বল্লম
বল্লম (তামিল- வேல், lit. 'Vél') হৈছে হিন্দু যুদ্ধৰ দেৱতা মুৰুগান বা কাৰ্তিকৰ সৈতে জড়িত এটা ঐশ্বৰিক অস্ত্ৰ।[1]
তাৎপৰ্য
[সম্পাদনা কৰক]শৈৱ পৰম্পৰা অনুসৰি দেৱী পাৰ্বতীয়ে অসুৰ সুৰপদ্মনক পৰাস্ত কৰিবলৈ নিজৰ শক্তিৰ মূৰ্তি হিচাপে পুত্ৰ কাৰ্তিকেয়ক (মুৰুগান বুলিও জনা যায়) বল্লম উপহাৰ দিছিল। স্কন্দ পুৰাণৰ মতে কাৰ্তিকেয় আৰু সুৰপদ্মনৰ যুদ্ধত কাৰ্তিকেয়ই সুৰপদ্মনৰ সকলো শক্তিক পৰাস্ত কৰিবলৈ বল্লম ব্যৱহাৰ কৰিছিল।[2] যেতিয়া সুৰপদ্মনৰ সম্পূৰ্ণ পৰাজয়ৰ আৰম্ভণি ঘটিছিল, তেতিয়া মুৰুগানৰ হাতৰ পৰা হাত সাৰিবলৈ অসুৰে নিজকে বিশাল আম গছলৈ ৰূপান্তৰিত কৰিছিল। অসুৰৰ কৌশলত বিবুধিত নপৰাকৈ মুৰুগানে নিজৰ অস্ত্ৰটো দলিয়াই আম গছজোপা দুটা ভাগত বিভক্ত কৰিলে, এটা কুকুৰা (তামিল: சேவல், lit. 'Séval'), আৰু আনটো ময়ুৰ (তামিল: மயில், lit. 'Mayil') হৈ পৰিল। ইয়াৰ পিছৰ পৰা ময়ুৰ তেওঁৰ বাহন হৈ পৰে আৰু কুকুৰা তেওঁৰ যুদ্ধ পতাকাৰ প্ৰতীক হৈ পৰে।[3]
বল্লম, ঈশ্বৰত্বৰ প্ৰতীক হিচাপে কাৰ্তিকেয়ক উৎসৰ্গিত মন্দিৰত পূজাৰ বস্তু। বাৰ্ষিক থাইপুছম উৎসৱত কাৰ্তিকেয়াই মাতৃৰ পৰা ঐশ্বৰিক বল্লম লাভ কৰাৰ উপলক্ষ্য উদযাপন কৰা হয়।[4] এই উৎসৱৰ সময়ত একাংশ ভক্তই কাৰ্তিকেয়া মন্দিৰৰ দিশে শোভাযাত্ৰা গ্ৰহণ কৰাৰ সময়ত বল্লমৰ খোঁচেৰে ছাল, জিভা বা গাল বিন্ধে।
আদি-ভেল হৈছে শ্ৰীলংকাত তামিল হিন্দুসকলে জুলাই/আগষ্ট মাহত পালন কৰা এটা প্ৰধান উৎসৱ, যাক আদি নামেৰে জনাজাত।[5] এই উৎসৱ কাথাৰাগামা আৰু কলম্বো আদি চহৰত অনুষ্ঠিত হয়।[6]
বল্লমৰ বিকল্প ব্যাখ্যা হ’ল ই প্ৰজ্ঞা/জ্ঞানৰ প্ৰতীক। ইয়াৰ দ্বাৰা প্ৰতীকীভাৱে দেখুওৱা হৈছে যে প্ৰজ্ঞা/জ্ঞান বল্লমৰ আগটোৰ দৰে চোকা, জেভেলিনৰ দৰে দীঘল আৰু ওখ হ’ব লাগে। কেৱল এনে প্ৰজ্ঞাইহে অজ্ঞানৰ আন্ধাৰ ধ্বংস কৰিব পাৰিব বুলি ধৰা হয়।[7]
তথ্যসূত্ৰ
[সম্পাদনা কৰক]- ↑ Jackson, Frances Kozlowski and Chris (August 2013) (en ভাষাত). Driven by the Divine. Balboa Press. পৃষ্ঠা. 143. ISBN 978-1-4525-7892-7. https://books.google.com/books?id=qV6KAAAAQBAJ&dq=javelin+murugan+vel&pg=PA140.
- ↑ Belle, Carl Vadivella (2018-02-14) (en ভাষাত). Thaipusam in Malaysia. Flipside Digital Content Company Inc.. ISBN 978-981-4786-66-9. https://books.google.com/books?id=kB1qDwAAQBAJ&dq=parvati+murugan+vel+surapadman&pg=PT178.
- ↑ Krishna, Nanditha (2014-05-01) (en ভাষাত). Sacred Animals of India. Penguin UK. পৃষ্ঠা. 271. ISBN 978-81-8475-182-6. https://books.google.com/books?id=DF_af8_547EC&dq=surapadman+rooster+mango&pg=PT271.
- ↑ Abram, David; Edwards, Nick (February 2004) (en ভাষাত). The Rough Guide to South India. Rough Guides. পৃষ্ঠা. 517. ISBN 978-1-84353-103-6. https://books.google.com/books?id=sEhJBfbhTAAC&dq=parvati+murugan+vel&pg=PA517.
- ↑ Elliott, C. Brooke (1938) (en ভাষাত). The Real Ceylon. H. W. Cave & Co. পৃষ্ঠা. 133.
- ↑ Tambiah, Stanley Jeyaraja (1986) (en ভাষাত). Sri Lanka: Ethnic Fratricide and the Dismantling of Democracy. I.B.Tauris. ISBN 9781850430261. https://books.google.com/books?id=3V2xRnKcOEAC&q=adi+vel&pg=PA62.
- ↑ Natarajan, Muni (2012-07-02). A Monk's Tale. All 4 Siva. ISBN 9780985701918. https://books.google.com/books?id=sG5VDQAAQBAJ&q=vel+wisdom+sharp+deep+wide&pg=PT216.[সংযোগবিহীন উৎস]