বলজিন্দৰ কৌৰ

বলজিন্দৰ কৌৰ
জন্ম	ভোণ্ডিয়ান, ভোগপুৰ, ভাৰত
পেচা	অভিনেত্ৰী
সক্ৰিয় হৈ থকা সময়	১৯৯১- বৰ্তমান

বলজিন্দৰ কৌৰ (ইংৰাজী: Baljinder Kaur) এগৰাকী ভাৰতীয় অভিনেত্ৰী। তেওঁ হাৰিয়ানৱী, হিন্দী আৰু তামিল ছবিত অভিনয় কৰিছে।

জীৱনী

কৌৰ পঞ্জাৱৰ ভোগপুৰৰ ওচৰৰ ভোণ্ডিয়ান গাঁৱত জন্মগ্ৰহণ কৰি ডাঙৰ-দীঘল হৈছিল। হোছিয়াৰপুৰৰ ডি এ ভি কলেজত শিক্ষা গ্ৰহণৰ সময়ত নাটকৰ প্ৰতি আগ্ৰহ গঢ় লৈ উঠে আৰু ১৯৯৪ চনত পঞ্জাৱ বিশ্ববিদ্যালয়ত সাধাৰণ শিক্ষাৰ সলনি নাটকত ডিগ্ৰী লবলৈ পাঠ্যক্ৰম বাছি লয়। স্নাতক ডিগ্ৰী লাভ কৰাৰ পিছত তেওঁ হাৰিয়ানাৰ হিছাৰৰ এখন বিদ্যালয়ত নাটকৰ পাঠদান আৰম্ভ কৰে আৰু পিছলৈ ২০০০ চনত বৃজেশ শৰ্মাৰ সৈতে বিবাহপাশত আবদ্ধ হয়, যিজন বিশ্ববিদ্যালয়ত তেওঁৰ সহপাঠী আছিল। শৰ্মা ৰাষ্ট্ৰীয় নাট্য বিদ্যালয়ৰ আন এটা শিক্ষাবৰ্ষচো তেওঁৰ সহপাঠী আছিল। নাট্য বিদ্যালয়ত থকা সময়ছোৱাত তেওঁ বিভিন্ন ধৰণৰ শাস্ত্ৰীয় নৃত্য আৰু সংগীত শিকিছিল আৰু পিছলৈ ছবছৰ ধৰি ৰেপাৰ্টৰীৰ সদস্য হিচাপে কাম কৰিছিল।

সমালোচকৰ প্ৰশংসিত হিন্দী ছবি শাহিদৰ (২০১৩) জৰিয়তে কৌৰে চলচ্চিত্ৰ অভিনেত্ৰী হিচাপে অভিনয়ত আত্মপ্ৰকাশ কৰে। কৌৰৰ মঞ্চ অভিনয় চোৱা কাষ্টিং ডাইৰেক্টৰ মুকেশ চাব্ৰাই তেওঁৰ কাষ চাপিছিল। এই প্ৰকল্পত অভিনয় কৰাৰ বাবে তেওঁ সমালোচকৰ প্ৰশংসা লাভ কৰে আৰু পিছত আমিৰ খানৰ দুখন ছবি পি কে (২০১৪) আৰু দংগলত (২০১৬) চৰিত্ৰত অভিনয় কৰিবলৈ যোগাযোগ কৰা হয় যদিও গ্লেমাৰাছ চৰিত্ৰত কাম কৰিবলৈ অনিচ্ছা প্ৰকাশ কৰা সুযোগসমূহ নাকচ কৰে।[1] ২০১৪ চনত তেওঁ ৰাষ্ট্ৰীয় নাট্য বিদ্যালয়ত থকা সময়ৰ পৰা চিনাকি ৰাজীৱ ভাটিয়া পৰিচালিত হাৰিয়ানৱী ছবি “পাগডী: দ্য অনাৰ’ত কাম কৰে। তেওঁৰ স্বামী বৃজেশ শৰ্মাইও ছবিখনত নায়িকাগৰাকীৰ পিতৃৰ চৰিত্ৰত অভিনয় কৰিছিল। ছবিখনত কৰা তেওঁৰ অভিনয়ৰ বাবে শ্ৰেষ্ঠ সহযোগী অভিনেত্ৰীৰ ৰাষ্ট্ৰীয় চলচ্চিত্ৰ বঁটা পাবলৈ সক্ষম হয়।

বাহ্যিক সংযোগ

• বলজিন্দৰ কৌৰ সম্পৰ্কে ইণ্টাৰনেট মুভি ডাটাবেছত থকা তথ্য।