ফেইজুৱাডা
 ফেইজুৱাডা এ ট্ৰেন্সমণ্টানা | |
| প্ৰকাৰ | ষ্ট্যু |
|---|---|
| উৎপত্তিৰ স্থান | পৰ্তুগাল, ব্ৰাজিল[1][2] |
| মুখ্য উপাদান | মাহ (বীন), গৰুৰ মাংস, গাহৰিৰ মাংস |
ফেইজুৱাডা (Feijoada; পৰ্তুগীজ শব্দ 'feijão' অৰ্থাৎ মাহৰ পৰা অহা) হৈছে পৰ্তুগীজ ভাষী দেশসমূহত প্ৰচলিত গৰু বা গাহৰিৰ মাংসৰ সৈতে ৰন্ধা বিভিন্ন প্ৰকাৰৰ মাহৰ ষ্ট্যুৰ নাম।[3][4][5][6][7]
ফেইজুৱাডা পৰ্তুগাল, ব্ৰাজিল, এংগোলা, পূব টিমৰ, মোজাম্বিক আৰু মাকাউৰ দৰে দেশৰ এক সাধাৰণ খাদ্য। ইয়াত মাংসৰ সৈতে বগা, ক’লা বা ৰঙা মাহ মিহলাই ৰন্ধা হয় আৰু সাধাৰণতে ভাতৰ সৈতে পৰিবেশন কৰা হয়।
ইতিহাস
[সম্পাদনা কৰক]শাক-পাচলিৰ সৈতে মাংসৰ (গাহৰিৰ) ষ্ট্যুৰ ইতিহাস প্ৰাচীন ৰোমান খাদ্যশৈলীলৈকে বিচাৰি পোৱা যায়।[8] ৰোমান সাম্ৰাজ্যৰ বিস্তাৰৰ লগে লগে এই খাদ্যবিধ বিয়পি পৰে আৰু ফৰাচী 'কেছলেট', মিলানীজ 'কেচৌলা', ৰোমানিয়ান 'ফাচোল কু কাৰ্নাটি', উত্তৰ-পশ্চিম স্পেইনৰ 'ফাবাড়া আষ্টুৰিয়ানা' আৰু উত্তৰ পৰ্তুগালৰ মিনহো অঞ্চলৰ ফেইজুৱাডাৰ দৰে খাদ্যৰ জন্ম হয়।[8][9]
ফেইজুৱাডা নাম আৰু ইয়াৰ সৃষ্টি পৰ্তুগীজ প্ৰস্তুত প্ৰণালীৰ সৈতে জড়িত। পৰ্তুগালৰ এষ্ট্ৰেমাদুৰা, বেইৰাছ, ট্ৰেন্স-অচ-মণ্টাচ আৰু আল্টো ডৌৰো অঞ্চলত বিভিন্ন ধৰণৰ মাহ (আমেৰিকান মূলৰ ক’লা মাহৰ বাহিৰে), ছচেজ আৰু গাহৰিৰ কাণ তথা ভৰি মিহলাই এই খাদ্য প্ৰস্তুত কৰাৰ পৰম্পৰা আছে।[10]
পৰ্তুগীজ সংস্কৰণৰ ফেইজুৱাডা ঘাইকৈ দেশখনৰ উত্তৰ অংশৰ পৰা আৰম্ভ হৈছিল। উত্তৰ-পশ্চিমত বগা মাহেৰে আৰু উত্তৰ-পূবত ৰঙা মাহেৰে ইয়াক ৰন্ধা হয়। ইয়াত সাধাৰণতে গাহৰি বা গৰুৰ মাংসৰ সৈতে অন্যান্য শাক-পাচলি (বিলাহী, গাজৰ বা কবি) আৰু চৰিজো বা তেজৰ ছচেজ (blood sausage) যোগ কৰা হয়।[10] ১৮ শতিকাত ঔপনিৱেশিক ব্ৰাজিলত দাসত্বৰ সময়ত আফ্ৰিকানসকলে ক’লা মাহ আৰু গাহৰিৰ অৱশিষ্ট মাংস ব্যৱহাৰ কৰি ফেইজুৱাডাৰ এক নতুন ৰূপ সৃষ্টি কৰিছিল। ১৯ শতিকালৈকে ই শ্ৰমিক শ্ৰেণীৰ আহাৰৰ পৰা ব্ৰাজিলৰ ৰাষ্ট্ৰীয় খাদ্যলৈ ৰূপান্তৰিত হয়, যিটো সাধাৰণতে শনিবাৰে পৰিবেশন কৰা হয়।[11]
আঞ্চলিক ভিন্নতা
[সম্পাদনা কৰক]ব্ৰাজিল
[সম্পাদনা কৰক]খাদ্য বিশেষজ্ঞ ৰাউল ল’ডীৰ মতে, বাগানৰ পাকঘৰত আফ্ৰিকান দাস মহিলাসকলে মাটিৰ পাত্ৰত এই খাদ্য ৰান্ধোতে গান গাইছিল বুলি শুনা যায়, যাৰ বাবে ফেইজুৱাডাক "দাসৰ খাদ্য" বুলিও জনা গৈছিল। অৱশ্যে এই ধাৰণাই আফ্ৰিকানসকলে সহ্য কৰা প্ৰকৃত নিৰ্যাতন আৰু উৎপীড়নৰ দিশটো বহুক্ষেত্ৰত লুকুৱাই ৰাখে।[12]
চিত্ৰভঁৰাল
[সম্পাদনা কৰক]
সামুদ্ৰিক খাদ্যৰ ফেইজুৱাডা
ব্ৰাজিলিয়ান ফেইজুৱাডা
টিমৰিজ ফেইজুৱাডা
ফেইজুৱাডা এ ব্ৰাজিলিয়েন
তথ্য সংগ্ৰহ
[সম্পাদনা কৰক]- ↑ "How to Make Feijoada, Brazil's National Dish, Including a Recipe From Emeril Lagasse". Smithsonian Magazine. https://www.smithsonianmag.com/arts-culture/Celebrate-Brazil-with-Emerils-Feijoada-180951699/। আহৰণ কৰা হৈছে: 2022-05-26.
- ↑ "A Brief Introduction To Feijoada, Brazil's National Dish". The Culture Trip. Archived from the original on 2023-03-17. https://web.archive.org/web/20230317164514/https://theculturetrip.com/south-america/brazil/articles/a-brief-introduction-to-feijoada-brazils-national-dish। আহৰণ কৰা হৈছে: 2025-03-06.
- ↑ Brown, Sarah (March 17, 2017). "A Brief Introduction To Feijoada, Brazil's National Dish". Archived from the original on March 17, 2023. https://web.archive.org/web/20230317164514/https://theculturetrip.com/south-america/brazil/articles/a-brief-introduction-to-feijoada-brazils-national-dish.
- ↑ Multicultural America: An Encyclopedia of the Newest Americans - Google Books p. 180.
- ↑ Hank Shaw (5 December 2013). "Feijoada Recipe - How to Make Portuguese Feijoada". https://honest-food.net/portuguese-feijoada-recipe/.
- ↑ "Archived copy". Archived from the original on 2016-06-02. https://web.archive.org/web/20160602091145/http://www.goanfoodrecipres.com/2011/01/feijoada.html। আহৰণ কৰা হৈছে: 2016-02-09.
- ↑ Javier A. Galván (2020). Modern Brazil. ABC-CLIO. পৃষ্ঠা. 313. ISBN 978-1-4408-6032-4. https://books.google.com/books?id=MkrzDwAAQBAJ&pg=PA313.
- 1 2 "A feijoada não é invenção brasileira. Todo mundo acha que os inventores foram os escravos. Mas o prato já era apreciado na Europa desde os tempos do Império Romano". Super Interessante. http://super.abril.com.br/comportamento/a-feijoada-nao-e-invencao-brasileira। আহৰণ কৰা হৈছে: 10 September 2016.
- ↑ "O mito da feijoada, cuja real origem é lusitana". UOL educação. http://educacao.uol.com.br/noticias/2015/05/13/de-zumbi-heroi-a-origem-da-feijoada-7-mitos-sobre-a-escravidao-no-brasil.htm। আহৰণ কৰা হৈছে: 10 September 2016.
- 1 2 "Feijoada nasceu em Portugal, mas foi no Brasil que virou paixão culinária" (pt-br ভাষাত). www.uol.com.br. https://www.uol.com.br/nossa/noticias/redacao/2022/12/14/feijoada-nasceu-em-portugal-mas-foi-no-brasil-que-virou-paixao-culinaria.htm। আহৰণ কৰা হৈছে: 2023-09-05.
- ↑ Rodriguez, Emma (2025-12-11). "Feijoada History: Origins of Brazil's National Dish" (en-US ভাষাত). spice.alibaba.com. https://spice.alibaba.com/spice-basics/feijoada-history। আহৰণ কৰা হৈছে: 2026-03-06.
- ↑ "Feijoada and Hoppin’ John" (en-US ভাষাত). Southern Cultures. 2019-12-04. https://www.southerncultures.org/article/feijoada-and-hoppin-john/। আহৰণ কৰা হৈছে: 2026-03-05.