পুৱান শ্ৰী সুকুমাৰী শেখৰ
পুৱান শ্ৰী সুকুমাৰী শেখৰ (২ আগষ্ট ১৯৩৩ – ৮ মাৰ্চ ২০২১) এজনী মালয়েছিয়ান মহিলা আৰু শিশু অধিকাৰৰ কাৰ্যকৰ্তা আছিল। তেওঁ মালয়েছিয়াৰ ৰাষ্ট্ৰীয় মহিলা সংগঠনসমূহৰ পৰিষদৰ প্ৰতিষ্ঠাপক আৰু উপ-সভানেত্ৰী আছিল।
প্ৰাৰম্ভিক জীৱন আৰু শিক্ষা
[সম্পাদনা কৰক]সুকুমাৰী নাইৰ ২ আগষ্ট ১৯৩৩ তাৰিখে মালাক্কাৰ জলান বন্দৰ হিলিৰত জন্ম গ্ৰহণ কৰিছিল। তেওঁ মালয়া বিশ্ববিদ্যালয়ত শিক্ষাগ্ৰহণ কৰিছিল।[1]
মহিলা আৰু শিশুৰ অধিকাৰৰ কাৰ্যকৰ্তা হিচাপে
[সম্পাদনা কৰক]শেখৰ মালয়েছিয়াৰ ৰাষ্ট্ৰীয় মহিলা সংগঠনসমূহৰ পৰিষদৰ অন্যতম প্ৰতিষ্ঠাপক আৰু উপ-সভানেত্ৰী আছিল।[2] ১৯৬৭ ৰ পৰা ১৯৭২ লৈ তেওঁ সহকাৰী মাননীয় মহাসচিব আৰু ১৯৭২ ৰ পৰা ১৯৭৯ লৈ মাননীয় মহাসচিব হিচাপে কাৰ্যনিৰ্বাহ কৰিছিল। মে’ ১৯৭৭ চনত, তেওঁ ড্ৰাগছ ব্যৱহাৰৰ প্ৰতিষেধৰ ওপৰত ৰাষ্ট্ৰীয় শিক্ষা সন্মিলন আয়োজন কমিটীৰ সভাপতি আছিল।[1]
শেখৰে মালয়েছিয়াত শিশুৰ অধিকাৰৰ সপক্ষে আন্দোলন কৰিছিল আৰু চৰকাৰক বিবাহ বহিৰ্ভূত জন্মগ্ৰহণ কৰা শিশুসকলৰ ওৰচা আৰু সম্পত্তিৰ অধিকাৰ স্বীকৃতি দিবলৈ অনুৰোধ কৰিছিল।[3] ১৯৭৮ চনত, তেওঁ আগন্তুক আন্তঃৰাষ্ট্ৰীয় শিশু বৰ্ষৰ প্ৰস্তুতি হিচাপে শিশু অধিকাৰৰ বিষয়ে কেইবাটাও কৰ্মশালা আয়োজন কৰিছিল। সেই কৰ্মশালাবোৰৰ একটাত বিবাহ বহিৰ্ভূত শিশুসকলৰ অধিকাৰৰ বিষয়ে আলোচনা হৈছিল। কৰ্মশালাই অবৈধতাৰ বিষয়ে আইন পৰিবৰ্তনৰ পৰামৰ্শ দিছিল আৰু এটা স্মাৰক আৰু শিশু সনদ প্ৰস্তুত কৰিছিল।[4] ১৯৯০ চনত, শেখৰে নাইৰোবিত অনুষ্ঠিত শিশু বৰ্ষ সন্মিলনত মালয়েছিয়াৰ প্ৰতিনিধিত্ব কৰিছিল।[1]
২০০১ চনৰ কাম্পুং মেদান দাঙোপৰ পিছত, শেখৰে এজন প্ৰস্তাৱ আগবঢ়াইছিল, যি এক প্ৰতিষ্ঠান হব যাতে যুৱসকলৰ বাবে কৌশল প্ৰশিক্ষণ প্ৰদান কৰিব। তাৰ ফলত ২০১১ চনত MySkills Foundation প্ৰতিষ্ঠা কৰা হৈছিল।[1] তেওঁ এছেলাংগৰৰ মহিলা শিক্ষক ইউনিয়নৰ শাখাৰ সভাপতি আছিল।[1] ২০১২ চনত, শেখৰে অনুগ্ৰাহ তোকোহ ৱানিতা বঁটা লাভ কৰিছিল।[3]
ব্যক্তিগত জীৱন
[সম্পাদনা কৰক]সুকুমাৰীয়ে ব্যৱসায়ী বি. চি. শেখৰক বিবাহ কৰিছিল। তেওঁ ১৯৭৬ চনত পাংলিমা ছেতিয়া মহ্কোতাৰ সন্মান লাভ কৰাৰ পিছত, সুকুমাৰীয়ে "পুৱান শ্ৰী" উপাধি লাভ কৰিছিল।[5] তেওঁৰ সন্তান চাৰিজন: জয়ান, সুজাত, বিনোদ, আৰু গোপীনাথ।[6]
৮ মাৰ্চ ২০২১ চনত শেখৰ কাৰ্ডিয়াক ভাস্কুলাৰ চেণ্ট্ৰাল কুয়ালালামপুৰত মৃত্যু হয়।[3]
তথ্যসূত্ৰ
[সম্পাদনা কৰক]- ↑ 1.0 1.1 1.2 1.3 1.4 Ganeson, Dharshini (10 March 2021). "An extraordinary woman who led an extraordinary life" (en ভাষাত). The Vibes. https://www.thevibes.com/articles/news/20096/an-extraordinary-woman-who-led-an-extraordinary-life.
- ↑ "Women’s rights champion Sukumari Sekhar dies" (en ভাষাত). The Star. 10 March 2021. https://www.thestar.com.my/news/nation/2021/03/10/womens-rights-champion-sukumari-sekhar-dies.
- ↑ 3.0 3.1 3.2 "Women’s rights champion Sukumari Sekhar passes on" (en ভাষাত). The Vibes. 9 March 2021. https://www.thevibes.com/articles/news/19990/womens-rights-champion-sukumari-sekhar-passes-on.
- ↑ "Milestones: The 1970's". National Council of Women's Organisations Malaysia (NCWO). https://ncwomalaysia.org/ncwo_wp/milestones/। আহৰণ কৰা হৈছে: 23 December 2022.
- ↑ "ബി.സി.ശേഖറിന്റെ ഭാര്യ സുകുമാരി ശേഖർ അന്തരിച്ചു" (ml ভাষাত). Manorama Online. 10 March 2021. https://www.manoramaonline.com/news/kerala/2021/03/09/sukumari-sekhar-passes-away.html.
- ↑ "Women's rights champion Sukumari Sekhar dies". Selangor Journal. 9 March 2021. Archived from the original on 24 December 2022. https://web.archive.org/web/20221224143713/https://selangorjournal.my/2021/03/womens-rights-champion-sukumari-sekhar-dies/.