মঞ্জু গোৱেল
মঞ্জু গোৱেল Manju Goel | |
|---|---|
 | |
| দিল্লীৰ উচ্চ ন্যায়ালয়ৰ ন্যায়াধীশ | |
| কাৰ্যকাল ২০০৪ – ২০০৭ | |
| ব্যক্তিগত তথ্য | |
| জন্ম | ০৩ জানুৱাৰী, ১৯৪৫ কলিকতা, পশ্চিম বংগ |
| শিক্ষানুষ্ঠান | কলিকতা বিশ্ববিদ্যালয় |
ন্যায়াধীশ মঞ্জু গোৱেল (ইংৰাজী: Manju Goel, জন্ম ১৯৪৫) দিল্লীৰ উচ্চ ন্যায়ালয়ৰ প্ৰাক্তন ন্যায়াধীশ। ১৯৭০ চনৰ এপ্ৰিল মাহত তেওঁ পশ্চিম বংগৰ অসামৰিক সেৱা (ন্যায়িক)ত যোগদান কৰা প্ৰথম মহিলা হিচাপে পৰিগণিত হয়।[1]
প্ৰাথমিক জীৱন আৰু শিক্ষা
[সম্পাদনা কৰক]তেওঁ প্ৰয়াত শ্ৰী হাজৰি লাল আৰু প্ৰয়াত শ্ৰীমতী ৰাজ কুমাৰীৰ কন্যা। তেওঁ কলিকতা বিশ্ববিদ্যালয়ৰ পৰা এল এল বি সম্পূৰ্ণ কৰিছিল। কলিকতা বিশ্ববিদ্যালয়ৰ পৰা অৰ্থনীতিত স্নাতকোত্তৰ ডিগ্ৰী লাভ কৰা মঞ্জু গোৱেলে ১৯৬৭ চনৰ পৰা ১৯৭০ চনলৈকে স্নাতক শ্ৰেণী আৰু শিক্ষক প্ৰশিক্ষণৰ অৰ্থনীতিৰ প্ৰবক্তা হিচাপে কাৰ্যনিৰ্বাহ কৰিছিল।
কৰ্মজীৱন
[সম্পাদনা কৰক]১৯৭০ চনৰ এপ্ৰিল মাহত পশ্চিম বংগ অসামৰিক সেৱা (জুডিচিয়েল), (বৰ্তমান পশ্চিম বংগ ন্যায়িক সেৱা)ত তেওঁ যোগদান কৰে।তাৰ পিছত তেওঁ দিল্লী ন্যায়িক সেৱাৰ জৰিয়তে যোগদান কৰে আৰু ১৯৭২ চনৰ মে' মাহত দিল্লী ন্যায়িক সেৱাত যোগদান কৰে।১৯৮৬ চনৰ জানুৱাৰী মাহত দিল্লী উচ্চ ন্যায়িক সেৱালৈ তেওঁ পদোন্নতি লাভ কৰে।
২০০৪ চনৰ ৫ জুলাইত দিল্লী উচ্চ ন্যায়ালয়ৰ অতিৰিক্ত ন্যায়াধীশ হিচাপে নিযুক্তি লাভ কৰা মঞ্জু গোৱেলে ২০০৭ চনৰ ৩ জানুৱাৰীত দিল্লীৰ উচ্চ ন্যায়ালয়ৰ পৰা ন্যায়াধীশ হিচাপে অৱসৰ গ্ৰহণ কৰে।
অৱসৰৰ পিছত ২০০৭ চনৰ ২৫ জানুৱাৰীত তেওঁক বিদ্যুতৰ আপীল ন্যায়াধিকৰণৰ ন্যায়িক সদস্য হিচাপে নিযুক্তি দিয়া হয়।[2]তেওঁ ব্ৰিটিছ কাউন্সিলৰ তত্বাৱধানত "লিংগ আৰু আইন"ৰ প্ৰশিক্ষণ লাভ কৰে। তেওঁ অসংখ্য আলোচনীত গৱেষণা পত্ৰ প্ৰকাশ কৰিছে আৰু ন্যায়িক বিষয়াসকলক প্ৰশিক্ষণ দিবলৈ ৰাষ্ট্ৰীয় ন্যায়িক একাডেমীয়ে প্ৰস্তুত কৰা পঠন সামগ্ৰীত নিয়মিতভাৱে অৰিহণা যোগাইছে।
তেওঁ ৰাষ্ট্ৰীয় ন্যায়িক একাডেমী, দিল্লী ন্যায়িক একাডেমী আৰু ভাৰতৰ বিভিন্ন ৰাজ্যিক ন্যায়িক একাডেমীত সম্পদ ব্যক্তি হিচাপে কাম কৰি আহিছে। ৰাষ্ট্ৰীয় আইনী সেৱা প্ৰাধিকৰণৰ কেন্দ্ৰীয় কৰ্তৃপক্ষৰ প্ৰাক্তন সদস্য হিচাপে বৰ্তমান তেওঁ আইনী সেৱাৰ উকীল, পেৰা আইনী স্বেচ্ছাসেৱক আৰু পৰীক্ষামূলক বিষয়াৰ বাবে প্ৰশিক্ষণ মডিউল প্ৰস্তুত কৰা সমিতিৰ অধ্যক্ষ।
তেওঁ এগৰাকী মধ্যস্থতাকাৰীও। তেওঁ দিল্লী আন্তঃৰাষ্ট্ৰীয় সালিসী কেন্দ্ৰৰ অন্যতম পেনেল আৰ্বিট্ৰেটৰ।[3] তেওঁ লণ্ডনৰ চেণ্টাৰ ফৰ ইফেক্টিভ ডিছপিউট ৰিজ’লিউচনৰ পেনেলৰ মুখ্য মধ্যস্থতাকাৰী। দিল্লীৰ ৰাষ্ট্ৰীয় আইন বিশ্ববিদ্যালয়ৰ কাৰ্যকৰী পৰিষদ আৰু যোধপুৰৰ ৰাষ্ট্ৰীয় আইন বিশ্ববিদ্যালয়ৰ একাডেমিক কাউন্সিলৰ সদস্য আৰু ডেৰাডুনৰ পেট্ৰলিয়াম আৰু শক্তি অধ্যয়ন বিশ্ববিদ্যালয়ৰ আইন বিদ্যালয়ৰ একাডেমিক পৰামৰ্শদাতা সমিতিৰ সদস্য।
তথ্যসূত্ৰ
[সম্পাদনা কৰক]- ↑ "Former Judges". High Court of Delhi. http://delhihighcourt.nic.in/formerjudges.asp?currentPage=5। আহৰণ কৰা হৈছে: 2017-02-27.
- ↑ "HON'BLE Ms. JUSTICE MANJU GOEL". Appellate Tribunal for Electricity. http://aptel.gov.in/members/manju.html। আহৰণ কৰা হৈছে: 2017-02-27.
- ↑ "DAC Panel of Arbitrators". Delhi International Arbitration Centre. Archived from the original on 2017-02-11. https://web.archive.org/web/20170211082133/http://www.dacdelhi.org/topics.aspx?mid=20। আহৰণ কৰা হৈছে: 2017-02-27.