বশ্ৰা দস্তুৰনেজাদ
| বশ্ৰা দস্তুৰনেজাদ | |
|---|---|
| স্থানীয় নাম | بشرا دستورنژاد |
| জন্ম | বশ্ৰা দস্তুৰনেজাদ হাকীকাৰী ৭ এপ্ৰিল, ১৯৮৫ (৪১ বছৰ) চিৰাজ, ইৰান |
| অন্য নাম | বশ্ৰা |
| শিক্ষা | বাহায়ী ইনষ্টিটিউট ফৰ হায়াৰ এডুকেশ্বন |
| পেচা | অভিনেত্ৰী, মডেল |
| সক্ৰিয় হৈ থকা সময় | ২০০৯–বৰ্তমান |
বশ্ৰা দস্তুৰনেজাদ (জন্মগত নাম: বশ্ৰা দস্তুৰনেজাদ হাকীকাৰী; জন্ম ১৯৮৫) হৈছে এগৰাকী ইৰানী মডেল আৰু অভিনেত্ৰী।[1] তেওঁ ২০০৬ চনৰ ৰেডিঅ’ ড্ৰিমছ চলচ্চিত্ৰখনত অভিনয় কৰিছিল।[2][3]
প্ৰাৰম্ভিক জীৱন
[সম্পাদনা কৰক]বশ্ৰা দস্তুৰনেজাদ হাকীকাৰীৰ জন্ম ১৯৮৫ চনত চিৰাজৰ এটা বাহায়ী ধৰ্মাৱলম্বী পৰিয়ালত হৈছিল।[1][4] তেওঁ মেহৰান দস্তুৰনেজাদ হাকীকাৰী আৰু ফৰিবা ভেছালীৰ কন্যা। তেওঁ আব্দোছামাদ দস্তুৰনেজাদ হাকীকাৰী আৰু পৰৱীন চামন্দৰীৰ নাতিনী। প্ৰাথমিক বিদ্যালয়ত পঢ়া আৰম্ভ কৰাৰ পূৰ্বেই তেওঁৰ ককাকৰ জৰিয়তে তেওঁ ফাৰ্চী সাহিত্যৰ সৈতে চিনাকি হৈছিল। সৰুৰেপৰা ইৰাজ মিৰ্জা আৰু পৰৱীন এতেছামীৰ দৰে কবিসকলৰ সৃষ্টিৰাজিয়ে তেওঁক গভীৰভাৱে অনুপ্ৰাণিত কৰিছিল, যাৰ ফলত তেওঁ অতি কম বয়সৰপৰাই কবিতা লিখিবলৈ আৰম্ভ কৰে। ১২ বছৰ বয়সত দস্তুৰনেজাদে তেওঁৰ মাহীয়েক তথা কানাডাৰ অটৱাত কৰ্মৰত পেছাদাৰী চিত্ৰশিল্পী শবনম দস্তুৰনেজাদ হাকীকাৰীৰ বাবে মডেলিং কৰিবলৈ আৰম্ভ কৰে।[4] এই অভিজ্ঞতাই তেওঁক মডেলিং জগতত কেৰিয়াৰ গঢ়িবলৈ অনুপ্ৰাণিত কৰিছিল।
তেওঁ বাহায়ী ইনষ্টিটিউট ফৰ হায়াৰ এডুকেশ্বনত (BIHE বিশ্ববিদ্যালয়) শিশু সাহিত্য আৰু থিয়েটাৰ বিষয়ত অধ্যয়ন কৰিছিল।[4] ইয়াৰ পিছত তেওঁ ২০০৯ চনত ইৰান এৰি আমেৰিকা যুক্তৰাষ্ট্ৰলৈ যায় আৰু বৰ্তমান তাতেই বসবাস কৰি আছে।
কেৰিয়াৰ
[সম্পাদনা কৰক]দস্তুৰনেজাদে ২০০৯ চনত তুৰস্কত পেছাদাৰীভাৱে মডেলিং কেৰিয়াৰ আৰম্ভ কৰিছিল। তাৰ পিছত তেওঁ কেইবাটাও স্থানীয় আৰু ৰাষ্ট্ৰীয় প্ৰচাৰ অভিযানৰ বাবে মডেলিং কৰে। ২০১২ চনত তেওঁ মডেলিং প্ৰকল্পৰ বাবেই আমেৰিকা যুক্তৰাষ্ট্ৰলৈ যায়। আমেৰিকা যুক্তৰাষ্ট্ৰত থকাৰ সময়ছোৱাত তেওঁ কেইবাটাও কাম কৰিছিল যিবোৰে তেওঁৰ কেৰিয়াৰক আগুৱাই নিয়াত সহায় কৰিছিল।
২০১৪ চনত ছিয়েটল ভ্ৰমণৰ সময়ত তেওঁ নিজৰ মাতৃভাষা ফাৰ্চীত অৰেল বি নামৰ এটা মৌলিক কবিতা আবৃত্তি কৰা বাণীবন্ধন কৰা হৈছিল।[4] এই কবিতাটো ফেচবুকত পোষ্ট কৰা হৈছিল আৰু ই ১৬,০০০তকৈও অধিক শ্বেয়াৰ লাভ কৰিছিল। ইয়াৰ ফলত এগৰাকী প্ৰখ্যাত ইৰানী-আমেৰিকান চলচ্চিত্ৰ প্ৰযোজক মৰ্জানেহ মঘিমীৰ দৃষ্টি আকৰ্ষণ হয়।[4] এক চুটি বাৰ্তালাপৰ পিছত চলচ্চিত্ৰ পৰিচালক বাবক জালালীৰ ৰেডিঅ’ ড্ৰিমছ (২০১৬) চলচ্চিত্ৰখনত দস্তুৰনেজাদক মাৰাল চৰিত্ৰত অভিনয় কৰিবলৈ সুযোগ দিয়া হয়।[5]
মঞ্চত প্ৰথম আত্মপ্ৰকাশৰ বাবে তেওঁ কেলিফৰ্ণিয়াৰ ছাণ্টা মনিকাত অনুষ্ঠিত জোহৰেহ এণ্ড মানুচেহৰ নাটকত শাহৰোখ মোশকিন ঘালামৰ সৈতে কাম কৰি প্ৰিন্স মানুচেহৰ নামৰ এটা পুৰুষ চৰিত্ৰত অভিনয় কৰিছিল।[4][1] ইয়াৰ উপৰি দস্তুৰনেজাদে লছ এঞ্জেলছ আৰু ছান ফ্ৰান্সিস্কো ভ্ৰমণ কৰা খালে চুচকে (ইংৰাজী নাম: আণ্টি ককৰোচ) নাটকত মুখ্য চৰিত্ৰত অভিনয় কৰিছিল।[1][4]
সঁহাৰি
[সম্পাদনা কৰক]ভেৰাইটি আলোচনীত লিখা এটা পৰ্যালোচনাত সমালোচক কেথেৰিন ব্ৰেই তেওঁৰ অভিনয়ক প্ৰশংসা কৰি কয় যে তেওঁৰ অভিনয় সহযোগী শিল্পীসকলৰ ভিতৰত আটাইতকৈ উৎকৃষ্ট আছিল। তেওঁ অনাতঁৰ কেন্দ্ৰৰ মালিকৰ আৰ্থিকভাৱে চতুৰ কন্যাক অব্ৰে প্লাজাৰ দৰে অতি গম্ভীৰ আৰু আকৰ্ষণীয়ভাৱে ফুটাই তুলিছে।[6]
দ্য হলিউড ৰিপৰ্টাৰৰ নীল ইয়ঙে চলচ্চিত্ৰখনৰ বৰ্ণনা কৰি কৈছে যে অনুপ্ৰৱেশ, পৰিচয় আৰু সাংস্কৃতিক একত্ৰীকৰণৰ দৰে গুৰুত্বপূৰ্ণ বিষয়সমূহক এক সূক্ষ্ম, বুদ্ধিদীপ্ত আৰু ধাৰাবাহিকভাৱে ধেমেলীয়া ৰূপত উপস্থাপন কৰা হৈছে। এই শতিকাৰ শ্ৰেষ্ঠ ৰেডিঅ'-ভিত্তিক চলচ্চিত্ৰসমূহৰ সৈতে ইয়াৰ তুলনা কৰিব পাৰি।[7]
একেদৰে ভেৰাইটিত সমালোচক কেথেৰিন ব্ৰেই চলচ্চিত্ৰখনক এক অতি সন্তোষজনক আৰু ৰটাৰডেমত অনুষ্ঠিত টাইগাৰ প্ৰতিযোগিতাৰ এক যোগ্য বিজয়ী ছবি বুলি অভিহিত কৰিছে।[6]
বঁটা আৰু মনোনয়ন
[সম্পাদনা কৰক]| বৰ্ষ | বঁটা | উৎসৱ | প্ৰাপক | ফলাফল |
|---|---|---|---|---|
| ২০১৬ | টাইগাৰ বঁটা: শ্ৰেষ্ঠ চলচ্চিত্ৰ | ৪৫সংখ্যক আন্তঃৰাষ্ট্ৰীয় চলচ্চিত্ৰ উৎসৱ ৰটাৰডেম, নেদাৰলেণ্ড | ৰেডিঅ’ ড্ৰিমছ | বিজয়ী |
| ২০১৬ | জুৰীৰ বিশেষ উল্লেখ | ছিয়েটল আন্তঃৰাষ্ট্ৰীয় চলচ্চিত্ৰ উৎসৱ | ৰেডিঅ’ ড্ৰিমছ | বিজয়ী |
তথ্যসূত্ৰ
[সম্পাদনা কৰক]- 1 2 3 4 "Boshra Archives" (en-US ভাষাত). Tirgan Festival 2019. https://tirgan.ca/tirgan2019/artist-guest/boshra-dastournezhad/। আহৰণ কৰা হৈছে: 2022-04-14.
- ↑ Kenny, Glenn (2017-06-01). "Review: 'Radio Dreams' Builds a Spiritual Home for Stateless Souls" (en-US ভাষাত). The New York Times. ISSN 0362-4331. https://www.nytimes.com/2017/05/31/movies/radio-dreams-review.html.
- ↑ "Radio Dreams will make you tune in" (en-US ভাষাত). NOW Magazine. 2017-06-29. https://nowtoronto.com/movies/reviews/radio-dreams-will-make-you-tune-in। আহৰণ কৰা হৈছে: 2022-04-14.
- 1 2 3 4 5 6 7 "Interview with Boshra" (en-US ভাষাত). ZH Magazine. 2020-12-15. https://zhmagazine.com/interview-with-boshra/। আহৰণ কৰা হৈছে: 2022-04-14.
- ↑ Young, Neil (24 June 2016). "'Radio Dreams': Rotterdam Review". Hollywood Reporter. https://hollywoodreporter.com.
- 1 2 Bray, Catherine (24 June 2016). "Film Review: 'Radio Dreams'" (en-US ভাষাত). Penske Media CorporationVariety. https://variety.com। আহৰণ কৰা হৈছে: 24 June 2016.
- ↑ Goodfellow, Melanie (January 31, 2016). "Tiger directors: Babak Jalali, 'Radio Dreams'". Screen Daily. https://screendaily.com। আহৰণ কৰা হৈছে: 24 June 2016.