ট্ৰেন্সভেষ্টিগেশ্বন
ট্ৰেন্সভেষ্টিগেশ্বন (ইংৰাজী: Transvestigation; 'ট্ৰেন্সজেণ্ডাৰ' আৰু 'ইনভেষ্টিগেশ্বন' শব্দৰ সংমিশ্ৰণ) হ’ল এক ষড়যন্ত্ৰমূলক তত্ত্ব (conspiracy theory), য’ত দাবী কৰা হয় যে বহুতো চেলিব্ৰিটি আৰু অন্যান্য প্ৰখ্যাত ব্যক্তি প্ৰকৃততে ট্ৰেন্সজেণ্ডাৰ (অথবা ইয়াৰ বিপৰীতে, কিছুমান মুকলিভাৱে ট্ৰেন্সজেণ্ডাৰ চেলিব্ৰিটি প্ৰকৃততে চিচজেণ্ডাৰ)।[1] ইয়াৰ সমৰ্থকসকলে আলোকচিত্ৰ আৰু ভিডিঅ’ প্ৰমাণৰ জৰিয়তে ব্যক্তিৰ জন্মগত লিংগ নিৰ্ধাৰণ কৰিব পাৰে বুলি দাবী কৰে। "ট্ৰেন্সভেষ্টিগেটৰ"সকলে ব্যৱহাৰ কৰা এই পদ্ধতিসমূহ মূলত দৃষ্টি ভ্ৰম (pareidolia) আৰু নিশ্চিতকৰণ পক্ষপাতিত্বৰ (confirmation bias) ওপৰত আধাৰিত।[2]
ত্ৰীড়াবিদ, চেলিব্ৰিটি আৰু বিশিষ্ট ৰাজনীতিবিদসকল এই তত্ত্বৰ বলি হৈছে।[3] ফ্ৰান্সৰ ৰাষ্ট্ৰপতিৰ পত্নী ব্ৰিজিট মেক্ৰনে তেওঁ পুৰুষ হিচাপে জন্মগ্ৰহণ কৰা বুলি কৰা অভিযোগৰ বিৰুদ্ধে আইনী গোচৰ তৰিছিল।[4]
২০২৪ চনৰ গ্ৰীষ্মকালীন অলিম্পিকৰ বক্সিং বিতৰ্কৰ পৰিপ্ৰেক্ষিতত ইমানে খেলিফ আৰু লিন ইউ-টিং-ৰ বিৰুদ্ধে অনা অভিযোগৰ বাবে এই শব্দটোৱে পুনৰ চৰ্চা লাভ কৰে।[5]
ষড়যন্ত্ৰমূলক তত্ত্বসমূহ
[সম্পাদনা কৰক]ট্ৰেন্সভেষ্টিগেশ্বনৰ ভিত্তিটো এনেকুৱা— কিছুমান চেলিব্ৰিটিৰ লিংগ পৰিচয় তেওঁলোকৰ জন্মগত লিংগতকৈ পৃথক বুলি বিশ্বাস কৰাৰ পৰা আৰম্ভ কৰি, তেওঁলোকৰ ট্ৰেন্সজেণ্ডাৰ পৰিচয়টো "এলিট জেণ্ডাৰ ইনভাৰ্চন" নামৰ এক দীক্ষাগ্ৰহণ ৰীতিৰ অংশ বুলি বিশ্বাস কৰালৈকে বিস্তৃত। এই ৰীতিটো হলিউড আৰু সংগীত জগতৰ অভিজাত লোক বা 'নিউ ৱৰ্ল্ড অৰ্ডাৰ' আৰু 'ইলুমিনাটি'ৰ দৰে গোপন সংগঠনৰ দ্বাৰা পৰিচালিত হয় বুলি দাবী কৰা হয়।[6][7] এলজিবিটিকিউ+ বিষয়ক আমেৰিকান সংগঠন GLAAD-এ এই আন্দোলনটোক ট্ৰেন্সফ’বিয়া বা ট্ৰেন্সজেণ্ডাৰবিদ্বেষৰ এক প্ৰকাশ বুলি গণ্য কৰে।[1] ছচিয়েল মিডিয়া প্লেটফৰ্ম টুইটাৰত এই তত্ত্বসমূহে যথেষ্ট জনপ্ৰিয়তা লাভ কৰিছে।
ফ্ৰান্স
[সম্পাদনা কৰক]ফ্ৰান্সৰ ৰাষ্ট্ৰপতিৰ পত্নী ব্ৰিজিট মেক্ৰনে তেওঁ পুৰুষ হিচাপে জন্মগ্ৰহণ কৰা বুলি কৰা অভিযোগৰ বিৰুদ্ধে আইনী ব্যৱস্থা গ্ৰহণ কৰিছে।[4] এই ষড়যন্ত্ৰমূলক তত্ত্বটোৰ মতে তেওঁৰ আগৰ নাম আছিল জিন-মিচেল ট্ৰগনাক্স। এই তত্ত্বটো ফ্ৰান্সৰ এজন অতি-দক্ষিণপন্থী লেখকৰ পৰা আৰম্ভ হোৱা বুলি ধৰা হৈছে। ২০২৪ চনত নাটাচা ৰে’ আৰু আমাণ্ডিন ৰয় নামৰ দুজনী মহিলাক মানহানিৰ গোচৰত দোষী সাব্যস্ত কৰা হৈছিল আৰু ক্ষতিপূৰণ দিবলৈ নিৰ্দেশ দিয়া হৈছিল। অৱশ্যে পৰৱৰ্তী বছৰত পেৰিছ আপীল আদালতে এই ৰায়টো খাৰিজ কৰে।
২০২৫ চনৰ জুলাই মাহত ফ্ৰান্সৰ ৰাষ্ট্ৰপতি ইমানুৱেল আৰু ব্ৰিজিট মেক্ৰনে আমেৰিকান ৰাজনৈতিক ভাষ্যকাৰ কেণ্ডাচ অ’ৱেন্সৰ বিৰুদ্ধে ডেলাৱেৰত মানহানিৰ গোচৰ তৰে। তেওঁলোকৰ অভিযোগ আছিল যে অ’ৱেন্সে ব্ৰিজিট মেক্ৰন গোপন ট্ৰেন্সজেণ্ডাৰ বুলি চলা ষড়যন্ত্ৰমূলক তত্ত্বটোক সমৰ্থন কৰিছিল।[8]
আমেৰিকা যুক্তৰাষ্ট্ৰ
[সম্পাদনা কৰক]আমেৰিকাৰ প্ৰাক্তন প্ৰথম মহিলা মিচেল ওবামাক প্ৰায়ে এগৰাকী ট্ৰেন্স মহিলা বুলি অভিযোগ কৰা হয়। পেচিফিক ষ্টেণ্ডাৰ্ডৰ নোৱাহ বাৰ্লাটস্কিয়ে এই বিষয়ে কয় যে— যিদৰে ট্ৰেন্স মহিলাসকলক নাৰীত্বৰ ভাও ধৰা বুলি উপহাস কৰা হয়, ঠিক তেনেকৈ আমেৰিকা যুক্তৰাষ্ট্ৰত কৃষ্ণাংগ মহিলাসকলকো জন্মগতভাৱে অ-নাৰীসুলভ বুলি উপহাস কৰা হয়।[9]
ক্ৰীড়া
[সম্পাদনা কৰক]মহিলাৰ ক্ৰীড়া জগতখন ট্ৰেন্সভেষ্টিগেশ্বনৰ বাবে এক জনপ্ৰিয় ক্ষেত্ৰ হৈ পৰিছে, য’ত ক্ৰীড়াত লিংগ যোগ্যতা পৰীক্ষাৰ দৰে বিষয়বোৰে ইন্ধন যোগায়। ২০২৪ চনৰ অলিম্পিকত মহিলাৰ বক্সিঙক লৈ হোৱা এক বিতৰ্কত শিল্পপতি ইলন মাস্ক, শিশু সাহিত্যিক জে. কে. ৰাউলিং আৰু আমেৰিকান ৰাজনীতিবিদ জে. ডি. ভেন্সৰ দৰে বিভিন্ন ব্যক্তিয়ে ইমানে খেলিফ এজন পুৰুষ বুলি পোনপটীয়াকৈ দাবী কৰিছিল।[10][11] আনকি 'বষ্টন গ্লোব' কাকতে তেওঁক ভুলকৈ ট্ৰেন্সজেণ্ডাৰ বুলি কৰা এটা শিৰোনাম উঠাই ল’বলগীয়া হৈছিল।[12] ইয়াৰ পৰিপ্ৰেক্ষিতত খেলিফে লিংগভিত্তিক চাইবাৰ হাৰাশাস্তিৰ অভিযোগত মাস্ক আৰু ৰাউলিঙৰ বিৰুদ্ধে ফ্ৰান্সত এখন অপৰাধমূলক এজাহাৰ দাখিল কৰিছিল।[13]
তথ্যসূত্ৰ
[সম্পাদনা কৰক]- 1 2 "Transvestigation: Definition, Meaning, and Origin in Anti-LGBTQ Hate". GLAAD. 2023-11-02. https://glaad.org/transvestigation-definition-meaning-anti-lgbt-online-hate/। আহৰণ কৰা হৈছে: 2024-08-04.
- ↑ Lenton, Patrick (2024-02-08). "A Wild Investigation of Transvestigators, the People Who Think Celebs Are All Trans" (en ভাষাত). Vice. https://www.vice.com/en/article/a-wild-investigation-of-transvestigators-the-people-who-think-celebs-are-all-trans/। আহৰণ কৰা হৈছে: 2024-03-20.
- ↑ Karleby, Peter (2023-10-04). "Conservatives Roasted After Claiming Taylor Swift Is Secretly 'Trans' With Bizarre Conspiracy". Comic Sands. https://www.comicsands.com/taylor-swift-trans-claim-conservatives-2665793292.html। আহৰণ কৰা হৈছে: 2024-08-04.
- 1 2 "Brigitte Macron to sue over false claims she was born male". BBC News. December 22, 2021. https://www.bbc.com/news/world-europe-59753535.
- ↑ López, Quispe (2024-08-14). "How "Transvestigation," An Anti-Trans Conspiracy Theory, Made Its Way Into Mainstream Politics" (en-US ভাষাত). Them. https://www.them.us/story/what-does-transvestigation-anti-trans-conspiracy-theory। আহৰণ কৰা হৈছে: 2024-08-16.
- ↑ Thomason, Kristen (2023-06-22). "Transvestigation: The new eugenics" (en-US ভাষাত). Baptist News Global. https://baptistnews.com/article/transvestigation-the-new-eugenics/.
- ↑ Vernon, Hayden; Moreno, Natalie (2023-09-21). "The Conspiracy Theorists Who Think All Celebrities Are Secretly Trans" (en ভাষাত). Vice. https://www.vice.com/en/article/conspiracy-theorists-believe-all-celebrities-are-secretly-trans/। আহৰণ কৰা হৈছে: 2024-02-27.
- ↑ Leingang, Rachel (July 23, 2025). "French president and wife sue rightwing US commentator Candace Owens for defamation". theguardian.com. https://www.theguardian.com/world/2025/jul/23/emmanuel-brigitte-macron-candace-owens-lawsuit-defamation। আহৰণ কৰা হৈছে: 23 July 2025.
- ↑ Berlatsky, Noah (October 14, 2014). "Michelle Obama Trans-Truthers Reveal Persisting Prejudices". The Pacific Standard. https://psmag.com/social-justice/michelle-obama-trans-truthers-reveal-persisting-prejudices-92320.
- ↑ "Imane Khelif must undergo 'mandatory sex testing' to compete in Olympics". Advocate. https://www.advocate.com/sports/imane-khelif-sex-test-world-boxing.
- ↑ "Olympic boxer Imane Khelif is being targeted with transphobic hate—even though she isn't even trans". Out. https://www.out.com/gay-athletes/imane-khelif-transphobic-comments-jk-rowling-elon-musk-jake-paul.
- ↑ https://www.them.us/story/boston-globe-imane-khelif-retraction
- ↑ "J.K. Rowling and Elon Musk Named in Cyberbullying Lawsuit Filed by Algerian Boxer Imane Khelif After Olympic Win". Variety. https://variety.com/2024/tv/news/jk-rowling-elon-musk-imane-khelif-lawsuit-1236105185/.