দেৱকীনন্দন খত্ৰী
| দেৱকী নন্দন খাত্ৰী | |
|---|---|
 | |
| স্থানীয় নাম | দেৱকীনন্দন খত্ৰী |
| জন্ম | ১৮ জুন, ১৮৬১ সমস্তীপুৰ জিলা,বংগ প্ৰেচিডেঞ্চি, ব্ৰিটিছ ভাৰত , (বৰ্তমানৰ বিহাৰ, ভাৰত) |
| মৃত্যু | ০১ আগষ্ট, ১৯১৩ (৫২ বছৰ) |
| ৰাষ্ট্ৰীয়তা | ভাৰতীয় |
| পেচা | লেখক, ঔপন্যাসিক, প্ৰকাশক |
| উল্লেখযোগ্য কৰ্ম | চন্দ্ৰকান্তা উপন্যাস |
দেৱকী নন্দন খাত্ৰী (ইংৰাজী: Devaki Nandan Khatri) ( জন্ম ১৮ জুন ,১৮৬১–১ আগষ্ট ১৯১৩) সমস্তীপুৰত জন্মগ্ৰহণ কৰা এগৰাকী ভাৰতীয় সাহিত্যিক আৰু ঐতিহাসিক কল্পকাহিনী উপন্যাস চন্দ্ৰকান্তাৰ লেখক।[1]চন্দ্ৰকান্ত এখন ঐতিহাসিক কল্পবিজ্ঞান/কল্পকাহিনী উপন্যাস। এশ বছৰতকৈও অধিক পূৰ্বে অৰ্থাৎ ১৮৮৮ চনত দেৱকী নন্দন খাত্ৰীয়ে এই উপন্যাসখন লিখি প্ৰকাশ কৰিছিল।
জীৱনী
[সম্পাদনা কৰক]১৮৬১ চনৰ ১৮ জুনত ব্ৰিটিছ ইণ্ডিয়াৰ (বৰ্তমানৰ বিহাৰ, ভাৰত) বংগ প্ৰেচিডেন্সিৰ সমস্তীপুৰ জিলাৰ পুছা গাঁৱত পঞ্জাবী পৰিয়ালত জন্মগ্ৰহণ কৰে। তেওঁৰ পিতৃৰ নাম আছিল লালা ঈশ্বৰ দাস। তেওঁৰ পূৰ্বপুৰুষ পঞ্জাৱ (লাহোৰ)ৰ আছিল আৰু মোগল শাসনৰ সময়ত তেওঁ উচ্চ পদবীত আছিল। মহাৰাজ ৰঞ্জিত সিঙৰ পুত্ৰ শ্বেৰ সিঙৰ ৰাজত্বকালত লালা ঈশ্বৰ দাসে বানাৰসত বসতি স্থাপন কৰিছিল।
খটৰীৰ প্ৰাৰম্ভিক শিক্ষা আছিল উৰ্দু আৰু পাৰ্চী ভাষাত। পিছলৈ তেওঁ হিন্দী, সংস্কৃত আৰু ইংৰাজী অধ্যয়ন কৰে। [2] প্ৰাথমিক শিক্ষা সমাপ্ত কৰি গয়াৰ টেকাৰি ৰাজলৈ গৈ তাতেই ৰজাৰ ওচৰত কৰ্মসংস্থাপন লয়। পিছলৈ তেওঁ বাৰাণসীত 'লাহৰি প্ৰেছ' নামৰ ছপাশাল আৰম্ভ কৰি ১৯০০ চনত হিন্দী মাহেকীয়া সুদৰ্শন প্ৰকাশ কৰিবলৈ আৰম্ভ কৰে।[3]
১৯১৩ চনৰ ১ আগষ্টত তেওঁৰ মৃত্যু হয়। [4]
জনপ্ৰিয় কৰ্ম
[সম্পাদনা কৰক]দেৱকী নন্দন খাত্ৰীয়ে কিছুমান জনপ্ৰিয় উপন্যাসৰ অৱদান আগবঢ়াইছিল যি হিন্দী সাহিত্যত এক নতুন ধাৰা প্ৰৱৰ্তন কৰাত সহায় কৰাই নহয়, সামগ্ৰিকভাৱে হিন্দী ভাষাৰ সমৃদ্ধিশালীৰ দিশতো আগুৱাই লৈ গৈছিল। দেৱকী নন্দন খাত্ৰীৰ কিছুমান গুৰুত্বপূৰ্ণ ৰচনা হ'ল... :[5]
- চন্দ্ৰকান্তা উপন্যাস
- চন্দ্ৰকান্তা সন্ততি
- ভূতনাথ (টিভি ধাৰাবাহিক)
- কাজাৰ কি কোথাৰী
- নৰেন্দ্ৰ মোহিনী
- কুসুম কুমাৰী
- বীৰেন্দ্ৰ বীৰ
- কটোৰা ভৰ খোণ
- গুপ্ত গডনা
মৃত্যু
[সম্পাদনা কৰক]১৯১৩ চনত দেৱকী নন্দন খাত্ৰীৰ মৃত্যু হয় যদিও তেওঁ এৰি থৈ যায় হিন্দী ৰহস্য উপন্যাসৰ সংকলন যিয়ে এতিয়াও যুৱ পাঠকক মোহিত কৰি ৰাখিছে। তেওঁৰ অন্যতম বিখ্যাত ৰচনা "চন্দ্ৰকান্ত"ক নব্বৈৰ দশকৰ মাজভাগত টেলিভিছন ধাৰাবাহিকলৈ ৰূপান্তৰিত কৰা হয় যদিও কাহিনী আৰু চৰিত্ৰসমূহ টেলিভিছনৰ দৰ্শকৰ লগত খাপ খুৱাই যথেষ্ট পৰিৱৰ্তন কৰা হয়। [6] "চন্দ্ৰকান্ত" খাত্ৰীৰ আটাইতকৈ প্ৰিয় উপন্যাস, আৰু উৰাবাতৰিৰ পৰা অনুমান কৰিব পাৰি যে অতি সোনকালে ইয়াক বলীউডৰ ছবিলৈ ৰূপান্তৰিত কৰা হ'ব। যদি সকলো পৰিকল্পনা অনুসৰি হয়, তেন্তে আমি অমিতাভ বচ্চন, অভিষেক বচ্চন, আৰু ঐশ্বৰ্য ৰায় বচ্চনে দেৱকী নন্দন খাত্ৰীৰ "চন্দ্ৰকান্ত"ৰ চলচ্চিত্ৰ অভিযোজনত মুখ্য চৰিত্ৰত অভিনয় কৰা দেখিবলৈ পাম, যিটো ছবি নিৰ্মাতা বিধু বিনোদ চোপ্ৰাই পৰিচালনা কৰিব।[5]
তথ্যৰ উৎস
[সম্পাদনা কৰক]- ↑ "Devaki Nandan Khatri | Notable People of Arora-Khatri Community". arorakhatri-com.translate.goog. https://arorakhatri-com.translate.goog/personality.php?sno=59&_x_tr_sl=en&_x_tr_tl=hi&_x_tr_hl=hi&_x_tr_pto=tc। আহৰণ কৰা হৈছে: 2024-03-03.
- ↑ Kumar, Kuldeep (2019-04-26). "Devaki Nandan Khatri: The man who blazed a new trail for Hindi novel-writing" (en-IN ভাষাত). The Hindu. ISSN 0971-751X. https://www.thehindu.com/books/books-authors/devaki-nandan-khatri-the-man-who-blazed-a-new-trail-for-hindi-novel-writing/article26941457.ece.
- ↑ "शख्सियत: ‘चंद्रकांता’ के चरित्र को गढ़ने वाले देवकी नंदन खत्री, पढ़ें जीवनी" (hi ভাষাত). Jansatta. https://www.jansatta.com/sunday-magazine/devaki-nandan-khatri-who-created-the-character-of-chandrakanta-read-biography/1061614/। আহৰণ কৰা হৈছে: 2022-12-14.
- ↑ "Bhojpuri में पढ़ें: ठेकेदार से उपन्यासकार कइसे बनलन बाबू देवकीनंदन खत्री? जानीं" (hi ভাষাত). News18 हिंदी. 2022-06-29. https://hindi.news18.com/news/bhojpuri-news/babu-devkinandan-khatri-birth-anniversary-interesting-facts-bhojpuri-saroj-kumar-4355935.html। আহৰণ কৰা হৈছে: 2022-12-14.
- ↑ 5.0 5.1 "Devaki Nandan Khatri Biography - Devaki Nandan Khatri Profile, Childhood, Life Timeline". www.iloveindia.com. Archived from the original on 2024-03-03. https://web.archive.org/web/20240303111448/https://www.iloveindia.com/indian-heroes/devaki-nandan-khatri.html। আহৰণ কৰা হৈছে: 2024-03-03.
- ↑ Chandrakanta, Shikha Swaroop, Shahbaaz Khan, Mukesh Khanna, Doordarshan, Prime Channel, https://www.imdb.com/title/tt0389594/, আহৰণ কৰা হৈছে: 2024-03-03
বাহ্যিক সংযোগ
[সম্পাদনা কৰক]- Complete Chandrakanta at Gadya Kosh Archived 2013-04-14 at Archive.today
- Chandrakanta at columbia.edu
| সাধাৰণ | |
|---|---|
| ৰাষ্ট্ৰীয় পুথিভঁৰাল | |
| অন্যান্য | |
