মহৎ ঐতিহ্য

মহৎ ঐতিহ্য
লেখক	নলিনীধৰ ভট্টাচাৰ্য
প্ৰচ্ছদ শিল্পী	সুব্ৰত চৌধুৰী
দেশ	ভাৰত
ভাষা	অসমীয়া
বিষয়	বিশ্বসাহিত্য
প্ৰকাৰ	সাহিত্য সমালোচনা
প্ৰকাশক	ষ্টুডেণ্টচ ষ্ট’ৰচ
প্ৰকাশ	জানুৱাৰী, ১৯৯৯
মিডিয়া প্ৰকাৰ	ছপা (পকাবন্ধা)
পৃষ্ঠা সংখ্যা	১২২
আই.এচ.বি.এন.	81-7665-009-9।

মহৎ ঐতিহ্য (ইংৰাজী: Mahat Oitijya) এখন সাহিত্য সমালোচনামূলক প্ৰবন্ধৰ সংকলন। গ্ৰন্থখনৰ লেখক হ’ল কবি, সমালোচক নলিনীধৰ ভট্টাচাৰ্য। গ্ৰন্থখনে ২০০২ চনত সমালোচনা শিতানত সাহিত্য অকাদেমি বঁটা লাভ কৰে।

বিষয়বস্তু

গ্ৰন্থখনত মুঠ এঘাৰটা প্ৰবন্ধ সন্নিৱিষ্ট হৈছে। লেখকে 'মোৰ একেষাৰ' শীৰ্ষক ভূমিকাখনত কোৱা অনুসৰি প্ৰবন্ধসমূহত বিশ্বসাহিত্যৰ শিৰোমণি স্বৰূপ কেইজনমান লেখকৰ শ্ৰেষ্ঠ ৰচনাসমূহৰ আভাস দিয়াৰ প্ৰয়াস কৰিছে। অন্তৰ্ভুক্ত হোৱা প্ৰবন্ধকেইটা হ’ল: ‘আত্মিক যাত্ৰাৰ কাব্য : ডিভাইন কমেডি’; ‘গ্ৰীক নাটকৰ চৰিত্ৰ’; ‘শ্বেক্সপিয়েৰৰ নাট আৰু সমাজ-চিন্তা’; ‘টলষ্টয়বাদ আৰু টলষ্টয়ৰ উপন্যাস’; ‘ফাউষ্ট : আধুনিক জীৱনৰ ইলিয়াড’; ‘পাশ্চাত্যৰ প্ৰথম কমেডি : দি ফ্ৰগছ’; ‘কবি এলিয়টৰ সমাজবোধ’; ‘ৰবীন্দ্ৰনাথ আৰু জাতীয়তাবাদ’; ‘চুটিগল্পত ঐতিহ্য-জিজ্ঞাসা আৰু উত্তৰণশীল চেতনা’; ‘সাহিত্যকলা আৰু আত্ম-পৰিচয়ৰ সমস্যা’ আৰু ‘উপন্যাস আৰু জনজীৱন’। গ্ৰন্থখনত ওপৰঞ্চি হিচাপেও এটা প্ৰবন্ধ সন্নিৱিষ্ট হৈছে। সেইটো হ’ল ‘গেটেৰ ‘ফাউষ্ট’ৰ অসমীয়া অনুবাদ’।

প্ৰকাশৰ ইতিহাস

গ্ৰন্থখন প্ৰথম প্ৰকাশ পায় ১৯৯৯ চনৰ জানুৱাৰী মাহত। প্ৰকাশ কৰে গুৱাহাটীৰ ষ্টুডেণ্টচ ষ্ট’ৰচে।