সমললৈ যাওক

দ্ৰষ্টী ধামী

অসমীয়া ৱিকিপিডিয়াৰ পৰা
দ্ৰষ্টী ধামী

২০২১ চনত ধামী
জন্ম ১০ জানুৱাৰী, ১৯৮৫ (৪১ বছৰ)[1]
মুম্বাই, মহাৰাষ্ট্ৰ, ভাৰত
শিক্ষা সমাজবিজ্ঞানৰ ডিগ্ৰী
পেচা অভিনেত্ৰী, মডেল, নৃত্যশিল্পী
সক্ৰিয় হৈ থকা সময় ২০০৩–২০১৯, ২০২১–২০২৩
দাম্পত্যসঙ্গী নীৰজ খেচকা (বি. ২০১৫)
সন্তান ১
আত্মীয়-স্বজন সুহাসী গৰাডিয়া ধামী (বোৱাৰী)

দ্ৰষ্টী ধামী (ইংৰাজী: Drashti Dhami; জন্ম: ১০ জানুৱাৰী ১৯৮৫)[2] এগৰাকী ভাৰতীয় অভিনেত্ৰী, মডেল আৰু নৃত্যশিল্পী যিয়ে মূলতঃ হিন্দী দূৰদৰ্শনত কাম কৰে।[3][4] ধামীক আটাইতকৈ জনপ্ৰিয় হিন্দী দূৰদৰ্শন অভিনেত্ৰীসকলৰ ভিতৰত অন্যতম বুলি গণ্য কৰা হয়। তেওঁ এটা আইটিএ বঁটা, এটা ইণ্ডিয়ান টেলী বঁটা আৰু দুটা গ'ল্ড বঁটা আদিকে ধৰি কেইবাটাও সন্মান লাভ কৰিছে।

তেওঁ দিল মিল গয়ে (২০০৭-২০১০), গীত – হুই চবচে পৰায়ী (২০১০-২০১১), মধুবালা – এক ইশ্ক এক জুনুন (২০১২-২০১৪), এক থা ৰাজা এক থী ৰাণী (২০১৫-২০১৭) আৰু চিলচিলা বদলতে ৰিস্তো কা (২০১৮) ৰ দৰে সফল ধাৰাবাহিকৰ অংশ হৈ আহিছে। ধামীয়ে নৃত্য ৰিয়েলিটী শ্ব’ ঝলক দিখলা জা ৬ (২০১৩) ত নৃত্য পৰিচালক ছলমান ইউচুফ খানৰ সৈতে অংশগ্ৰহণ কৰি বিজয়ী হিচাপে পৰিগণিত হৈছিল।[5] তেওঁ পিবিয়ড ড্ৰামা দা এম্পায়াৰ (২০২১) ৰ জৰিয়তে ৱেব ছিৰিজৰ জগততো খোজ দিছে, য’ত তেওঁ খানজাদা বেগম (২০২২) আৰু জি-ফাইভৰ ক্ৰাইম থ্ৰিলাৰ দুৰংগাত ইৰা জয়কাৰৰ চৰিত্ৰত অভিনয় কৰিছে।

অভিনয় জীৱনৰ উপৰি তেওঁ কেইবাটাও ব্ৰেণ্ড আৰু সামগ্ৰীৰ চেলিব্ৰিটী এণ্ডৰ্চাৰ। ধামীয়ে ব্যৱসায়ী নীৰজ খেচকাৰ সৈতে বিবাহপাশত আবদ্ধ হয়।

প্ৰাৰম্ভিক জীৱন আৰু পৰিয়াল

[সম্পাদনা কৰক]

ধামীৰ জন্ম ১৯৮৫ চনৰ ১০ জানুৱাৰীত মুম্বাইৰ এটা গুজৰাটী পৰিয়ালত হৈছিল,[6] য’ত তেওঁ পঢ়া-শুনা কৰিছিল। তেওঁ মেৰী ইমাকুলেট গাৰ্লছ হাইস্কুলত অধ্যয়ন কৰিছিল আৰু মুম্বাইৰ মিঠিবাই মহাবিদ্যালয়ৰপৰা সমাজবিজ্ঞানত স্নাতক ডিগ্ৰী লাভ কৰিছিল।[7] মডেলিং জগতত প্ৰৱেশ কৰাৰ পূৰ্বে ধামী এগৰাকী নৃত্য প্ৰশিক্ষক আছিল। ধামী এটা ৰক্ষণশীল পৰিয়ালৰ সন্তান। দ্য টাইমছ অৱ ইণ্ডিয়াক দিয়া সাক্ষাৎকাৰত তেওঁ কৈছিল:

"যেতিয়া মই এটা মিউজিক ভিডিঅ'ত নৃত্য কৰাৰ সুযোগ পাইছিলোঁ... তেতিয়া মই মোৰ নিকটতম আত্মীয়কে ধৰি পৰিয়ালৰ দহজন ভিন্ন সদস্যৰপৰা অনুমতি ল'বলগীয়া হৈছিল। মোৰ এজন ককাইদিয়ে মোক সমৰ্থন কৰিছিল, সকলোকে সৈমান কৰিছিল আৰু মোৰ কেৰিয়াৰৰ ক্ষেত্ৰত যিকোনো সিদ্ধান্ত ল'বলগীয়া হ'লে আজিও তেওঁ মোৰ লগত থাকে। গতিকে এই পথটো মোৰ বাবে ইমান সহজ নাছিল কিন্তু মোৰ পৰিয়ালৰ সমৰ্থন সদায় মোৰ লগত আছে।" [8]

২০১৫ চনৰ ২১ ফেব্ৰুৱাৰীত ধামীয়ে এক পৰম্পৰাগত হিন্দু অনুষ্ঠানৰ জৰিয়তে ব্যৱসায়ী নীৰজ খেচকাৰ সৈতে বিবাহপাশত আবদ্ধ হয়।[9][10] অভিনেত্ৰী সুহাসী ধামী তেওঁৰ ককায়েক জয়শীল ধামীৰ সৈতে বিবাহপাশত আবদ্ধ হৈছে।[11][12] ধামীয়ে কৈছে যে তেওঁৰ কামৰ ক্ষেত্ৰত তেওঁৰ শহুৰেকৰ ঘৰৰ মানুহ অতি সহায়ক।[13] ২০২৪ চনৰ ২২ অক্টোবৰত ধামীয়ে তেওঁলোকৰ প্ৰথম সন্তান, এজনী কন্যা সন্তান জন্ম দিয়ে।[14]

অন্যান্য কাম আৰু ৰাজহুৱা ছবি

[সম্পাদনা কৰক]

ধামীয়ে 'পৃথিৱী বচাওক' অভিযানৰ সমৰ্থনত ২০১১ আৰু ২০১৩ চনৰ 'কেনভাইৰনমেণ্ট উইক'ৰ ব্ৰেণ্ড এম্বেছেডৰ আছিল।[7] ২০১৬ চনত তেওঁ পৰিৱেশ নিকা কৰাৰ উদ্দেশ্যে চলোৱা 'স্বচ্ছ সমীক্ষণ ২০১৭' (স্বচ্ছ ভাৰত অভিযান) পদক্ষেপৰ অংশ আছিল।[15]

২০১৬ চনত অনুষ্ঠিত 'টিম ডি চেলিব্ৰিটী চেম্পিয়নশ্বিপ'ৰ ধামী অধিনায়ক আছিল, য’ত ৭৮ গৰাকী টেলিভিছন ব্যক্তিয়ে আৰ্তজনৰ সহায়ৰ বাবে প্ৰতিযোগিতাত নামিছিল। তেওঁ এই প্ৰতিযোগিতাত জয়লাভ কৰে আৰু 'I HELP A KID.COM'ৰপৰা বঁটা লাভ কৰে।[16] ২০১৭ চনত ধামী 'বাজাজ ব্ৰাহ্মী আমলা আয়ুৰ্বেদিক হেয়াৰ অইল'ৰ ব্ৰেণ্ড এম্বেছেডৰ হয়।[17] একে বছৰতে তেওঁ ৰাগিনী খান্না আৰু একতা কৌলৰ সৈতে 'গোদৰেজ চাবোন'ৰ এটা বিজ্ঞাপনত অভিনয় কৰিছিল।[18]

২০১৫ চনৰ এটা অনুষ্ঠানত ধামী

বম্বে টাইমছে তেওঁক টেলিভিছনৰ 'নুমবেৰো উনো' অভিনেত্ৰী বুলি অভিহিত কৰিছিল।[8] ধামী তেওঁৰ শৈলী আৰু ফেশ্বন সচেতনতাৰ বাবেও পৰিচিত।[19] তেওঁ ভাৰতৰ সৰ্বাধিক উপাৰ্জন কৰা দূৰদৰ্শন অভিনেত্ৰীসকলৰ ভিতৰত অন্যতম।[20] ২০১১ চনত TellyChakkar.com-এ চলোৱা এক সমীক্ষাত তেওঁ টেলিভিছনৰ আটাইতকৈ আকৰ্ষণীয় মহিলা হিচাপে নিৰ্বাচিত হৈছিল।[21] তেওঁ মেট্ৰিক্স ইণ্ডিয়াৰ (MATRIX India) হেয়াৰ কালাৰ ব্ৰেণ্ড 'SoColor'ৰ ব্ৰেণ্ড এম্বেছেডৰ।[22]

ৰেডিফে প্ৰকাশ কৰা "টেলিভিছনৰ শীৰ্ষ ১০ গৰাকী অভিনেত্ৰী"ৰ তালিকাত ধামীয়ে দ্বিতীয় স্থান লাভ কৰিছিল।[23] যুক্তৰাজ্যৰ বাতৰি কাকত ইষ্টাৰ্ণ আইৰ "৫০ গৰাকী আবেদনময়ী এছিয়ান মহিলা"ৰ তালিকাত তেওঁ স্থান লাভ কৰিছিল। ২০১২ চনত তেওঁ দ্বাদশ স্থানত আছিল। ইয়াৰ পিছত একেৰাহে তিনি বছৰ তেওঁ শীৰ্ষ তিনিটা স্থানৰ ভিতৰত আছিল— ২০১৩ চনত তৃতীয়, ২০১৪ চনত দ্বিতীয় আৰু ২০১৫ চনত তৃতীয় স্থানত।[24]

তথ্যসূত্ৰ

[সম্পাদনা কৰক]
  1. ↑ "Drashti Dhami's advance birthday surprise is a cute date with parents to be Nakuul Mehta & Jankee; PHOTOS". Pinkvilla. 6 January 2021. Archived from the original on 6 January 2021. https://web.archive.org/web/20210106125715/https://www.pinkvilla.com/tv/news-gossip/drashti-dhamis-advance-birthday-surprise-cute-date-parents-be-nakuul-mehta-jankee-photos-590422। আহৰণ কৰা হৈছে: 7 January 2021.
  2. ↑ "Happy Birthday Drashti Dhami: 5 times the actress and her hubby proved that they are bitten by travel bug". Pinkvilla. https://www.pinkvilla.com/tv/news-gossip/happy-birthday-drashti-dhami-5-times-actress-and-her-hubby-proved-they-are-bitten-travel-bug-989757%3famp। আহৰণ কৰা হৈছে: 10 January 2022.[সংযোগবিহীন উৎস]
  3. ↑ "Birthday girl Drashti Dhami's fans make her trend on Twitter". India Today. 10 January 2014. https://www.indiatoday.in/television/top-stories/story/drashti-dhami-birthday-twitter-madhubala-ek-ishq-ek-junoon-vivian-dsena-176257-2014-01-09। আহৰণ কৰা হৈছে: 24 July 2016.
  4. ↑ "A dancer, an actress and a model! Happy Birthday Drashti Dhami! - NTD India" (en-US ভাষাত). mb.ntdin.tv. http://mb.ntdin.tv/en/article/english/dancer-actress-model-happy-birthday-drashti-dhami। আহৰণ কৰা হৈছে: 2018-03-17.
  5. ↑ "Sanaya Irani, Drashti Dhami dance together again" (en-US ভাষাত). The Indian Express. 2015-09-19. http://indianexpress.com/article/entertainment/television/sanaya-irani-drashti-dhami-dance-together-again/.
  6. ↑ "in a Gujarati Conservative Family: Drashti Dhami". Indiatimes. 24 May 2012. Archived from the original on 11 November 1998. https://web.archive.org/web/19981111185752/https://www.indiatimes.com/। আহৰণ কৰা হৈছে: 23 March 2026.
  7. 1 2 "Drashti Dhami: Lesser known facts". The Times of India. 21 April 2015. http://timesofindia.indiatimes.com। আহৰণ কৰা হৈছে: 15 August 2016.
  8. 1 2 "Drashti Dhami: Lesser known facts bombaytimes.com". Bombay Times. http://www.bombaytimes.com। আহৰণ কৰা হৈছে: 22 June 2017.
  9. ↑ "Drashti Dhami to tie the knot on February 21, 2015". The Times of India. 14 February 2015. http://timesofindia.indiatimes.com। আহৰণ কৰা হৈছে: 24 July 2016.
  10. ↑ "In pics: Inside 'Madhubala' actress Drashti Dhami and Neeraj Khemka's pre-wedding function". IBNLive. Archived from the original on 28 October 2008. https://web.archive.org/web/20081028082215/http://ibnlive.in.com/। আহৰণ কৰা হৈছে: 24 July 2016.
  11. ↑ "Too much rona-dhona can be nerve wracking: Suhasi Dhami". The Times of India. 12 February 2013. https://timesofindia.indiatimes.com। আহৰণ কৰা হৈছে: 21 August 2016.
  12. ↑ "I am very proud of my sister Drashti". Rediff. https://m.rediff.com। আহৰণ কৰা হৈছে: 15 June 2017.
  13. ↑ "Drashti Dhami: I get criticised for my weight". Rediff.com. https://m.rediff.com। আহৰণ কৰা হৈছে: 27 May 2017.
  14. ↑ "TV star Drashti Dhami and husband Niraj Khemka welcome their baby girl after 9 years of marriage" (en-IN ভাষাত). Indiatimes. 2024-10-23. https://www.indiatimes.com। আহৰণ কৰা হৈছে: 2024-10-23.
  15. ↑ PIB India [@PIB_India] (6 August 2016). "LIVE: Union Minister @MVenkaiahNaidu felicitates various artists for their contribution towards #SwachhBharat". https://twitter.com/PIB_India/status/761808453916561408.
  16. ↑ "I Help A Kid Celebrity Championship Results", ihelpakid.com, archived from the original on 14 September 2016, https://web.archive.org/web/20160914081529/http://www.ihelpakid.com/episode---6-finale.html, আহৰণ কৰা হৈছে: 14 September 2016
  17. ↑ "Bajaj Corp re-launches 'Brahmi Amla Hair Oil'". The Hans India. 16 October 2017. http://www.thehansindia.com/posts/index/Business/2017-10-16/Bajaj-Corp-re-launches-Brahmi-Amla-Hair-Oil/333581। আহৰণ কৰা হৈছে: 18 October 2017.
  18. ↑ "Tyooharo Ki Taiyaari, Godrej No.1, Drashti Dhami, Ragini Khanna, Ekta Kaul". YouTube. 29 September 2017. https://www.youtube.com/watch?v=clrCYpomV1c। আহৰণ কৰা হৈছে: 30 September 2017.
  19. ↑ "Stylish TV stars you can take fashion inspiration from". The Indian Express. http://indianexpress.com/photos/lifestyle-gallery/mouni-roy-nia-sharma-drashti-dhami-divyanka-tripathi-most-stylish-tv-stars-you-can-take-fashion-inspiration-from-4735309/4/.
  20. ↑ "11 television stars who earn more than Bollywood actors per month!". The Indian Express. 19 September 2016. http://indianexpress.com/article/entertainment/television/indian-television-actors-salary-per-month-3037560/.
  21. ↑ "Drashti Dhami is the most desirable woman on TV in 2011". TellyChakkar.com. 23 December 2011. http://www.tellychakkar.com/tv/tv-news/the-verdict-outdrashti-dhami-the-most-desirable-woman-tv-2011। আহৰণ কৰা হৈছে: 1 July 2017.
  22. ↑ "Drashti Dhami is MATRIX India's brand ambassador". The Indian Express. 25 July 2014. http://indianexpress.com/article/entertainment/screen/drashti-dhami-is-matrix-indias-brand-ambassador/। আহৰণ কৰা হৈছে: 3 June 2017.
  23. ↑ "Television's Top 10 Actresses". Rediff. 2 July 2014. http://www.rediff.com/movies/report/slide-show-1-televisions-top-10-actresses/20140702.htm.
  24. ↑ "Sexiest Asian Women (2013) List". India Today. 5 December 2013. https://www.indiatoday.in/movies/bollywood/story/katrina-kaif-named-worlds-sexiest-asian-woman-for-the-fourth-time-219742-2013-12-04। আহৰণ কৰা হৈছে: 17 September 2016.

বাহ্যিক সংযোগ

[সম্পাদনা কৰক]
"https://as.wikipedia.org/w/index.php?title=দ্ৰষ্টী_ধামী&oldid=595058"ৰ পৰা অনা হৈছে