মঞ্জু বংশাল
 | এই প্ৰবন্ধ বা অনুচ্ছেদ মঞ্জু বাঞ্চাল নামৰ প্ৰবন্ধৰ লগত একত্ৰিত কৰিবলৈ প্ৰস্তাৱ আগবঢ়োৱা হৈছে। (আলোচনা) |
| মঞ্জু বংশাল | |
|---|---|
| জন্ম | ১ ডিচেম্বৰ ১৯৫০ ডেৰাডুন, ভাৰত |
| জাতীয়তা | ভাৰতীয় |
| কৰ্মস্থান | ইনষ্টিটিউট অৱ বায়’ইনফৰ্মেটিক্স এণ্ড এপ্লাইড বায়’টেকন’লজি; IISc, বাংগালুৰু |
| শিক্ষানুষ্ঠান | অছমানিয়া বিশ্ববিদ্যালয়, হায়দৰাবাদ। |
| জনা যায় | আণৱিক জৈৱপদাৰ্থবিজ্ঞান, গাঁথনিগত আৰু গণনামূলক জীৱবিজ্ঞান। |
মঞ্জু বংশাল(ইংৰাজী: :Manju Bansal ,জন্ম ১ ডিচেম্বৰ ১৯৫০) আণৱিক জৈৱপদাৰ্থ বিজ্ঞানৰ ক্ষেত্ৰত বিশেষজ্ঞ। বৰ্তমান তেওঁ বাংগালুৰুৰ ভাৰতীয় বিজ্ঞান প্ৰতিষ্ঠানত মলিকুলাৰ বায়’ফিজিক্স ইউনিটৰ বাবে তাত্ত্বিক বায়’ফিজিক্স গ্ৰুপৰ অধ্যাপিকা। তেওঁ বাংগালুৰুৰ ইনষ্টিটিউট অৱ বায়'ইনফৰ্মেটিক্স এণ্ড এপ্লাইড বায়'টেকন'লজিৰ প্ৰতিষ্ঠাপক সঞ্চালিকা।[1][2]
শিক্ষা
[সম্পাদনা কৰক]বংশালে হায়দৰাবাদ আৰু ডেৰাডুনৰ পৰাই স্কুলীয়া শিক্ষা সাং কৰিছিল। কৈশোৰ অৱস্থাৰ পৰাই বিজ্ঞানৰ প্ৰতি যথেষ্ট আগ্ৰহ গঢ়ি উঠিছিল আৰু পিছলৈ হায়দৰাবাদৰ ওছমানিয়া বিশ্ববিদ্যালয়ৰ পৰা বি এছ চি আৰু এম এছ চি ডিগ্ৰী লাভ কৰিবলৈ সক্ষম হৈছিল। ১৯৭২ চনত তেওঁ ডক্টৰেট ডিগ্ৰীৰ বাবে বাংগালুৰুৰ ভাৰতীয় বিজ্ঞান প্ৰতিষ্ঠানৰ মলিকুলাৰ বায়’ফিজিক্স ইউনিটত যোগদান কৰে। তাত তেওঁ প্ৰসিদ্ধ জৈৱপদাৰ্থবিজ্ঞানী জি এন ৰামচন্দ্ৰনৰ তত্ত্বাৱধানত, আঁহযুক্ত প্ৰটিন কলাজেনৰ ট্ৰিপল হেলিকেল গঠনৰ তাত্ত্বিক মডেলিঙৰ ওপৰত কাম কৰাৰ সুযোগ পাইছিল। ১৯৭৭ চনত তেওঁ পি এইচ ডি লাভ কৰে।[2]
তাৰপিছত, ১৯৮১ চনলৈকে তেওঁ আই আই এছ চিত প’ষ্ট-ডক্টৰেল সদস্য হিচাপে বাওঁহাতৰ আৰু ডি এন এৰ অন্যান্য অস্বাভাৱিক গঠনসমূহৰৰ সম্পৰ্কে পোষ্ট ডক্টৰেট ফেলো হিচাপে গৱেষণা অব্যাহত ৰাখে। ইয়াৰ পিছত তেওঁ আলেক্সাণ্ডাৰ ভন হুমব'ল্ট ফেলো হিচাপে জাৰ্মানীৰ ইউৰোপীয় আণৱিক জীৱবিদ্যা প্ৰয়োগশালা (EMBL), হাইডেলবাৰ্গলৈ যায় আৰু ফিলামেণ্টাছ ফেজসমূহৰ গঠন সম্পৰ্কে এবছৰ গৱেষণা কৰিছিল।[2]
ফেল'শ্বিপ
[সম্পাদনা কৰক]বান্সালক ইএমবিএল ভিজিটিং ফেল’শ্বিপ আৰু এভিএইচ ফেল’শ্বিপ, জাৰ্মানী আৰু চিনিয়ৰ ফুলব্ৰাইট ফেল’শ্বিপ, আমেৰিকাৰ দ্বাৰা সন্মানিত কৰা হৈছে। ইয়াৰ উপৰাও তেওঁ আমেৰিকা যুক্তৰাষ্ট্ৰৰ ৰাটগাৰ্ছ বিশ্ববিদ্যালয়ৰ অতিথি অধ্যাপিকা আৰু আমেৰিকাৰ বেথেছডাৰ এন আই এইচত অতিথি পৰামৰ্শদাতা স্বৰূপে কৰ্মৰত আছিল।[2][3]
বঁটা আৰু সন্মান
[সম্পাদনা কৰক]১৯৭৯ চনত বংশালে INSA (Indian National Science Academy) ইয়ং ছায়েন্টিস্ট পদক লাভ কৰিছিল। ১৯৯৮ চনৰ পৰা তেওঁ ভাৰতীয় বিজ্ঞান একাডেমী IISc, বেংগালুৰু আৰু ৰাষ্ট্ৰীয় বিজ্ঞান একাডেমী প্ৰয়াগৰাজ, ভাৰতৰ ফেলো হিচাপে অন্তৰ্ভুক্ত হয়।[2]
তথ্য সূত্ৰ
[সম্পাদনা কৰক]- ↑ "Biography - Manju Bansal". http://nucleix.mbu.iisc.ernet.in/biography.htm। আহৰণ কৰা হৈছে: 15 March 2014.
- ↑ 2.0 2.1 2.2 2.3 2.4 "INSA - Manju Bansal". Archived from the original on 15 March 2014. https://web.archive.org/web/20140315100621/http://insaindia.org/detail.php?id=P09-1474। আহৰণ কৰা হৈছে: 15 March 2014.
- ↑ "Women in Science". ias.ac.in. http://www.ias.ac.in/womeninscience/LD_essays/45-47.pdf.