বোঝেনা সে বোঝেনা
| বোঝেনা সে বোঝেনা | |
|---|---|
 চিত্ৰগৃহত মুক্তিৰ পোষ্টাৰ | |
| পৰিচালক | ৰাজ চক্ৰৱৰ্তী |
| ৰচনা | এম. সৰৱনন |
| ভিত্তি | এংগেয়ুম এপ্পʼধম লেখক: এম. সৰৱনন |
| প্ৰযোজক | শ্ৰীকান্ত মোহতা মহেন্দ্ৰ সোনী |
| অভিনয়ত | সোহম চক্ৰৱৰ্তী মিমি চক্ৰৱৰ্তী আবীৰ চেটাৰ্জী পায়েল সৰকাৰ |
| চিত্ৰগ্ৰহণকাৰী | শুভংকৰ ভৰ |
| সম্পাদনা | বোধাদিত্য বেনাৰ্জী |
| সংগীত পৰিচালক | ইন্দ্ৰদীপ দাসগুপ্ত, অৰিন্দম চেটাৰ্জী |
প্ৰযোজনা কোম্পানী |
|
মুক্তি |
২৮ ডিচেম্বৰ ২০১২ |
দৈৰ্ঘ্য |
১৪৫ মিনিট |
| দেশ | ভাৰত |
| ভাষা | বঙালী |
বোঝেনা সে বোঝেনা (ইংৰাজী: Bojhena Shey Bojhena) হʼল ২০১২ চনত মুক্তিপ্ৰাপ্ত, ৰাজ চক্ৰৱৰ্তীৰদ্বাৰা পৰিচালিত, ভাৰতীয় বঙালী প্ৰেমজনিত নাট্য চলচ্চিত্ৰ। ছবিখন শ্ৰী ভেংকটেশ ফিল্মছৰ বেনাৰত প্ৰযোজিত হৈছিল। চলচ্চিত্ৰখন দুটা সমান্তৰাল প্ৰেমৰ কাহিনীৰ আধাৰত নিৰ্মিত হৈছে। প্ৰথম কাহিনীটোত এটি আন্তঃধৰ্মীয় প্ৰেম কাহিনীৰ চিত্ৰণ কৰা হৈছে; যʼত সোহম চক্ৰৱৰ্তী আৰু মিমি চক্ৰৱৰ্তীয়ে চৰিত্ৰত অভিনয় কৰিছে আৰু দ্বিতীয় কাহিনীটোত আবিৰ চেটাৰ্জী আৰু পায়েল সৰকাৰে অভিনয় কৰিছে।[1][2]
প্ৰথমে এই ছবিখনৰ নাম আছিল প্ৰেম আমাৰ ২। ইয়াক ২০০৯ চনৰ প্ৰেম আমাৰ নামৰ ছবিখনৰ এটি আধ্যাত্মিক চিকুৱেল হিচাপে নিৰ্মাণ কৰাৰ কথা আছিল। কিন্তু অৱশেষত দুটা নতুন চৰিত্ৰ আৰু ভিন্ন কাহিনীৰ বাবে পৰিচালকে নামটো সলনি কৰে। ছবিখনৰ সঙ্গীত পৰিচালনা কৰিছিল নৱাগত অৰিন্দম চেটাৰ্জী আৰু ইন্দ্ৰদীপ দাশগুপ্তই।[3] ২০১২ চনৰ ৮ ডিচেম্বৰ তাৰিখে থিয়েট্ৰিকেল ট্ৰেইলাৰখন উন্মোচিত হৈছিল। ই ২০১১ চনৰ তামিল ছবি এংগেয়ুম এপ্পʼধমৰ পুনৰ্নিমাণ।[4] ছবিখন বাণিজ্যিকভাবে সফল হয়।[5][6]
কাহিনী
[সম্পাদনা কৰক]চিনেমাখনৰ আৰম্ভণি হয় এক দুৰ্ঘটনাৰপৰা। তাৰ পিছত কেইবামাহো আগৰ কথাবোৰ জিলিকি উঠে যেতিয়া বালুৰঘাট চহৰৰ শিক্ষিত আৰু ধুনীয়া যুৱতী জয়ীতাই নিজৰ কামৰ বাবে সাক্ষাৎকাৰ দিবলৈ কলকাতালৈ আহে। চহৰখন ঘূৰি ফুৰাত সহায়কাৰী তাইৰ ভনীয়েক শহুৰেকৰ ষ্ট্ৰোকৰ বাবে আহিব নোৱাৰিলে। তাই অভিক নামৰ এজন অচিনাকি ল’ৰাৰপৰা সহায় লয় যিয়ে তাইক সহায় কৰাৰ উদ্দেশ্যে নিজৰ চাকৰিটো বাংক কৰে যদিও শেষত গোটেই দিনটো তাইৰ লগত কটায়। পাছদিনা জয়ীতাই নিজৰ গাঁৱলৈ উভতি আহে আৰু অতি সোনকালেই অভিকৰ প্ৰতি থকা প্ৰেমৰ কথা উপলব্ধি কৰে। ইফালে চহৰত অভিকেও একেখিনি কথা উপলব্ধি কৰি তাইক লগ ধৰিবলৈ বালুৰঘাটলৈ যোৱাৰ পৰিকল্পনা কৰিবলৈ আৰম্ভ কৰে।
তাৰ পিছত এটা সমান্তৰাল কাহিনী সংঘটিত হয় যʼত মুৰ্ছিদাবাদ গাঁৱৰ এজন দুখীয়া লʼৰা নূৰ ইছলামে উপযুক্ত কাম বিচাৰি মালদালৈ আহে। ৰিয়া নামৰ শিক্ষিত নাৰ্ছ এগৰাকীৰ মোহনীয় সৌন্দৰ্য্য আৰু ৰূপ-লাৱণ্যত মোহাচ্ছন্ন হৈ পৰে। ৰিয়া হঠাতে নূৰৰ ওচৰ-চুবুৰীয়া আৰু যোৱা ছমাহ ধৰি সি প্ৰতিদিনে পুৱা তাইক চাই থাকে। এদিন ৰিয়াই নুৰক লগ পায়। নূৰে তাইৰ প্ৰতি থকা মৰম প্ৰকাশ কৰে। ৰিয়া অৱশ্যে সাহসী আৰু স্বাধীন, তেওঁৰ প্ৰেমত সন্মতি দিয়ে আৰু নিৰ্দয়ভাৱে তেওঁক আজ্ঞা দিবলৈ আৰম্ভ কৰে। তাই তাক কেইবাটাও পৰীক্ষাৰ মাজেৰে পাৰ কৰে যেনে অংগদানৰ বাবে সন্মতি দিয়া, এইচ আই ভি পৰীক্ষা কৰা, তাইৰ পিতৃ আৰক্ষীৰ উপ-পৰিদৰ্শকৰ লগত কথা পতা, তাইৰ পূৰ্বৰ একপক্ষীয় প্ৰেমিকৰ সৈতে মিটিং ঠিক কৰা ইত্যাদি। তাই বিচাৰে যে তাই তাক যিমানখিনিৰ মাজেৰে পাৰ কৰিছে তাৰ ভিত্তিত সি সিদ্ধান্ত লওক যে সি তাইক বিয়া কৰাব বিচাৰে নেকি আৰু বাকী জীৱন তাইৰ লগত কটাব বিচাৰে নেকি। নূৰে সঁহাৰি জনায় আৰু দুয়োজনে পৰিয়ালৰ সন্মতি সাপেক্ষে ইজনে সিজনক নিঃচৰ্তভাৱে ভাল পাবলৈ বাঢ়ি যায়।
তাৰ পিছত কাহিনীটো বৰ্তমানলৈ জিলিকি উঠে য’ত নূৰে ৰিয়াক তেওঁৰ মাক-দেউতাকক লগ ধৰিবলৈ লৈ যায়। তেওঁলোকে একেখন বাছতে উঠে যিখনত অভিকেও উঠে যিয়ে জয়ীতাক লগ ধৰিবলৈ গৈছিল যদিও তেওঁ উভতি আহিছে কাৰণ তেওঁ তাইৰ ঠিকনা বিচাৰি নাপালে। তাৰ পিছত আন এখন বাছে কলকাতাৰপৰা বালুৰঘাটলৈ উভতি অহা জয়ীতাক দেখুৱাইছে, য’ত তাই পুনৰ অভিকক লগ ধৰিবলৈ গৈছিল। ইয়াৰ উপৰি ইয়াত এগৰাকী মাতৃ আৰু সন্তানৰ আভাস, ছোৱালীৰ হকী দল, নৱ বিবাহিত দম্পতী, ইজনে সিজনৰ প্ৰতি আকৰ্ষিত হোৱা কলেজীয়া ছাত্ৰ দুজন আৰু দুবাইৰপৰা প্ৰথমবাৰৰ বাবে পাঁচবছৰীয়া কন্যাক চাবলৈ উভতি অহা এজন লোকৰ আভাসও দেখা গৈছে। গন্তব্যস্থান পাবলৈ ওলোৱাৰ লগে লগে বাছবোৰৰ মুখা-মুখি সংঘৰ্ষ হয়, যাৰ ফলত এক ভয়াবহ দুৰ্ঘটনাৰ সৃষ্টি হয়। মানুহে সহায়ৰ বাবে লৰালৰি কৰে। শেষত নূৰৰ মূৰত গুৰুতৰভাৱে আঘাত পায় আৰু ৰিয়াই তেওঁক এৰি যোৱা এম্বুলেন্স এখনেৰে চিকিৎসালয়লৈ যাবলৈ বাধ্য কৰে। তাই নাৰ্ছ হিচাপে আনক সহায় কৰিবলৈ পিছলৈ থাকে, সেইটো তাইৰ কাম আছিল। অভিকেও আনক সহায় কৰিবলৈ আৰম্ভ কৰে। অৱশেষত তেওঁ জয়ীতাক আন এখন বাছত আহত হোৱা দেখা পায়। হস্পিতালত অভিকে তাইৰ বিছনাৰ কাষত জয়ীতাৰ আগত নিজৰ প্ৰেম স্বীকাৰ কৰে, আৰু তাই সচেতন হ’বলৈ সক্ষম হয়। ছবিখনৰ শেষত নূৰ আৰু জয়ীতাক মৃত অৱস্থাত দেখুওৱাৰ দৰে এটা কৰুণ অংশ। সামৰণিৰ দৃশ্যটোত দেখা গৈছে যে নূৰৰ মৃতদেহটো ৰিয়া আৰু তেওঁৰ শোকত ভাগি পৰা পিতৃ-মাতৃয়ে লৈ গৈছে আৰু অভিকে আই চি ইউৰ ভিতৰত মৃত জয়ীতাৰ হাতৰ তলুৱাত মৰমেৰে আদৰ কৰে মাথোঁ পিছত, শোকত চিকিৎসালয়ৰপৰা ওলাই যাবলৈ। দুৰ্ঘটনাস্থলীক দুৰ্ঘটনা প্ৰৱণ অঞ্চল হিচাপে ঘোষণা কৰা হৈছে, আৰু ছবিখনৰ শেষত পথ সুৰক্ষাৰ ওপৰত কম বাৰ্তা প্ৰেৰণ কৰা হৈছে। জীৱনে তেওঁৰ বাবে কি ৰাখিছে তাৰ আঁৰৰ কাৰণটো কেতিয়াও বুজিব নোৱাৰি। সেয়েহে নাম: ‘বোঝেনা সে বোঝেনা’।
অভিনয় শিল্পী
[সম্পাদনা কৰক]- নূৰ ইছলামৰ চৰিত্ৰত সোহম চক্ৰৱৰ্তী[7]
- ৰিয়া দত্তৰ চৰিত্ৰত মিমি চক্ৰৱৰ্তী
- অভিকৰ চৰিত্ৰত আবীৰ চেটাৰ্জী
- জয়ীতাৰ চৰিত্ৰত পায়েল সৰকাৰ
- প্ৰিয়ংকাৰ চৰিত্ৰত এনা সাহা
- গৌৰৱৰ চৰিত্ৰত দেবময় মুখাৰ্জী
- কেমিঅ’ চৰিত্ৰত ৰাজ চক্ৰৱৰ্তী
- টেক্সি যাত্ৰীৰ চৰিত্ৰত সঞ্চৰী মুখাৰ্জী
- নুৰৰ বছৰ চৰিত্ৰত আছিম ৰয় চৌধুৰী
- নুৰৰ মাকৰ চৰিত্ৰত ৰুমকি চেটাৰ্জী
- কালি দেৱীৰ ৰূপ লোৱা মানুহজনৰ চৰিত্ৰত প্ৰদীপ ধৰ
- সহ যাত্ৰীৰ চৰিত্ৰত জুধাজিৎ বেনাৰ্জী
- ডাক্টৰৰ চৰিত্ৰত চৈবাল বেনাৰ্জী
- জয়ীতাৰ বান্ধৱীৰ চৰিত্ৰত নয়না বন্দোপাধ্যায়
- নুৰৰ সহকৰ্মীৰ চৰিত্ৰত ধীমান ভট্টাচাৰ্য
- বাছৰ সহযাত্ৰীৰ চৰিত্ৰত কৌছিক ৰয়
- বাছৰ সহযাত্ৰীৰ চৰিত্ৰত সুষমিতা দে
- ৰিয়াৰ মাতৃৰ চৰিত্ৰত মধুমিতা চক্ৰৱৰ্তী
সংগীত
[সম্পাদনা কৰক]ছবিখনৰ মূল চাউণ্ডট্ৰেক অভিষেককাৰী অৰিন্দম চেটাৰ্জীয়ে ৰচনা কৰাৰ বিপৰীতে বেকগ্ৰাউণ্ড স্কোৰ আৰু টাইটেল ট্ৰেক ৰচনা কৰিছিল ইন্দ্ৰাদীপ দাসগুপ্তই, আৰু গীতৰ কথা লিখিছিল প্ৰসেনে।[8] প্ৰথমটো একক গীত, যাৰ নাম "না ৰে না" ২০১২ চনৰ ১ ডিচেম্বৰ তাৰিখে ইউটিউবত মুক্তি পাইছিল, যাৰ সঁহাৰি আছিল প্ৰবল – ভিডিঅ' ইউটিউবত আৰু অডিঅʼটো ভি মিউজিকত মুকলি কৰা হৈছিল। দুটা গীত ("না ৰে না" আৰু "ভগৱান") এংগেয়ুম এপ্পʼধম ছবিৰ মূল তামিল গীতৰপৰা অভিযোজিত কৰা হৈছিল।
গীতৰ তালিকা
[সম্পাদনা কৰক]| ক্ৰমিক নং | শিৰোনাম | সংগীতশিল্পী | কথা | সুৰ | সময় |
|---|---|---|---|---|---|
| ১ | বোঝেনা সে বোঝেনা | অৰিজিৎ সিং, ৰণঞ্জয় |
প্ৰসেন | ইন্দ্ৰদীপ দাশগুপ্ত | ৫:২৮ |
| ২ | ভগৱান | সোমলতা আচাৰ্য্য চৌধুৰী, তিমিৰ বিশ্বাস |
প্ৰসেন | অৰিন্দম চেটাৰ্জী | ৩:৪৭ |
| ৩ | কঠিন | এশ্ব কিং, সায়ানী ঘোষ |
প্ৰসেন | অৰিন্দম চেটাৰ্জী | ৪:৪১ |
| ৪ | সাজনা | প্ৰশমিতা পাল | প্ৰসেন | অৰিন্দম চেটাৰ্জী | ৫:২২ |
| ৫ | বোঝেনা সে বোঝেনা | অন্বেষা দত্ত গুপ্ত | প্ৰসেন | ইন্দ্ৰদীপ দাশগুপ্ত | ৫:২৮ |
| ৬ | সাজনা-ৰিপ্ৰাইজ | অৰিজিৎ সিং | প্ৰসেন | অৰিন্দম চেটাৰ্জী | ৩:১৮ |
| ৭ | না ৰে না | অৰিজিৎ সিং | প্ৰসেন | অৰিন্দম চেটাৰ্জী | ৪:৩১ |
তথ্য উৎস
[সম্পাদনা কৰক]- ↑ "Bojhena Se Bojhena - Bengali Movie". Bhalobasha. Archived from the original on 12 August 2014. https://web.archive.org/web/20140812212501/http://www.bhalobasa.in/articles/159738/Bojhena-Se-Bojhena--Bengali-Movie.
- ↑ "VF will screen 7 of its old Bengali hits at cinemas from December 2 to 8". The Telegraph. 29 November 2022. https://www.telegraphindia.com/entertainment/svf-will-screen-7-of-its-old-bengali-hits-at-cinemas-from-december-2-to-8/cid/1900893.
- ↑ "Bojhena Shey Bojhena Movie Review". The Times of India. http://timesofindia.indiatimes.com/entertainment/regional/bengali/movie-reviews/bojhena-shey-bojhena/movie-review/17856356.cms.
- ↑ "8 films that made Soham the 'Star of Bengali Remakes'". Times of India. 29 August 2018. https://timesofindia.indiatimes.com/entertainment/bengali/movies/photo-features/8-films-that-made-soham-the-star-of-bengali-remakes/photostory/64066592.cms.
- ↑ "First Bengali road movie turns big hit". Business Standard. 31 January 2013. https://www.business-standard.com/article/pti-stories/first-bengali-road-movie-turns-big-hit-113013100273_1.html.
- ↑ "VF will screen 7 of its old Bengali hits at cinemas from December 2 to 8". The Telegraph. 29 November 2022. https://www.telegraphindia.com/entertainment/svf-will-screen-7-of-its-old-bengali-hits-at-cinemas-from-december-2-to-8/cid/1900893.
- ↑ "Bojhena Shey Bojhena (2012) cast & crew". Gomolo. Archived from the original on 24 September 2015. https://web.archive.org/web/20150924045208/http://www.gomolo.com/bojhe-na-se-bojhe-na-movie-cast-crew/45113। আহৰণ কৰা হৈছে: 2015-08-26.
- ↑ "Arijit Singh's 5 most underrated songs that also deserve our love". Times of India. 15 December 2022. https://timesofindia.indiatimes.com/entertainment/bengali/music/arijit-singhs-5-most-underrated-songs/photostory/96253439.cms.
বাহ্যিক সংযোগ
[সম্পাদনা কৰক]বোঝেনা সে বোঝেনা সম্পৰ্কে ইণ্টাৰনেট মুভি ডাটাবেছত থকা তথ্য।