নিনা পিণ্টো-আবকাচিচ
| নিনা পিণ্টো-আবকাচিচ | |
|---|---|
 | |
| স্থানীয় নাম | נינה פינטו אבקסיס |
| জন্ম | 1971 আশকেলন, ইজৰাইল |
| মৃত্যু | ২২ জুলাই ২০১৯ (৪৮ বছৰ বয়সত) তেল আভিভ, ইজৰাইল |
| শিক্ষানুষ্ঠান | জেৰুজালেমৰ হিব্ৰু বিশ্ববিদ্যালয় য়াদ বেন জভি |
| নিয়োগকৰ্তা | হাৰেটজ (Haaretz) কোল ইজৰাইল আশকেলন একাডেমী কলেজ বাৰ-ইলান বিশ্ববিদ্যালয় |
| সন্তান | ২ |
| বঁটা, সন্মান, পুৰস্কাৰ আদি | হিব্ৰু সাহিত্যিক কৰ্মৰ বাবে প্ৰধানমন্ত্ৰীৰ বঁটা |
নিনা পিণ্টো-আবকাচিচ (ইংৰাজী: Nina Pinto-Abecasis; হিব্ৰু: נינה פינטו אבקסיס; ১৯৭১ — ২২ জুলাই ২০১৯) এগৰাকী ইজৰাইলী লোকসংস্কৃতিবিদ, লেখিকা আৰু শিক্ষাবিদ আছিল। তেওঁৰ লোকসংস্কৃতি গৱেষণাৰ বিশেষ ক্ষেত্ৰ আছিল 'হাকিটিয়া' ভাষা — যিটো উত্তৰ আফ্ৰিকাৰ চেফাৰডিম ইহুদীসকলে ঐতিহাসিকভাৱে ব্যৱহাৰ কৰা জুডাইঅ’-স্পেনিছ ভাষাৰ এটা ৰূপ। লোকসংস্কৃতিৰ অধ্যয়নত 'উপনাম'ৰ অন্তৰ্ভুক্তিৰ বাবে কৰা ওকালতিৰ বাবেও তেওঁ পৰিচিত আছিল।
জীৱনী
[সম্পাদনা কৰক]১৯৭১ চনত ইজৰাইলৰ আশকেলনত নিনা পিণ্টো-আবকাচিচৰ জন্ম হৈছিল। তেওঁৰ পিতৃ-মাতৃ ১৯৬০ চনত মৰক্কোৰপৰা ইজৰাইললৈ প্ৰব্ৰজন কৰিছিল। তেওঁ নিজৰ শৈশৱ আৰু পাৰিবাৰিক ঐতিহ্যৰ বিষয়ে এখন গ্ৰন্থ লিখিছিল।[1]
সামৰিক সেৱা সম্পূৰ্ণ কৰাৰ পাছত পিণ্টো-আবকাচিচে জেৰুজালেমৰ হিব্ৰু বিশ্ববিদ্যালয়ত হিব্ৰু সাহিত্যত স্নাতক আৰু স্নাতকোত্তৰ ডিগ্ৰী লাভ কৰে।[2]
বিশ্ববিদ্যালয়ৰ শিক্ষা সমাপ্ত কৰি তেওঁ সংবাদ মাধ্যমৰ সৈতে জড়িত হয়। তেওঁ হাৰেটজ কাকতত আৰক্ষী আৰু অপৰাধ সম্পৰ্কীয় বাতৰি সংগ্ৰহ কৰিছিল[3] আৰু ১৯৯৫-ৰপৰা ১৯৯৬ চনলৈ কোল ইজৰাইলত (Kol Yisrael) ৰেডিঅ' অনুষ্ঠান পৰিচালনা কৰিছিল।[2]
২০০১ চনৰপৰা ২০০৮ চনলৈ তেওঁ আশকেলন একাডেমী কলেজত প্ৰব্ৰাজিকা হিচাপে কাম কৰে। ইয়াৰ পিছত তেওঁ য়াদ বেন জভি গৱেষণা প্ৰতিষ্ঠানৰপৰা পিএইচডি ডিগ্ৰী সম্পূৰ্ণ কৰে। ২০১২ চনৰপৰা তেওঁ ৰামাত গানৰ বাৰ-ইলান বিশ্ববিদ্যালয়ত এগৰাকী গৱেষক হিচাপে কৰ্মৰত আছিল।[2]
পিণ্টো-আবকাচিচে লোকসংস্কৃতি অধ্যয়নত 'উপনাম'ৰ গুৰুত্বৰ ওপৰত কাম কৰিছিল আৰু ২০১৪ চনত মৰক্কোৰ ইহুদী সম্প্ৰদায়ৰ মাজত উপনাম ব্যৱহাৰৰ হাস্যৰস আৰু লিংগ বৈষম্যৰ ওপৰত এখন গৱেষণা পত্ৰ প্ৰকাশ কৰিছিল।[4] তেওঁ নেচনেল অথৰিটি ফৰ দ্য কালচাৰ অৱ লাডিনোৰ উপদেষ্টা হিচাপেও কাম কৰিছিল।[2][5]
২০১৮ চনত তেওঁ হিব্ৰু সাহিত্যিক কৰ্মৰ বাবে প্ৰদান কৰা প্ৰধানমন্ত্ৰীৰ বঁটা লাভ কৰে।[1]
২০১৯ চনৰ ২২ জুলাইত ৪৮ বছৰ বয়সত কৰ্কট ৰোগত আক্ৰান্ত হৈ তেল আভিভত নিনা পিণ্টো-আবকাচিচৰ মৃত্যু হয়।[1][5] মৃত্যুৰ ঠিক আগে আগে তেওঁ নিজৰ কৰ্কট ৰোগৰ সৈতে কৰা যুঁজখনৰ বিষয়ে এখন গ্ৰন্থ লিখিছিল।
তথ্যসূত্ৰ
[সম্পাদনা কৰক]- 1 2 3 לוי, דוד (2019-07-22). "הלכה לעולמה הסופרת כלת פרס רה"מ ובת אשקלון, נינה פינטো-אבקסיס" (he ভাষাত). כאן דרום - אשকেলון. https://www.kan-ashkelon.co.il/culture/38064। আহৰণ কৰা হৈছে: 2026-03-05.
- 1 2 3 4 "נינה פינטো-אבקסיস" (he ভাষাত). The Ohio State UniversityLexicon The new Hebrew literature. https://library.osu.edu/projects/hebrew-lexicon/03410.php। আহৰণ কৰা হৈছে: 2026-03-05.
- ↑ אדרת, עופৰ (2019). "עופר אדרת, החייתה את שפתם הנכחדת של יהוד" (he ভাষাত). הארץ. https://www.haaretz.co.il/0000017f-e105-d38f-a57f-e757e4360000.
- ↑ Cohen, Angy (2015-10-20). "The peacock, the ironed man and the half-woman. Nicknames, humor and folklore in the day-to-day speech of Tetouan's Haketia-speaking Jews" (en ভাষাত). The Journal of North African Studies খণ্ড 20 (5): 889–891. doi:10.1080/13629387.2015.1067357. ISSN 1362-9387. http://www.tandfonline.com/doi/full/10.1080/13629387.2015.1067357। আহৰণ কৰা হৈছে: 2026-03-05.
- 1 2 טוהר, ורד; גדג', דוד (2019). "נינה פינטו-אבקסיס ז"ל : [מתוך המדור: לזכרם"] (he ভাষাত). פעמים: פרקי עיון במורשת ישראל במזרח খণ্ড 159-160: 287–300. ISSN 0334-4088. https://merhav.nli.org.il/primo-explore/search?vid=ULI&lang=iw_IL&query=lsr10,contains,000832127। আহৰণ কৰা হৈছে: 2026-03-05.