।[7] প্ৰায় ১৯৯৯ চনত দোকানখন বন্ধ হৈ যায় আৰু টাং চেংডুৰ সাংস্কৃতিক পৰিসৰৰ পৰা অন্তৰ্ধান হয়; কেইবাবছৰ পিছত তেওঁ টেল আভিভত পুনৰ প্ৰত্যক্ষ হয়।[7]

১৯৯২ চনৰ পৰা ২০০২ চনলৈকে চীনত লিখা তেওঁৰ কবিতাসমূহ ২০১২ চনত এক্স-ৰে, ছুইট নাইট (চীনা: X光的、甜蜜的夜) নামেৰে প্ৰকাশ পায়।[8]

টাং ডানহঙৰ লেখা সঘনাই চাইনা ডিজিটেল টাইমছতত প্ৰকাশ পাইছে।[9] ২০০৮ চনত তেওঁ এগৰাকী হান চীনা হিচাপে তিব্বতৰ বিষয়ে নিজৰ অনুভৱ প্ৰকাশ কৰি এখন প্ৰবন্ধ প্ৰকাশ কৰে।[10] ২০১০ চনত তেওঁ ভাৰত ভ্ৰমণ কৰি বৃদ্ধ তিব্বতী নিৰ্বাসিতসকলৰ মৌখিক ইতিহাস সংগ্ৰহ কৰে।[11] ২০১৯ চনত তেওঁ হাইফা বিশ্ববিদ্যালয়ৰ নিমৰোদ বাৰানোভিচৰ সৈতে আটক কৰা উইঘুৰ কবি এবলেট আব্দুৰিছিত বেৰ্কি (Tarim) বিষয়ত সাক্ষাৎকাৰ প্ৰকাশ কৰে।[12][13]

চলচ্চিত্ৰ

[সম্পাদনা কৰক]

টাং ডানহং চেংডু ভিয়েনটিয়ান তথ্যচিত্ৰ চলচ্চিত্ৰ প্ৰডাকচন কোম্পানীৰ পৰিচালক আছিল।[14] ১৯৯৮ চনৰ ফেব্ৰুৱাৰী মাহত তেওঁৰ প্ৰথম তথ্যচিত্ৰ 楚布寺 (চুৰ্ফু মনাষ্ট্ৰী) চিত্ৰগ্ৰহণ কৰা হয়।[15]

তেওঁৰ উল্লেখযোগ্য চলচ্চিত্ৰসমূহৰ ভিতৰত আছে— 扎溪卡 (Dzachuka), 降神者尼玛 (Nyma the Conqueror), 在轮回之门--藏族人的丧葬习俗 (At the Gate of Reincarnation: Tibetan Funeral Customs), 顶级探险---98雅鲁藏布江漂流探险 (Top Adventure–98 Yarlung Zangbo River Rafting Adventure), আৰু 夜莺不是唯一的歌喉 (নাইটিংগেল, ন'ট দ্য ওনলি ভয়চ, ২০০০)।[16]

নাইটিংগেল, ন'ট দ্য ওনলি ভয়চ চলচ্চিত্ৰখনত চেংডুৰ তিনিজন শিল্পীৰ জীৱন অনুসৰণ কৰা হৈছে আৰু আধুনিক বজাৰ অৰ্থনীতিত তেওঁলোকৰ দমন আৰু মানসিক চাপে সৃষ্টি কৰা অনুভূতিসমূহ প্ৰদৰ্শন কৰা হৈছে।[17]

ব্যক্তিগত জীৱন

[সম্পাদনা কৰক]

২০০১ চনত টাং ডানহঙে বিবাহ বিচ্ছেদ কৰে।[7] তাৰ পিছত তেওঁ চীনা চিকিৎসা বিজ্ঞান অধ্যয়ন কৰা এজন ইজৰাইলী লোকক লগ পায়। দুয়োৰে বিবাহ সম্পন্ন হয় আৰু ২০০৫ চনৰ শেষৰ ফালে ইজৰাইললৈ গুচি যায়।[7] ইজৰাইলত তেওঁ টেল আভিভ বিশ্ববিদ্যালয়ত মেণ্ডেৰিন চীনা ভাষা অধ্যাপনা কৰিছিল।[7]

তিব্বতৰ ওপৰত মতামত

[সম্পাদনা কৰক]

তিব্বতৰ বিৰুদ্ধে চীনা কমিউনিষ্ট পাৰ্টিৰ দমনমূলক নীতিৰ বিষয়ে আলোচনা কৰাৰ সময়ত টাং ডানহঙে যুক্তি দিছিল যে এনে পদক্ষেপে অধিক তিব্বতীক স্বায়ত্তশাসন বা আনকি কেন্দ্ৰীয় চৰকাৰৰ পৰা স্বাধীনতাৰ দাবী উত্থাপন কৰিবলৈ প্ৰেৰণা দিব।[18]

তেওঁ এইদৰে মন্তব্য কৰিছিল:

"তিব্বত ধীৰে ধীৰে নাইকিয়া হৈ গৈ আছে। যি আত্মাই তাইক ধুনীয়া আৰু শান্তিপূৰ্ণ কৰি তুলিছিল, সেই আত্মা বিলুপ্ত হৈ গৈছে। তাই আমাৰ দৰে হৈ পৰিছে—যি হ’বলৈ তাই কেতিয়াও ইচ্ছা কৰা নাছিল। বিচ্ছিন্নতাৰ ভয়ৰ সন্মুখীন হৈ তাইৰ আৰু কি বাছনি থাকে? নিজৰ পৰম্পৰা আৰু সংস্কৃতিক আঁকোৱালি ধৰি নিজৰ প্ৰাচীন সভ্যতাক পুনৰুজ্জীৱিত কৰা? নে এনে আত্মবলিদানমূলক কাৰ্য্যত লিপ্ত হোৱা, যিয়ে কেৱল হান জাতীয়তাবাদীসকলৰ ৰক্তাক্ত আৰু লজ্জাজনক গৌৰৱকেই বৃদ্ধি কৰিব?"

[19]

বাহ্যিক সংযোগ

[সম্পাদনা কৰক]

তথ্যসূত্ৰ

[সম্পাদনা কৰক]
  1. ↑ "Tang Danhong". IMDb.
  2. ↑ "Exiled Chinese Filmmaker Speaks Out". International Arts Review.
  3. ↑ Rudolph, Josh (2017-03-09). "Person of the Week: Tang Danhong" (en-US ভাষাত). China Digital Times. http://chinadigitaltimes.net/2017/03/person-week-tang-danhong/। আহৰণ কৰা হৈছে: 18 February 2023.
  4. ↑ Rudolph, Josh (2017-03-09). "Person of the Week: Tang Danhong" (en-US ভাষাত). China Digital Times. http://chinadigitaltimes.net/2017/03/person-week-tang-danhong/। আহৰণ কৰা হৈছে: 18 February 2023.
  5. ↑ Rudolph, Josh (2017-03-09). "Person of the Week: Tang Danhong" (en-US ভাষাত). China Digital Times. http://chinadigitaltimes.net/2017/03/person-week-tang-danhong/। আহৰণ কৰা হৈছে: 18 February 2023.
  6. ↑ Rudolph, Josh (2017-03-09). "Person of the Week: Tang Danhong" (en-US ভাষাত). China Digital Times. http://chinadigitaltimes.net/2017/03/person-week-tang-danhong/। আহৰণ কৰা হৈছে: 18 February 2023.
  7. 1 2 3 4 5 6 Hu Xiao (胡晓) (2008-03-05). "消失9年 "卡夫卡"女诗人唐丹(组图) ['Kafka' poetess Tang Dan disappeared for 9 years]" (zh ভাষাত). Sohu. https://yule.sohu.com/20080305/n255530850.shtml.
  8. ↑ Tang Danhong (October 2012) (zh ভাষাত). X光的、甜蜜的夜. 黑蓝文学. ISBN 978-7-6570-6365-7.
  9. ↑ Tang Danhong (2008-03-21). "Tibet: Her Pain, My Shame". China Digital Times. https://chinadigitaltimes.net/space/Tibet:_Her_Pain,_My_Shame.
  10. ↑ Tang Danhong (2008-03-21). "Tibet: Her Pain, My Shame". China Digital Times. https://chinadigitaltimes.net/space/Tibet:_Her_Pain,_My_Shame.
  11. ↑ Beach, Sophie (2016-06-30). "Troubled Times: Voices of Tibetan Refugees". China Digital Times. https://chinadigitaltimes.net/2016/06/troubled-times-voices-tibetan-refugees/.
  12. ↑ Tang Danhong (2019-02-18). "塔里木，一个维吾尔人 [Tarim, A Uyghur]" (zh ভাষাত). China Digital Times. https://chinadigitaltimes.net/chinese/606169.html.
  13. ↑ Rudolph, Josh (2019-03-13). "Three Poems by Detained Uyghur Poet 'Tarim'". China Digital Times. https://chinadigitaltimes.net/2019/03/three-poems-by-detained-uyghur-poet-tarim/.
  14. ↑ Hu, Lidan (2018-03-28). "A brief history of women's filmmaking". Modern Chinese Literature and Culture, Ohio State University. https://u.osu.edu/mclc/2018/03/28/a-brief-history-of-womens-filmmaking/.
  15. ↑ Hu, Lidan (2018-03-28). "A brief history of women's filmmaking". Modern Chinese Literature and Culture, Ohio State University. https://u.osu.edu/mclc/2018/03/28/a-brief-history-of-womens-filmmaking/.
  16. ↑ Hu, Lidan (2018-03-28). "A brief history of women's filmmaking". Modern Chinese Literature and Culture, Ohio State University. https://u.osu.edu/mclc/2018/03/28/a-brief-history-of-womens-filmmaking/.
  17. ↑ Chu, Yingchi (2007). Chinese Documentaries: From Dogma to Polyphony. Routledge. পৃষ্ঠা. 247. ISBN 978-1-134-18603-7.
  18. ↑ Qiang, Xiao (23 March 2008). "Tibet: Her Pain, My Shame" (en-US ভাষাত). China Digital Times. http://chinadigitaltimes.net/2008/03/tibet-her-pain-my-shame/। আহৰণ কৰা হৈছে: 18 February 2023.
  19. ↑ Qiang, Xiao (23 March 2008). "Tibet: Her Pain, My Shame" (en-US ভাষাত). China Digital Times. http://chinadigitaltimes.net/2008/03/tibet-her-pain-my-shame/। আহৰণ কৰা হৈছে: 18 February 2023.
"https://as.wikipedia.org/w/index.php?title=টাং_ডানহং&oldid=590905"ৰ পৰা অনা হৈছে