নীতু সিং

নীতু কাপুৰ
২০২৫ চনত কাপুৰ
জন্ম	হৰনীত কাপুৰ ৮ জুলাই, ১৯৫৮ (৬৬ বছৰ) নতুন দিল্লী
পেচা	অভিনেত্ৰী
সক্ৰিয় হৈ থকা সময়	১৯৬৬- বৰ্তমান
দাম্পত্যসঙ্গী	ঋষি কাপুৰ (বি. ১৯৮০; মৃ. ২০২০)
সন্তান	২

নীতু কাপুৰ (পৈতৃক নাম: সিং; জন্ম: হৰনীত কৌৰ; ৮ জুলাই ১৯৫৮; ইংৰাজী: Harneet Kaur ; এগৰাকী ভাৰতীয় অভিনেত্ৰী। তেওঁ ১৯৬০ দশকৰ পাছডোখৰ, সমগ্ৰ ১৯৭০ দশক আৰু ১৯৮০ দশকৰ আগডোখৰত হিন্দী ছবিত অভিনয় কৰাৰ বাবে পৰিচিত। ২০১২ চনত কাপুৰক মুম্বাইৰ বান্দ্ৰা বেণ্ডষ্টেণ্ডৰ এটা মনোৰঞ্জন হল অৱ ফেম ৱাক অৱ দ্য ষ্টাৰছত অন্তৰ্ভুক্ত কৰা হয়। তেওঁ ফিল্মফেয়াৰ বঁটাৰ দুটা মনোনয়নকে ধৰি বহুতো প্ৰশংসা লাভ কৰিছে।

কাপুৰে সুৰজ (১৯৬৬) ছবিৰে আত্মপ্ৰকাশ কৰে আৰু তাৰ পিছত ৰোমান্টিক কমেডী দো কলিয়াঁত (১৯৬৮) দ্বৈত চৰিত্ৰত অভিনয় কৰে। ৰিক্সাৱালাৰ (১৯৭৩) জৰিয়তে তেওঁ প্ৰাপ্তবয়স্ক চৰিত্ৰত অভিনয় আৰম্ভ কৰিছিল আৰু নাছিৰ হুছেইনৰ মছলা ছবি ইয়াদোঁ কি বাৰাতৰ (১৯৭৩) জৰিয়তে তেওঁৰ সফলতা লাভ কৰিছিল, য’ত তেওঁ এগৰাকী নৃত্যশিল্পী ভূমিকাত অভিনয় কৰিছিল। ক্ৰাইম ড্ৰামা ছবি দীৱাৰ (১৯৭৫), থ্ৰিলাৰ ছবি খেল খেল মে (১৯৭৫), মিউজিকেল ছবি কভি কভি (১৯৭৬), মছলা ছবি অমৰ আকবৰ এন্থনী (১৯৭৭) আৰু ফেণ্টাচি ছবি ধৰম বীৰত (১৯৭৭) বিশিষ্ট ভূমিকা ৰূপায়ণ কৰে। অপৰাধ নাট্যধৰ্মী ছবি পৰবৰীশ (১৯৭৭), হৰৰ ছবি জানী দুছমন (১৯৭৯), দুৰ্যোগ বিষয়ক ছবি কালা পত্থৰ (১৯৭৯) আৰু সংগীতমধুৰ ছবি য়াৰানাত (১৯৮১) তেওঁৰ অভিনয় প্ৰশংসিত হয়। কালা পত্থৰৰ বাবে তেওঁ শ্ৰেষ্ঠ সহযোগী অভিনেত্ৰীৰ ফিল্মফেয়াৰ বঁটাৰ বাবে মনোনয়ন লাভ কৰে।

বাহ্যিক সংযোগ

• নীতু সিং সম্পৰ্কে ইণ্টাৰনেট মুভি ডাটাবেছত থকা তথ্য।