পালজোৰ জিগমে দৰ্জী
পালজোৰ দৰ্জি | |
|---|---|
 | |
| ১ম মুখ্য ন্যায়াধীশ ভূটানৰ উচ্চ ন্যায়ালয় | |
| কাৰ্যকাল ১৯৭৪ – ১৯৮৭ (কৰ্মৰত: ১৯৭৪ – ১৯৮৫) | |
| ৰাজশাসক | জিগমে চিংগে ৱাংচুক |
| পূৰ্বসূৰী | কোনো নাই, কাৰ্যালয় স্থাপন কৰা হৈছে |
| উত্তৰসূৰী | ছাংগাই পেঞ্জোৰে |
| ব্যক্তিগত তথ্য | |
| জন্ম | ২৪ আগষ্ট, ১৯৪৩ (৮৩ বছৰ) ভূটান হাউচ, কালিম্পং, ভাৰত |
| ৰাষ্ট্ৰীয়তা | ভূটানী |
| সন্তান | ৪ |
| মাতৃ | চেৰিং ইয়াংজম |
| পিতৃ | জিগমে পালডেন ডৰ্জি |
| সম্বন্ধীয় | জিগমে চিংগে ৱাংচাক (কাজিন) |
| পেচা |
|
| প্ৰখ্যাত | ভূটানৰ প্ৰথমটো বেচৰকাৰী সংস্থা প্ৰতিষ্ঠা, ভূটানত ক’লা ডিঙিৰ ক্ৰেন সংৰক্ষণ। |
দশো পালজোৰ জিগমে দৰ্জি (ইংৰাজী: Paljor Dorji)ক[1][2] সাধাৰণতে দশো বেঞ্জী বুলি জনা যায়, তেওঁ ভূটানৰ এজন পৰিৱেশবিদ, ন্যায়াধীশ আৰু কূটনীতিবিদ।[3]
কেৰিয়াৰ
[সম্পাদনা কৰক]পৰিৱেশবাদ
[সম্পাদনা কৰক]পালজোৰ জিগমে দৰ্জীক প্ৰায়ে ভূটানৰ "গডফাদাৰ অৱ কনজাৰ্ভেচন" বুলি কোৱা হয়,[4] তেওঁ ভূটানৰ প্ৰথমটো বেচৰকাৰী সংস্থা ৰয়েল ছ’চাইটি ফৰ দ্য প্ৰটেকচন অৱ নেচাৰ প্ৰতিষ্ঠা কৰে।[3] তেওঁ ভূটানৰ ক'লা ডিঙিৰ ক্ৰেনৰ সংখ্যা সংৰক্ষণ আৰু দেশৰ জৈৱ-বৈচিত্ৰ্য সংৰক্ষণৰ বাবে ১৯৮৭ চনত ভূটানৰ প্ৰথমটো বেচৰকাৰী সংস্থা ৰয়েল ছ'চাইটি ফৰ দ্য প্ৰটেকচন অৱ নেচাৰ প্ৰতিষ্ঠা কৰে।[5]
১৯৯৮ চনত প্ৰকাশিত দেশৰ প্ৰথমখন ৰাষ্ট্ৰীয় পৰিৱেশ কৌশলৰ খচৰা প্ৰস্তুত কৰা কামৰ লগতো তেওঁ জড়িত আছিল।[6] ৰাষ্ট্ৰীয় পৰিৱেশ আয়োগকে ধৰি ভূটানৰ অসংখ্য সংৰক্ষণ আৰু পৰিৱেশ সংস্থাৰ উপদেষ্টা হিচাপেও তেওঁ কাৰ্যনিৰ্বাহ কৰিছিল। দৰ্জীক নীতি নেতৃত্বৰ বাবে জিগমে চিংগে ৱাংচাক আউটষ্টেণ্ডিং এনভাইৰনমেণ্টেল ষ্টুয়াৰ্ডশ্বিপ বঁটাও প্ৰদান কৰা হয়।[5] ভূটান পক্ষীবিজ্ঞান সমিতিৰ লগতে ভূটান পৰিৱেশ সমিতিও তেওঁ নিজেই প্ৰতিষ্ঠা কৰিছিল আৰু তেওঁ দুয়োটা সংস্থাৰ প্ৰতিষ্থাপক সভাপতি হিচাপে কাৰ্যনিৰ্বাহ কৰিছিল।[4]
২০১৮ চনত ৰয়েল ছ'চাইটি ফৰ দ্য প্ৰটেকচন অৱ নেচাৰে তেওঁক "প্ৰকৃতিৰ নায়ক" হিচাপে ভূষিত কৰে।[5]
চৰকাৰত
[সম্পাদনা কৰক]দৰ্জীয়ে ১৯৬৯ চনৰপৰাই ভূটান চৰকাৰত সেৱা আগ বঢ়াই আহিছে।[4] তেওঁ ভূটানৰ প্ৰাক্তন ৰজা জিগমে চিংগে ৱাংচুকৰ উপদেষ্টা হিচাপে কাৰ্যনিৰ্বাহ কৰিছিল।[5]
তেওঁ ১৯৬৯ চনৰপৰা ১৯৭২ চনলৈকে পাৰো জিলাৰ দণ্ডাধীশ হিচাপে, ১৯৭২ চনৰপৰা ১৯৭৪ চনলৈকে উচ্চ ন্যায়ালয়ৰ ন্যায়াধীশ হিচাপে কাৰ্যনিৰ্বাহ কৰিছিল।[7] জিগমে পালডেন দৰ্জীয়ে তেওঁক ১৯৭৪ চনৰপৰা ১৯৮৭ চনলৈকে (১৯৭৪ চনৰপৰা ১৯৮৫ চনলৈকে ভাৰপ্ৰাপ্ত ক্ষমতা) কাৰ্যনিৰ্বাহ কৰা ভূটানৰ উচ্চ ন্যায়ালয়ৰ প্ৰথম মুখ্য ন্যায়াধীশ হিচাপে নিযুক্তি দিয়ে।[4] তেওঁৰ পাছত ১৯৮৭ চনত ৰজাই নিযুক্তি দিয়া লিয়নপো ছাংগাই পেঞ্জোৰ মুখ্য ন্যায়াধীশ হয়।[7]
১৯৮৮ চনৰপৰা ১৯৯১ চনলৈকে তেওঁ সমাজ সেৱাৰ উপ-মন্ত্ৰী আৰু ১৯৯৪ চনৰপৰা ১৯৯৭ চনলৈকে ৰাষ্ট্ৰীয় পৰিৱেশ আয়োগৰ উপ-মন্ত্ৰীও আছিল।[4]
কূটনীতিবিদ হিচাপে
[সম্পাদনা কৰক]কূটনীতিবিদ হিচাপে পালজোৰ জিগমে দৰ্জীয়ে ১৯৯১ চনৰপৰা ১৯৯৪ চনলৈকে ৰাষ্ট্ৰসংঘ আৰু ইউৰোপৰ ৰাজধানীসমূহত ৰাষ্ট্ৰদূত হিচাপে কাৰ্যনিৰ্বাহ কৰিছিল। কিন্তু বহু কথা এতিয়াও জানিব পৰা হোৱা নাই।[4]
ফিল্মগ্ৰাফী
[সম্পাদনা কৰক]২০১৬ চনত পালজোৰ জিগমে দৰ্জীয়ে আমেৰিকান পৰিচালক গ্ৰেগ হেমিল্টনৰ দুঃসাহসিক তথ্যচিত্ৰ পাৱাৰ অৱ দ্য ৰিভাৰ: এক্সপেডিচন টু দ্য হাৰ্ট অৱ ৱাটাৰ ইন ভূটানত[8] অভিনয় কৰিছিল য'ত ভূটানৰ নদীসমূহত বান্ধ স্থাপনৰ সমস্যাসমূহৰ বিষয়ে আলোচনা কৰা হৈছে।[9]
ব্যক্তিগত জীৱন
[সম্পাদনা কৰক]ভূটানৰ প্ৰথম প্ৰধানমন্ত্ৰী জিগমে পালডেন দৰ্জীৰ পুত্ৰ পালজোৰ জিগমে দৰ্জী। টবগিয়ে দৰ্জি তেওঁৰ ভাতৃ আৰু এজন প্ৰাক্তন কূটনীতিবিদ; পেৰুৰ হোটেলৰ মালিক।[3] ৰাজপৰিয়ালৰ এজন সদস্য[10] পালজোৰ দৰ্জী ভূটানৰ চতুৰ্থ ৰজা জিগমে চিংগে ৱাংচুকৰ এজন খুলশালীয়েক।[5] তেওঁৰ মাতৃ আছিল তিব্বতী অভিজাত পৰিয়াল ছাৰংৰ কন্যা আছি চেৰিং ইয়াংজম।[11]
ভাৰতৰ দাৰ্জিলিঙৰ এখন বৰ্ডিং স্কুলত কানাডাৰ জেচুইটসকলৰপৰা বাস্কেটবল খেল শিকি খেলবিধ ভূটানলৈ অনাৰ কৃতিত্বও তেওঁক দিয়া হয়। তেওঁ ৰজা জিগমে চিংগে ৱাংচাকক তেওঁৰ কৈশোৰ কালত এই খেলবিধ শিকাইছিল।[12]
তথ্যসূত্ৰ
[সম্পাদনা কৰক]- ↑ Lipsey, Rick (22 December 2008). "Apple Pie and Bichons Frises at Benji's". Golfing on the Roof of the World: In Pursuit of Gross National Happiness. Bloomsbury Publishing USA. পৃষ্ঠা. 34. ISBN 978-1596918450.
- ↑ "Paljor Jigme Dorji". The Energy and Resources InstituteWorld Sustainable Development Forum. http://wsds.teriin.org/2010/bio2010/dorji.pdf। আহৰণ কৰা হৈছে: 9 January 2018.[সংযোগবিহীন উৎস]
- 1 2 3 Weissmann, Arnie (6 October 2011). "Dispatch, Bhutan: Diplomats and hoteliers". Travel Weekly. http://www.travelweekly.com/Asia-Travel/Dispatch-Bhutan-Diplomats-and-hoteliers। আহৰণ কৰা হৈছে: 9 January 2018.
- 1 2 3 4 5 6 Naturenomics Team (24 November 2016). "Case Study: Dasho Paljor J. Dorji". Balipara Foundation. Archived from the original on 9 January 2018. https://web.archive.org/web/20180109122152/http://www.baliparafoundation.com/en/blog/case-study-dasho-paljor-j-dorji। আহৰণ কৰা হৈছে: 9 January 2018.
- 1 2 3 4 5 "Nature's Heroes Award for Bhutan's Godfather of conservation". Bird Life Asia. 4 January 2018. http://www.birdlife.org/asia/news/nature%E2%80%99s-heroes-award-bhutan%E2%80%99s-godfather-conservation। আহৰণ কৰা হৈছে: 9 January 2018.
- ↑ Faxon, Hilary (14 September 2014). "Good Evening, Dasho Benji!". Sage. http://www.sagemagazine.org/good-evening-dasho-benji/। আহৰণ কৰা হৈছে: 9 January 2018.
- 1 2 "Golden Jubilee: The establishment of the High Court of Bhutan". Kuensel. 3 November 2017. http://www.kuenselonline.com/golden-jubilee-the-establishment-of-the-high-court-of-bhutan/। আহৰণ কৰা হৈছে: 9 January 2018.
- ↑ "Texas Premiere of Power of the River: Expedition to the Heart of Water in Bhutan". Bhutan Foundation. 18 November 2016. https://bhutanfound.org/texas-premiere-film-power-river-expedition-heart-water-bhutan/। আহৰণ কৰা হৈছে: 9 January 2018.
- ↑ "'Adventures in Asia' Block of 3 films". Breckenridge Film Festival. 2016. http://breckfilmfest.org/event/adventures-in-asia-block-of-3-films/। আহৰণ কৰা হৈছে: 9 January 2018.[সংযোগবিহীন উৎস]
- ↑ Harris, Gardiner (4 October 2014). "Index of Happiness? Bhutan's New Leader Prefers More Concrete Goals". New York Times. https://www.nytimes.com/2013/10/05/world/asia/index-of-happiness-bhutans-new-leader-prefers-more-concrete-goals.html। আহৰণ কৰা হৈছে: 9 January 2018.
- ↑ "Tsering Yangzom (Tess) on a swing in Dekyi Linga garden". https://tibet.prm.ox.ac.uk/photo_2001.59.7.56.1.html.
- ↑ Harris, Gardiner (14 October 2013). "In Bhutan, a Bid to Turn Basketball From a Royal Sport to a National One". New York Times. https://www.nytimes.com/2013/10/15/sports/in-bhutan-turning-a-royal-sport-into-a-national-one-is-no-slam-dunk.html। আহৰণ কৰা হৈছে: 9 January 2018.