পাপৰি বসু

পাপৰি বসু
জন্ম	০২ মাৰ্চ, ১৯৫৬ (৬৯ বছৰ) কুমিল্লা, বাংলাদেশ
ৰাষ্ট্ৰীয়তা	বাংলাদেশী
শিক্ষানুষ্ঠান	চট্টগ্ৰাম বিশ্ববিদ্যালয়
বঁটা, সন্মান, পুৰস্কাৰ আদি	বেগম ৰকেয়া পদক (২০১৯)

পাপৰি বসু (বাংলা: পাপড়ি বসু) এগৰাকী বাংলাদেশী স্বাধীনতা সংগ্ৰামী, শিক্ষয়িত্ৰী, সমাজকৰ্মী আৰু নাৰী অধিকাৰ কৰ্মী। ২০১৯ চনত তেওঁ বেগম ৰকেয়া পদক সন্মানেৰে সন্মানিত হৈছিল।

জীৱনী

বসু ১৯৫৬ চনৰ ২ মাৰ্চত কুমিল্লাত প্ৰমথ চন্দ্ৰ ধৰ আৰু মায়া ধৰৰ সন্তান হিচাপে জন্মগ্ৰহণ কৰে। যেতিয়া তেওঁ অষ্টম শ্ৰেণীত আছিল, তেওঁ পাকিস্তান চৰকাৰৰ বিৰুদ্ধে পাঠ্যপুথি অপসাৰণৰ দাবীত প্ৰতিবাদৰ নেতৃত্ব দিছিল। তেওঁ কুমিল্লা শিক্ষা পৰিষদৰ সন্মুখত অনশন কৰিছিল।

বাংলাদেশৰ মুক্তিযুদ্ধ আৰম্ভ হোৱাত, বসুৱে সীমান্ত পাৰ হৈ ত্ৰিপুৰালৈ গৈছিল। তাত তেওঁলোকে এটা সাংস্কৃতিক সংগঠন গঠন কৰিছিল। তেওঁলোকে অনুষ্ঠান প্ৰদৰ্শন কৰি উপাৰ্জিত ধন আঘাতপ্ৰাপ্ত মুক্তিযোদ্ধাসকলৰ চিকিৎসাৰ বাবে দান কৰিছিল।

বসুৰ মোমায়েক নীতীশ ৰায় চৌধুৰী আকাশবাণীৰ সংবাদদাতা আছিল। তেওঁ তেওঁ মোমায়েকক সংবাদ সম্পাদনা কৰাত সহায় কৰিছিল আৰু নিজেও প্ৰবন্ধ লিখিছিল। তেওঁৰ "মানৱিকতাৰ প্ৰশ্নে ইন্দিৰাজী" শীৰ্ষক প্ৰবন্ধ আনন্দবাজাৰ পত্ৰিকাত প্ৰকাশ পাইছিল।

মুক্তিযুদ্ধৰ পিছত, বসু বাংলাদেশলৈ উভতি আহিছিল। তেওঁ ১৯৭২ চনত মেট্ৰিক পৰীক্ষা উত্তীৰ্ণ হৈছিল আৰু ১৯৭৪ চনত কুমিল্লা চৰকাৰী মহিলা কলেজৰ পৰা উচ্চ মাধ্যমিক পৰীক্ষা উত্তীৰ্ণ হৈছিল। তাৰ পিছত, তেওঁ চিটাগাং বিশ্ববিদ্যালয়ত ভৰ্তি হৈ স্নাতক আৰু স্নাতকোত্তৰ শিক্ষা সম্পন্ন কৰিছিল। তাৰ পিছত, তেওঁ কুমিল্লাৰ ইস্পাহানি পাব্লিক স্কুল এণ্ড কলেজত শিক্ষক হিচাপে যোগদান কৰিছিল। পিছত, তেওঁ চাকৰি ত্যাগ কৰি সমাজকল্যাণৰ কামত নিজকে নিয়োজিত কৰিছিল।

তেওঁ বাংলাদেশ পৰিয়াল পৰিকল্পনা সংঘৰ সহ-সভাপতিৰ পদত অধিষ্ঠিত আছিল। তেওঁ মহিলাসকলৰ অধিকাৰৰ ক্ষেত্ৰতো কাম কৰিছিল।

বসুৱে ২০১৯ চনত মহিলাসকলৰ অধিকাৰ প্ৰতিষ্ঠাৰ ক্ষেত্ৰত তেওঁৰ অৱদানৰ বাবে বেগম ৰোকেয়া পদক লাভ কৰিছিল।