ফাবাদা আষ্টুৰিয়ানা
 ফাবাদা আষ্টুৰিয়ানা | |
| অন্য নাম | ফাবাদা |
|---|---|
| প্ৰকাৰ | ষ্টু |
| প্ৰকাৰ | এপেটাইজাৰ বা মূল খাদ্য |
| অঞ্চল | অষ্ট্ৰেলিয়া |
| পৰিবেশনৰ উষ্ণতা | গৰম |
| মুখ্য উপাদান | বগা বীন |
| ভিন্ন প্ৰকাৰ | Olla podrida, cassoulet |
ফাবাদা আষ্টুৰিয়ানা, প্ৰায়ে কেৱল ফাবাদা নামেৰে জনাজাত, এটা চহকী আষ্টুৰিয়ান বীন ষ্টু, যি স্পেইনৰ আষ্টুৰিয়াছ প্ৰিন্সিপালিটিৰ স্বায়ত্তশাসিত সম্প্ৰদায়ৰ পৰা উদ্ভৱ হৈছে। ইয়াক সমগ্ৰ স্পেইন জুৰি আৰু বিশ্বজুৰি স্পেনিছ ৰেষ্টুৰেণ্টসমূহত ব্যাপকভাৱে পোৱা যায়। দেশখনৰ বেছিভাগ চুপাৰমাৰ্কেটত টিনপাতৰ ফাবাদা বিক্ৰী কৰা হয়।
ফাবাদা গৰম আৰু গধুৰ খাদ্য, সেয়েহে ইয়াক সাধাৰণতে শীতকালত খোৱা হয় আৰু দিনটোৰ আটাইতকৈ ডাঙৰ আহাৰ হিচাপে দুপৰীয়াত পৰিবেশন কৰা হয়। সাধাৰণতে ইয়াক ষ্টাৰ্টাৰ হিচাপে দিয়া হয় যদিও ই মূল খাদ্য হিচাপেও পৰিবেশন কৰা হয়। সাধাৰণতে ইয়াৰ সৈতে আষ্টুৰিয়ান চাইডাৰ বা ৰঙা ৱাইন দিয়া হয়।
সামগ্ৰী
[সম্পাদনা কৰক]ফাবাদা সাধাৰণতে ফাবেছ দে লা গ্ৰাঞ্জা (স্পেইনৰ এক প্ৰকাৰৰ ডাঙৰ বগা বীন) ব্যৱহাৰৰ আগতে ৰাতিটো তিয়াই থৈ প্ৰস্তুত কৰা হয়; লাকোন (গাহৰিৰ কান্ধৰ মাংস); পাঞ্চেটা বা বেকন (তচিনো); মৰচিলা (স্পেইনৰ এক প্ৰকাৰৰ তেজৰ চচ্চেজ); চ’ৰিজো, অলিভ তেল, মিঠা পেপৰিকা, হালধি আৰু নিমখ ব্যৱহাৰ কৰা হয়।[1][2]
ইতিহাস
[সম্পাদনা কৰক]আষ্টুৰিয়াছত ষোড়শ শতিকালৈকে ফাবেছৰ ব্যৱহাৰৰ প্ৰমাণ পোৱা যায়, য’ত নিশ্চিতভাৱে জনা যায় যে ইয়াক সেই অঞ্চলত ৰোপণ কৰি খোৱা হৈছিল। ফাবাদাত ব্যৱহৃত জাতটোক দে লা গ্ৰাঞ্জা বোলা হয়, যি মসৃণ আৰু মাখনৰ দৰে গুণবিশিষ্ট আৰু এই খাদ্যৰ বাবে উপযুক্ত। এই জাতৰ খেতিয়ে আষ্টুৰিয়াছত প্ৰায় ২৫০০ হেক্টৰ মাটি আৱৰি ৰাখিছে।
ফাবাদাৰ উপাদানসমূহে ইয়াৰ নম্ৰ উৎপত্তিৰ কথা সূচায়। পণ্ডিতসকলে অনুমান কৰে যে ইয়াৰ জন্ম সম্ভৱতঃ ১৮ শতিকাত হৈছিল, যদিও ইয়াৰ সমৰ্থনত স্পষ্ট প্ৰমাণ নাই। ফাবেছ গ্ৰাম্য উপাদান হ’লেও ফাবাদা চহৰত জন্ম হৈছিল বুলি এক বিশ্বাস আছে। সেই সময়ৰ সাহিত্যিক ৰচনাসমূহত ফাবেছৰ লিখিত উল্লেখ পোৱা নাযায়। অঞ্চলটোৰ ৰীতি-নীতিৰ বিস্তৃত বৰ্ণনা কৰিও কিছুমান প্ৰসিদ্ধ সাহিত্যিক ৰচনাত ইয়াৰ উল্লেখ নাছিল। আন কিছুমান লেখকে ইয়াৰ সাদৃশ্য ফৰাচী কেছ’লেটৰ সৈতে তুলনা কৰিছে, যি মধ্যযুগত কেমিনো দে চান্তিয়াগোৰ ফৰাচী পথৰ জৰিয়তে স্পেইনলৈ আহিব পাৰে বুলি অনুমান কৰা হয়।[উদ্ধৃতিৰ প্ৰয়োজন]
১৮৮৪ চনত গিজোনৰ এখন আষ্টুৰিয়ান বাতৰি কাকতত ফাবাদাৰ প্ৰথম লিখিত উল্লেখ পোৱা যায়, যদিও তাত সম্পূৰ্ণ ৰেচিপি দিয়া হোৱা নাছিল। পিছলৈ আষ্টুৰিয়ান ৰান্ধনী সাহিত্যত এই খাদ্যৰ উল্লেখ বাঢ়ি যায়। বিভিন্ন বিশেষজ্ঞৰ গৱেষণা অনুসৰি ফাবাদাৰ উদ্ভৱ ১৯ আৰু ২০ শতিকাৰ মাজৰ কোনো এটা সময়ত হৈছিল। আজি ই কেৱল আষ্টুৰিয়াছতে নহয়, সমগ্ৰ স্পেইন জুৰি এক জনপ্ৰিয় খাদ্য।
বিশ্বজুৰি আষ্টুৰিয়ান প্ৰব্ৰজনকাৰীসকলে আন দেশসমূহতো এই খাদ্য প্ৰচাৰ কৰে। উদাহৰণস্বৰূপে, আমেৰিকাৰ টাম্পা চহৰৰ ওচৰৰ কিছুমান অঞ্চলত ইয়াৰ ভিন্ন ৰূপ দেখা যায়।
কলম্বিয়াত ‘‘পাইছা ট্ৰে’’ ফাবাদাৰ এক ক্ৰিয়েল ৰূপ, য’ত ফাবেছৰ ঠাইত ৰঙা বল বীন (১৬ ঘণ্টা তিয়াই থোৱা) ব্যৱহাৰ কৰি গাহৰিৰ ভৰি, হালধি, পিঁয়াজ আৰু নিমখৰ সৈতে ৰন্ধা হয়, আৰু ইয়াৰ সৈতে চ’ৰিজো, গাহৰিৰ ছাল, সিজোৱা পিহি লোৱা মাংস, ভজা কণী, কটা এভোকাডো আৰু বগা ভাত পৰিবেশন কৰা হয়।
তাৰতম্য
[সম্পাদনা কৰক]আষ্টুৰিয়াছৰ বাহিৰত স্পেনিছ ওল্লা পোধ্ৰিদা, দক্ষিণ ফৰাচী কেছ’লেট আৰু পৰ্তুগীজ তথা ব্ৰাজিলৰ ফেইজোআদা ফাবাদা আষ্টুৰিয়ানাৰ সৈতে সাদৃশ্য থকা খাদ্য।
চিত্ৰ
[সম্পাদনা কৰক]-
এটা প্ৰস্তুত কৰা ফাবাদা -
পৰম্পৰাগত মাটিৰ কাজুৱেলাত প্ৰস্তুত কৰা ফাবাদা -
পৰম্পৰাগত ৰেচিপিৰে প্ৰস্তুত কৰা ফাবাদা -
ফাবাদাৰ লগত দিয়া মাংসসমূহ
তথ্যসূত্ৰ
[সম্পাদনা কৰক]- ↑ [1]
- ↑ "Fabada asturiana". Archived from the original on 2008-11-10. https://web.archive.org/web/20081110123153/http://www.acocinar.com/fabada.htm। আহৰণ কৰা হৈছে: 2008-11-16.
- References in Spanish Wikipedia
- Aris, Pepita. Spanish: Over 150 Mouthwatering Step-By-Step Recipes. London: Anness Publishing Ltd, 2003. p 203.
- Chandler, Jenny. The Food of Northern Spain. London: Pavilion Books, 2005. p 95.
- Klöcker, Harald. Culinaria Spain. Cologne: Könemann Verlagsgesellschaft mbH, 1998. p 208.