টেমি মোয়ো
টেমি মোয়ো | |
|---|---|
 | |
| পৃষ্ঠভূমি | |
| জন্ম নাম | থামছান্কা মোয়ো |
| জন্ম | ৫ জানুৱাৰী, ১৯৯৮ (২৮ বছৰ) হাৰাৰে, জিম্বাবৱে |
| পেচা | অভিনেত্ৰী, গায়িকা |
| বাদ্যযন্ত্ৰ | কণ্ঠ, গিটাৰ |
| সক্ৰিয়তাৰ বছৰ | ২০০৮–বৰ্তমান |
থামছান্কা 'টেমি' মোয়ো (জন্ম ৫ জানুৱাৰী ১৯৯৮) এজনী জিম্বাবৱেৰ সংগীতশিল্পী আৰু অভিনেত্ৰী।[1] তেওঁ ২০১৬ চনৰ “Ndibereke” গীতৰ জৰিয়তে জনপ্ৰিয় হৈ উঠে। ২০২০ চনৰ চলচ্চিত্ৰ “গনাৰেজৌ”ত তেওঁৰ অভিনয়ে বিশেষ প্ৰশংসা লাভ কৰে।[2]
প্ৰাৰম্ভিক জীৱন
[সম্পাদনা কৰক]তেওঁ ৫ জানুৱাৰী ১৯৯৮ তাৰিখে হাৰাৰে, জিম্বাবৱেত জন্মগ্ৰহণ কৰে। তেওঁৰ পিতৃ ৰিচাৰ্ড কোহোলা ষ্টাৰ এফ এম জিম্বাবৱেৰ অনুষ্ঠান পৰিচালক, যাক RK নামে জনা যায়। তেওঁৰ মাতৃৰ নাম ডৰিছ মোয়ো।[3]
পেচাদাৰী জীৱন
[সম্পাদনা কৰক]৭ বছৰ বয়সত তেওঁ গীত গাবলৈ আৰম্ভ কৰে। তেওঁ লুচিটেনিয়া প্ৰাথমিক বিদ্যালয় আৰু [ ৱেষ্টৰিজ উচ্চতৰ মাধ্যমিক বিদ্যালয়ত শিক্ষা গ্ৰহণ কৰে। ১৩ বছৰ বয়সত তেওঁ জনপ্ৰিয় শিল্পী জ' থমাছ, অলিভাৰ ম্টুকুডজি, ষ্টানাৰ, বা শুপী, আৰু আলেক্সিও কাৱাৰাৰ সৈতে সংগীত পৰিৱেশন কৰে। চাইল্ডলাইন জিম্বাবৱেৰ শিশু ৰাষ্ট্ৰদূত হিচাপে নিযুক্ত হৈ তেওঁ জিম্বাবৱেৰ আটাইতকৈ কম বয়সীয়া ৰাষ্ট্ৰদূত হয়। ২০০৮ চনত, তেওঁ তিনিজন সংগীতশিল্পীৰ সৈতে উগাণ্ডা আফ্ৰিকান কায়াৰ গঠন কৰে আৰু নিউ ইয়ৰ্কৰ মাডিছন স্কুৱেৰ গাৰ্ডেনত সংগীত পৰিবেশন কৰে।[1][3]
তেওঁ ক্ৰাই ফ'ৰ হেল্প শীৰ্ষক গীত লিখে আৰু গায়। ২০১২ চনত তেওঁৰ প্ৰথম সংগীত এলবাম Celebrate Yo Lyf মুক্তি লাভ কৰে।[3] তেওঁ হাৰাৰে আন্তৰ্জাতিক কলা মহোৎসৱ আৰু শোকো মহোৎসৱত অংশগ্ৰহণ কৰে। ২০১৬ চনত তেওঁ ৰাষ্ট্ৰীয় কলা গৌৰৱ বঁটা আৰু মিছ টুৰিজম জিম্বাবৱেত সংগীত পৰিবেশন কৰে।[1]
২০১৭ চনত, তেওঁ ছিডনী তাইভাৱাশেৰ উদ্যোগত গনাৰেজৌ ছবিত অভিনয়ৰ সুযোগ লাভ কৰে।[4] ছবিখনত তেওঁ চিপো নামৰ চৰিত্ৰটো অভিনয় কৰে।[5] তাৰ পিছতে, তেওঁ ৰাষ্ট্ৰীয় কলা গৌৰৱ বঁটা-ত মনোনয়ন লাভ কৰে।[2]
২০১৯ চনত, তেওঁ অল আফ্ৰিকা মিউজিক এৱাৰ্ড (AFRIMA)-ত দক্ষিণ আফ্ৰিকাৰ শ্ৰেষ্ঠ মহিলা শিল্পীৰ শাখাত মনোনয়ন লাভ কৰে।[6]
২০২১ চনত, তেওঁ ZIMOCO-ৰ ৰাষ্ট্ৰদূত হিচাপে নিযুক্ত হয়।
নৱেম্বৰ ২০২১ চনত, তেওঁ Bvudzijena শীৰ্ষক ১৩টা গীতৰ সংগীত এলবাম মুক্তি কৰে। তেওঁৰ প্ৰদৰ্শন ব্লেক এণ্টাৰটেইনমেণ্ট টেলিভিছন (BET)-ৰ পৰ্যায়ৰ সৈতে তুলনা কৰা হয়।[7]
তেওঁ ২০২১ চনৰ অল আফ্ৰিকা মিউজিক এৱাঊ (AFRIMA)-ত দক্ষিণ আফ্ৰিকাৰ শ্ৰেষ্ঠ মহিলা শিল্পীৰ শাখাত মনোনয়ন লাভ কৰে।
চলচ্চিত্ৰ তালিকা
[সম্পাদনা কৰক]| বছৰ | চলচ্চিত্ৰ | চৰিত্ৰ | শ্ৰেণী | তথ্য |
|---|---|---|---|---|
| ২০২০ | গনাৰেজৌ | চিপো | চলচ্চিত্ৰ |
তথ্যসূত্ৰ
[সম্পাদনা কৰক]- 1 2 3 "টেমি মোয়োৰ জীৱনকাহিনী". pindula. https://www.pindula.co.zw/Tamy_Moyo। আহৰণ কৰা হৈছে: 19 October 2020.
- 1 2 "নামা পুৰস্কাৰে টেমি মোয়োৰ অভিনয় যাত্ৰা আৰম্ভ কৰে". herald. https://www.herald.co.zw/nama-opens-tammy-moyo-acting-career/। আহৰণ কৰা হৈছে: 19 October 2020.
- 1 2 3 "টেমি মোয়ো সম্পৰ্কে ১০টা তথ্য". youthvillage. https://youthvillage.co.zw/2015/07/10-things-you-didnt-know-about-teen-sensation-tammy-moyo/। আহৰণ কৰা হৈছে: 19 October 2020.
- ↑ "ED's daughter in anti-poaching film". DailyNews Live. Archived from the original on 20 October 2020. https://web.archive.org/web/20201020140737/https://dailynews.co.zw/articles/2018/10/02/ed-s-daughter-in-anti-poaching-film। আহৰণ কৰা হৈছে: 27 March 2019.
- ↑ "টেমি মোয়ো অভিনয় অভিজ্ঞতা শ্বেয়াৰ কৰে". Daily News Zimbabwe. https://dailynews.co.zw/tamy-cherishes-acting-role/। আহৰণ কৰা হৈছে: 19 October 2020.
- ↑ "AFRIMA মনোনয়ন: টেমি মোয়োলৈ এটি সপোনৰ সদৃশ". The Southern Times. Archived from the original on 27 October 2020. https://web.archive.org/web/20201027084004/https://southerntimesafrica.com/site/news/afrima-nomination-a-dream-come-true-for-zims-tammy-moyo। আহৰণ কৰা হৈছে: 19 October 2020.
- ↑ "টেমি মোয়োৰ নতুন এলবাম Bvudzijena মুক্তি" (en-GB ভাষাত). NewZimbabwe.com. 2021-11-09. https://www.newzimbabwe.com/tamy-moyo-releases-new-album-bvudzijena/। আহৰণ কৰা হৈছে: 2021-12-02.