প্ৰণালী ৰাঠোড়

প্ৰণালী ৰাঠোড়
২০২৩ চনত ৰাঠোড়
জন্ম	১৫ অক্টোবৰ, ১৯৯৯ (২৬ বছৰ) মুম্বাই, মহাৰাষ্ট্ৰ, ভাৰত
পেচা	অভিনেত্ৰী
সক্ৰিয় হৈ থকা সময়	২০১৮–বৰ্তমান
জনা যায়	য়ে ৰিশ্তা ক্যা কহলাতা হ্যে

প্ৰণালী ৰাঠোড় (ইংৰাজী: Pranali Rathod; জন্ম: ১৫ অক্টোবৰ ১৯৯৯) এগৰাকী ভাৰতীয় অভিনেত্ৰী, যিয়ে প্ৰধানকৈ হিন্দী টেলিভিছনত কাম কৰে। ৰাঠোড়ক মুখ্যত ‘য়ে ৰিশ্তা ক্যা কহলাতা হ্যে’ ধাৰাবাহিকত অক্ষৰা গোৱেংকা শৰ্মাৰ চৰিত্ৰত কৰা অভিনয়ৰ বাবে জনা যায়।

প্ৰাৰম্ভিক জীৱন

২০২২ চনৰ দ্য টাইমছ অৱ ইণ্ডিয়াৰ এটা প্ৰবন্ধত ৰাঠোড়ৰ বয়স তেতিয়া ২৬ বছৰ বুলি দাবী কৰা হৈছিল যদিও, প্ৰকৃততে তেওঁৰ জন্ম ২০০০ চনৰ ১৫ অক্টোবৰতহে হৈছিল। পৰৱৰ্তী সময়ত তেওঁ নিজেই প্ৰকাশ কৰিছিল যে ২০২৩ চনত তেওঁৰ বয়স ২৩ বছৰ আছিল। তেওঁ মহাৰাষ্ট্ৰত ডাঙৰ-দীঘল হৈছিল।

কৰ্মজীৱন

২০১৮ চনত ‘প্যাৰ তুনে ক্যা কিয়া’ৰ দশম ছিজনৰ (প্যাৰ পহলী বাৰ) জৰিয়তে ৰাঠোড়ে অভিনয়ত আত্মপ্ৰকাশ কৰে, য’ত তেওঁ প্ৰথমটো খণ্ডত সানৱীৰ চৰিত্ৰত অভিনয় কৰিছিল। ২০১৯ চনত তেওঁ কিংশুক বৈদ্যৰ বিপৰীতে ‘জাত না পুছো প্ৰেম কী’-ত সুমন পাণ্ডেৰ চৰিত্ৰত অভিনয় কৰিছিল।

তাৰ পিছত তেওঁ ২০২০ চনত জেছন শ্বাহৰ বিপৰীতে ‘বেৰিষ্টাৰ বাবু’-ত খলনায়িকা সৌদামিনী ‘মিনি’ ভৌমিক গ্ৰীণউডৰ চৰিত্ৰত অভিনয় কৰে। ২০২১ চনত তেওঁ যশ টংকৰ বিপৰীতে ‘কিউ উথে দিল ছোড় আয়ে’-ত ৰাধা ছাহানীৰ চৰিত্ৰ ৰূপায়ণ কৰে। একে বছৰতে তেওঁ ‘চুৎজপা’ নামৰ ৱেব ধাৰাবাহিকখনৰ জৰিয়তে ডিজিটেল মাধ্যমত আত্মপ্ৰকাশ কৰে, য’ত তেওঁ ৰিচাৰ চৰিত্ৰত অভিনয় কৰিছিল।

২০২১ চনৰ অক্টোবৰৰ পৰা ২০২৩ চনৰ নৱেম্বৰলৈ ৰাঠোড়ে ষ্টাৰ প্লাছৰ আটাইতকৈ দীঘলীয়া ধাৰাবাহিক ‘য়ে ৰিশ্তা ক্যা কহলাতা হ্যে’-ত হৰ্ষদ চোপ্ৰাৰ বিপৰীতে অক্ষৰা গোৱেংকাৰ চৰিত্ৰত অভিনয় কৰিছিল। এই ধাৰাবাহিকখন তেওঁৰ কেৰিয়াৰৰ এক গুৰুত্বপূৰ্ণ মোৰ হিচাপে প্ৰমাণিত হয়। তেওঁৰ অভিনয়ৰ বাবে তেওঁ দুবাৰকৈ ‘আইটিএ বঁটা (প্ৰিয় অভিনেত্ৰী - ড্ৰামা)’ লাভ কৰিছিল। ২০২২ চনত ৰাঠোড়ে ‘ৰবিবাৰ উইথ ষ্টাৰ পৰিবাৰ’ নামৰ গেম শ্ব’টোতো অক্ষৰা গোৱেংকা হিচাপে অংশ লৈছিল।

২০২৪ চনৰ পৰা ২০২৫ চনলৈ ৰাঠোড়ে আশয় মিশ্ৰৰ বিপৰীতে ‘দুৰ্গা – অতুট প্ৰেম কাহিনী’-ত দুৰ্গা কালমেৰাৰ চৰিত্ৰ ৰূপায়ণ কৰিছিল।

সংবাদ মাধ্যমত

২০২৩ চনত ৰাঠোড়ক ‘ইষ্টাৰ্ন আই’ আলোচনীৰ "৩০ বছৰৰ তলৰ ৩০ গৰাকী এছীয়" তালিকাত অন্তৰ্ভুক্ত কৰা হৈছিল। ২০২৩ চনৰ ‘ইষ্টাৰ্ন আই’ৰ "শীৰ্ষ ৫০ গৰাকী এছীয় তাৰকা"ৰ তালিকাত তেওঁ হৰ্ষদ চোপ্ৰাৰ সৈতে ৩০-তম স্থান লাভ কৰিছিল আৰু ‘য়ে ৰিশ্তা ক্যা কহলাতা হ্যে’ ধাৰাবাহিকত তেওঁলোকৰ যুটিটোক ২০২৩ চনৰ টেলিভিছনৰ আটাইতকৈ জনপ্ৰিয় অন-স্ক্ৰীণ যুটি হিচাপে স্বীকৃতি দিয়া হৈছিল।

বাহ্যিক সংযোগ

• প্ৰণালী ৰাঠোড় সম্পৰ্কে ইণ্টাৰনেট মুভি ডাটাবেছত থকা তথ্য।
• ইনষ্টাগ্ৰামত প্ৰণালী ৰাঠোড়