মহনাজ আফশ্বাৰ
| মহনাজ আফশ্বাৰ | |
|---|---|
 ২০১৮ বৰ্ষত আফশ্বাৰ | |
| স্থানীয় নাম | مهناز افشار |
| জন্ম | ১০ জুন, ১৯৭৭ (৪৯ বছৰ) তেহৰাণ, ইৰান |
| পেচা | অভিনেত্ৰী |
| সক্ৰিয় হৈ থকা সময় | ১৯৯৮–২০১৯ |
| দাম্পত্যসঙ্গী | মহম্মদ য়াচিন ৰামিন[1] (বি. ২০১৪; বিবি. ২০১৯) |
| সন্তান | ১ |
মহনাজ আফশ্বাৰ (ফাৰ্চী: مهناز افشار; জন্ম: ১০ জুন, ১৯৭৭) এগৰাকী ইৰানত জন্মগ্ৰহণ কৰা জাৰ্মান অভিনেত্ৰী। ১৯৯৮ চনত গোমশ্বোদেহ নামৰ দূৰদৰ্শন ধাৰাবাহিকৰ জৰিয়তে তেওঁ অভিনয় জীৱনৰ সূচনা কৰে আৰু তাৰ পিছৰ বছৰত দুস্তান নামৰ চলচ্চিত্ৰখনৰ জৰিয়তে চিনেমা জগতত প্ৰৱেশ কৰে। ২০১০ চনত চাদাত আবাদ নামৰ ছবিত কৰা অভিনয়ৰ বাবে তেওঁ ফাজৰ আন্তঃৰাষ্ট্ৰীয় চলচ্চিত্ৰ মহোৎসৱত শ্ৰেষ্ঠ সহ-অভিনেত্ৰীৰ ক্ৰিষ্টাল চিমৰ্ঘ বঁটা লাভ কৰে। দাৰ্কুব (২০১৭) আৰু গাছাম (২০১৮) নামৰ ছবি দুখনত আগবঢ়োৱা অনৱদ্য অভিনয়ৰ বাবে তেওঁ শ্ৰেষ্ঠ অভিনেত্ৰীৰ ক্ৰিষ্টাল চিমৰ্ঘ বঁটাৰ বাবে মনোনীত হৈছিল। বৰ্তমান তেওঁক ইৰানৰ পৰ্দাত অভিনয় কৰাৰ ক্ষেত্ৰত নিষেধাজ্ঞা আৰোপ কৰা হৈছে। তেওঁ ২০১৯ চনত ইৰান এৰি যায় আৰু বৰ্তমান জাৰ্মানীৰ নাগৰিকত্ব গ্ৰহণ কৰিছে।[2]
ব্যক্তিগত জীৱন
[সম্পাদনা কৰক]মহনাজ আফশ্বাৰৰ জন্ম ১৯৭৭ চনৰ ১১ জুনত ইৰানৰ তেহৰাণত এটা তাব্ৰিজী তুৰ্কী বংশোদ্ভৱ পৰিয়ালত হৈছিল। তেওঁ পৰীক্ষামূলক বিজ্ঞান শাখাত উচ্চতৰ মাধ্যমিকৰ ডিপ্লমা অৰ্জন কৰে আৰু এটা অলাভকাৰী প্ৰতিষ্ঠানত চাৰি বছৰ ধৰি চলচ্চিত্ৰ সম্পাদনাৰ অধ্যয়ন কৰে। পৰিয়ালৰ ধৰ্মীয় প্ৰৱণতাৰ বাবে তেওঁলোকে প্ৰথম অৱস্থাত মহনাজৰ অভিনয় কেৰিয়াৰৰ বিৰোধিতা কৰিছিল। তেওঁ হামিদ চামান্দাৰিয়ানৰ অধীনত অভিনয়ৰ প্ৰশিক্ষণ লৈছিল।[3]
২০১৪ চনৰ জুন মাহত আফশ্বাৰে মাহমুদ আহমাদিনেজাদৰ দ্বিতীয় ৰাষ্ট্ৰপতি কাৰ্যকালত সংস্কৃতি আৰু প্ৰেছ বিভাগৰ উপ-মন্ত্ৰী হিচাপে কাৰ্যনিৰ্বাহ কৰা মহম্মদ আলী ৰামিনৰ পুত্ৰ য়াচিন ৰামিনৰ সৈতে বিবাহপাশত আবদ্ধ হয়। তেওঁলোকৰ বিবাহৰ অনুষ্ঠান চৈয়দ মহম্মদ খাতামীয়ে সম্পন্ন কৰিছিল।[4][5] ২০১৫ চনৰ মে’ মাহত আফশ্বাৰ আৰু ৰামিনৰ লিয়ানা নামৰ এজনী কন্যা সন্তান জন্ম হয়।[6] ২০১৯ চনত এই দম্পতীৰ বিবাহ বিচ্ছেদ হয়।[7]
পেছাদাৰী কৰ্মজীৱন
[সম্পাদনা কৰক]অভিনয়
[সম্পাদনা কৰক]আফশ্বাৰে ১৯৯৮ চনত গোমশ্বোদেহ নামৰ দূৰদৰ্শন ধাৰাবাহিকৰ জৰিয়তে নিজৰ অভিনয় কেৰিয়াৰ আৰম্ভ কৰে আৰু একে বছৰতে আলী শ্বাহ-হাতামী পৰিচালিত দুস্তান ছবিৰ জৰিয়তে চলচ্চিত্ৰ জগতত খোজ পেলায়। ২০০০ চনত নাদেৰ মগাদ্দাছ পৰিচালিত শ্বুৰ-এ এশ্ন ছবিখনত অভিনয় কৰি তেওঁ দৰ্শকৰ দৃষ্টি আকৰ্ষণ কৰিবলৈ সক্ষম হয়। ইৰানী কণ্ঠশিল্পী তথা অভিনেত্ৰী গুগুশ্বৰ সৈতে থকা তেওঁৰ চেহেৰাৰ সাদৃশ্যই তেওঁৰ প্ৰাৰম্ভিক জনপ্ৰিয়তা আৰু সংবাদ মাধ্যমৰ মনোযোগ আকৰ্ষণ কৰাত বিশেষ অৰিহণা যোগাইছিল। ২০০০-ৰ দশকত আফশ্বাৰ ইৰানৰ বাণিজ্যিক চিনেমাৰ এগৰাকী প্ৰতিষ্ঠিত তাৰকা হৈ পৰে। এই দশকটোৰ শেষৰফালে তেওঁ বিভিন্ন ধাৰাৰ পৰিচালকৰ সৈতে কাম কৰি নিজৰ চৰিত্ৰসমূহ বৈচিত্ৰ্যপূৰ্ণ কৰিবলৈ চেষ্টা কৰে, যাৰ ফলত তেওঁ ঘৰুৱা চলচ্চিত্ৰ মহোৎসৱ আৰু সমালোচকৰপৰা কেইবাটাও বঁটা আৰু স্বীকৃতি লাভ কৰে। ২০১৪ চনত তেওঁ তাজিক চলচ্চিত্ৰ নিৰ্মাতা নাছেৰ ছায়ীদোভ পৰিচালিত মুৱাল্লেম ছবিত মুখ্য চৰিত্ৰত অভিনয় কৰিছিল।[8]
প্ৰযোজনা
[সম্পাদনা কৰক]২০১২ চনৰ নৱেম্বৰ মাহত আফশ্বাৰে আজাৰবাইজানৰ ভূমিকম্পৰ বলি হোৱা লোকসকলৰ সাহায্যৰ্থে মিলাদ টাৱাৰ কনভেনচন চেণ্টাৰত ৰুজবেহ নামাতোল্লাহীৰ এটা দাতব্য কনচাৰ্ট প্ৰযোজনা কৰিছিল। চলচ্চিত্ৰ নিৰ্মাতা, অভিনেতা আৰু ক্ৰীড়াবিদসকলে অংশগ্ৰহণ কৰা এই অনুষ্ঠানটোৰ নাম আছিল দাৰুগ। কনচাৰ্টত নামাতোল্লাহীয়ে এই ৱাতান, টোই নিয়াজাম, অগৰ য়ে ৰুজ বিয়াই চৰাঘাম, তাজহতৰিন জাখম-এ দেলম, বাজামাদেহ-আম, গোল-এ ইয়াচ, নফচ কেশ্বিদান চাখতেহ, খালিজ-ই ফাৰ্ছ আৰু খাক-এ ৱাতানমকে ধৰি কেইবাটাও গীত পৰিৱেশন কৰিছিল।[9][10]
ৰিয়েলিটী শ্ব’ৰ বিচাৰক
[সম্পাদনা কৰক]২০১৯ চনত আফশ্বাৰে টেলিভিছনৰ প্ৰতিভা অন্বেষণকাৰী অনুষ্ঠান পাৰ্চিয়াছ গট টেলেণ্টত এগৰাকী বিচাৰক হিচাপে কাৰ্যনিৰ্বাহ কৰিছিল, যিয়ে ছচিয়েল মিডিয়াত বিভিন্ন প্ৰতিক্ৰিয়া আৰু চৰ্চাৰ সৃষ্টি কৰিছিল।[11]
আইনী সমস্যা
[সম্পাদনা কৰক]দ্য গাৰ্লছ অব ৰিভলিউচন ষ্ট্ৰীট প্ৰতিবাদক সমৰ্থন কৰা আৰু বাধ্যতামূলক হিজাব আইনৰ সমালোচনা কৰাৰ বাবে ইৰানত মহনাজ আফশ্বাৰে আইনী গোচৰৰ সন্মুখীন হৈছে। তেওঁৰ বিৰুদ্ধে দুৰ্নীতি আৰু অনৈতিকতাক প্ৰশ্ৰয় দিয়াৰ অভিযোগ উত্থাপন হৈছে। ইয়াৰ উপৰি য়াছামান আৰিয়ানী আৰু মহম্মদ আলী তাহেৰীৰ দৰে কাৰাবন্দীসকলৰ সমৰ্থনত মাত মতাৰ বাবে আৰু বাল্য-বিবাহৰ বিৰোধিতা কৰাৰ বাবে তেওঁ ইৰানৰ ৰক্ষণশীলসকলৰ তীব্ৰ সমালোচনাৰ বলি হৈছে। ৰাষ্ট্ৰৰ বিৰুদ্ধে মিছা তথ্য আৰু অপপ্ৰচাৰ চলোৱাৰ অভিযোগকে ধৰি কেইবাটাও আইনী গোচৰ বৰ্তমানো তেۆঁৰ নামত চলি আছে।[2]
২০২৬ চনৰ ২ ফেব্ৰুৱাৰীত আফশ্বাৰে ২০২৫-২০২৬ চনৰ ইৰানৰ প্ৰতিবাদ চৰকাৰে দমন কৰা কাৰ্যৰ বিৰোধিতা কৰি ফাজৰ চলচ্চিত্ৰ মহোৎসৱ বৰ্জন কৰে।[12]
তথ্যসূত্ৰ
[সম্পাদনা কৰক]- ↑ AlMahnaz AlAfshar and her mother in law, father in law and daughter
- 1 2 "طلبه مازندرانی شکایتش از مهناز افشار را پس میگیرد" (fa ভাষাত). BBC News فارسی. https://www.bbc.com/persian/institutional-52953424.
- ↑ آفتاب. "خاطره مهنازافشار از پس گردنی استاد سمندریان" (fa-IR ভাষাত). آفتاب. Archived from the original on 2016-07-18. https://web.archive.org/web/20160718075347/http://aftabnews.ir/vdcf0jdymw6dv0a.igiw.html। আহৰণ কৰা হৈছে: 2025-07-12.
- ↑ "سیدمحمد خاتمی صیغه عقد مهناز افشار را خواند". www.isna.ir. https://www.isna.ir/news/93032111634/%D8%B3%DB%8C%D8%AF%D9%85%D8%AD%D9%85%D8%AF-%D8%AE%D8%A7%D8%AA%D9%85%DB%8C-%D8%B5%DB%8C%D8%BA%D9%87-%D8%B9%D9%82%D8%AF-%D9%85%D9%87%D9%86%D8%A7%D8%B2-%D8%A7%D9%81%D8%B4%D8%A7%D8%B1-%D8%B1%D8%A7-%D8%AE%D9%88%D8%A7%D9%86%D8%AF। আহৰণ কৰা হৈছে: 2025-07-12.
- ↑ "پاسخ «مهناز افشار» به شایعات درباره مهریهاش". sima.jamejamonline.ir. Archived from the original on 2015-03-17. https://web.archive.org/web/20150317093810/http://sima.jamejamonline.ir/NewsPreview/1868477156469511316। আহৰণ কৰা হৈছে: 2025-07-12.
- ↑ "About Me | Mahnaz Afshar Official Website" (en-US ভাষাত). Mahnaz Afshar. Archived from the original on 2019-07-10. https://web.archive.org/web/20190710010909/http://mahnazafshar.info/about-me/.
- ↑ TABNAK, تابناک | (2019-10-02). "مهناز افشار از همسرش طلاق گرفت" (fa ভাষাত). fa. https://tabnak.ir। আহৰণ কৰা হৈছে: 2025-07-12.
- ↑ "مهناز افشار در فیلم تازه ناصر سعیداف نقش اجرا میکند" (fa-IR ভাষাত). BBC Persian. http://www.bbc.com/persian/world/2014/06/140612_rm_zkh_culture_cinema_iran_film.shtml.
- ↑ "(تصاویر) کنسرت«روزبه» به تهیه کنندگی مهناز افشار" (fa ভাষাত). Fararu | فرارو. 2025-07-12. https://fararu.com। আহৰণ কৰা হৈছে: 2025-07-12.
- ↑ "پایگاه خبری تحلیلی اعتدال - پرچهرهترین کنسرت این روزها به تهیهکنندگی مهناز افشار". etedaal.ir. Archived from the original on 2015-04-02. https://web.archive.org/web/20150402162141/http://etedaal.ir/fa/news/40998। আহৰণ কৰা হৈছে: 2025-07-12.
- ↑ "مهناز افشار داور برنامه استعدادیابی Persias Got Talent شد" (fa-IR ভাষাত). سلام سینما. Archived from the original on 2025-07-19. https://web.archive.org/web/20250719091305/https://salamcinama.ir/। আহৰণ কৰা হৈছে: 2025-07-12.
- ↑ https://www.afkarnews.com/بخش-سیاسی-3/1367233-چرا-تحریم-جشنواره-فجر-شکست-خورد
বাহ্যিক সংযোগ
[সম্পাদনা কৰক] |
ৱিকিমিডিয়া কমন্সত মহনাজ আফশ্বাৰ সম্পৰ্কীয় মিডিয়া ফাইল আছে। |
- Official website
- ইনষ্টাগ্ৰামত মহনাজ আফশ্বাৰ
- মহনাজ আফশ্বাৰ সম্পৰ্কে ইণ্টাৰনেট মুভি ডাটাবেছত থকা তথ্য।
