ফেজেণ্ট দ্বীপ
ফেজেণ্ট দ্বীপ (ইংৰাজী: Pheasant Island) হ'ল বিডাছ'য়া নদীত অৱস্থিত এটা জনবসতিহীন দ্বীপ। ই ফ্ৰান্স আৰু স্পেইনৰ সীমান্তৰ মাজত অৱস্থিত আৰু ইয়াৰ শাসন ব্যৱস্থা দুয়োখন দেশৰ মাজত পৰ্যায়ক্ৰমে পৰিৱতিত হয়।
দ্বীপটো আচলতে এক কনডোমিনিয়াম বা এনে এক ভূখণ্ড যাৰ শাসন ব্যৱস্থা আন্তঃৰাষ্ট্ৰীয় আইনৰ অধীনত একাধিক ক্ষমতাৰ মীমাংসাৰ ভিত্তিৰ দ্বাৰা নিৰ্ধাৰণ কৰা হয়।[1] ১৬৫৯ চনত পেৰেনিছ সন্ধিৰ দ্বাৰা এই দ্বীপটো প্ৰতিষ্ঠা কৰা হয়। ইয়াৰ দায়িত্ব সংশ্লিষ্ট সাৰ্বভৌমত্বৰ জৰিয়তে প্ৰতি ছমাহৰ মূৰে মূৰে ফ্ৰান্স আৰু স্পেইনৰ মাজত পৰ্যায়ক্ৰমে পৰিৱৰ্তিত হয়। ১ ফেব্ৰুৱাৰীৰ পৰা ৩১ জুলাইলৈকে স্পেইনৰ ছান চেবাষ্টিয়ান নৌসেনা আনুষ্ঠানিকভাৱে ইয়াৰ দায়িত্বত থৈকে আৰু ১ আগষ্টৰ পৰা ৩১ জানুৱাৰীলৈকে ফ্ৰান্সৰ বেয়নৰ দায়িত্বত থাকে। অৰ্থাৎ দ্বীপটোৰ প্ৰশাসন সামগ্ৰিকভাৱে ইৰুন, গিপুজকোৱা, স্পেইন আৰু হেণ্ডেয়ে, পাইৰেনিছ, আটলাণ্টিকোইছ, ফ্ৰান্সৰ দ্বাৰা পৰিচালিত।[2]
ভূপ্ৰকৃতি
[সম্পাদনা কৰক]এই দ্বীপটো হ'ল এটা ৰাজনৈতিক অধিৰাজ্য[3] যিটো ১৬৫৯ চনত স্পেইন আৰু ফ্ৰান্সৰ সাৰ্বভৌমত্বৰ অধীনত পাইৰেনিজ সন্ধিৰ দ্বাৰা প্ৰতিষ্ঠা কৰা হৈছিল, আৰু আনুষ্ঠানিকভাৱে স্পেইনৰ ছান চেবাষ্টিয়ান (১ ফেব্ৰুৱাৰী–৩১ জুলাই) আৰু ফ্ৰান্সৰ বেয়ন (১ আগষ্ট–৩১ জানুৱাৰী) নৌসেনা অধীনত প্ৰতি ছমাহৰ বাবে থাকে; আচলতে ই ক্ৰমে ইৰুন (গুইপুস্কায়া, স্পেইন) আৰু হেণ্ডে (পিৰেনিছ-আটলাণ্টিকছ, ফ্ৰান্স) দ্বাৰা পৰিচালিত হয়।[2] জানুৱাৰী 2018 অনুসৰি[update] ২০১৮ চনৰ জানুৱাৰী মাহলৈকে এই দ্বীপটো প্ৰায় ২০০ মিটাৰ (৬৬০ ফুট) দীঘল আৰু ৪০ মিটাৰ (১৩০ ফুট) বহল, যিটোত খহনীয়া হৈ আছে।[2]
ইতিহাস
[সম্পাদনা কৰক]দ্বীপটোৰ আটাইতকৈ গুৰুত্বপূৰ্ণ ঐতিহাসিক পৰিঘটনাটো হ’ল পাইৰেনিজ সন্ধি স্বাক্ষৰ কৰা অনুষ্ঠান। ১৬৫৯ চনত ত্ৰিশ বছৰীয়া যুদ্ধৰ শেষৰ ফালে স্পেইনৰ গ্ৰেণ্ড ড্যুক লুইছ ডি হাৰো আৰু ফ্ৰান্সৰ প্ৰধানমন্ত্ৰী কাৰ্ডিনেল মাজাৰিনৰ মাজত ২৪খন সন্মিলনৰ পাছত এই সন্ধি স্বাক্ষৰিত হয়। এই বৈঠকৰ স্মৃতিত দ্বীপটোৰ মাজত এটা একক বা ভৌগোলিক স্মৃতিসৌধ স্থাপন কৰা হয়।
এই দ্বীপটো আন কেইবাখনো ৰাজকীয় বৈঠকৰ বাবে ব্যৱহাৰ কৰা হৈছিল।
- ১৬৫৯ চনত চতুৰ্দশ লুইয়ে তেওঁৰ ভৱিষ্যত পত্নী মাৰিয়া থেৰেছা (১৬৩৮-১৬৮৩)ক লগ কৰে৷ তেওঁলোক আছিল লে গ্ৰেণ্ড ডাউফিনৰ পিতৃ-মাতৃ আৰু অভিভাৱক। এবছৰৰ পাছত তেওঁ আইচেল অৱ ফেজেণ্টছত অনুষ্ঠিত এখন সভাত তেওঁৰ পিতৃ স্পেইনৰ চতুৰ্থ ৰজাক বিদায় দিয়ে। ফ্ৰান্সত ভৰি দিয়াৰ আগতে তেওঁ চতুৰ্দশ লুইৰ সংগী হৈ পৰিছিল।
- ১৭২১ চনত চতুৰ্দশ লুইয়ে স্পেইনৰ মাৰিয়ানা ভিক্টোৰিয়া (১৭১৮–১৭৮১)ক লগ কৰিছিল যদিও দুয়োজনে কেতিয়াও বিবাহপাশত আৱদ্ধ হোৱা নাছিল। লুইছে ইয়াৰ পৰিৱৰ্তে পৰ্তুগালৰ মেৰী লেজস্কেস্কা আৰু প্ৰথম মাৰিয়া জোচেফক বিয়া কৰায়।
প্ৰৱেশাধিকাৰ
[সম্পাদনা কৰক]কম জোৱাৰৰ সময়ত কেতিয়াবা স্পেইনৰ ফালৰ পৰা এই দ্বীপটোলৈ যাব পাৰি।[2] ই মানৱহীন আৰু প্ৰৱেশ সংৰক্ষিত।[4] অৱশ্যে কিছুমান উৎসৱ আৰু ঐতিহাসিক দিনত ৰাইজৰ বাবে মুকলি কৰা হয়।
তদুপৰি চৰকাৰী বিষয়া, চাফাই কৰ্মী আৰু জোৱানসকলে চৰকাৰী কামৰ বাবে ইয়াত প্ৰৱেশাধিকাৰ লাভ কৰে।[5]
তথ্য সংগ্ৰহ
[সম্পাদনা কৰক]- ↑ España asume la jurisdicción de la isla de los Faisanes, la más pequeña del mundo (Retrieved 3 December 2015)
- ↑ 2.0 2.1 2.2 2.3 "The island that switches countries every six months". BBC. 28 January 2018. https://www.bbc.co.uk/news/stories-42817859.
- ↑ España asume la jurisdicción de la isla de los Faisanes, la más pequeña del mundo (Retrieved 3 December 2015)
- ↑ "Pheasant Island". Hendaye Tourist Office. 24 January 2012. Archived from the original on 13 February 2010. https://web.archive.org/web/20100213103927/http://www.hendaye-tourisme.fr/en/authentic-pleasures/patrimony-and-history/unusual/pheasant-island/index.html। আহৰণ কৰা হৈছে: 9 June 2025.
- ↑ Porto, Rita (2019-02-03). "A ilha dos Faisões, o condomínio mais antigo do mundo, é seis meses francesa e seis meses espanhola" (pt-PT ভাষাত). https://observador.pt/2017/07/31/a-ilha-dos-faisoes-o-condominio-mais-antigo-do-mundo-e-seis-meses-francesa-e-seis-meses-espanhola/.