তিমথি দাস হান্সে
| তিমথি দাস হান্সে | |
|---|---|
| জন্ম | ১৯৫৫ চকীহোলা, কাৰ্বি আংলং, ভাৰত |
| মৃত্যু | ২৮ ছেপ্টেম্বৰ, ২০২৫ গুৱাহাটী, অসম, ভাৰত |
| নাগৰিকত্ব |  ভাৰতীয় |
| পেচা | চলচ্চিত্ৰ পৰিচালক, চলচ্চিত্ৰ প্ৰযোজক, তথ্যচিত্ৰনিৰ্মাতা, গীতিকাৰ |
| দাম্পত্যসঙ্গী | বিউটি বৰুৱা[1] |
| বঁটা, সন্মান, পুৰস্কাৰ আদি | অসম চলচ্চিত্ৰ বঁটা (২০০৯), ৰাষ্ট্ৰীয় চলচ্চিত্ৰ বঁটা, মুনলাইট বঁটা |
তিমথি দাস হান্সে (ইংৰাজী: Timothy Das Hanse) অসম, ভাৰতৰ এজন চলচ্চিত্ৰ পৰিচালক, তথ্যচিত্ৰ-নিৰ্মাতা, চলচ্চিত্ৰ প্ৰযোজক আৰু গীতিকাৰ।[2] তেখেতে মূলত: অসমীয়া আৰু কাৰ্বি ছবিজগতত কাম কৰিছিল৷ ১৯৮৫ চনত অসমীয়া ছবিজগতৰ লগত জড়িত হৈ পৰা তিমথি দাস হান্সে পৰৱৰ্তী সময়ত পাহাৰী কন্যা, ৰঙা মদাৰ আৰু ২০০৯ চনত অসম চৰকাৰৰ বঁটাপ্ৰাপ্ত জীৱন বাটৰ লগৰী ছবি নিৰ্মাণ কৰিছিল৷ [3][4]
চমু জীৱনী
[সম্পাদনা কৰক]১৯৫৫ চনৰ কাৰ্বি আংলং জিলাৰ এখন ভিতৰুৱা ঠাই চকীহোলাত তিমথি দাস হান্সেৰ জন্ম হয়৷ [1] তেখেতে ২০১৬ চনত অসম কৃষি বিভাগৰ উদ্যান শস্যৰ সঞ্চালকৰূপে অৱসৰগ্ৰহণ কৰে৷ ১৯৮৫ চনত তেওঁ অসমীয়া ছবি জগতৰ লগত জড়িত হৈ পৰে৷ তেওঁৰ প্ৰথম নিৰ্মাণ আছিল ১৯৯০ চনৰ পাহাৰী কন্যা৷ তেওঁ ছবিখনৰ প্ৰযোজনা, পৰিচালনা আৰু গীত-লেখনৰ লগত জড়িত আছিল৷ ছবিখন সফল হিচাপে বিবেচিত হয়৷ সেইটো বছৰতে তেওঁৰ দ্বাৰা নিৰ্মিত তথ্যচিত্ৰ শ্বেৰ আলং-এ কাৰ্বি ভাষাত মুক্তি পায়৷ তথ্যচিত্ৰখনে ৰাষ্ট্ৰীয় বঁটা[কেতিয়া ?][উদ্ধৃতিৰ প্ৰয়োজন] পাবলৈ সক্ষম হয়৷ পৰৱৰ্তী সময়ত তেওঁ ৰঙা মদাৰ আৰু প্ৰেম পাহাৰে-ভৈয়ামে ছবি দুখন নিৰ্মাণ কৰে৷ দুয়োখন ছবিয়ে সফল হিচাপে পৰিগণিত হয়৷ প্ৰেম পাহাৰে-ভৈয়ামে ছবিখনে চিত্ৰলেখা বঁটা আৰু মুনলাইট বঁটা লাভ কৰে৷ ১৯৯৫ চনত কাৰ্বি জনজাতিৰ উৎসৱ তথ্যচিত্ৰখনে কেৰালাৰ তিৰুৱনন্তপুৰমত অনুষ্ঠিত হোৱা আন্ত:ৰাষ্ট্ৰীয় ভিডিঅ' ফিল্ম ফেষ্টিভেলৰ পৰা চাৰ্টিফিকেট অৱ মেৰিট লাভ কৰে৷
হান্সে প্ৰচাৰ ভাৰতী ব্ৰডকাষ্টিং কৰ্পোৰেশ্যনৰ এজন স্বীকৃতিপ্ৰাপ্ত পৰিচালক-প্ৰযোজক আছিল৷
কৰ্মৰাজি
[সম্পাদনা কৰক]| ক্ৰম | বৰ্ষ | কথাছবি/তথ্যচিত্ৰ | ভাষা | তথ্য |
|---|---|---|---|---|
| ১ | ১৯৯০ | পাহাৰী কন্যা | অসমীয়া | |
| ২ | ১৯৯০ | শ্বেৰ আলং(তথ্যচিত্ৰ) | কাৰ্বি | ৰাষ্ট্ৰীয় চলচ্চিত্ৰ বঁটা |
| ৩ | ৰঙা মদাৰ | অসমীয়া | ||
| ৪ | ১৯৯৫ | কাৰ্বি জনজাতিৰ উৎসৱ | অসমীয়া | চাৰ্টিফিকেট অৱ মেৰিট (১৯৯৫, কেৰালা চলচ্চিত্ৰ মহোৎসৱ) |
| ৫ | ২০০৯ | জীৱন বাটৰ লগৰী | অসমীয়া | অসম চৰকাৰৰ চলচ্চিত্ৰ বঁটা (২০১০) |
| ৬ | ২০১১ | পলে পলে উৰে মন | অসমীয়া |
তথ্য সংগ্ৰহ
[সম্পাদনা কৰক]- ↑ 1.0 1.1 দৈনিক অসম. "চলচ্চিত্ৰ পৰিচালক তিমথি দাস হান্সেৰ মৃত্যু". দৈনিক অসম. https://dainikasam.in/epaper/dainik-asam-september-29-2025/। আহৰণ কৰা হৈছে: 2025-10-03.
- ↑ Fare, Eastern (1952-10-17). "North-East India | NE Blog: Jahnu Barua - an Assamese film-maker". Neblog.in. Archived from the original on 2013-01-12. https://web.archive.org/web/20130112144133/http://www.neblog.in/2012/12/jahnu-barua-assamese-film-maker.html। আহৰণ কৰা হৈছে: 2013-03-10.
- ↑ "Timothy Das Hanche". IMDB. https://www.imdb.com/name/nm9745047/। আহৰণ কৰা হৈছে: 3 October 2025.
- ↑ Ojha,Manoj Kumar (September 29, 2025 6: 30 pm). "Filmmaker Timothy Das Hanse passes away". North East Now. https://www.nenow.in/north-east-news/assam/assam-filmmaker-timothy-das-hanse-passes-away.html। আহৰণ কৰা হৈছে: 3 October 2025.
বাহ্যিক সংযোগ
[সম্পাদনা কৰক]- Timothy Das Hanche সম্পৰ্কে ইণ্টাৰনেট মুভি ডাটাবেছত থকা তথ্য।