নাদিয়া জামিল

নাদিয়া জামিল
জন্ম	নাদিয়া ফজল জামিল ১৩ অক্টোবৰ, ১৯৭২ (৫২ বছৰ) লণ্ডন, ইংলেণ্ড
শিক্ষা	কনভেণ্ট অৱ জেছাছ এণ্ড মেৰি, লাহোৰ
পেচা	অভিনয়-শিল্পী পৰিৱেশক লেখিকা সমাজকৰ্মী
সক্ৰিয় হৈ থকা সময়	১৯৯৫ - বৰ্তমানলৈকে
দাম্পত্যসঙ্গী	আলী পাৰভেইজ
সন্তান	২

নাদিয়া জামিল (জন্ম: ৩ অক্টোবৰ ১৯৮০), নাদিয়া ফজল জামিল নামেৰেও পৰিচিত) এগৰাকী পাকিস্তানী অভিনেত্ৰী আৰু অনুষ্ঠান-পৰিৱেশক৷ নবৈৰ দশকৰ শেষৰ ফালে নিজৰ কেৰিয়াৰ আৰম্ভ কৰা জামিলে পৰৱৰ্তী সময়ত কেইবাটাও টেলিভিছন প্ৰডাকচনত অভিনয় কৰিছে। টেলিভিছনৰ উপৰিও থিয়েটাৰতো তেওঁ কাম কৰিছে। তেওঁৰ টেলিভিছনত অভিনয়ৰ ভিতৰত ধূপ মেইন সাৱান (১৯৯৮), মেৰে পাছ পাছ (২০০৫), মেৰী জান (২০০৯), বেহাড (২০১৩) আৰু দমছা (২০১৯) আদি। তেওঁৰ লাভ কৰা বঁটা-স্বীকৃতিসমূহৰ ভিতৰত আছে লাক্স ষ্টাইল বঁটাৰ বাবে তিনিটা মনোনয়ন।

প্ৰাৰম্ভিক জীৱন আৰু শিক্ষা

১৯৮০ চনৰ ১৩ অক্টোবৰত লণ্ডনত জন্মগ্ৰহণ কৰা জামিল ৯ বছৰ বয়সত লাহোৰলৈ আহে। তেওঁ লাহোৰৰ কনভেণ্ট অৱ জিছুছ এণ্ড মেৰী স্কুলত পঢ়িছিল। তেওঁ সাহিত্যত ইংৰাজী বিষয়ত স্নাতকোত্তৰ ডিগ্ৰী লাভ কৰিছে।

জামিলে আমেৰিকাৰ হেম্পশ্বাৰ কলেজত নাটক আৰু সৃষ্টিশীল লেখাত স্নাতক ডিগ্ৰী লাভ কৰে। এলেগেনী কলেজতো তেওঁ অধ্যয়ন কৰিছিল ৷ লণ্ডনৰ গ্ল’ব থিয়েটাৰত তেওঁ আন্তঃৰাষ্ট্ৰীয় ফেল’শ্বিপ সম্পূৰ্ণ কৰে।

কৰ্মজীৱন

জামিল যোৱা দুটা দশক ধৰি এগৰাকী পাকিস্তানী অভিনেত্ৰী আৰু অনুষ্ঠান-পৰিৱেশক। নবৈৰ দশকত জামিলে নিজৰ কেৰিয়াৰ আৰম্ভ কৰিছিল।

জামিল সুঞ্জন নগৰৰ ট্ৰাষ্টী। এইখন ৰাজা কাজিমৰ আৰ্থিকভাৱে বঞ্চিত ছোৱালীৰ বিদ্যালয়। তেওঁলোকৰ সৈতে আল-হামৰাত এটা নাট্য প্ৰকল্প পৰিবেশন কৰিছিল। ছোৱালীৰ শিক্ষাৰ বিষয়ে সজাগতা সৃষ্টি কৰা প্ৰকল্প গাৰ্ল ৰাইজিঙৰ এম্বেছাদৰ হিচাপেও তেওঁ কাম কৰে। নাট্য আৰু নাটকৰ অধ্যাপনা কৰা নাদিয়াই অক্সফৰ্ড ইউনিভাৰ্চিটি প্ৰেছ আৰু আইচিছন, কিডছ কেম্পাছৰ দৰে প্ৰতিষ্ঠানৰ সৈতে কেইটামান প্ৰকল্পত কাম কৰি আছে।

ব্যক্তিগত জীৱন

আলী পাৰভাইজৰ সৈতে তেওঁৰ বিবাহ হয় আৰু তেওঁৰ দুজন পুত্ৰ ৰাকাই আৰু মিৰ ৱালি৷

২০২০ চনৰ এপ্ৰিল মাহত জামিলৰ ষ্টেজ ১ স্তন কেন্সাৰ/গ্ৰেড ৩ টিউমাৰ ধৰা পৰে।[পৰৱৰ্তী সময়ত তেওঁৰ সফল অস্ত্ৰোপচাৰ কৰা হয় আৰু আগষ্ট মাহত তেওঁ সংকটৰ পৰা আঁতৰি যায়।