মাছৌদ কিমিয়াই

মাছৌদ কিমিয়াই
স্থানীয় নাম	مسعود کیمیایی
জন্ম	মাছৌদ কিমিয়াই ২৯ জুলাই ১৯৪১ তেহৰাণ, ইৰান
পেচা	চলচ্চিত্ৰ পৰিচালক, চিত্ৰনাট্যকাৰ
সক্ৰিয় হৈ থকা সময়	১৯৬৮–বৰ্তমান
দাম্পত্যসঙ্গী	গিটি পাশায়ী (বিবাহ ১৯৬৯; বিচ্ছেদ ১৯৯১) গুগুশ (বিবাহ ১৯৯১; বিচ্ছেদ ২০০৩)
সন্তান	গিল্ডা কিমিয়াই আৰু পুলাদ কিমিয়াই

মাছৌদ কিমিয়াই (ফাৰ্চী: مسعود کیمیایی; জন্ম ২৯ জুলাই ১৯৪১) হৈছে এজন ইৰানী চলচ্চিত্ৰ পৰিচালক, চিত্ৰনাট্যকাৰ আৰু প্ৰযোজক।

জীৱনী

চলচ্চিত্ৰ বা নাট্যশাস্ত্ৰৰ কোনো আনুষ্ঠানিক শৈক্ষিক প্ৰশিক্ষণ অবিহনে, আৰু কেৱল মাত্ৰ কেইবছৰমান সহকাৰী পৰিচালক হিচাপে কাম কৰাৰ অভিজ্ঞতাৰেই কিমিয়াই ইৰানী চলচ্চিত্ৰ জগতৰ এক ঐতিহাসিক ব্যক্তিত্বত পৰিণত হৈছিল। তেওঁ চিনেমা চাই চাই চলচ্চিত্ৰ নিৰ্মাণ শিকিছিল আৰু চলচ্চিত্ৰ জগতৰ সৈতে তেওঁৰ সম্পৰ্ক প্ৰাৰম্ভিক দিনৰেপৰা গঢ়ি উঠিছিল।

কিমিয়াই প্ৰথমতে এজন সহকাৰী পৰিচালক হিচাপে নিজৰ ক্ৰীড়া জীৱন আৰম্ভ কৰিছিল আৰু ১৯৬৮ চনত কাম ষ্ট্ৰেঞ্জাৰ নামৰ চলচ্চিত্ৰখনেৰে পৰিচালক হিচাপে আত্মপ্ৰকাশ কৰিছিল। তেওঁৰ দ্বিতীয়খন চলচ্চিত্ৰ কৈছৰ (১৯৬৯) আৰু দাৰিউশ্ব মেহৰজুয়ীৰ দ্য কাউ নামৰ চলচ্চিত্ৰখনে ইৰানী চলচ্চিত্ৰ উদ্যোগত এক ঐতিহাসিক পৰিৱৰ্তন আনিছিল। এই চলচ্চিত্ৰ দুখনক "ইৰানী নতুন ঢৌ"ৰ প্ৰথম চলচ্চিত্ৰ হিচাপে গণ্য কৰা হয়। কৈছৰ চিনেমাখনে বক্স অফিচত অভূতপূৰ্ব সফলতা লাভ কৰিছিল আৰু ইয়াৰ জৰিয়তে উদ্যোগটোত ইয়াৰ আগতে কেতিয়াও সুযোগ নোপোৱা তৰুণ তথা প্ৰতিভাৱান চলচ্চিত্ৰ নিৰ্মাতাসকলৰ বাবে এক নতুন পথ মুকলি হৈছিল।

তেওঁৰ চলচ্চিত্ৰসমূহৰ মূল বিষয়-বস্তু হৈছে সমাজৰ উপান্ত শ্ৰেণীৰ লোকসকল আৰু তেওঁৰ কাহিনীৰ নায়ক-বিৰোধী চৰিত্ৰসমূহ সাধাৰণতে কাহিনীৰ শেষত মৃত্যুমুখত পৰে। কেইবাবছৰ ধৰি বাণিজ্যিক চলচ্চিত্ৰৰ বহু পৰিচালকে তেওঁৰ কৈছৰ চিনেমাখনৰ শৈলী অনুকৰণ কৰিছিল, কিন্তু পৰৱৰ্তী সময়ত তেওঁ যুৱ প্ৰতি নায়কসকলৰ ওপৰত নিজৰ মনোযোগ কেন্দ্ৰীভূত কৰে। তেওঁ সাধাৰণতে নিজেই চিত্ৰনাট্যসমূহ লিখে আৰু ইয়াত পৰম্পৰাগত জনসাধাৰণৰ উপভাষাৰ ওপৰত আধাৰিত কথিত ভাষা ব্যৱহাৰ কৰে, যিয়ে ইৰানীয়াসকলৰ মাজত সমাদৰ লাভ কৰাৰ লগতে ইয়াৰ অবাস্তৱ প্ৰকৃতিৰ বাবে সমালোচনাৰো সন্মুখীন হৈছে।

১৯৯১ চনত ৪১সংখ্যক বাৰ্লিন আন্তঃৰাষ্ট্ৰীয় চলচ্চিত্ৰ মহোৎসৱত তেওঁৰ স্নেক ফেং চলচ্চিত্ৰখনৰ বাবে তেওঁক সন্মানীয় বঁটা প্ৰদান কৰা হয়। এয়া তেওঁৰ একমাত্ৰ আন্তঃৰাষ্ট্ৰীয় বঁটা নাছিল। ১৯৭৯ চনত কায়ৰো আন্তঃৰাষ্ট্ৰীয় চলচ্চিত্ৰ মহোৎসৱত তেওঁ নিজৰ দ্য জাৰ্নি অৱ দ্য ষ্টোন নামৰ চলচ্চিত্ৰখনৰ বাবে ইণ্টাৰনেশ্যনেল কেথলিক অৰ্গেনাইজেশ্যন ফৰ চিনেমাৰপৰা অচিইচি বঁটা লাভ কৰিছিল। আন্তঃৰাষ্ট্ৰীয় জুৰীয়ে এই চলচ্চিত্ৰখনক এই বঁটা প্ৰদান কৰিছিল কাৰণ দ্য জাৰ্নি অৱ দ্য ষ্টোন চলচ্চিত্ৰখনে মানুহৰদ্বাৰা মানুহক কৰা শোষণৰ বিৰোধিতা কৰিছিল আৰু এখন অধিক ন্যায়সংগত সামাজিক ব্যৱস্থাৰ আহ্বান জনাইছিল।

তেওঁ তিনিবাৰকৈ বিবাহ পাশত আবদ্ধ হৈছে। তেওঁ ইৰানৰ প্ৰয়াত পপ গায়িকা গিটি পাশায়ীৰ সৈতে ১৯৯১ চনলৈকে দাম্পত্য জীৱন অতিবাহিত কৰিছিল আৰু তাৰ পিছত তেওঁ আন এগৰাকী ইৰানী পপ গায়িকা গুগুশক বিয়া কৰায়।

বাহ্যিক সংযোগ

• Masud Kimiai সম্পৰ্কে ইণ্টাৰনেট মুভি ডাটাবেছত থকা তথ্য।