প্ৰিয়মবদা সিং
| প্ৰিয়মবদা সিং | |
|---|---|
.jpg) ২০১৯ চনত | |
| জন্ম | সাঁচ:প্ৰায় আজমীৰ |
| ৰাষ্ট্ৰীয়তা | ভাৰতীয় |
| শিক্ষা | মেয়ো কলেজ গাৰ্লছ স্কুল |
| পেচা | টিভি উদ্যোগ আৰু ঐতিহ্য পুনৰুদ্ধাৰ |
| জনা যায় | ৰাজস্থানত ঐতিহ্য পুনৰুদ্ধাৰ |
| দাম্পত্যসঙ্গী | বিজয়েন্দ্ৰ চন্দ্ৰ দেৱ |
প্ৰিয়মবদা সিং (ইংৰাজী: : Priyamvada Singh ; জন্ম প্ৰায় ১৯৮৩) ভাৰতত বাস কৰা এগৰাকী সংবাদ মাধ্যমৰ পেছাদাৰী আৰু ঐতিহ্য পুনৰুদ্ধাৰকাৰী মহিলা। এদশক ধৰি মুম্বাইত টেলিভিছন উদ্যোগত কাম কৰাৰ পিছত ৰাজস্থানৰ নিজৰ পূৰ্বপুৰুষৰ ঘৰলৈ উভতি আহিল, আৰু স্থানীয় জনগোষ্ঠীৰ দক্ষতা ব্যৱহাৰ কৰি ভিলৱাৰাৰ ওচৰৰ নিজৰ গাঁও মেজাত এটা পূৰ্বপুৰুষৰ দুৰ্গ পুনৰ নিৰ্মাণ কৰিলে। স্থানীয় জনগোষ্ঠীৰ প্ৰতি পুনৰুদ্ধাৰ আৰু সামাজিক উত্থানৰ প্ৰচেষ্টাৰ বাবে স্থানীয় দক্ষতাৰ ব্যৱহাৰে ভাৰত চৰকাৰৰ পৰা নাৰী শক্তিপুৰস্কাৰ লাভ কৰে।
প্ৰৰম্ভিক জীৱন
[সম্পাদনা কৰক]১৯৮৩ চনৰ আশে-পাশে জন্মগ্ৰহণ কৰা তেখেতে আজমেৰৰ মেয়ো কলেজ গাৰ্লছ স্কুল আৰু ছফিয়া কলেজত শিক্ষা গ্ৰহণ কৰিছিল। [1]
তেওঁৰ পিতৃ জিতেন্দ্ৰ সিং এগৰাকী অৱসৰপ্ৰাপ্ত আমোলা আৰু মাতৃ ৰামমা কুমাৰী এগৰাকী গৃহিণী।
কৰ্ম জীৱনৰ আৰম্ভণি
[সম্পাদনা কৰক]নতুন দিল্লীত চলচ্চিত্ৰ নিৰ্মাতা মুজাফ্ফৰ আলীৰ সৈতে সহকাৰী পৰিচালক হিচাপে সংবাদ মাধ্যমত কৰ্মজীৱন আৰম্ভ কৰা প্ৰিয়মবদাই ইণ্ডো-ফ্ৰেঞ্চ অপেৰা, আন্তঃৰাষ্ট্ৰীয় সংগীত উৎসৱৰ ধাৰাবাহিক জাহান-ই-খুছৰাউ, আৰু চাউথবেংক চেণ্টাৰ লণ্ডনত সাংস্কৃতিক উৎসৱ আদি কেইবাটাও প্ৰকল্পত কাম কৰিছিল। ইয়াৰ পিছত ডিডিএনই, ডিডি কাছিৰ, আইচিচিআৰ, ইউএনঅ'ডিচি আদিৰ সৈতে কিছুমান ফ্ৰীলান্স সৃষ্টিশীল প্ৰকল্প আৰম্ভ কৰে। পিছলৈ তেওঁ মুম্বাইত টেলিভিছন উদ্যোগত কৌন বানেগা কোৰপতি, দুছ কা দম আৰু ইণ্ডিয়াজ গট টেলেণ্ট আদি অনুষ্ঠানৰ বাবে কন্টেন্ট ডেভেলপাৰ হিচাপে কাম কৰে।[2]
পুনৰুদ্ধাৰ
[সম্পাদনা কৰক]১৮৭১ চনত মেৱাৰৰ মহাৰাণাই জাগীৰ প্ৰদান কৰাৰ পিছত তেওঁৰ পূৰ্বপুৰুষ ৰাৱত অমৰ সিং জীয়ে ১৮৭৫ চনৰ আশে-পাশে মেজা দুৰ্গ নিৰ্মাণ কৰিছিল। এই ৬০ কোঠাৰ দুৰ্গটো ১৪৬ বছৰতকৈও অধিক পূৰ্বে নিৰ্মাণ হোৱাৰ পিছৰে পৰা মেৰামতি কৰা হোৱা নাছিল। প্ৰিয়মবদা সিঙে পৰিয়ালটোৰ পূৰ্বপুৰুষৰ ঘৰটো পুনৰ নিৰ্মাণ কৰাৰ সিদ্ধান্ত লৈ ঘৰলৈ ঘুৰি যায়।
তেওঁ দুৰ্গটোৰ পুনৰুদ্ধাৰ প্ৰক্ৰিয়াত স্থানীয় লোকক নিয়োগ কৰাটো নিশ্চিত কৰে, আৰু বিশেষকৈ মহিলাসকলে নিজৰ উপাৰ্জন কৰি উপকৃত হয়। প্ৰায় ৫০,০০০ বৰ্গফুট এলেকাত বিয়পি থকা এই দুৰ্গটো পুনৰ নিৰ্মাণ কৰিবলৈ তেওঁ শুকান শিলৰ কাম, চূণৰ প্লাষ্টাৰ আদি পৰম্পৰাগত নিৰ্মাণ কৌশল ব্যৱহাৰ কৰিছিল। এই দুৰ্গটো মেজা বান্ধটো ওচৰতে অৱস্থিত।[2]
পুনৰুদ্ধাৰ কৰা দুৰ্গটোক "ব্লাউজ" শীৰ্ষক এখন চুটি ছবিৰ স্থান হিচাপে ব্যৱহাৰ কৰা হৈছিল। ছবিখনে ধুৰ্গ পুনৰুদ্ধাৰ কৰা কামবোৰ প্ৰদৰ্শন কৰিছিল আৰু স্থানীয় লোকসকলে ছবি নিৰ্মাতা বিজয়েতা কুমাৰক সহায় কৰি আৰু ছবিখনত এক্সট্ৰা হিচাপে অভিনয় কৰি কৰ্মসংস্থাপন আৰু খ্যাতি অৰ্জন কৰিছিল। পিভিআৰ চিনেমাছৰ দ্বাৰা থিয়েটাৰত মুক্তি পোৱা ছবিখনে ২০১৪-১৫ চনত নিউয়ৰ্ক ইণ্ডিয়ান ফিল্ম ফেষ্টিভেলত শ্ৰেষ্ঠ চুটি ছবিৰ বঁটা লাভ কৰে। প্ৰিয়মবদা দেখা পোৱা এজন স্থানীয় ল'ৰাৰ গায়ক প্ৰতিভাই তেওঁক মুম্বাইলৈ স্থানান্তৰিত কৰি সংস্থাপিত কৰা দেখিবলৈ পোৱা গৈছে।গংগাউৰ, জল ঝুলনি একাদশী আদি স্থানীয় উদযাপনৰ ভিত্তি হিচাপে গড়টো ব্যৱহাৰ কৰা হয় আৰু ইয়াক ৰক্তদান আৰু যোগ শিবিৰৰ দৰে সামূহিক কল্যাণমূলক কাম-কাজৰ বাবেও ব্যৱহাৰ কৰা হৈছে। গড়টোত স্থানীয় লোকসকলৰ বাবে এটা কমিউনিটি লাইব্ৰেৰীও আছে। অৱশেষত এই দুৰ্গটো ভ্ৰমণকাৰী পৰ্যটকৰ বাসস্থান হিচাপে ব্যৱহাৰ কৰিব পাৰি।<ref name=quit>
স্বীকৃতি
[সম্পাদনা কৰক]২০১৮ চনৰ ফেব্ৰুৱাৰী মাহত সিঙক আইচিআইচিআই বেংকে প্ৰদান কৰা এডভান্টেজ উইমেন বঁটা লাভ কৰিবলৈ সমগ্ৰ ভাৰতৰ ২৫ গৰাকী প্ৰেৰণাদায়ক মহিলাৰ ভিতৰত অন্যতম হিচাপে নিৰ্বাচিত হয়। মুম্বাইত অভিনেত বিদ্যা বালানে তেওঁৰ পুনৰুদ্ধাৰৰ কাম আৰু প্ৰকল্পটোৰ সামাজিক প্ৰভাৱৰ বাবে এই বঁটা প্ৰদান কৰে।[2]
২০১৮ চনৰ আগষ্ট মাহত যোধপুৰৰ এইচ এইচ গজ সিং জিৰ নেতৃত্বত মেহৰনগড় মিউজিয়াম ট্ৰাষ্ট আৰু বীৰ দুৰ্গা দাস স্মৃতি সমিতি যোধপুৰেও ঐতিহ্য পুনৰুদ্ধাৰ আৰু ইয়াৰ সামাজিক প্ৰভাৱৰ দিশত তেওঁৰ প্ৰচেষ্টাক পুৰস্কৃত কৰে।
২০১৯ চনৰ ৮ মাৰ্চত তেওঁৰ নেতৃত্ব আৰু আদৰ্শৰ বাবে নাৰী শক্তিৰ সন্মানেৰে সন্মানিত হয়। এই বঁটা ভাৰতৰ সন্মানীয় ৰাষ্ট্ৰপতি শ্ৰীযুত ৰামনাথ কোবিন্দে মহিলা আৰু শিশু উন্নয়ন মন্ত্ৰালয়ৰ পৰামৰ্শ মতে প্ৰদান কৰে। প্ৰধানমন্ত্ৰী শ্ৰী নৰেন্দ্ৰ মোদীয়েও এই উপলক্ষে তেওঁৰ লগতে আন সকলো বঁটাপ্ৰাপকৰ সৈতে মত বিনিময় কৰে।
ব্যক্তিগত জীৱন
[সম্পাদনা কৰক]২০১৪ চনত বিজয়েন্দ্ৰ চন্দ্ৰ দেৱৰ সৈতে তেওঁৰ বিবাহ হয়।<ref name=quit>
তথ্যসূত্ৰ
[সম্পাদনা কৰক]- ↑ Kapoor, Aekta (2018-03-03). "She Quit Showbiz to Live in an Old Fort for a Curious Reason" (en ভাষাত). eShe. https://eshe.in/2018/03/03/priyamvada-singh-meja-fort-restoration/। আহৰণ কৰা হৈছে: 2020-05-15.
- ↑ 2.0 2.1 2.2 "From showbiz to ancestral fort, a Meja-stic heritage mission for this Rajasthan woman" (en ভাষাত). Hindustan Times. 2018-03-25. https://www.hindustantimes.com/jaipur/from-showbiz-to-ancestral-fort-a-meja-stic-heritage-mission-for-this-rajasthan-woman/story-dltLDniGJLkSWBJ7sQrk6L.html। আহৰণ কৰা হৈছে: 2020-05-14.