পাৰিপাৰ্শ্বিক কবিতা

পাৰিপাৰ্শ্বিক কবিতা (২০২৩, ইংৰাজী: Pariparshik Kabita) অসমীয়া পাৰিপাৰ্শ্বিক কবিতাৰ এখন সংকলন। সংকলনখনৰ সম্পাদক কবি, অনুবাদক আৰু লেখক প্ৰকল্প ৰঞ্জন ভাগৱতী।

পাৰিপাৰ্শ্বিক কবিতা
লেখক	প্ৰকল্প ৰঞ্জন ভাগৱতী (সম্পাদক)
প্ৰচ্ছদ শিল্পী	প্ৰদোষ চন্দ্ৰ
ভাষা	অসমীয়া
প্ৰকাৰ	কবিতা
প্ৰকাশক	অসম পাবলিচিং কোম্পানী
পৃষ্ঠা সংখ্যা	২੦৬
আই.এচ.বি.এন.	978-93-92305-85-6

বিৱৰণ

সংকলনটিৰ আগকথা লিখিছে সমালোচক আনন্দ বৰমুদৈয়ে। অসমৰ ঊনষাঠিগৰাকী কবিৰ ডেৰশৰো অধিক পাৰিপাৰ্শ্বিক কবিতা সংকলনটোত সন্নিৱিষ্ট হৈছে। সমালোচক বৰমুদৈয়ে আগকথাত কৈছে-- "এই কবিতাৰ সংকলনখনে সাম্প্ৰতিক অসমীয়া কবিতাই কেঁকুৰী এটা ঘূৰাৰ ইংগিত দিছে।" সংকলনটিত সমালোচক মৃদুল বৰদলৈৰ 'Situating the Environmental Turn in Contemporary Assamese Poetry' শীৰ্ষক এটি ইংৰাজী লেখাও সন্নিৱিষ্ট হৈছে।

সাতসৰী আলোচনীত প্ৰকাশিত এটা প্ৰবন্ধত কিতাপখনৰ বিষয়ে জ্যোতিষ্মান দাসে কৈছে, "পাৰিপাৰ্শ্বিক কবিতা (২০২৩) সংকলনটোৱে বিগত বৰ্ষত প্ৰকাশিত অসমীয়া গ্ৰন্থৰ তালিকাত গুৰুত্বপূৰ্ণ স্থান অধিকাৰ কৰাৰ লগতে আমাৰ মুলুকত কবিতা সম্পৰ্কীয় চিন্তা-চৰ্চা আৰু অনুশীলনৰ সুকীয়া বাট এটিও মসৃণকৈ কাটি দিলে।"