পল্লৱী শাৰদা

পল্লৱী শাৰদা
জন্ম	মাৰ্চ ৫, ১৯৮৮ পাৰ্থ, পশ্চিম অষ্ট্ৰেলিয়া, অষ্ট্ৰেলিয়া
ৰাষ্ট্ৰীয়তা	অষ্ট্ৰেলিয়ান
পেচা	অভিনেত্ৰী
সক্ৰিয় হৈ থকা সময়	২০০৮-বৰ্তমান
পদবী	Miss India Australia 2010
পিতৃ-মাতৃ	হেমা শৰ্দা নলিন কান্ত শাৰদা

পল্লৱী শাৰদা (ইংৰাজী: Pallavi Sharda; জন্ম: ৫ মাৰ্চ ১৯৮৮) এগৰাকী অষ্ট্ৰেলিয়ান অভিনেত্ৰী আৰু ভাৰতীয় বংশৰ ভাৰতনাট্যম নৃত্যশিল্পী। ২০১০ চনত মিছ ইণ্ডিয়া অষ্ট্ৰেলিয়া সৌন্দৰ্য্য প্ৰতিযোগিতাত জয়ী হয়। অভিনেত্ৰী হিচাপে তেওঁ একাডেমী বঁটাৰ বাবে মনোনীত ছবি লায়ন (২০১৬)ত অভিনয় কৰাৰ বাবে বেছিকৈ পৰিচিত। ইয়াৰ উপৰিও হিন্দী ভাষাৰ ছবি বেছাৰাম (২০১৩), হাৱাইজাদা (২০১৫) আৰু বেগম জান (২০১৭)ত অভিনয় কৰিছে। অষ্ট্ৰেলিয়াৰ ছবি ছেভ ইউৰ লেগছ! (২০১২) আৰু অষ্ট্ৰেলিয়াৰ টেলিচিৰিজ লেছ নৰ্টন (২০১৯)। ২০২১ চনৰ পৰা শাৰদাই টম এণ্ড জেৰী, দ্য টুৱেলভ আৰু ৰম-কম ৱেডিং ছিজনত অভিনয় কৰিছে।

প্ৰাথমিক জীৱন

শাৰদাৰ জন্ম হৈছিল পশ্চিম অষ্ট্ৰেলিয়াৰ পাৰ্থৰ এটা ভাৰতীয় পৰিয়ালত হেমা শৰ্দা আৰু নলিন কান্ত শাৰদাৰ ঘৰত। তেওঁৰ পিতৃ-মাতৃ দুয়োজনেই ক্ৰমে বম্বে আৰু দিল্লীৰ আই আই টিৰ প্ৰাক্তন ছাত্ৰ আৰু বিজ্ঞান আৰু অভিযান্ত্ৰিক বিজ্ঞানত পি এইচ ডি ডিগ্ৰী লাভ কৰিছে। তেখেতৰ জন্মৰ আগতে ১৯৮০ চনত তেওঁলোকে অষ্ট্ৰেলিয়ালৈ প্ৰব্ৰজন কৰে। শাৰদা সৰুতে মেলবৰ্ণলৈ আহিছিল য'ত তেওঁ বাহিৰৰ উত্তৰ-পশ্চিম উপকণ্ঠ অঞ্চলত ডাঙৰ-দীঘল হৈছিল। তেখেতে এচেণ্ডনৰ ল'থাৰ হলত ​​স্কুললৈ যায় আৰু তাৰ পৰাই তেওঁ শৈক্ষিক বৃত্তি লাভ কৰে আৰু ১৬ বছৰ বয়সত মেলবৰ্ণ বিশ্ববিদ্যালয়ৰ পৰা এল এল বি আৰু বি এ (মিডিয়া এণ্ড কমিউনিকেচন) আৰু মডাৰ্ণ লেংগুৱেজ (ফ্ৰেঞ্চ)ত ডিপ্লমা আৰম্ভ কৰে, ২১ বছৰ বয়সত সন্মানেৰে স্নাতক ডিগ্ৰী লাভ কৰে।

কৰ্মজীৱন

পল্লৱী শাৰদাই ২০০৮ চনত চলচ্চিত্ৰত কেৰিয়াৰ গঢ়িবলৈ মেলবৰ্ণৰ পৰা মুম্বাইলৈ ভিত্তি স্থানান্তৰ কৰে। কৰণ জোহৰৰ মাই নেম ইজ খান (২০১০) ছবিখনত কেমিঅ’ চৰিত্ৰত অভিনয় কৰি বলীউড কেৰিয়াৰ আৰম্ভ কৰিছিল শৰ্দাই। ২০১০ চনৰ মাৰ্চ মাহত ২৩ বছৰ বয়সত শাৰদাক ছিডনীত মিছ ইণ্ডিয়া অষ্ট্ৰেলিয়াৰ মুকুট পিন্ধোৱা হয়। ইয়াৰ পিছত তেওঁ প্ৰশংসিত অভিনেতা মনোজ বাজপেয়ীৰ সৈতে কমেডী-ড্ৰামা ছবি দুছ টোলা (২০১০)ত অভিনয় কৰে, য’ত তেওঁ গাঁৱৰ নৃত্য শিক্ষয়িত্ৰী গীতাৰ চৰিত্ৰত অভিনয় কৰে। শাৰদাৰ অভিনয়ক দ্য টাইমছ অৱ ইণ্ডিয়াই ছবিখনৰ শ্ৰেষ্ঠ উপাদান হিচাপে চিনাক্ত কৰিছিল। ২০১১ আৰু ২০১২ চনত শৰ্দা শ্ৰুতি মাৰ্চেণ্টৰ পৰিচালনা আৰু বৈভী মাৰ্চেণ্টৰ নৃত্য পৰিচালনা কৰা নাট্য মিউজিকেল তাজ এক্সপ্ৰেছৰ মুখ্য অভিনেত্ৰী আছিল।

শাৰদাই ২০১৩ চনৰ ২৮ ফেব্ৰুৱাৰীত মুক্তি পোৱা কমেডী ছবি ছেভ ইউৰ লেগছৰ জৰিয়তে অষ্ট্ৰেলিয়াত অভিষেক ঘটায়। ইয়াৰ পিছত অভিনৱ কাশ্যপৰ বলীউড ছবি বেশৰামত অভিনয় কৰে। য’ত তেওঁ এগৰাকী মহিলাৰ চৰিত্ৰত অভিনয় কৰিছিল যাৰ গাড়ীখন এজন ক্ষুদ্ৰ চোৰে চুৰি কৰি লৈ যায়। শাৰদাৰ পৰৱৰ্তী বলীউড উদ্যোগ হাৱাইজাদা ২০১৫ চনৰ ৩০ জানুৱাৰীত বিশ্বজুৰি মুক্তি লাভ কৰে। বিভু পুৰীৰ পৰিচালনা আৰু আয়ুষমান খুৰানা আৰু মিথুন চক্ৰৱৰ্তীৰ সহ-অভিনেত্ৰীত নিৰ্মিত এই ছবিখন ১৮৯৫ চনত বোম্বাইত মানৱবিহীন বিমান চলাইছিল বুলি ধাৰণা কৰা শিৱকৰ বাপুজী তালপাদেৰ সত্য পৰিঘটনাৰ পৰা অনুপ্ৰাণিত। মুম্বাইত ব্ৰিটিছ ৰাজ যুগত এগৰাকী কৰ্টেছান নৃত্যশিল্পীৰ চৰিত্ৰত অভিনয় কৰি শাৰদাই সমালোচকৰ প্ৰশংসা লাভ কৰে।

আই পি এল ২০১৬ ইণ্ডিয়ান প্ৰিমিয়াৰ লীগ (আই পি এল)ৰ বাবে তেওঁলোকৰ নতুন মুখ হিচাপে চ'নী ই এছ পি এন দলত যোগদান কৰে শ্বাৰদাই।