প্ৰনূতন বাহল

প্ৰণূতন বাহল
বাহল, ২০২০ চনত
জন্ম	১০ মাৰ্চ, ১৯৯৩ (৩৩ বছৰ) মুম্বাই, মহাৰাষ্ট্ৰ, ভাৰত
শিক্ষানুষ্ঠান	গভৰ্ণমেণ্ট ল' কলেজ মুম্বাই বিশ্ববিদ্যালয়
পেচা	অভিনেত্ৰী আইনজীৱী
সক্ৰিয় হৈ থকা সময়	২০১৯–বৰ্তমান

প্ৰণূতন বাহল (জন্ম ১০ মাৰ্চ ১৯৯৩) এগৰাকী ভাৰতীয় অভিনেত্ৰী আৰু পেছাদাৰী আইনজীৱী, যিয়ে মূলত হিন্দী চলচ্চিত্ৰত কাম কৰে। অভিনেতা মোহনীশ বাহল আৰু একতা সোহণীৰ কন্যা, বাহলে ২০১৯ চনত নোটবুক চলচ্চিত্ৰৰ জৰিয়তে অভিনয় জীৱনৰ আৰম্ভণি কৰে, যাৰ বাবে তেওঁ ফিল্মফেয়াৰ শ্ৰেষ্ঠ নবাগত অভিনেত্ৰী বঁটা লাভৰ বাবে মনোনীত হৈছিল। তাৰ পিছত তেওঁ হেলমেট (২০২১) আৰু অমৰ প্ৰেম কি প্ৰেম কাহানী (২০২৪) চলচ্চিত্ৰত অভিনয় কৰিছে।

প্ৰাৰম্ভিক জীৱন আৰু পটভূমি

বাহলৰ জন্ম ১০ মাৰ্চ ১৯৯৩ তাৰিখে মুম্বাইত অভিনেতা মোহনীশ বাহল আৰু একতা সোহণীৰ ঘৰত হৈছিল। তেওঁ বিখ্যাত অভিনেত্ৰী নূতন আৰু ৰাজনীশ বাহলৰ নাতিনী। তেওঁ তনুজাৰ ভাতিজী, কাজল আৰু তানিশা মুখাৰ্জীৰ চাচাত বোন। তেওঁৰ মাতৃকূলীয় প্ৰপিতামহ-প্ৰপিতামহী আছিল শোভনা সমৰ্থ আৰু কুমাৰসেন সমৰ্থ, আৰু প্ৰপ্ৰপিতামহী আছিল ৰত্ন বাই। তেওঁৰ দেউতাকৰ মাক বিখ্যাত অভিনেত্ৰী নূতনৰ নাম অনুসৰেই তেওঁৰ নাম প্ৰণূতন ৰখা হয়।

তেওঁ গভৰ্ণমেণ্ট ল' কলেজৰপৰা আইনৰ স্নাতক ডিগ্ৰী (বি.এল.এছ. এলএলবি) লাভ কৰে আৰু মুম্বাই বিশ্ববিদ্যালয়ৰপৰা আইন বিষয়ত স্নাতকোত্তৰ ডিগ্ৰী (এলএলএম) লাভ কৰে। বাহল এগৰাকী পেছাদাৰী আইনজীৱী।

কেৰিয়াৰ

বাহলে এচেনচিয়েল লাইক ন' আদাৰ নামৰ চুটি চলচ্চিত্ৰত কাইৰা খান্নাৰ ভূমিকাৰে অভিনয় কৰি নিজৰ কেৰিয়াৰৰ আৰম্ভণি কৰে।

২০১৯ চনত তেওঁ নোটবুক চলচ্চিত্ৰত জাহীৰ ইকবালৰ বিপৰীতে অভিনয় কৰি চলচ্চিত্ৰ জগতত আত্মপ্ৰকাশ কৰে। তেওঁ কাশ্মীৰী শিক্ষিকা ফিৰদৌছ কুৱাদ্ৰীৰ চৰিত্ৰত অভিনয় কৰে। এই অভিনয়ৰ বাবে তেওঁ স্ক্ৰিন বঁটা আৰু ফিল্মফেয়াৰ বঁটাত শ্ৰেষ্ঠ নবাগত অভিনেত্ৰী শাখাত মনোনয়ন লাভ কৰে।

তাৰ পিছত তেওঁ ২০২১ চনৰ হেলমেট চলচ্চিত্ৰত অপৰ্শক্তি খুৰানাৰ বিপৰীতে অভিনয় কৰে। চলচ্চিত্ৰখন ভাৰতত কণ্ডম ব্যৱহাৰ সম্পৰ্কীয় সামাজিক সংকোচ দূৰ কৰাৰ প্ৰচেষ্টা কৰে। এইখন ZEE5ত মুক্তি পায়।

দু’বছৰৰ বিৰতিৰ পিছত তেওঁ অমৰ প্ৰেম কি প্ৰেম কাহানী চলচ্চিত্ৰত মেণ্ডী নামৰ এগৰাকী পাঞ্জাবী ছোৱালীৰ ভূমিকাত অভিনয় কৰে। এইখন JioCinemaত মুক্তি পায়।

তেওঁ আগন্তুক ইংৰাজী-হিন্দী দ্বিভাষিক সংগীতধৰ্মী প্ৰেমৰ চলচ্চিত্ৰ কোকো এণ্ড নাটত ৰাহসান নুৰৰ বিপৰীতে অভিনয় কৰিব।

বাহ্যিক সংযোগ

• প্ৰনূতন বাহল সম্পৰ্কে ইণ্টাৰনেট মুভি ডাটাবেছত থকা তথ্য।
• ইনষ্টাগ্ৰামত প্ৰনূতন বাহল