পেট্ৰিজিয়া ফাৰ্চি
| পেট্ৰিজিয়া ফাৰ্চি | |
|---|---|
 | |
| ক্ষেত্ৰ | হেপাট’লজী |
| কৰ্মস্থান | ইউনিভাৰ্চিটি অৱ কেগ্লিয়াৰী এলাৰ্জী আৰু সংক্ৰামক ৰোগৰ ৰাষ্ট্ৰীয় প্ৰতিষ্ঠান |
| শিক্ষানুষ্ঠান | কাগ্লিয়াৰী বিশ্ববিদ্যালয় (এমডি) |
পেট্ৰিজিয়া ফাৰ্চি এগৰাকী ইটালীৰ বিজ্ঞানী আৰু হেপাট’লজিষ্ট। নেচনেল ইনষ্টিটিউট অৱ এলাৰ্জী এণ্ড ইনফেকচিয়েছ ডিজিজৰ হেপাটিক পেথ’জেনেছিছ বিভাগৰ মুৰব্বী। ফাৰ্চিয়ে যকৃতৰ ৰোগৰ ক্ষেত্ৰত বিশেষকৈ তীব্ৰ আৰু দীৰ্ঘদিনীয়া ভাইৰাছৰ হেপাটাইটিছৰ ৰোগজন্মৰ অধ্যয়নত অনুবাদমূলক গৱেষণা কৰি আহিছে। ইয়াৰ পূৰ্বে তেওঁ চিকিৎসা বিজ্ঞানৰ পূৰ্ণ অধ্যাপিকা আৰু লিভাৰ ইউনিট আৰু কেগ্লিয়াৰী বিশ্ববিদ্যালয়ৰ গেষ্ট্ৰ’এণ্টেৰ’লজীৰ স্নাতকোত্তৰ বিদ্যালয়ৰ পৰিচালক আছিল।
শিক্ষা
[সম্পাদনা কৰক]ফাৰ্চিয়ে কেগ্লিয়াৰী বিশ্ববিদ্যালয়ৰপৰা এম ডি ডিগ্ৰী লাভ কৰে আৰু তাৰ পিছত একেখন বিশ্ববিদ্যালয়তে সংক্ৰামক ৰোগ আৰু গেষ্ট্ৰ’এণ্টেৰ’লজীৰ ব’ৰ্ডৰ প্ৰমাণিত বিশেষজ্ঞ হয়। টুৰিনৰ মলিনেট হাস্পতালৰ গেষ্ট্ৰ’এণ্টেৰ’লজী বিভাগত মাৰিঅ’ ৰিজেট্টোৰ অধীনত আৰু ৰয়েল ফ্ৰী হাস্পতাল স্কুল অৱ মেডিচিনৰ চিকিৎসা বিভাগত শ্বিলা শ্বাৰ্লকৰ অধীনত প্ৰশিক্ষণ লাভ কৰে।[1]
কেৰিয়াৰ
[সম্পাদনা কৰক]১৯৮৯ চনত ফাৰ্চিয়ে নেচনেল ইনষ্টিটিউট অৱ এলাৰ্জী এণ্ড ইনফেকচিয়েছ ডিজিজ (এন আই আই ডি) লেবৰেটৰী অৱ ইনফেকচিয়েছ ডিজিজ (এল আই ডি)ৰ ৰবাৰ্ট এইচ পাৰ্চেলৰ পৰীক্ষাগাৰত ভ্ৰমণকাৰী বিজ্ঞানী হিচাপে যোগদান কৰে। ১৯৯২ চনত তেওঁ চিকিৎসা বিজ্ঞানৰ সহযোগী অধ্যাপিকা আৰু ২০০০ চনত চিকিৎসা বিজ্ঞানৰ পূৰ্ণ অধ্যাপিকা আৰু লিভাৰ ইউনিট আৰু কেগ্লিয়াৰী বিশ্ববিদ্যালয়ৰ গেষ্ট্ৰ’এণ্টেৰ’লজীৰ স্নাতকোত্তৰ বিদ্যালয়ৰ পৰিচালক হয়। ২০০৭ চনত তেওঁ এল আই ডিলৈ উভতি আহে আৰু ২০১০ চনত তেওঁ হেপাটিক পেথ'জেনেছিছ অংশৰ মুৰব্বী হয়।[1]
এন আই এ আই ডিত ফাৰ্চিয়ে যকৃতৰ ৰোগৰ ক্ষেত্ৰত বিশেষকৈ তীব্ৰ আৰু দীৰ্ঘদিনীয়া ভাইৰাছৰ হেপাটাইটিছৰ ৰোগজন্মৰ অধ্যয়নত অনুবাদমূলক গৱেষণা কৰে। লিভাৰ ফাইব্ৰ'ছিছৰ অগ্ৰগতি আৰু ৰিগ্ৰেছনৰ আণৱিক ব্যৱস্থা, হেপাটোচেলুলাৰ কাৰ্চিনোমাৰ ৰোগজন্মত লিভাৰ চিৰ’ছিছৰ ভূমিকা, হেপাটাইটিছ চি ভাইৰাছ (HCV) সংক্ৰমণ প্ৰতিৰোধ আৰু নিয়ন্ত্ৰণত নিষ্ক্ৰিয়কৰণ এণ্টিব’ডিৰ ভূমিকা, এইচ চি ভিৰ বিৱৰ্তন আৰু ক্লিনিকেল ফলাফল আৰু নতুন হেপাটাইটিছ এজেণ্টৰ সন্ধানৰ বিষয়েও তেওঁ অনুসন্ধান কৰে।[1]
তথ্যসূত্ৰ
[সম্পাদনা কৰক]- 1 2 3 "Patrizia Farci, M.D. | NIH: National Institute of Allergy and Infectious Diseases". www.niaid.nih.gov. https://www.niaid.nih.gov/research/patrizia-farci-md। আহৰণ কৰা হৈছে: 2020-04-10.
এই প্ৰবন্ধত এই উৎসৰ পৰা পাঠ অন্তৰ্ভুক্ত কৰা হৈছে, যি ৰাজহুৱা ক্ষেত্ৰত আছে।
