ডোনিয়া দাদ্ৰাছান
ডোনিয়া দাদ্ৰাছান دنیا دادرسان | |
|---|---|
 ২০২৩ চনত দাদ্ৰাছান | |
| পৃষ্ঠভূমি | |
| জন্ম | ১৫ মাৰ্চ ২০০১ তেহৰান, ইৰান |
| সংগীতৰ ধৰণ | পপ |
| বাদ্যযন্ত্ৰ | পিয়ানো |
| সক্ৰিয়তাৰ বছৰ | ২০১৪–বৰ্তমান |
| লেবেল | ৰেডিঅ' জাভান |
| সহচৰ | বৰদিয়া জাদেহ (২০২৪-বৰ্তমান) |
| ৱেবছাইট | donyadadrasan.com |
ডোনিয়া দাদ্ৰাছান (জন্ম: ১৫ মাৰ্চ ২০০১) হৈছে এগৰাকী ইৰানী কণ্ঠশিল্পী।[1] ডোনিয়া বৰ্তমান অষ্ট্ৰেলিয়াৰ মেলবৰ্ণত বসবাস কৰে। তেওঁ ৪ জনীয়া এটা পৰিয়ালত বাস কৰে আৰু বৰ্তমান "বৰদিয়া জাদেহ"ৰ সৈতে বিবাহপাশত আবদ্ধ। তেওঁৰ মাতৃৰ নাম নুচিন আৰু এজন সৰু ভাইেক আছে যাৰ নাম ডানিয়েল।
প্ৰাৰম্ভিক জীৱন
[সম্পাদনা কৰক]ডোনিয়াৰ জন্ম ২০০১ চনৰ ১৫ মাৰ্চত তেহৰানৰ পুনাকত হৈছিল। ৭ বছৰ বয়সতে তেওঁ ইৰানৰ শিশু আৰু যুৱ গোটৰ সৃষ্টি খাট চেফিদ নামৰ ধাৰাবাহিকখনত আৰু পল নামৰ এখন চুটি ছবিত অভিনয় কৰিছিল। ৮ৰপৰা ১২ বছৰ বয়সৰ ভিতৰত তেওঁ আনুশিৰাৱান ৰোহানীৰ এগৰাকী ছাত্ৰী ফাৰাহ আছানলুৰপৰা পিয়ানো শিকিবলৈ আৰম্ভ কৰে আৰু ১৫ বছৰ বয়সৰপৰা পেছাদাৰীভাৱে পিয়ানো বজাবলৈ লয়। সংগীতৰ ক্ষেত্ৰত আগবাঢ়ি যোৱাৰ বাবে দাদ্ৰাছানৰ এটা ডাঙৰ সুবিধা আছিল তেওঁৰ পৰিয়ালটো, যাৰ বাবে সংগীত আছিল দৈনন্দিন জীৱনৰ এক অন্যতম মূল অংশ।[2]
দাদ্ৰাছানে ২০১০ চনত ১৩ বছৰ বয়সত নিজ পৰিয়ালৰ সৈতে মালয়েছিয়াৰ কুৱালালামপুৰলৈ প্ৰব্ৰজন কৰে আৰু ইয়াৰ দুবছৰ পাছত ১৫ বছৰ বয়সত তেওঁ অষ্ট্ৰেলিয়াৰ মেলবৰ্ণলৈ স্থানান্তৰিত হয়। তাত ১৬ বছৰ বয়সৰপৰা তেওঁ গীত গাবলৈ আৰম্ভ কৰে। ২০১৫ চনত ইৰানীয়সকলৰ মাজত ইনষ্টাগ্ৰাম জনপ্ৰিয় হৈ পৰাৰ সময়তে তেওঁ নিজৰ ইনষ্টাগ্ৰাম পেজত ইৰানীয় আৰু বিদেশী গীতৰ ডাবিং বা কভাৰ ভিডিঅ’ পোষ্ট কৰি অতি কম সময়ৰ ভিতৰতে জনপ্ৰিয়তা অৰ্জন কৰে।[3]
কৰ্মজীৱন
[সম্পাদনা কৰক]দাদ্ৰাছানৰ কৰ্মজীৱন অষ্ট্ৰেলিয়ান একাডেমীৰপৰা আৰম্ভ হৈছিল আৰু তেওঁ 'ছেনিক' গোটত নিজৰ প্ৰথম গায়িকা জীৱন আৰম্ভ কৰিছিল। অষ্ট্ৰেলিয়াত ৰেকৰ্ডিং কৰা তেওঁৰ প্ৰথমটো গীত আছিল ছেনিক গোটৰ সৈতে, যাৰ নাম আছিল গ’ল্ডেন ড্ৰিমছ। দাদ্ৰাছানৰ দ্বিতীয়টো গীত আছিল ৰাষ্ট্ৰীয় দলৰ বাবে এটা সমবেত সংগীত, যিয়ে চিনা ৱালিউল্লাহ, মেক্স আমিনী আৰু ভইচ অৱ আমেৰিকা নেটৱৰ্ককে ধৰি কেইবাগৰাকীও ইৰানীয় কণ্ঠশিল্পী আৰু পৰিৱেশকৰ দৃষ্টি আকৰ্ষণ কৰিছিল।[4] মতানৈক্যৰ বাবে ৯ মাহৰ পিছত তেওঁ গোটটো এৰি দিয়ে।
২০১৭ চনৰ আগষ্ট মাহত তেওঁ নিজৰ প্ৰথমটো স্বতন্ত্ৰ গীত মিডনি ডুছেট দৰম মুকলি কৰে। ২০১৮ চনৰ এপ্ৰিল মাহত, তেওঁৰ ২০বছৰীয়া জন্মদিনৰ কেইদিনমান পাছত তেওঁ আজ ইন শ্বাহৰ বৰো নামৰ এটা গীত মুকলি কৰে, যিয়ে ব্যাপক সঁহাৰি লাভ কৰে আৰু তেওঁৰ পেছাদাৰী কৰ্মজীৱনৰ আনুষ্ঠানিক আৰম্ভণি চিহ্নিত কৰে।[5]
দাদ্ৰাছানৰ গীত কু তা বিয়াদ-এ ৰেডিঅ' জাভানত ৪৩ নিযুততকৈও অধিক প্লে আৰু ইউটিউবত ৬ নিযুত দৰ্শন লাভ কৰিছিল আৰু আমো হাছান গীতটোৱে ৰেডিঅ' জাভানত ৬০ নিযুততকৈও অধিক প্লে লাভ কৰিছিল।[6]
২০২২ চনৰ ইৰানৰ বিক্ষোভৰ (মাহছা আমিনীৰ প্ৰতিবাদ) সময়ত, দাদ্ৰাছানে ইৰানৰ জনসাধাৰণ আৰু প্ৰতিবাদকাৰীৰ ওপৰত হোৱা দমন-পীড়ন তথা মাহছা আমিনীৰ মৃত্যুৰ বিৰুদ্ধে একাত্মতা প্ৰকাশ কৰি নিজৰ চুলি চুটি কৰি কাটি পেলাইছিল, যিয়ে সংবাদ মাধ্যমত ব্যাপক চৰ্চা লাভ কৰিছিল।[7][8]
তথ্যসূত্ৰ
[সম্পাদনা কৰক]- ↑ "Donya Dadrasan" (ইংৰাজী ভাষাত). StarNow.com. https://starnow.com। আহৰণ কৰা হৈছে: ৬ জানুৱাৰী ২০২৫.
- ↑ "بیوگرافی دنیا دادرسان به همراه بررسی قد، شوهر دنیا دادرسان و عکس هایشان - ایرانیان سلبریتی". iraniancelebrity.com. ২৭ জুন ২০২২. https://iraniancelebrity.com/donya-dadrasan-bio/। আহৰণ কৰা হৈছে: ৭ জানুৱাৰী ২০২৫.
- ↑ "سمت نو - دنیا دادرسان و دکتر کاوه مدنی". manototv.com. ৫ মাৰ্চ ২০২৩. Archived from the original on 2023-03-05. https://web.archive.org/web/20230305113249/https://www.manototv.com/episode/10206%26ved%3D2ahUKEwitl8nb1MT9AhXQxQIHHSm-B-IQwqsBegQIDBAB%26usg%3DAOvVaw0wT0X_MiMR9BkPUc4GmFBm। আহৰণ কৰা হৈছে: ৭ জানুৱাৰী ২০২৫.
- ↑ VOA Farsi (২০১৫-০১-১৯). ترانه ای برای تیم ملی فوتبال ایران. Retrieved ২০২৫-০১-০৭ – via YouTube. Check date values in:
|access-date=, |date=(help) - ↑ BBC Persian (২০২২-০৪-১৫). آپدیت: گفتگو با دنیا دادرسان، بررسی موج پیامهای واتساپ علیه مهاجران افغان. Retrieved ২০২৫-০১-০৭ – via YouTube. Check date values in:
|access-date=, |date=(help) - ↑ "Are hijab protests 'the beginning of the end' for Iran's regime?". ২০২৩-০৭-১৭. https://www.theguardian.com/world/2022/oct/08/are-hijab-protests-the-beginning-of-the-end-for-irans-regime.
- ↑ "Iran's Mahsa Amini Protests Are Causing Celebrities to Cut Their Hair…". wsj.com. ২০২২-১০-০৭. https://www.wsj.com/articles/mahsa-amini-iran-hair-cut-protests-11665085770। আহৰণ কৰা হৈছে: ২০২৫-০১-০৭.
- ↑ "Women explain why they cut their hair amid growing protests in Iran | GMA". goodmorningamerica.com. ২০২৩-০৩-০৫. https://abcnews.go.com/GMA/News/video/women-explain-cut-hair-amid-growing-protests-iran-90581768। আহৰণ কৰা হৈছে: ২০২৫-০১-০৭.