সমললৈ যাওক

টাইছা ফাৰ্মিগা

অসমীয়া ৱিকিপিডিয়াৰ পৰা
টাইছা ফাৰ্মিগা
২০১৬ চনত ফাৰ্মিগা
২০১৬ চনত ফাৰ্মিগা
জন্ম ১৭ আগষ্ট, ১৯৯৪ (৩২ বছৰ)
হোৱাইটহাউছ ষ্টেচন, নিউ জাৰ্ছী, আমেৰিকা যুক্তৰাষ্ট্ৰ
পেচা অভিনেত্ৰী
সক্ৰিয় হৈ থকা সময় ২০১০–বৰ্তমান
দাম্পত্যসঙ্গী হেডলী ক্লেইন (বি. ২০২০; বিবি. ২০২৪)
আত্মীয়-স্বজন
  • ভেৰা ফাৰ্মিগা (ভগ্নী)
  • এড্ৰিয়ানা ফাৰ্মিগা (খুৰাক/বৰদেউতাকৰ ছোৱালী)

টাইছা ফাৰ্মিগা (ইংৰাজী: Taissa Farmiga; জন্ম: ১৭ আগষ্ট, ১৯৯৪) এগৰাকী আমেৰিকান অভিনেত্ৰী। বিভিন্ন হৰৰ বা ভৌতিক ছবিত কৰা অভিনয়ৰ বাবে তেওঁক নিজৰ জ্যেষ্ঠ ভগ্নী ভেৰা ফাৰ্মিগাৰ সৈতে এগৰাকী স্ক্ৰীম কুুইন হিচাপে গণ্য কৰা হয়।[1]

ভগ্নীৰ উৎসাহতে ফাৰ্মিগাই অভিনয় জগতত ভৰি দিছিল আৰু তাৰ পিছত ভেৰাৰ পৰিচালিত প্ৰথম ছবি হায়াৰ গ্ৰাউণ্ডৰ (২০১১) জৰিয়তে অভিষেক ঘটায়।[2] তেওঁ বিশেষকৈ আমেৰিকান হৰৰ ষ্টোৰী নামৰ এনথলজী শৃংখলাটোৰ জৰিয়তে জনপ্ৰিয়তা অৰ্জন কৰে, য’ত তেওঁ মাৰ্ডাৰ হাউচ (২০১১), কভেন (২০১৩–২০১৪), ৰোৱানোক (২০১৬) আৰু এপোকলিপ্স (২০১৮) ছিজনবোৰত অভিনয় কৰিছিল। তেওঁৰ আৰম্ভণিৰ আন কেইখনমান ছবি হ’ল ক্ৰাইম ড্ৰামা দা ব্লিং ৰিং (২০১৩) আৰু চাইকল’জিকেল থ্ৰিলাৰ মাইণ্ডস্কেপ (২০১৩)।

ফাৰ্মিগাই কমেডী শ্লেচাৰ ফিল্ম দা ফাইনেল গাৰ্লছ (২০১৫), ড্ৰামা ফিল্ম ছিক্স য়েৰ্ছ (২০১৫) আৰু শ্বেয়াৰ (২০১৫) ত কৰা অভিনয়ৰ বাবে প্ৰশংসা বুটলিবলৈ সক্ষম হয়। এই আটাইকেইখন ছবিয়ে ছাউথ বাই চাউথৱেষ্ট মহোৎসৱত প্ৰদৰ্শিত হৈছিল আৰু ইয়াৰ ফলত তেওঁক সেই মহোৎসৱৰ এগৰাকী অন্যতম উদীয়মান তাৰকা হিচাপে অভিহিত কৰা হয়। তেওঁ ডিচি এনিমেটেড মুভি ইউনিভাৰ্ছত (২০১৬–২০২০) ৰাভেন চৰিত্ৰটোৰ বাবে কণ্ঠদান কৰিছে। ইয়াৰ উপৰি তেওঁ কমেডী ছবি ৰুলছ ড’নট এপ্লাই (২০১৬) আৰু দা লং ডাম্ব ৰোড (২০১৮), ড্ৰামা ছবি ইন এ ভেলী অৱ ভায়লেন্স (২০১৬) আৰু হোৱাট দে হেড (২০১৮), আৰু চুপাৰনেচাৰেল থ্ৰিলাৰ ছবি দা নান (২০১৮) আৰু ইয়াৰ পৰৱৰ্তী খণ্ড দা নান ২ত (২০২৩) অভিনয় কৰিছে।

২০২২ চনৰপৰা ফাৰ্মিগাই এইচবিঅ'ৰ পিৰিয়ড ড্ৰামা ছিৰিজ দা গিলডেড এজত গ্লেডিছ ৰাছেল নামৰ আমেৰিকান ডলাৰ প্ৰিন্সেছৰ চৰিত্ৰত অভিনয় কৰিছে। লগতে তেওঁ প্ৰচিডিউৰেল ড্ৰামা ছিৰিজ উইকেড চিটিৰ (২০১৫) মূল অভিনেতা-অভিনেত্ৰীৰ তালিকাত আছিল আৰু ড্ৰামা প্লে বেৰীড চাইল্ডৰ (২০১৬) জৰিয়তে অফ-ব্ৰডৱে মঞ্চত আত্মপ্ৰকাশ কৰিছিল।

প্ৰাৰম্ভিক জীৱন

[সম্পাদনা কৰক]

ফাৰ্মিগাৰ জন্ম ১৯৯৪ চনৰ ১৭ আগষ্টত নিউ জাৰ্ছীৰ হোৱাইটহাউছ ষ্টেচনত হৈছিল।[3][4] তেওঁ ইউক্ৰেইনীয় প্ৰব্ৰজনকাৰী দম্পতী লুবোমিৰা (পূৰ্বৰ উপাধি স্পাছ), এগৰাকী স্কুলীয়া শিক্ষয়িত্ৰী আৰু মাইকেল ফাৰ্মিগা, এজন চিষ্টেম এনালিষ্টৰ জীয়ৰী।[5][6] তেওঁ সাতগৰাকী ভাই-ভনীৰ ভিতৰত কনিষ্ঠতম: ভিক্টৰ, ভেৰা ফাৰ্মিগা, ষ্টিফেন, নাদিয়া, আলেকজেণ্ডাৰ "এলেক্স" আৰু লাৰিছা। লাৰিছাৰ জন্মৰেপৰা স্পাইনা বাইফিডা নামৰ শাৰীৰিক বিসংগতি আছিল।[7][8] তেওঁৰ মাতামহ-মাতামহীয়ে দ্বিতীয় বিশ্বযুদ্ধৰ সময়ত ডাচাউ কনচেণ্ট্ৰেচন কেম্পৰ অন্তৰ্গত কাৰ্লছফেল্ডত পৰস্পৰক লগ পাইছিল।[9] ফাৰ্মিগাই চতুৰ্থ শ্ৰেণীলৈকে চৰকাৰী স্কুলত পঢ়িছিল আৰু তাৰ পিছত তেওঁৰ দুই ভাই-ভনী এলেক্স আৰু লাৰিছাৰ সৈতে মাকৰ ওচৰত ঘৰতে পঢ়া-শুনা (হোমস্কুলিং) আৰম্ভ কৰে।[10] তেওঁ জনাইছে যে তেওঁ ইউক্ৰেইনীয় ভাষা বুজি পায় যদিও আংশিকভাৱেহে ক’ব পাৰে। চাৰি বছৰ ধৰি পাঠ্যক্ৰম গ্ৰহণ কৰা বাবে তেওঁ আমেৰিকান চেইন লেংগুয়েজ বা ইংগিত ভাষাতো পাৰ্গত।[10] ফাৰ্মিগাই পেণ্টেকোষ্টাল বিশ্বাসৰ মাজত ডাঙৰ-দীঘল হৈছিল, কাৰণ তেওঁৰ ভগ্নী ভেৰা আৰু পৰিয়ালৰ আন সদস্যসকলে ইতিমধ্যে ইউক্ৰেইনীয় গ্ৰীক কেথলিক চাৰ্চৰপৰা ধৰ্মান্তৰিত হৈছিল।[11]

কেৰিয়াৰ

[সম্পাদনা কৰক]

২০১১–২০১৪: আগতীয়া কাম আৰু টেলিভিছনৰ জৰিয়তে সফলতা

[সম্পাদনা কৰক]

ফাৰ্মিগাই প্ৰথম অৱস্থাত এজন একাউণ্টেণ্ট হোৱাৰ পৰিকল্পনা কৰিছিল,[12] কিন্তু তেওঁৰ ভগ্নী ভেৰাই তেওঁক নিজৰ পৰিচালিত প্ৰথম ড্ৰামা ছবি হায়াৰ গ্ৰাউণ্ডত অভিনয় কৰিবলৈ সৈমান কৰে। এই ছবিখনত ফাৰ্মিগাই মূল চৰিত্ৰ কৰিন ৱাকাৰৰ ১৬বছৰীয়া সংস্কৰণটোত অভিনয় কৰিছিল।[13] ২০১১ চনৰ চানডেন্স ফিল্ম ফেষ্টিভেলত ছবিখনৰ প্ৰিমিয়াৰ হোৱাৰ ঠিক পিছতেই ফাৰ্মিগাই তেওঁৰ অভিনয়ৰ বাবে উচ্চ প্ৰশংসা লাভ কৰে আৰু তেওঁ আইচিএম পাৰ্টনাৰ্ছ (ICM Partners) নামৰ টেলেণ্ট এজেন্সীৰ সৈতে চুক্তিবদ্ধ হয়।[14]

সেই একে বছৰতে ফাৰ্মিগাই এফএক্স (FX) চেনেলৰ এনথলজী ছিৰিজ আমেৰিকান হৰৰ ষ্টোৰীৰ প্ৰথমটো ছিজনত অভিনয় কৰে, যিয়ে তেওঁক বিশ্বজুৰি জনপ্ৰিয়তা প্ৰদান কৰে।[15] আমেৰিকান হৰৰ ষ্টোৰী: মাৰ্ডাৰ হাউচত তেওঁ ভায়োলেট হাৰমন নামৰ এগৰাকী কিশোৰীৰ চৰিত্ৰত অভিনয় কৰিছিল। তেওঁ নিজৰ জীৱনৰ প্ৰথমটো পেছাদাৰী অডিচনতে ভায়োলেটৰ চৰিত্ৰটো লাভ কৰিবলৈ সক্ষম হৈছিল।[16] ইয়াৰ পিছত তেওঁ ছফিয়া কপ’লাৰ ক্ৰাইম চেটায়াৰ দা ব্লিং ৰিংত ১৭বছৰীয়া জেদী কিশোৰী ছেম মুৰেৰ চৰিত্ৰত অভিনয় কৰে।[17] ছবিখন ২০১৩ চনৰ কান চলচ্চিত্ৰ মহোৎসৱত প্ৰদৰ্শিত হৈ ইতিবাচক সঁহাৰি লাভ কৰে।[18] তাৰপিছত তেওঁ ৰোমাণ্টিক কমেডী ছবি এট মিডলটনত অড্ৰে মাৰ্টিন নামৰ এগৰাকী কিশোৰীৰ চৰিত্ৰত অভিনয় কৰে, য’ত তেওঁৰ সৈতে ভগ্নী ভেৰা আৰু এণ্ডি গাৰ্চিয়ায়ো অভিনয় কৰিছিল।[19]

ফাৰ্মিগাই পুনৰবাৰ আমেৰিকান হৰৰ ষ্টোৰীলৈ প্ৰত্যাৱৰ্তন কৰে ইয়াৰ তৃতীয় ছিজন আমেৰিকান হৰৰ ষ্টোৰী: কভেনৰ (২০১৩–২০১৪) জৰিয়তে। ইয়াত তেওঁ জোৱে বেনছন নামৰ এগৰাকী ডাইনীৰ চৰিত্ৰত অভিনয় কৰিছিল যিয়ে এক ভয়ংকৰ শক্তিৰ অধিকাৰী আছিল।[20] এই চৰিত্ৰটোৰ বাবে তেওঁ সমালোচকৰপৰা যথেষ্ট প্ৰশংসা লাভ কৰিবলৈ সক্ষম হৈছিল।[21]

২০১৫–২০১৬: মূলসুঁতিৰ ছবিত উত্থান

[সম্পাদনা কৰক]
২০১৫ চনৰ ছেপ্টেম্বৰত 'দা ফাইনেল গাৰ্লছ'ৰ টৰণ্টো আন্তঃৰাষ্ট্ৰীয় চলচ্চিত্ৰ মহোৎসৱৰ প্ৰিমিয়াৰত ফাৰ্মিগা।

ফাৰ্মিগাই ২০১৫ চনৰ চাউথ বাই চাউথৱেষ্টত প্ৰদৰ্শিত হোৱা তিনিখন ছবিত অভিনয় কৰিছিল: প্ৰথমখন আছিল টড ষ্ট্ৰাউছ-স্কুলছনৰ সমালোচকৰদ্বাৰা প্ৰশংসিত হৰৰ কমেডী দা ফাইনেল গাৰ্লছ,[22] য’ত তেওঁ মূল চৰিত্ৰ মেক্স কাৰ্টৰাইটৰ ভূমিকাত অভিনয় কৰিছিল।[23] এই ছবিখনে তেওঁক ফ্ৰাইট মিটাৰ বঁটাৰ বাবে মনোনয়ন লাভ কৰাত সহায় কৰিছিল।[24] দ্বিতীয়খন আছিল হান্না ফিডেলৰ ৰোমাণ্টিক ড্ৰামা ছিক্স য়েৰ্ছ, য’ত তেওঁ মেলানী ক্লাৰ্কৰ চৰিত্ৰত অভিনয় কৰিছিল।[25] তৃতীয় তথা অন্তিম ছবিখন আছিল পিপ্পা বিয়াংকোৰ চুটি ছবি শ্বেয়াৰ, য’ত তেওঁ এগৰাকী কিশোৰী ক্ৰিষ্টাল উইলিয়ামছৰ চৰিত্ৰত অভিনয় কৰিছিল।[26] এই আটাইকেইখন ছবিত তেওঁৰ অভিনয় প্ৰশংসিত হৈছিল আৰু ফাৰ্মিগাক মহোৎসৱৰ অন্যতম উদীয়মান তাৰকা হিচাপে তালিকাভুক্ত কৰা হৈছিল।[27]

ইয়াৰ পিছত ফাৰ্মিগাই এবিচি (ABC) চেনেলৰ ক্ৰাইম ড্ৰামা ছিৰিজ উইকেড চিটিত (২০১৫) এগৰাকী তৰুণ সাংবাদিক কেৰেন মেকক্লেৰেনৰ চৰিত্ৰত অভিনয় কৰে।[28] এই শৃংখলাটোৱে সমালোচকৰপৰা মিশ্ৰিত সঁহাৰি লাভ কৰিছিল আৰু কম ৰেটিং হোৱা বাবে মাত্ৰ তিনিটা খণ্ডৰ পিছতেই বাতিল কৰা হৈছিল। অৱশ্যে পৰৱৰ্তী সময়ত ইয়াৰ বাকী থকা খণ্ডসমূহ হুলু (Hulu) প্লেটফৰ্মত মুকলি কৰা হয়।[29]

২০১৬ চনত তেওঁ ছেম শ্বেপাৰ্ডৰ ড্ৰামা বেৰীড চাইল্ডৰ জৰিয়তে অফ-ব্ৰডৱে মঞ্চত আত্মপ্ৰকাশ কৰে, য’ত তেওঁ শ্বেলীৰ চৰিত্ৰত অভিনয় কৰিছিল।[30] ইয়াত তেওঁৰ সৈতে এড হাৰিছ আৰু এমি মাডিগানৰ দৰে অভিনেতা-অভিনেত্ৰীয়েও অভিনয় কৰিছিল।

২০১৭–২০২১: এগৰাকী প্ৰতিষ্ঠিত চলচ্চিত্ৰ অভিনেত্ৰী হিচাপে

[সম্পাদনা কৰক]

ফাৰ্মিগাই ছেম লিউৰ পৰিচালনাত নিৰ্মিত টিন টাইটানছ: দা জুডাছ কণ্ট্ৰেক্টত ৰাভেন চৰিত্ৰটোৰ বাবে পুনৰ কণ্ঠদান কৰে, যাৰ প্ৰিমিয়াৰ ২০১৭ চনৰ ৱাণ্ডাৰকনত হৈছিল।[31] ইয়াৰ পিছত তেওঁ এলিজাবেথ চমকোৰ ড্ৰামা ছবি হোৱাট দে হেডত এমা আৰ্টজৰ চৰিত্ৰত অভিনয় কৰে।[32] তেওঁ পৰিচালক হান্না ফিডেলৰ সৈতে কমেডী ছবি দা লং ডাম্ব ৰোডত পুনৰ কাম কৰে; এই দুয়োখন ছবিয়ে ২০১৮ চনৰ চানডেন্স ফিল্ম ফেষ্টিভেলত প্ৰদৰ্শিত হৈছিল।[33] ইয়াৰ পিছত ফাৰ্মিগাই কৰিন হাৰ্ডীৰ দা কনজুৰিং ইউনিভাৰ্ছৰ পঞ্চমখন ছবি দা নানত চিষ্টাৰ আইৰিন নামৰ এগৰাকী কেথলিক সন্ন্যাসিনীৰ চৰিত্ৰত অভিনয় কৰে। ২০১৮ চনৰ ছেপ্টেম্বৰত মুক্তি লাভ কৰা এই ছবিখন সেই শৃংখলাটোৰ সৰ্বাধিক উপাৰ্জনকাৰী ছবি হিচাপে পৰিগণিত হয়।[34]

২০১৮ চনৰ আগষ্ট মাহত নিশ্চিত কৰা হয় যে ফাৰ্মিগাই আমেৰিকান হৰৰ ষ্টোৰীৰ অষ্টমটো ছিজন এপোকলিপ্সলৈ প্ৰত্যাৱৰ্তন কৰিব।[35] ইয়াত তেওঁ তেওঁৰ আগৰ দুয়োটা চৰিত্ৰ—ভায়োলেট হাৰমন আৰু জোৱে বেনছনৰ ভূমিকাত অভিনয় কৰে। ইয়াৰ উপৰি তেওঁ শ্বাৰ্লি জেকছনৰ ৰহস্যধৰ্মী উপন্যাসৰ আধাৰত নিৰ্মিত উই হেভ অলৱেজ লিভড ইন দা কেচেল নামৰ ছবিখনত মেৰিকাট ব্লেকউড নামৰ মুখ্য চৰিত্ৰত অভিনয় কৰে। লগতে তেওঁ ক্লিণ্ট ইষ্টউড আৰু ব্ৰেডলী কুপাৰৰ সৈতে ইষ্টউডৰদ্বাৰা পৰিচালিত ড্ৰামা ছবি দা মিউলতো (২০১৮) অভিনয় কৰিছিল।[36]

২০১৯ চনৰ মে’ মাহত ফাৰ্মিগাই দা টুৱাইলাইট জোন নামৰ ধাৰাবাহিকখনৰ এটা খণ্ডত এনী মিলাৰৰ চৰিত্ৰত অভিনয় কৰে।[37] পৰৱৰ্তী বছৰত তেওঁ হৰৰ এনথলজী ছিৰিজ ৫০ ষ্টেটছ অৱ ফ্ৰাইটত হান্না ষ্টলচফিচ হিচাপে অতিথি শিল্পীৰ ভূমিকাত অভিনয় কৰে।[38]

২০২২–বৰ্তমান: 'দা গিলডেড এজ' আৰু পৰৱৰ্তী চলচ্চিত্ৰ ভূমিকা

[সম্পাদনা কৰক]

২০২২ চনত ফাৰ্মিগাই এইচবিঅ'ৰ (HBO) পিৰিয়ড ড্ৰামা ছিৰিজ দা গিলডেড এজত সামাজিকভাৱে প্ৰতিষ্ঠিত গ্লেডিছ ৰাছেলৰ চৰিত্ৰত অভিনয় কৰিবলৈ আৰম্ভ কৰে। এই চৰিত্ৰটো কেৰী কুনৰদ্বাৰা অভিনীত চৰিত্ৰটোৰ জীয়ৰী আছিল।[39] তাৰ পিছৰ বছৰত তেওঁ অতিপ্ৰাকৃতিক হৰৰ ছবিৰ চিকুৱেল দা নান ২ত পুনৰ চিষ্টাৰ আইৰিনৰ চৰিত্ৰটো ৰূপায়ণ কৰে।[40]

ইয়াৰ পিছত ফাৰ্মিগাই স্বতন্ত্ৰ ৰোমাণ্টিক ড্ৰামা ছবি শ্বী টট লাভত ছামান্থা মিৰন নামৰ সহযোগী চৰিত্ৰত অভিনয় কৰে, যিখন ছবি ২০২৪ চনৰ ২৭ ছেপ্টেম্বৰত হুলুৰ জৰিয়তে মুক্তি লাভ কৰিছিল।[41]

ব্যক্তিগত জীৱন

[সম্পাদনা কৰক]

ফাৰ্মিগা লছ এঞ্জেলছৰ লছ ফেলিজত এটা ঘৰৰ গৰাকী।[42] ২০১৯ চনৰ মে’ মাহত চিত্ৰনাট্যকাৰ আৰু পৰিচালক হেডলী ক্লেইনৰ সৈতে তেওঁৰ আঙঠি পিন্ধোৱা পৰ্ব (এংগেজমেণ্ট) সম্পন্ন হোৱাৰ খবৰ ওলাইছিল।[43] ২০২০ চনৰ ৮ আগষ্টত তেওঁলোকে নিজৰ ঘৰতে এক অতি ব্যক্তিগত অনুষ্ঠানৰ জৰিয়তে বিবাহপাশত আবদ্ধ হয়।[44]

২০২৫ চনৰ ১৩ জুলাইত মুকলি কৰা অফিচিয়েল 'এইচবিঅ' গিলডেড এজ' পডকাষ্টত তেওঁ নিজৰ বিবাহ বিচ্ছেদৰ কথা ঘোষণা কৰে।[45] তথ্য অনুসৰি তেওঁলোকৰ এই বিবাহ বিচ্ছেদ ২০২৪ চনৰ জুলাই মাহৰ আৰম্ভণিতে হৈছিল।[46]

তথ্যসূত্ৰ

[সম্পাদনা কৰক]
  1. ↑ Minear, Piper (August 17, 2017). "Taissa Farmiga: A New Generation's Scream Queen". iHorror. http://www.ihorror.com। আহৰণ কৰা হৈছে: March 6, 2018.
  2. ↑ Fitzsimons, Amanda (August 8, 2011). "Taissa Farmiga: It's All Relative" (en-US ভাষাত). Teen Vogue. https://www.teenvogue.com। আহৰণ কৰা হৈছে: June 8, 2021.
  3. ↑ Sundel, Jenny (March 11, 2015). "SXSW 2015: Taissa Farmiga Takes Off". Women's Wear Daily. http://www.wwd.com/eye/people/sxsw-2015-taissa-farmiga-takes-off-10092770/। আহৰণ কৰা হৈছে: April 12, 2015.
  4. ↑ "5 Things You Don't Know About Taissa Farmiga". Entertainment Tonight. November 4, 2013. https://www.etonline.com/tv/140336_Five_Fun_Facts_About_Taissa_Farmiga। আহৰণ কৰা হৈছে: November 19, 2019.
  5. ↑ Brown, Mick (August 30, 2008). "Vera Farmiga: rare breed". The Daily Telegraph. https://www.telegraph.co.uk/culture/film/3559459/Vera-Farmiga-rare-breed.html। আহৰণ কৰা হৈছে: July 16, 2009.
  6. ↑ Smindak, Helen (October 15, 2006). "Actress Vera Farmiga: reaching for stardom". The Ukrainian Weekly. Archived from the original on March 4, 2016. https://web.archive.org/web/20160304053551/http://www.ukrweekly.com/old/archive/2006/420627.shtml। আহৰণ কৰা হৈছে: January 31, 2015.
  7. ↑ Savage, Sophia (August 22, 2011). "Vera and Taissa Farmiga Talk Higher Ground: Strength, Vulnerability, Self-Discovery, Courage". IndieWire. https://www.indiewire.com/2011/08/vera-and-taissa-farmiga-talk-higher-ground-strength-vulnerability-self-discovery-courage-185007/.
  8. ↑ Neumyer, Scott (March 15, 2014). "Actresses Vera and Taissa Farmiga Are Sisters and Best Friends". Parade. https://parade.com/269957/scottneumyer/actresses-vera-and-taissa-farmiga-are-sisters-and-best-friends/.
  9. ↑ "Nadia Spas Obituary". Legacy.com. October 23, 2014. http://www.legacy.com/obituaries/mycentraljersey/obituary.aspx?pid=172902045। আহৰণ কৰা হৈছে: February 21, 2015.
  10. 1 2 DeSocio, Jeffrey Thomas (October 6, 2015). "Farmiga bring the chills in 'The Final Girls'". Good Day L.A. at FOXLA.com. Archived from the original on September 27, 2017. https://web.archive.org/web/20170927000130/http://www.foxla.com/good-day/good-day-la-celebrity-interviews/taissa-farmiga-bring-the-chills-in-the-final-girls। আহৰণ কৰা হৈছে: September 18, 2017.
  11. ↑ Luscombe, Belinda (August 29, 2011). "That's the Spirit". Time. Archived from the original on September 21, 2013. https://web.archive.org/web/20130921145541/http://content.time.com/time/magazine/article/0,9171,2089351,00.html। আহৰণ কৰা হৈছে: March 25, 2026.
  12. ↑ Doty, Meriah (July 30, 2015). "Taissa Farmiga Talks '6 Years' and Sis, Plus Exclusive Trailer". Yahoo! Movies. https://www.yahoo.com/movies/taissa-farmiga-talks-6-years-and-sis-plus-125438945167.html। আহৰণ কৰা হৈছে: August 1, 2015.
  13. ↑ Jacobs, Laura (June 22, 2011). "The Family Farmiga". Vanity Fair. https://www.vanityfair.com/news/2011/08/family-farmiga-201108। আহৰণ কৰা হৈছে: October 23, 2011.
  14. ↑ Miller, Daniel (March 30, 2011). "Agency Signing Round-Ups: 'Falling Skies' Star Connor Jessup to UTA; Vera's Sister Taissa Farmiga to ICM". The Hollywood Reporter. https://www.hollywoodreporter.com/risky-business/agency-signings-round-up-taissa-172927। আহৰণ কৰা হৈছে: September 4, 2013.
  15. ↑ Goldberg, Lesley (May 5, 2011). "Duo Join Ryan Murphy's 'American Horror Story' FX Pilot". The Hollywood Reporter. https://www.hollywoodreporter.com/news/duo-join-ryan-murphys-american-185845। আহৰণ কৰা হৈছে: September 4, 2013.
  16. ↑ Andreeva, Nellie (May 5, 2011). "'American Horror Story' Casts Young Leads". Deadline Hollywood. Archived from the original on November 14, 2020. https://web.archive.org/web/20201114224739/https://deadline.com/2011/05/american-horror-story-casts-young-leads-129028/। আহৰণ কৰা হৈছে: April 17, 2020.
  17. ↑ Jagernauth, Kevin (March 1, 2012). "American Horror Story Star Taissa Farmiga Joins Sofia Coppola's The Bling Ring". IndieWire. Archived from the original on August 22, 2016. https://web.archive.org/web/20160822102353/http://www.indiewire.com/2012/03/american-horror-story-star-taissa-farmiga-joins-sofia-coppolas-the-bling-ring-253590/। আহৰণ কৰা হৈছে: August 27, 2012.
  18. ↑ Rosen, Christopher (May 16, 2013). "'The Bling Ring' Reviews: Sofia Coppola's Burglar Bunch Film Debuts At Cannes". HuffPost. https://www.huffingtonpost.com/2013/05/16/bling-ring-reviews_n_3285576.html। আহৰণ কৰা হৈছে: June 8, 2013.
  19. ↑ Kit, Borys (June 19, 2012). "Three Actors Join Indie Dramedy 'Admissions'". The Hollywood Reporter. https://www.hollywoodreporter.com/news/taissa-farmiga-nicholas-braun-spencer-lofranco-admissions-339359। আহৰণ কৰা হৈছে: September 4, 2013.
  20. ↑ Goldberg, Lesley (February 7, 2013). "'American Horror Story' Adds Frances Conroy, Taissa Farmiga for Season 3". The Hollywood Reporter. https://www.hollywoodreporter.com/live-feed/american-horror-story-season-3-cast-frances-conroy-taissa-farmiga-419184। আহৰণ কৰা হৈছে: February 7, 2013.
  21. ↑ Pasha, Adam (October 7, 2013). "American Horror Story: Coven Premiere, "Bitchcraft"". HuffPost. https://www.huffingtonpost.com/pasha-adam/american-horror-story-cov_b_4054877.html। আহৰণ কৰা হৈছে: January 5, 2014.
  22. ↑ Peitzman, Louis. "The 19 Best Horror Films Of 2015" (en ভাষাত). BuzzFeed. https://www.buzzfeed.com/louispeitzman/best-horror-films-2015। আহৰণ কৰা হৈছে: June 8, 2021.
  23. ↑ Kroll, Justin (February 27, 2014). "SPWA Acquires 'Final Girls' Starring Malin Akerman, Taissa Farmiga". Variety. https://variety.com/2014/film/news/spwa-final-girls-malin-akerman-taissa-farmiga-1201122716/। আহৰণ কৰা হৈছে: December 11, 2017.
  24. ↑ "It Follows, Spring, and We Are Still Here Lead the 2015 Fright Meter Awards Nominations" (en ভাষাত). http://www.frightmeter.com/2016/01/it-follows-spring-and-we-are-still-here.html। আহৰণ কৰা হৈছে: June 8, 2021.
  25. ↑ Kilday, Gregg (June 12, 2014). "Taissa Farmiga, Ben Rosenfield Starring in Hannah Fidell's New Feature". The Hollywood Reporter. https://www.hollywoodreporter.com/news/taissa-farmiga-ben-rosenfield-starring-711577। আহৰণ কৰা হৈছে: April 17, 2020.
  26. ↑ Chang, Justin (March 17, 2015). "SXSW: 'Krisha,' 'Peace Officer' Win Grand Jury Prizes". Variety. https://variety.com/2015/film/festivals/sxsw-film-awards-krisha-peace-officer-win-grand-jury-awards-1201454995/। আহৰণ কৰা হৈছে: December 11, 2017.
  27. ↑ Setoodeh, Ramin (March 20, 2015). "The 14 Women Who Dominated the SXSW Film Festival". Variety. https://variety.com/2015/film/markets-festivals/sxsw-amy-schumer-trainwreck-melissa-mccarthy-spy-1201456935/। আহৰণ কৰা হৈছে: December 11, 2017.
  28. ↑ Goldberg, Lesley (February 25, 2015). "'American Horror Story' Alum Taissa Farmiga Joins ABC Anthology". The Hollywood Reporter. https://www.hollywoodreporter.com/live-feed/american-horror-story-alum-taissa-777622। আহৰণ কৰা হৈছে: April 17, 2020.
  29. ↑ Wagmeister, Elizabeth (December 23, 2015). "Hulu Streaming Un-Aired Episodes of ABC's Canceled 'Wicked City'". Variety. https://variety.com/2015/tv/news/wicked-city-hulu-streaming-episodes-ed-westwick-1201667525/। আহৰণ কৰা হৈছে: December 11, 2017.
  30. ↑ Gerard, Jeremy (October 8, 2015). "'American Horror Story's Taissa Farmiga Joins Ed Harris, Amy Madigan in 'Buried Child' Revival". Deadline Hollywood. https://deadline.com/2015/10/taissa-farmiga-buried-child-revival-1201570959/। আহৰণ কৰা হৈছে: April 17, 2020.
  31. ↑ Kit, Borys (January 19, 2017). "Christina Ricci, Miguel Ferrer Join Voice Cast of 'Teen Titans' Animated Movie (Exclusive)". The Hollywood Reporter. https://www.hollywoodreporter.com/heat-vision/teen-titans-judas-contract-movie-sets-voice-cast-965621। আহৰণ কৰা হৈছে: January 19, 2017.
  32. ↑ Kit, Borys (March 17, 2017). "Hilary Swank, Michael Shannon to Star in Drama 'What They Had' (Exclusive)". The Hollywood Reporter. https://www.hollywoodreporter.com/news/hilary-swank-michael-shannon-star-drama-what-they-had-986989। আহৰণ কৰা হৈছে: March 17, 2017.
  33. ↑ Galuppo, Mia (April 12, 2017). "Jason Mantzoukas, Tony Revolori to Star in Indie Road Trip Film (Exclusive)". The Hollywood Reporter. https://www.hollywoodreporter.com/news/jason-mantzoukas-tony-tevolori-star-indie-road-trip-comedy-993304। আহৰণ কৰা হৈছে: April 12, 2017.
  34. ↑ McNary, Dave (April 24, 2017). "Taissa Farmiga to Play Titular Role in Horror Movie 'The Nun'". Variety. https://variety.com/2017/film/news/taissa-farmiga-demian-bechir-horror-movie-the-nun-1202393735/। আহৰণ কৰা হৈছে: April 24, 2017.
  35. ↑ Hipes, Patrick (August 7, 2018). "'American Horror Story: Apocalypse' Adds Familiar Faces To Cast". Deadline Hollywood. https://deadline.com/2018/08/american-horror-story-apocalypse-taissa-farmiga-stevie-nicks-gabourey-sidibe-lily-rabe-frances-conroy-cast-1202441737/। আহৰণ কৰা হৈছে: August 8, 2018.
  36. ↑ Kit, Borys (June 4, 2018). "Dianne Wiest, Michael Pena Join Clint Eastwood's 'The Mule' (Exclusive)". The Hollywood Reporter. https://www.hollywoodreporter.com/news/dianne-wiest-michael-pena-join-clint-eastwoods-mule-1116755। আহৰণ কৰা হৈছে: June 5, 2018.
  37. ↑ Petski, Denise (January 28, 2019). "'The Twilight Zone': Taissa Farmiga, Rhea Seehorn, Luke Kirby & Ike Barinholtz To Star In Episode Of CBS All Access Reboot". Deadline Hollywood. https://deadline.com/2019/01/the-twilight-zone-taissa-farmiga-rhea-seehorn-luke-kirby-ike-barinholtz-star-episode-cbs-all-access-reboot-1202543926/। আহৰণ কৰা হৈছে: January 28, 2019.
  38. ↑ Griffin, David (September 28, 2020). "Sam Raimi's 50 States of Fright Trailer: New Episodes Feature Christina Ricci, Taissa Farmiga". IGN. https://www.ign.com/articles/sam-raimis-50-states-of-fright-season-1-trailer-quibi। আহৰণ কৰা হৈছে: November 9, 2023.
  39. ↑ Petski, Denise (November 19, 2019). "'The Gilded Age': Denée Benton, Louisa Jacobson, Taissa Farmiga, Blake Ritson & Simon Jones Join HBO Period Drama". Deadline Hollywood. https://deadline.com। আহৰণ কৰা হৈছে: January 27, 2020.
  40. ↑ D'Alessandro, Anthony (October 3, 2022). "Taissa Farmiga Returning As Sister Irene In 'The Nun 2'" (en-US ভাষাত). Deadline. https://deadline.com। আহৰণ কৰা হৈছে: October 4, 2022.
  41. ↑ Grobar, Matt (July 28, 2022). "Kirby Howell-Baptiste, Darrell Britt-Gibson & Taissa Farmiga To Star In Romance 'She Taught Love'; Nate Edwards Directing From Britt-Gibson's Script" (en-US ভাষাত). Deadline. https://deadline.com। আহৰণ কৰা হৈছে: October 3, 2024.
  42. ↑ Beale, Lauren (May 27, 2019). "Scream queen Taissa Farmiga buys reanimated Traditional in Los Feliz". Los Angeles Times. https://www.latimes.com/business/realestate/hot-property/la-fi-hotprop-taissa-farmiga-20190527-story.html?outputType=amp। আহৰণ কৰা হৈছে: June 4, 2019.
  43. ↑ Caller Jaffe, Marcia (May 29, 2019). "Lewis Takes Well-Deserved Bow at Westin". The Atlanta Jewish Times. https://atlantajewishtimes.timesofisrael.com/lewis-takes-well-deserved-bow-at-westin/। আহৰণ কৰা হৈছে: June 4, 2019. ""Stepson Hadley Klein, with fiancé actress Taissa Farmiga, flew in from Los Angeles""
  44. ↑ Aderoju, Darlene (November 27, 2020). "American Horror Story's Taissa Farmiga Reveals She Secretly Married Filmmaker Hadley Klein". People. https://people.com/tv/american-horror-storys-taissa-farmiga-reveals-she-secretly-married-filmmaker-hadley-klein/?amp=true। আহৰণ কৰা হৈছে: December 10, 2020.
  45. ↑ HBO (July 13, 2025). The Official Gilded Age Podcast Season 3 | Episode 4 | HBO. Retrieved July 14, 2025 – via YouTube.
  46. ↑ "Case 24STFL06735 Klein, Hadley Vs Farmiga, Taissa - Trellis: Legal Intelligence + Judicial Analytics" (en ভাষাত). Trellis. https://trellis.law/case/24stfl06735/klein-hadley-vs-farmiga-taissa। আহৰণ কৰা হৈছে: July 14, 2025.

বাহ্যিক সংযোগ

[সম্পাদনা কৰক]
"https://as.wikipedia.org/w/index.php?title=টাইছা_ফাৰ্মিগা&oldid=594574"ৰ পৰা অনা হৈছে