টি কল্পনা দেৱী

টি কল্পনা দেৱী T. Kalpana Devi
অষ্টম লোকসভাৰ সদস্য
কাৰ্যকাল ১৯৮৪ – ১৯৮৯
পূৰ্বসূৰী	কামালুদ্দিন আহমেদ
উত্তৰসূৰী	সুৰেন্দ্ৰ ৰেদ্দী
সংখ্যা গৰিষ্ঠতা	৮,৪৫৬
ব্যক্তিগত তথ্য
জন্ম	১৩ জুলাই, ১৯৪১ ভাতলাপেনুমাৰু, অন্ধ্ৰপ্ৰদেশ, ভাৰত
মৃত্যু	২৯ মে', ২০১৬ (৭৪ বছৰ) হায়দৰাবদ, অন্ধ্ৰপ্ৰদেশ, ভাৰত
ৰাজনৈতিক দল	তেলেগু দেশম পাৰ্টি

টি কল্পনা দেৱী (ইংৰাজী: T. Kalpana Devi) (১৯৪১–২০১৬) অন্ধ্ৰ প্ৰদেশৰ এগৰাকী চিকিৎসক আৰু ৰাজনীতিবিদ। তেওঁ অষ্টম লোকসভাৰ সদস্য আছিল।

প্ৰাথমিক জীৱন

১৯৪১ চনৰ ১৩ জুলাইত কৃষ্ণ জিলাৰ ভাটলাপেনুমাৰৰু গাঁৱত চলসনী বীৰা ৰাঘবৈয়াৰ ঘৰত কল্পনা দেৱীৰ জন্ম হৈছিল। ৱাৰাংগলৰ কাকতীয়া চিকিৎসা মহাবিদ্যালয়ৰ পৰা তেওঁ চিকিৎসা বিজ্ঞানৰ ডিগ্ৰী (এমবিবিএছ) কৰিছিল।.

কৰ্মজীৱন

কল্পনা দেৱীয়ে তেলেগু দেশম পাৰ্টি (টিডিপি)ত যোগদান কৰি ৰাজনৈতিক জীৱন আৰম্ভ কৰে৷ ইয়াৰ আগতে তেওঁ হানমকোণ্ডাৰ ব্যক্তিগত নাৰ্চিং হোমত চিকিৎসাসেৱা আগবঢ়াইছিল।১৯৮৪ চনৰ অষ্টম লোকসভাৰ বাবে সাধাৰণ নিৰ্বাচনৰ সময়ত তেওঁ ৱাৰাংগলৰ পৰা প্ৰতিদ্বন্দ্বিতা কৰি ভাৰতীয় জাতীয় কংগ্ৰেছৰ নিকটতম প্ৰতিদ্বন্দ্বী কমলুদ্দিন আহমেদক ৮,৪৫৬ টা ভোটৰ ব্যৱধানত পৰাস্ত কৰে।পৰৱৰ্তী সাধাৰণ নিৰ্বাচনত অৱশ্যে তেওঁ ভাৰতীয় জাতীয় কংগ্ৰেছৰ ৰামা সহায়ম সুৰেন্দ্ৰ ৰেড্ডীৰ হাতত পৰাস্ত হয়।

পিছলৈ দেৱীয়ে তেলেগু দেশম পাৰ্টি এৰি কংগ্ৰেছলৈ যায়৷ ১৯৯৮ আৰু ১৯৯৯ চনত একেৰাহে অনুষ্ঠিত হোৱা সাধাৰণ নিৰ্বাচনত তেওঁ প্ৰতিদ্বন্দ্বিতা কৰে।

ব্যক্তিগত জীৱন

১৯৬১ চনৰ ১০ জুলাইত দেৱীয়ে ডাঃ টি নৰসিংহ ৰেড্ডীক বিয়া কৰায়। তেওঁলোকৰ দুজন পুত্ৰ সন্তান জন্ম হয়।[1] ২০১৬ চনৰ ২৯ মে’ত, হায়দৰাবাদৰ এখন চিকিৎসালয়ত টি কল্পনা দেৱীৰ মৃত্যু হয়। ৱাৰাংগলত তেওঁৰ অন্ত্যেষ্টিক্ৰিয়া সম্পন্ন কৰা হৈছিল।