বিজয়লক্ষ্মী সাধো

ড°বিজয়লক্ষ্মী সাধো
মধ্যপ্ৰদেশ বিধানসভা সমষ্টি
পদাধিকাৰ
কাৰ্যভাৰ গ্ৰহণ ১১ ডিচেম্বৰ ২০১৮
সমষ্টি	মহেশ্বৰ বিধানসভা সমষ্টি
মধ্যপ্ৰদেশ চৰকাৰৰ সংস্কৃতি, স্বাস্থ্যশিক্ষা আৰু আয়ুস মন্ত্ৰী
ব্যক্তিগত তথ্য
জন্ম	১৩ নৱেম্বৰ, ১৯৫৫ (৬৯ বছৰ) মণ্ডলেশ্বৰ, মধ্য ভাৰত, ভাৰত
ৰাষ্ট্ৰীয়তা	ভাৰতীয়
ৰাজনৈতিক দল	ভাৰতীয় জাতীয় কংগ্ৰেছ
শিক্ষানুষ্ঠান	গান্ধী মেডিকেল কলেজ, ভোপাল
জীৱিকা	সমাজকৰ্মী, ৰাজনীতিক

ড° বিজয়লক্ষ্মী সাধো (ইংৰাজী: Dr Vijaylaxmi Sadho ; জন্ম: ১৩ নৱেম্বৰ ১৯৫৫) এগৰাকী ভাৰতীয় সমাজকৰ্মী, ৰাজনীতিবিদ আৰু মধ্যপ্ৰদেশৰ পৰা নিৰ্বাচিত হোৱা এগৰাকী প্ৰাক্তন ৰাজ্যসভাৰ সাংসদ। তেওঁ ভাৰতীয় জাতীয় কংগ্ৰেছৰ সদস্য আছিল। মধ্যপ্ৰদেশ বিধান সভাত সাধোৱে মহেশ্বৰ বিধানসভাক প্ৰতিনিধিত্ব কৰে। ২০১৮ চনৰ ২৫ ডিচেম্বৰত মধ্যপ্ৰদেশ চৰকাৰৰ কেবিনেট মন্ত্ৰী হিচাপে শপত গ্ৰহণ কৰিছিল।

কৰ্মজীৱন

১৯৮৫ চনৰ পৰা ১৯৯২ চনলৈ মধ্যপ্ৰদেশৰ ভাৰতীয় যুৱ কংগ্ৰেছৰ সাধাৰণ সম্পাদকৰ দায়িত্বত থকা সাধোৱে ১৯৮৫ চনৰ পৰা ১৯৮৯ চনলৈ মধ্যপ্ৰদেশ বিধানসভাৰ সদস্য হিচাপে কাৰ্যনিৰ্বাহ কৰিছিল। তেওঁ ৰাজহুৱা হিচাপ সমিতি, মহিলা আৰু শিশু কল্যাণ সমিতি আৰু অনুসূচিত জাতি, অনুসূচিত জনজাতি আৰু অন্যান্য পিছপৰা শ্ৰেণীৰ কল্যাণ সমিতিৰ সদস্য হিচাপে কাৰ্যনিৰ্বাহ কৰিছে। ১৯৮৯ চনৰ পৰা ১৯৯০ চনলৈ সংসদীয় সচিব হিচাপে কাৰ্যনিৰ্বাহ কৰিছিল। মধ্যপ্ৰদেশ চৰকাৰৰ জনস্বাস্থ্য আৰু পৰিয়াল কল্যাণ বিভাগ আৰু কাৰাগাৰ বিভাগৰ সদস্য আছিল।

২০১০ চনৰ এপ্ৰিল মাহত তেওঁ ৰাজ্যসভালৈ নিৰ্বাচিত হয়। তেওঁ স্বাস্থ্য আৰু পৰিয়াল কল্যাণ সমিতি, নিৰ্যাতন প্ৰতিৰোধ বিধেয়কৰ নিৰ্বাচন কমিটি, গ্ৰাম্য উন্নয়ন মন্ত্ৰালয়ৰ পৰামৰ্শদাতা সমিতি, স্বাস্থ্য আৰু পৰিয়াল কল্যাণ সমিতি আৰু কেন্দ্ৰীয় তত্বাৱধায়ক ব'ৰ্ডৰ সদস্য হিচাপে কাৰ্যনিৰ্বাহ কৰিছে।