মাডিছন বীয়াৰ

মাডিছন বীয়াৰ
বীয়াৰ, ২০২৪ চনত
জন্ম	মাডিছন এল বীয়াৰ ৫ মাৰ্চ, ১৯৯৯ (২৭ বছৰ) জেৰিকো, নিউয়ৰ্ক, যুক্তৰাষ্ট্ৰ
পেচা	গায়িকা গীতিকাৰ
সক্ৰিয় হৈ থকা সময়	২০১২–বৰ্তমান
'সঙ্গীত যাত্ৰা'
সংগীতৰ ধৰণ	পপ ইডিএম আৰ এণ্ড বি
লেবেল	আইলেণ্ড ফাৰ্ষ্ট এক্সেছ এপিক ছিং ইট লাউড AWAL
সদস্য হিচাপে	K/DA
ৱেবছাইট	madisonbeer.com
স্বাক্ষৰ

মাডিছন এল বীয়াৰ (জন্ম ৫ মাৰ্চ, ১৯৯৯) এগৰাকী আমেৰিকান গায়িকা আৰু গীতিকাৰ। কানাডীয় গায়ক জাষ্টিন বিবাৰে তেওঁৰ "এট লিষ্ট" গীতৰ কভাৰ লিংক শ্বেয়াৰ কৰাৰ পিছত তেওঁ প্ৰথমে গণমাধ্যমৰ দৃষ্টি আকৰ্ষণ কৰে। ২০১৮ চনত তেওঁ নিজৰ প্ৰথম এক্সটেণ্ডেড প্লে (EP) এচ সী প্লিচেচ প্ৰকাশ কৰে।

এপিক ৰেকৰ্ডছৰ সৈতে চুক্তিবদ্ধ হোৱাৰ পিছত বীয়াৰে নিজৰ প্ৰথম ষ্টুডিঅ' এলবাম লাইফ চাপৰ্ট (২০২১) মুকলি কৰে। এই এলবামত অন্তৰ্ভুক্ত "ছেলফিচ" গীতটোৱে RIAA-ৰ প্লেটিনাম স্বীকৃতি লাভ কৰে। তাৰ পিছত তেওঁ দ্বিতীয় ষ্টুডিঅ' এলবাম ছাইলেঞ্চ বিটুইন ছংচ (২০২৩) প্ৰকাশ কৰে, যিয়ে ৬৬তম গ্ৰেমী বঁটাত শ্ৰেষ্ঠ ইমাৰ্ছিভ অডিঅ' এলবাম শাখাত মনোনয়ন লাভ কৰে। ২০২৬ চনত তেওঁৰ তৃতীয় ষ্টুডিঅ' এলবাম ল'কেট প্ৰকাশ পায়। ইয়াৰ "মেক ইউ মাইন" আৰু "বিটাৰছুইট" গীত দুটা সফল হয়। "মেক ইউ মাইন" গীতটোৱে ৬৭তম গ্ৰেমী বঁটাত শ্ৰেষ্ঠ ডান্স পপ ৰেকৰ্ডিং শাখাত মনোনয়ন লাভ কৰে, আৰু "বিটাৰছুইট" গীতটোৱে তেওঁক প্ৰথমবাৰৰ বাবে যুক্তৰাষ্ট্ৰৰ বিলবাৰ্ড বট ১০০ তালিকাত স্থান প্ৰদান কৰে।

নিজৰ একক কৰ্মৰ উপৰিও, বীয়াৰে লীগ অৱ লিজেণ্ডৰ ভাৰ্চুৱেল বেণ্ড K/DA-ত ইভেলিন চৰিত্ৰলৈ কণ্ঠদান কৰিছে। তেওঁ এই বেণ্ডৰ সৈতে "পপ/ষ্টাৰ্চ" (২০১৮) আৰু "ম'ৰ" (২০২০) গীত দুটা প্ৰকাশ কৰিছে। ইয়াৰ উপৰিও তেওঁ ট'ড্ৰিক (২০১৫) আৰু ৰু-পৌলচ ড্ৰাগ ৰেচ (২০২০) ধাৰাবাহিকত, লগতে লাউডাৰ দেন ৱাৰ্ডচ (২০১৩) চলচ্চিত্ৰত উপস্থিত হৈছিল।

প্ৰাৰম্ভিক জীৱন

মাডিছন এল বীয়াৰ নিউয়ৰ্ক ৰাজ্যৰ জেৰিকোৰ লং আইলেণ্ড অঞ্চলত জন্মগ্ৰহণ কৰে। তেওঁ ১৯৯৯ চনৰ ৫ মাৰ্চ তাৰিখে এটা ইহুদী পৰিয়ালত জন্ম গ্ৰহণ কৰে। তেওঁৰ পিতৃ ৰবাৰ্ট বীয়াৰ এজন ৰিয়েল ইষ্টেট ডেভেলপাৰ, আৰু মাতৃ ট্ৰেচি বীয়াৰে ইণ্টেৰিয়ৰ ডিজাইনাৰ হিচাপে কাম কৰিছিল যদিও পাছত মাডিছনৰ সংগীত জীৱন পৰিচালনাৰ বাবে সেই কাম এৰি দিয়ে। তেওঁৰ ৰাইডাৰ নামৰ এজন কনিষ্ঠ ভাতৃ আছে।

চাৰি বছৰ বয়সত এটা মডেলিং প্ৰতিযোগিতাত জয়ী হোৱাৰ পিছত তেওঁ চাইল্ড আলোচনীৰ মুখপাত্ৰত স্থান লাভ কৰে। প্ৰায় ছয় বা সাত বছৰ বয়সত তেওঁ এজন ঘনিষ্ঠ ব্যক্তিৰ দ্বাৰা যৌন নিপীড়নৰ সন্মুখীন হৈছিল। তেওঁৰ পিতৃ-মাতৃৰ বিবাহবিচ্ছেদ ঘটে যেতিয়া তেওঁ সাত বছৰীয়া আছিল। ২০১২ চনত তেওঁ নিজৰ বাট মিৎসভাহ উদযাপন কৰে।

শিল্পশৈলী আৰু প্ৰভাৱ

বীয়াৰে কৈছে যে তেওঁৰ সংগীত আৰু গীত ৰচনাত আৰ্কটিক মাংকিচ, লানা ডেল ৰে, ডাফ্ট পাংক, মেলানি মাৰ্টিনেজ, লেডি গাগা, আৰু আৰিয়ানা গ্ৰেণ্ডেৰ পৰা প্ৰেৰণা পাইছে। যেতিয়া তেওঁক সোধা হৈছিল যে তেওঁ গ্ৰাণ্ডেৰ পৰা প্ৰেৰণা পাইছিল নে, বীয়াৰে উত্তৰ দিলে, “মানে, আৰিয়ানা মোৰ কৰ্মজীৱনৰ বহু অংশত মোৰ আটাইতকৈ প্ৰিয় ব্যক্তিসকলৰ এজন আছিল, আৰু মোৰ কৰ্মজীৱন আৰম্ভ হোৱাৰ আগতেও, সেয়েহে নিশ্চিতভাৱে তেওঁ মোক বহুত প্ৰভাৱিত কৰিছে। ... কিন্তু, মোৰ আৰু তেওঁৰ মাজত প্ৰতিযোগিতাৰ দৰে এক ধৰণৰ কাহিনী সৃষ্টি কৰা হৈছে, যিটো মই ভাল নাপাওঁ। তেওঁ মোৰ আদৰ্শ আৰু মই তেওঁক অনুসৰণ কৰোঁ।”

বাহ্যিক সংযোগ

• আধিকাৰিক ৱেবছাইট
• মাডিছন বীয়াৰ সম্পৰ্কে ইণ্টাৰনেট মুভি ডাটাবেছত থকা তথ্য।