ব্ৰহ্মপুত্ৰ (গ্ৰন্থ)

ব্ৰহ্মপুত্ৰ
লেখক	যোগেন্দ্ৰনাথ শৰ্মা
প্ৰচ্ছদ শিল্পী	মনজিৎ ৰাজখোৱা
দেশ	ভাৰত
ভাষা	অসমীয়া
প্ৰকাশক	প্ৰকাশন শাখা, ডিব্ৰুগড় বিশ্ববিদ্যালয়
প্ৰকাশ	২੦১৮
পৃষ্ঠা সংখ্যা	১৯২
আই.এচ.বি.এন.	978-93-84819-13-2

ব্ৰহ্মপুত্ৰ (২੦১৮, ইংৰাজী: Brahmaputra) হ’ল ব্ৰহ্মপুত্ৰ নদীৰ বিষয়ে অসমীয়া ভাষাত যোগেন্দ্ৰনাথ শৰ্মাই ৰচনা কৰা এখন গ্ৰন্থ৷ গ্ৰন্থখন ২੦১৮ চনত ডিব্ৰুগড় বিশ্ববিদ্যালয়ৰ প্ৰকাশন শাখাই ‘জ্ঞান-বিচিত্ৰা গ্ৰন্থমালা’ৰ অধীনত প্ৰকাশ কৰে৷

বিষয়বস্তু

ব্ৰহ্মপুত্ৰ পৃথিৱীৰ এখন অন্যতম বৃহৎ নদী৷ তিব্বত, চীন আৰু ভাৰত এই তিনিখন দেশ ব্যাপী থকা ই এখন আন্তৰ্জাতিক নদী৷ ই অসমৰ জনজীৱনৰ বাবে আয়ুসৰেখা স্বৰূপ৷ ব্ৰহ্মপুত্ৰ গ্ৰন্থখনত লেখকে ব্ৰহ্মপুত্ৰৰ বৈশিষ্ট্য, গতিপথ, নদীপ্ৰণালী, ইয়াৰ উপনৈসমূহ, ভূতত্ত্ব, ভূ-আকৃতি, ব্ৰহ্মপুত্ৰ অৱবাহিকাৰ জলবায়ু, বান আৰু গৰাখহনীয়া, নদীপথ আৰু পৰিবহণ আদি বিভিন্ন দিশ সামৰি লৈছে৷ গ্ৰন্থখনত মুঠ বাৰটা অধ্যায় আছে৷

লেখকৰ পৰিচয়

লেখক যোগেন্দ্ৰনাথ শৰ্মা এগৰাকী ভূতত্ত্ববিদ আৰু লোকবোধ্য বিজ্ঞানলেখক৷ অসমত নদীৰ বিজ্ঞানসন্মত অধ্যয়নৰ ক্ষেত্ৰখনত তেওঁ এটি সুপৰিচিত নাম৷