পাম গ্ৰিয়াৰ

পাম গ্ৰিয়াৰ
পাম গ্ৰিয়াৰ
	; ২০২২ চনত পাম গ্ৰিয়াৰ
জন্ম	পামেলা চুজেন গ্ৰিয়াৰ; ২৬ মে', ১৯৪৯ (৭৭ বছৰ); উইনষ্টন-চালেম, উত্তৰ কেৰোলিনা, আমেৰিকা যুক্তৰাষ্ট্ৰ
শিক্ষানুষ্ঠান	মেট্ৰ’পলিটান ষ্টেট কলেজ
পেচা	অভিনেত্ৰী, গায়িকা, সমৰ কলাবিদ
সক্ৰিয় হৈ থকা সময়	১৯৭০–বৰ্তমান

পামেলা চুজেন গ্ৰিয়াৰ (ইংৰাজী: Pamela Suzette Grier; জন্ম: ২৬ মে', ১৯৪৯) এগৰাকী আমেৰিকান অভিনেত্ৰী, গায়িকা আৰু সমৰ কলাবিদ। চলচ্চিত্ৰ নিৰ্মাতা কুয়েন্টিন টাৰাণ্টিমুৱে তেওঁক চিনেমাৰ প্ৰথম মহিলা একচন ষ্টাৰ হিচাপে অভিহিত কৰিছে।^[2] ১৯৭০ চনৰ আমেৰিকান ইণ্টাৰনেশ্যনেল পিকচাৰ্ছ আৰু নিউ ৱৰ্ল্ড পিকচাৰ্ছৰ কেইবাখনো একচন, ব্ল্যাক্সপ্লইটেশ্যন আৰু ওমেন-ইন-প্ৰিজন চলচ্চিত্ৰত অভিনয় কৰি তেওঁ খ্যাতি অৰ্জন কৰিছিল। তেওঁৰ উল্লেখযোগ্য স্বীকৃতিসমূহৰ ভিতৰত এমি বঁটা, গ'ল্ডেন গ্লোব বঁটা, স্ক্ৰীণ এক্টৰ্ছ গিল্ড বঁটা, চেটেলাইট বঁটা আৰু শনি বঁটাৰ বাবে লাভ কৰা মনোনয়ন অন্যতম।

গ্ৰিয়াৰে কফি (১৯৭৩) আৰু ফক্সি ব্ৰাউন (১৯৭৪) ছবিৰ নাম চৰিত্ৰত অভিনয় কৰি চৰ্চালৈ আহিছিল; এই সময়ছোৱাত তেওঁৰ অন্যান্য প্ৰধান চলচ্চিত্ৰসমূহৰ ভিতৰত আছিল দ্য বিগ ডল হাউচ (১৯৭১), ৱমেন ইন কেজেছ (১৯৭১), দ্য বিগ বাৰ্ড কেজ (১৯৭২), ব্লেক মামা হোৱাইট মামা (১৯৭৩), স্ক্ৰিম ব্লাকুলা স্ক্ৰিম (১৯৭৩), দ্য এৰিনা (১৯৭৪), চেবা, বেবী (১৯৭৫), বাকটাউন (১৯৭৫) আৰু ফ্ৰাইডে ফষ্টাৰ (১৯৭৫)। তেওঁ গ্ৰিজড লাইটনিং (১৯৭৭) ছবিত ৰিচাৰ্ড প্ৰায়ৰৰ চৰিত্ৰ ওৱেন্ডেল স্কটৰ পত্নীৰ চৰিত্ৰতো অভিনয় কৰিছিল। তেওঁৰ প্ৰথম অভিনীত ছবিৰ প্ৰায় তিনি দশকৰ পিছত টাৰাণ্টিমুৰ অপৰাধমূলক ছবি জ্যাকি ব্ৰাউনত (১৯৯৭) নাম চৰিত্ৰত অভিনয় কৰে। গ্ৰিয়াৰে এস্কেপ ফ্ৰম এল.এ. (১৯৯৬), মাৰ্চ এটেকছ! (১৯৯৬), জব্ৰেকাৰ (১৯৯৯), হলি স্মোক! (১৯৯৯), চনো ডে (২০০০), বোনছ (২০০১), জাষ্ট ৰাইট (২০১০), লেৰী ক্ৰাউন (২০১১) আৰু পমছ (২০১৯) ছবিতো অভিনয় কৰিছিল।

টেলিভিছনৰ ক্ষেত্ৰত গ্ৰিয়াৰে শ্ব’টাইম কমেডী-ড্ৰামা ধাৰাবাহিক লিংকছত (১৯৯৮–২০০০) এলিনৰ উইনথ্ৰপ, শ্ব’টাইম ড্ৰামা ধাৰাবাহিক দ্য এল ৱৰ্ডত (২০০৪–২০০৯) কেট "কিট" পৰ্টাৰ আৰু এবিচি চিটকম ব্লেছ ডিচ মেছত (২০১৯–২০২০) কনষ্টেন্স টেৰীৰ চৰিত্ৰত অভিনয় কৰিছিল। এনিমেটেড ধাৰাবাহিক হেপিলি এভাৰ আফটাৰ: ফেয়াৰী টেলছ ফৰ এভৰী চাইল্ডত (১৯৯৯) তেওঁৰ কামৰ বাবে তেওঁ প্ৰশংসা লাভ কৰিছিল।

২০১৬ চনত ইণ্ডিৱাইৰে গ্ৰিয়াৰক একাডেমী বঁটাৰ মনোনয়ন লাভ নকৰা অন্যতম শ্ৰেষ্ঠ অভিনেতা হিচাপে নামকৰণ কৰিছিল।^[3]^[4]

তথ্যসূত্ৰ

↑ "Famous birthdays for May 26: Bobcat Goldthwait, Lenny Kravitz". UPI. 26 May 2022. https://www.upi.com/Entertainment_News/2022/05/26/Famous-birthdays-for-May-26-Bobcat-Goldthwait-Lenny-Kravitz/7001653489276/.
↑ "Pam Grier". Wizard World. http://www.wizardworld.com/pamgrier.html। আহৰণ কৰা হৈছে: 2015-06-29.
↑ Kiang, Jessica (1 January 2016). "30 Great Actors Who've Never Been Oscar Nominated". Indiewire. Archived from the original on 15 October 2022. https://web.archive.org/web/20221015124743/https://www.indiewire.com/2016/01/30-great-actors-whove-never-been-oscar-nominated-90109/.
↑ "Pam Grier Set for Career Tribute at Toronto Black Film Festival". The Hollywood Reporter. https://www.hollywoodreporter.com/movies/movie-news/pam-grier-career-tribute-toronto-black-film-festival-1235788264/.

বাহ্যিক সংযোগ

পাম গ্ৰিয়াৰ সম্পৰ্কে ইণ্টাৰনেট মুভি ডাটাবেছত থকা তথ্য।
এক্সত পাম গ্ৰিয়াৰ
Pam Grier Happy Birthday, Pam Grier: Interview with the Accidental Action Heroine at Bright Lights Film Journal

[1] "Famous birthdays for May 26: Bobcat Goldthwait, Lenny Kravitz". UPI. 26 May 2022. https://www.upi.com/Entertainment_News/2022/05/26/Famous-birthdays-for-May-26-Bobcat-Goldthwait-Lenny-Kravitz/7001653489276/.

[2] "Pam Grier". Wizard World. http://www.wizardworld.com/pamgrier.html। আহৰণ কৰা হৈছে: 2015-06-29.

[3] Kiang, Jessica (1 January 2016). "30 Great Actors Who've Never Been Oscar Nominated". Indiewire. Archived from the original on 15 October 2022. https://web.archive.org/web/20221015124743/https://www.indiewire.com/2016/01/30-great-actors-whove-never-been-oscar-nominated-90109/.

[4] "Pam Grier Set for Career Tribute at Toronto Black Film Festival". The Hollywood Reporter. https://www.hollywoodreporter.com/movies/movie-news/pam-grier-career-tribute-toronto-black-film-festival-1235788264/.

[1]

[2]

[3]

[4]