ফিলিপ এগ্যঁ

সময়িক সংশোধনৰ প্ৰয়োজন
এই প্ৰবন্ধৰ বিষয়বস্তু এনে ধৰণৰ যে সময়ৰ সৈতে তথ্য সলনি হ'ব পাৰে।
কাৰণ: জীৱিত ব্যক্তি
বৰ্তমানে উপলব্ধ তথ্যৰ সত্যাসত্য ২০২৫ চনৰ অক্টোবৰ মাহৰ ১৫ তাৰিখে পৰীক্ষা কৰা হৈছিল।

ফিলিপ এগ্যঁ
২০১৫ চনত বষ্টন বিশ্ববিদ্যালয়ত এগ্যঁ
জন্ম	ফিলিপ মাৰিয়' এগ্যঁ [[{{{৩}}} ]], ১৭ আগষ্ট ১৯৫৬ ( বছৰ) পেৰিচ, ফ্ৰাঞ্চ
জনা যায়	অন্তৰ্নিহিত বিকাশ তত্ত্ব সৃষ্টিশীল ধ্বংস
শৈক্ষিক পটভূমি
শিক্ষা	École normale supérieure de Cachan (now ENS Paris-Saclay, University of Paris-Saclay) Paris 1 Panthéon-Sorbonne University (DEA) Harvard University (PhD)
শৈক্ষিক কৰ্ম
শাখা	Innovation Economic growth Organisations Contract theory
বিদ‍্যালয় বা পৰম্পৰা	নব্য-চাম্পেটাৰীয়
প্ৰতিষ্ঠানসমুহ	Collège de France INSEAD London School of Economics Harvard University University College London Nuffield College, Oxford Massachusetts Institute of Technology
Awards	বি বি ভি এ' ফাউণ্ডেচন ফ্ৰণ্টিয়াৰ্ছ অৱ নজেজ বঁটা (২০১৯) অৰ্থনীতিৰ নোবেল স্মাৰক বঁটা (২০২৫)

ফিলিপ এগ্যঁ (FBA, ফৰাঁচী: Philippe Mario Aghion French: [filip aɡjɔ̃]) এগৰাকী ফৰাঁচী অৰ্থনীতিবিদ আৰু কলেজ দে ফ্ৰাঞ্চ, ইঞ্চিয়াড, পেৰিচ স্কুল অৱ ইকনমিক্স আৰু লণ্ডন স্কুল অৱ ইকনমিক্স এণ্ড পলিটিকেল চাইঞ্চৰ অধ্যাপক। তেওঁৰ জন্ম ১৯৫৬ চনৰ ১৭ আগষ্টত হৈছিল।

২০০২ৰ পৰা ২০১৫লৈ তেওঁ হাৰ্ভাৰ্ড বিশ্ববিদ্যালয়ত ৰবাৰ্ট চি ৱেগনাৰ প্ৰফেচৰ অৱ ইকনমিক্স আছিল। তাৰ আগত তেওঁ ইউনিভাৰ্ছিটি কলেজ লণ্ডনত অধ্যাপক আছিল। নাফিল্ড কলেজ অক্সফ'ৰ্ড আৰু মেচেচুচেটছ ইন্ষ্টিট্যুট অৱ টেকনলজিৰ সৈতেও তেওঁ জড়িত আছিল।

২০২৫ চনত তেওঁ পিটাৰ হৱিটৰ সৈতে অৰ্থনীতিৰ নোবেল বঁটাৰ আধা অংশ লাভ কৰিলে "সৃষ্টিশীল ধ্বংসৰ মাজেৰে অৰ্থব্যৱস্থাৰ দীৰ্ঘজীৱী বিকাশৰ তত্ত্বৰ বাবে"।

শৈশৱ আৰু শিক্ষা

ফিলিপ এগ্যঁৰ জন্ম পেৰিচত হৈছিল ১৯৫৬ চনত এক ইহুদী পৰিয়ালত। এগ্যঁই ইকল নৰ্মাল চুপিৰিয়ৰ দে কাশ্বাঁৰ পৰা গণিত শাখাত স্নাতক ডিগ্ৰী লাভ কৰিছিল। পেৰিচ ১ পেঁথিয়ঁ-চৰ্বনৰ পৰা গাণিতিক অৰ্থনীতিত তেওঁ তৃতীয় চক্ৰৰ ডক্টৰেটো লাভ কৰিছিল। ১৯৮৭ চনত হাৰ্ভাৰ্ড বিশ্ববিদ্যালয়ৰ পৰা তেওঁ পি এইচ ডি লাভ কৰিছিল।

কৰ্ম জীৱন

এগ্যঁৰ কৰ্ম জীৱনৰ আৰম্ভণি হৈছিল ১৯৮৭ চনত যেতিয়া তেওঁ এম আই টিত যোগদান দিছিল এজন সহকাৰী অধ্যাপক হিচাপে। ১৯৯০ চনত তেওঁক ইউৰোপিয়ান বেংক ফৰ ৰিকনষ্ট্ৰাক্সন এণ্ড ডেভেলপমেণ্টৰ উপ-মুখ্য অৰ্থনীতিবিদ নিযুক্ত কৰা হৈছিল। তাৰ পাছত তেওঁ অক্সফ'ৰ্ডত নাফিল্ডলৈ আৰু তাৰো পাছত ইউনিভাৰ্চিটি কলেজ লণ্ডনলৈ কাম কৰিবলৈ গৈছিল। ২০০২ চনত তেওঁ হাৰ্ভাৰ্ড বিশ্ববিদ্যালয়ত যোগদান কৰিছিল। তেওঁ তাতেই ২০১৫লৈকে আছিল অধ্যাপক হিচাপে। ২০১৫ চনত তেওঁ লণ্ডন স্কুল অৱ ইকনমিক্সত চেণ্টেনিয়েল প্ৰফেচৰ অৱ ইকনমিক্স হিচাপে যোগদান কৰিছিল।

এগ্যঁৰ গৱেষণাৰ মূল বিষয় আছিল অৰ্থনৈতিক বিকাশ, বিশেষকৈ উদ্ভাৱনৰ ভূমিকা। পিটাৰ হৱিটৰ সৈতে তেওঁ জোচেফ শ্বাম্পেটাৰৰ সৃষ্টিশীল ধ্বংসৰ ধাৰণাক বিকশিত কৰিছিল, কেইবাটাও দিশে বিয়পাইছিল আৰু এই ধাৰণাক এক দৃঢ় গাণিতিক প্ৰকাশ প্ৰদান কৰিছিল। তেওঁলোকৰ কাৰ্য এণ্ডজেনাছ গ্ৰৌথ থিয়ৰি (অন্তৰ্নিহিত বিকাশ তত্ত্ব) নামৰ গ্ৰন্থত বুজোৱা হৈছে।

তেওঁ আমেৰিকান একাডেমী অৱ আৰ্টছ এণ্ড চাইঞ্চেছৰ সদস্য। ২০১৭ চনত তেওঁ ইউৰোপিয়ান ইকনমিক এচচিয়েচনৰ সভাপতি আছিল। তেওঁ ২০১৮ চনৰ পৰা এনুৱেল ৰিভিউ অৱ ইকনমিক্সৰ সম্পাদক।